IG @donate612
「你撐612，我做行路撚」港島版圖活動已於21-Feb圓滿結束🥳👏🏻 總共為612人道救援基金籌得$19100 ，已由有心人直接捐款到基金戶口。係度我要好感激 港島外賣平台 西牛 @saingauhk 中仔 @canchungjai 東東餐 @dongdongchan852 發起今次活動同埋出錢出心出力，仲有黃金魔法卡 @gold_magic_card 嘅參與，真係萬分辛苦你地了🙇🏻‍♀️🙇🏻‍♂️

雖然最後籌得既善款未達目標 $24000 ，但係佢哋四個平台依然堅持行完40km，最後甚至環島行左一圈總共達54km。睇起上嚟54km只係一個數字，其實佢哋由朝早行全日到夜晚總共用咗超過10個鐘，當中仲經歷過迷路，真係一件好艱難嘅事，佢哋嘅意志力來自於被捕同在囚手足，行路嘅途中佢地一直念掛住話「對比起在囚手足，被自殺被消失嗰啲，我哋嘅辛苦算得係啲咩」因為佢哋深信每一步嘅力量都可以轉化成支援手足嘅付出。就算途中支撐唔住嘅仍然冇放棄搭車追趕進度，希望最後喺終點嘅時候大家都會相遇，正如我地要堅守信念，總有一日我地會成功達到終點，希望大家都可以受佢哋鼓勵keep住依份幹勁喺未來嘅日子繼續關注同埋支援手足。

如果錯過咗捐款嘅同路人仲想比支持同埋鼓勵佢哋，請直接光顧 四間良心企業🎗
#撐612 #行路撚 #港島 #良心經濟圈 #課金 #金魔法 #video