世界各地還熊貓 租金高飼養貴
#熊貓外交 由來已久，50年代已開始，中國以大熊貓作為「國禮」，贈送畀同中國有外交關係嘅國家，曾經接受過呢份禮物嘅就有差不多20個國家，包括蘇聯、南韓、英國、法國、德國、日本、美國等。
香港呢邊興高采列敲鑼打鼓接收熊貓，世界各地就開始紛紛送返啲熊貓返中國。例如芬蘭嘅「艾赫泰里動物園」決定將兩隻熊貓提前送返中國。兩隻熊貓2018年被送到芬蘭，原本租15年，但園方話喺大熊貓居住嘅設施上，投資咗超過800萬歐元（約6,900萬港元），每年仲要畀包括租金等費用約150萬歐元（約1,300萬港元）。
英國嚿年都將兩隻熊貓送返中國，而且仲要係最後兩隻，意味着中英兩國嘅熊貓外交，正式終結。「甜甜」同「陽光」2011年被送到英國後，愛丁堡動物園花喺兩隻熊貓身上嘅費用合計高達2,000萬英鎊（約2.1億港元），英國傳媒報道，唔少英國人質疑呢筆巨額花費係咪值得。
美國嘅「阿特蘭大動物園」，亦預計年底將熊貓一家四口送返中國。熊貓爸爸「倫倫」同熊貓媽媽「洋洋」1999年被送到美國，當時簽咗25年約，租約今年到期，不過送走嘅就唔止熊貓爸媽，連喺美國出世嘅孖生姊妹都一併送走。
華盛頓嘅國家動物園嚿年亦將三隻熊貓還返畀中國後。原本無新熊貓赴美，中美熊貓外交就要止步。不過兩個月前就有兩隻新熊貓被送到「聖地牙哥動物園」。
日本方面，東京「上野動物園」嘅「力力」同「真真」將於今個月底被送返中國，因為兩隻熊貓已經19歲，日本決定將佢哋送返中國養老。嚿年2月和歌山都送走咗3隻熊貓，日本現時只剩6隻熊貓。
至於香港呢？賽馬會噚日就宣布，為迎接新嘅大熊貓，會撥捐超過1.21億元，擴建同提升海洋公園嘅「大熊貓之旅」、「香港賽馬會四川奇珍館」嘅設施，包括增加飄雪系統同園景復修。馬會真係唔話得嘞。
香港嘅熊貓雖然唔使畀錢租，但曾有媒體估算，每年熊貓飼養費大約1,200萬港元，過去15年就用咗高達1.8億港元。日本傳媒早前亦報道，向中國租借一對熊貓，一年要畀大約780萬港元，而熊貓嘅所屬權屬於中國，如果生咗BB，到咗兩歲之後就要送返中國，以各國租借數目嚟計，中國每年獲得嘅租金估計超過37億港元，係幾和味嘅。
#熊貓 #SayNoToChina #BoycottChina
報導：光傳媒 Photon Media www.photonmedia.net
#熊貓外交 由來已久，50年代已開始，中國以大熊貓作為「國禮」，贈送畀同中國有外交關係嘅國家，曾經接受過呢份禮物嘅就有差不多20個國家，包括蘇聯、南韓、英國、法國、德國、日本、美國等。
香港呢邊興高采列敲鑼打鼓接收熊貓，世界各地就開始紛紛送返啲熊貓返中國。例如芬蘭嘅「艾赫泰里動物園」決定將兩隻熊貓提前送返中國。兩隻熊貓2018年被送到芬蘭，原本租15年，但園方話喺大熊貓居住嘅設施上，投資咗超過800萬歐元（約6,900萬港元），每年仲要畀包括租金等費用約150萬歐元（約1,300萬港元）。
英國嚿年都將兩隻熊貓送返中國，而且仲要係最後兩隻，意味着中英兩國嘅熊貓外交，正式終結。「甜甜」同「陽光」2011年被送到英國後，愛丁堡動物園花喺兩隻熊貓身上嘅費用合計高達2,000萬英鎊（約2.1億港元），英國傳媒報道，唔少英國人質疑呢筆巨額花費係咪值得。
美國嘅「阿特蘭大動物園」，亦預計年底將熊貓一家四口送返中國。熊貓爸爸「倫倫」同熊貓媽媽「洋洋」1999年被送到美國，當時簽咗25年約，租約今年到期，不過送走嘅就唔止熊貓爸媽，連喺美國出世嘅孖生姊妹都一併送走。
華盛頓嘅國家動物園嚿年亦將三隻熊貓還返畀中國後。原本無新熊貓赴美，中美熊貓外交就要止步。不過兩個月前就有兩隻新熊貓被送到「聖地牙哥動物園」。
日本方面，東京「上野動物園」嘅「力力」同「真真」將於今個月底被送返中國，因為兩隻熊貓已經19歲，日本決定將佢哋送返中國養老。嚿年2月和歌山都送走咗3隻熊貓，日本現時只剩6隻熊貓。
至於香港呢？賽馬會噚日就宣布，為迎接新嘅大熊貓，會撥捐超過1.21億元，擴建同提升海洋公園嘅「大熊貓之旅」、「香港賽馬會四川奇珍館」嘅設施，包括增加飄雪系統同園景復修。馬會真係唔話得嘞。
香港嘅熊貓雖然唔使畀錢租，但曾有媒體估算，每年熊貓飼養費大約1,200萬港元，過去15年就用咗高達1.8億港元。日本傳媒早前亦報道，向中國租借一對熊貓，一年要畀大約780萬港元，而熊貓嘅所屬權屬於中國，如果生咗BB，到咗兩歲之後就要送返中國，以各國租借數目嚟計，中國每年獲得嘅租金估計超過37億港元，係幾和味嘅。
#熊貓 #SayNoToChina #BoycottChina
報導：光傳媒 Photon Media www.photonmedia.net
熊貓經濟 | 黃照達｜黑膠集
Art by @little_pink_man
Credit to @greenbean.media
#熊貓 #熊貓熱 #熊貓經濟 #拼經濟 #小粉人 #黃照達 #黑膠集 #破土
Art by @little_pink_man
Credit to @greenbean.media
#熊貓 #熊貓熱 #熊貓經濟 #拼經濟 #小粉人 #黃照達 #黑膠集 #破土