777文宣傳播稿件大合集
23K subscribers
62.5K photos
1.68K videos
1.93K files
7.47K links
本頻道自2019年6月設立,集合文宣作品,以供同路人廣傳

TG: t.me/hkposter777
IG: instagram.com/hkposter777
Twitter: twitter.com/hkposter777
FB: facebook.com/hkposter777
MeWe: mewe.com/p/hkposter777

不是因為看見希望而堅持
而是因為堅持才看見希望
Download Telegram
繼續上一次未完嘅4格,但都仲未完,仲有下一回。

IG @kai_lan_egg #漫畫
#勇武 #前線 #磚
如果睇呢個唔明,係因為冇睇之前果兩條4格,可以追返。
其間又出咗個除夕篇,所以連貫性斷晒😅

IG @kai_lan_egg #漫畫
#勇武 #前線 #黑警 #丟磗 #黑警死全家
15.3.2021
文: IG @rehk_neverforget
圖: IG @side._lee

以下節錄,IG全文: instagram.com/p/CMbWErxAhTs/?igshid=18vtt32jo9eml
.
有位戰友曾同我講過「如果我無咗對手,我會自殺死;如果我無咗對眼,我都會自殺死。」
.
戰友同我傾過好多次計,亦考慮完各樣安全因素,最終好想我將呢件事記錄落嚟,當係一個療癒過程。
.
戰友係名畫師,一對手同一雙眼對畫師而言係生命,可以想像,缺少其中一樣係幾咁絕望。以下原句記錄戰友嘅心聲:
.
// 當時我上咗索帶,索帶勒得好緊,我問啲狗可唔可以換過條索帶鬆返少少,結果啲狗索得更加緊,我係感覺到雙手幾乎無血到。喺路邊近 8 個鐘,我都未安排到上囚車,當時附近仲打緊,喺無任何 gear 連普通口罩都無嘅情況下,我不停吸催淚彈,而啲狗見我咁辛苦,係笑住咁講:「辛苦呀?放多啲先!你哋曱甴鐘意聞呀嘛!」,然後喺正我哋堆埋一堆嘅被捕人士隔離射催淚彈,射咗好多,對眼好痛。當日有幾場苦戰,齋捱催淚彈斷斷續續都捱咗差唔多 5 粒鐘,當中唔可以避,辛苦時唔可以抬頭或有其他郁動,你只能夠直接聞,有人聞到嘔,有人聞到係咁咳,而啲狗係咁笑⋯⋯ 「郁咩呀!做咩咁多動作!」,啲狗會係咁踢你打你,要求你保持住一個極辛苦姿勢。去到中段,我真係頂唔住,對手開始發脹,而且要撐住地下,感覺就嚟斷,當我想調整吓姿勢,試圖可以稍為舒服少少,就會有狗嚟踢我背脊,甚至會踢頭。咁多個鐘,我只有不停食催淚彈胡椒彈同埋感覺到對手慢慢無知覺。我好驚,如果再咁落去,對手會唔會無血到壞死⋯⋯ 我真係好驚⋯⋯ //
.
// 去到狗屋,剪索帶嗰吓好痛,因為索帶已入肉咁濟,我望住對手,啲手指郁唔到,成對手又脹又紫,對眼好痛,肺又痛。點算,我會唔會無咗對手,無咗對手我點畫畫,我對眼會唔會有後遺症,無咗對眼我仲點睇到畫又畫到畫。好驚好不安好痛。抬頭,望見對面一齊被捕嘅戰友,佢忍喊咁同我做口型講對唔住,我只能笑一笑另吓頭,唔想佢擔心。然後佢喊咗出嚟。 //
.
#hongkongprotest #香港人 #revolution #光復香港時代革命 #五大訴求缺一不可 #teargas #hongkongprotesters #standwithhongkong #hongkong #警暴 #勇武 #催淚彈 #policebrutality #前線
// 無論你係揀勇武、和平、定係港豬
一樣都係喺籠中供極權觀賞 //

Credit: rehk_neverforget
#勇武 #和理非 #港豬 #大搜捕 #evilccp #極權 #共匪
28.4.2021 記錄

全文: instagram.com/p/COMkQ4kAkbi/?igshid=1ocdfq1ome3pu
.
// 我最憤怒,係真正做嘢、真正付出咗好多嘅手足,大部分都係默默無名嘅勇士。當好多人仲將焦點捧喺出名嘅人士身上時,其實國會也好、遊說也好,一班持有 case 又低調嘅手足作用有時更大。但佢哋唔會出名,亦唔會犯險,我知道,要令人團結,總要有個偶像供人群作指標,但有啲所謂出名嘅組織或人物,奪去咗嗰班手足功勞,都算,仲奪去埋資源。低調嘅人唔需要光環,但唔代表唔需要資源,當眼見住某啲組織攞住手足嘅功勞以及接手足嘅事(其實接完放置 play 班手足)嚟吸金,再私下大魚大肉,我係好憤怒,但唔可以直斥其非,一嚟會捲入好多不必要是非,自問接受唔到咁巨大嘅人際關係壓力,二嚟焦點就會錯放晒係花生上。無人想知真相,好多人自以為掌握真相,好多人盲撐,亦好多人會以為你係鬼錯誤起你底。曾經有位救咗好多手足出過無數場嘅前線,就係因為所謂內鬥私怨,佢唔夠人哋高調,就變咗「真相」被對方控制,結果有群人睇完網上嘅事自以為得知真相而起底篤咗佢灰,最終警方上門。//
.
// 革命中,我發現人係唔需要真相,每當我講出親身經歷同真相,其實唔係咁多人 care。更多人願意食花生、願意做偵探,都唔願意承認「其實我唔知內幕,其實我哋重點係小心地革命」。

圈子入面,仍然有著誰大誰惡誰正確風氣,彷彿我哋已習慣嗰種模式。我哋慣於外判思考俾掌權者,即使革命,仍然未能脫離呢種外判思考嘅風氣。所以,只要一人或一個組織夠大聲夠惡,無論佢做幾多害手足嘅事,仍然會以「佢始終叫幫過人」同埋「你而家係咪鬼,係咪抹黑」作結。好多人永遠睇廣告式砂糖(付出少少再以媒體放大以得到名聲),都唔願意接受現實中嘅屎(篤灰、二次傷害、壓榨、欺壓、勒索)。

喺呢個虛幻嘅媒體炒作中,一群低調而默默耕耘,一群唔會以「我做過乜乜乜我幫過乜乜乜」大聲宣傳嘅人,永遠處於劣勢。我哋究竟仲想跟大台,定係每人都願意走多步圍成可信任嘅散兵群體,唔外判思考而係自己思考去運作?//

Credit: IG @rehk_neverforget
#revolution #hongkonger #前線 #勇武 #篤灰 #革命從不浪漫 #好人壞人 #人性
IG @neaes_intl_hk

[唔經唔覺]

唔經唔覺走咗咁耐
唔經唔覺畫咗咁耐
.
介紹返,我哋係7系遊記,我哋有唔同手足,各散東西
透過一齊run呢個IG,雖然唔同地方生活緊,都好似陪伴住彼此咁
亦同香港人拉返近個距離
.
喺呢個越嚟越差嘅時代
學會苦中作樂會好過啲
我哋都唔係畫開畫
算係新學緊嘅技能啦,大家見諒呀
.
希望大定繼續支持,
一日仲有人睇,我哋都會繼續分享
鍾意睇嘅可以推介多啲朋友follow呀,搵我哋吹下水都得㗎
.
預告!
我哋將會推出自家設計嘅Tee,詳情好快會有
期待吧

#7系遊記 #流亡手足分享平台 #流亡手足 #手足 #hker #勇武 #前線 #政治庇護 #香港獨立 #hongkongindependence