#毋忘手足 #和你寫 #還柙手足 #手足的信
還柙手足給8歲小手足的信

//...哥哥好快就會出嚟，記唔記得我哋嘅約會？有一日起煲底......約定你「和你嬴」！...我要你的禮物，就係你的成績表唔準偷懶！...//

請大家細心閱讀還柙手足的文字。
Credit: Nicole Kam Yu FB

#還押手足 #手足的信
喺出面嘅手足、和理非︰

我係喺荔枝角還押嘅一位前線抗爭者，其實都唔係第一次去寫俾你哋，但其實要對你哋嘅感激，點都講唔完。

12月20號嘅晚上，由10點鐘開始聽到你哋嘅聲援，仲記得入嚟收押所嘅期間，手足叫緊嘅口號係「香港人加油」，期後演變為「反抗」同「報仇」。

好多喺監房嘅朋友仔去問我，我哋爭取啲咩，我哋幾時先停止搞亂香港，而最多嘅問題係問有冇錢收，然後我無論點去講出事實，依班朋友仔仍然選擇去相信TVB，然後每一個早上我都會打開電視睇NOW新聞，逢星期一、星期五6點，睇「鏗鏘集」以及「頭條新聞」，啲朋友一路睇，一路問啲詞語，例如「煲底」、「Be Water」、「TG」、「連登」、「PePe」嘅詞語代表嘅嘢，由一開始不同意示威者嘅，開始明白點解啲市民要同警方對立，有人喺電視上睇到警方亂棍打市民，之後講咗句「乜警察可以咁打人嘅咩？」而我只答咗佢一句「依度影到嘅只係你睇到嘅小部分，仲有好多好多你係睇唔到。」

然後，依位朋友仔會去分辨真假新聞，去嘗試了解我哋諗嘅嘢，了解五大訴求，以及警方記者會裡面嘅真確性，其實我每一日坐監都係好悶，公開信寫過2至3次，我覺得可以分享下喺收押所之中嘅親身經歷，俾外界嘅手足知道雖然被困，但係繼續同行，從不割席。20號晚上，依位朋友仔去真正細心聽你哋講嘅嘢，以前佢會覺得好嘈、好煩，至少今次佢聽到「手足，我撐你」、「煲底見」、「釋放義士，還我公義」，從窗邊望出去可以見到一盞盞由手機燈形成嘅星海，你哋喺出面「和你寫」嘅聖誕卡，好多朋友見到都好驚訝，依啲聖誕卡每一張都令我好開心，有小朋友、手足、家長們、銀髮族等等，有朋友問我「榮光」點唱，但本人比較怕醜 XD，所以冇去唱俾佢哋聽，希望依位朋友嚟煲底同我相認啦。

其實初初我會認為收押所內嘅朋友會明白我哋，但原來係缺乏 (真實) 資訊嘅情況下，對我哋示威者有所誤會都係可以原諒，大多數人唔明白三罷、中資、美心、吉野家、優品360點解要破壞，地鐵站被破壞原因、「私了」的原因，太多嘅資訊唔明白，但至少我可以用自己所擁有嘅資源去帶出運動/革命嘅始源，我唔知有冇大作用/改變，至少我冇忘記「兄弟爬山」，希望將不了解我哋嘅人去慢慢接受、同行，我喺監獄都唔放棄，香港人，因為團結，我哋先有今日，所以革命未完，你哋點可以放棄呢？

Source: 立場新聞

#還押手足 #手足的信 #給香港人的信
【還押手足給香港人的一封公開信(二) 】
//致邵議員：
新年快樂。祝願議員及眾香港人身體健康，安然度過今年的瘟疫事件。

近來從探訪親友及新聞得知抗爭活動的頻率因為新型肺炎肆虐而有所降低，對此壁屋手足並無半點怨言：請外界定必保重身體。在此，我 (一個微不足道的抗爭者) 有一些口訊想向外界表達。

首先，感謝外界對各還押手足的關心。現在，請各位先注意自身身體健康，某種意義上，壁屋可以說是全港其中一個最安全 (不用擔心瘟疫、不用擔心警暴) 的地方，而手足們基本上全體平安，所以暫時不用太掛念我們；反之……

泰和留仙喵喵叫
2020年2月2日約1430時//

邵家臻FB👈閱讀更多

#手足的信 #和你寫