#叱咤 #林海峰 #何以
林海峰喺叱咤頒獎禮度話：
「何以
何以你今晚會安坐家中睇叱咤？
何以今年嘅叱咤一個現場觀眾都冇？
何以過往嘅叱咤現場投票會變成今年嘅網上投票？
何以你每年實睇嘅頒獎禮，今年會冇咗個實體頒獎禮？
何以一人一票喺呢個地方係變得越來越矜貴？
何以明明千載不變嘅音樂肯定，最後個獎座會落喺一堆垃圾裏面？
何以今年有咁多場大大小小嘅演唱會要一一取消？
何以有人話要放棄一代年青人，但係花姐就要一手湊大Mirror一班年青人，仲要將佢哋培育到入圍我最喜愛組合？
何以屯門公園嘅娜娜歌精舞勁，肥媽首歌唱到街知巷聞，但係佢哋就冇入圍我最喜愛女歌手最後五強？
何以有人敢唱《人話》，但係就有人唔肯講人話？
何以今年去商場唱歌係流行過去K房唱歌？
何以一首廣東歌可以令你感動、安慰、鼓舞、落淚，甚至係會恐懼？
何以你可以將你曾經最喜愛歌手嘅唱片打爛變成碎片？
我哋嘅樂壇何以為繼？
2019 何以 完」