真係冇諗過，都未正式推出就已經跑贏左 #安心出行，香港人就係咁勁！

無錯，「懲罰Mee」app唔止係半年前嘅一個玩笑，今日終於正式推出。早幾日我地靜雞雞放左上App Store俾大家「試玩」，估唔到已經成為香港區排行榜第一名。

不過呢件事一定唔可以只係三分鐘熱度，「懲罰Mee」嘅長遠目標，就係要打破代表大企業小圈子的 #Yuu 同 支付寶持有的 #OpenRice 嘅壟斷。

Mee相信，香港人即使要捱，都要捱得有腰骨。

今次大家可以在「懲罰Mee」的地圖中，非常方便地尋找到這次參與「5.1懲罰祭」的商戶。只要成為Mee會員，大家就可以到這些良心小店享有95折優惠或其他獨家優惠。

以後大家唔洗再喺Yuu儲分，可以儲「Mee分」！「Mee分」唔會同消費掛勾，亦唔會記低大家嘅消費紀錄同習慣。好多嘢係用錢都買唔到，我哋希望透過「Mee分」鼓勵大家，繼續係生活入面共行互助。

大家可以透過上載照片、寫食評等方式，在儲「Mee分」的同時，協助豐富app內的資訊，加強黃色經濟圈資訊流通，令香港人唔再需要依賴類似Openrice等嘅中資大型平台。

感謝 @yellowbluemap 團隊在籌備階段的協助，讓團隊能夠建立基本的黃店數據庫；也感謝許多良心小店的踴躍報名與耐心等候。由於收到大量的商戶的報名，團隊現時仍在全速整理報名參與商戶的資訊，希望能夠盡快於「懲罰Mee」app內更新不同店鋪的資料。

請大家狠狠地懲罰Mee，等我哋狠狠地懲罰Yuu。
--------
最後要同用Android機嘅朋友講聲唔好意思👇
由於 Google Play 於四月中更新了審批政策，「懲罰Mee」在 Google Play 的審批已拖了一段時間，希望能夠盡快正式上架。大家暫時可以透過以下的連結，或掃描黃店內實體文宣上的QR code直接下載 APK 檔，就可以在Android平台上使用「懲罰Mee」，我們會爭取在「5.1懲罰祭」期間完成上架。

iOS（建議重裝）👉 https://link.meeapp.com/ios
Android（已有更新，請使用瀏覽器下載）👉https://link.meeapp.com/android

Post by IG @mee_punishc
#懲罰Mee #mobileapp #五一黃金週 #懲罰祭 #五一懲罰祭 #黃色經濟圈 #黃店 #撐同路人 #金魔法 #懲罰師