很有用嘅英國教育小冊子。

最近幫一啲BNO朋友搞入學，先發現這些年香港改咗學制，所以到英國升學唔少銜接問題。

香港小學6年級升中而家唔駛睇公開試成績，但英國一啲地區嘅grammar school, 升YEAR 7 (即香港中一) 仍然需要考公開試，而且要提前在年初考，即係英國YEAR 6就考。

另外，香港中五而家亦唔駛考公開試，要讀完中六一年，先考試升大學。以前仲有中七一年，而家轉成大學第一年，第學改咗四年制。

英國的中五叫year 11,畢業要考gcse, 之後再讀2 年預科，考大學。大學本科通常讀3年。

所以香港的同學，嚟英國讀書，銜接上會有頗多問題。

升中嘅小朋友，適應力較高，我估計應該可以解決。而且英國學校對新生都有專門照顧，比如提供特別嘅英語課程等，英國學校亦都好鼓勵家長多啲溝通，有問題會儘早處理。至於選校，讀完中學第一年唔滿意，轉校亦係容許嘅。

升中六嘅同學似乎會面對較多問題。我認為如果家長可以提前準備，最好幫小朋友喺香港先考gcse, 否則嚟英國好難直升讀中六，住住要補讀一年gcse。

英國有一個專門機構，可以將香港公開試嘅學歷轉換成英國學歷嘅評分，俾學校做參考。據講佢地仲可以為香港學校成績表提供認可評估。唔知有冇朋友試過？

https://enic.org.uk/Qualifications/SOC/Default.aspx

如果冇gcse, 另一個選擇是讀btec, 都可以用嚟考大學。部份college入學時，會幫同學做accessement, 有機會直接讀level 3, 相等A level第一年。否則亦可安排先讀相等gcse嘅level 2一年,

Btec比較注重 practical, 較適合恐懼死讀書嘅同學。

英國近年推出 T level, 相等於A level, 亦著重實習，可以作另一個選擇。

另外，部份大學有foundation course, 亦都係一個準備大學的另類課程。

我自己雖然喺英國長大，但讀中學已是很多年前嘅事，而且都係讀A Level pathway, 對btec, T level, foundation course 嘅升學路線不大熟悉，唔知道大學收生對A level以外嘅學歷會唔會有歧視？大家可否分享一吓經驗？

另外，bno讀中學，甚至預科應該是免費，但讀大學則要住滿5年，有ILR 先可以交home fee.

我喺英國西北部大，好朋友都係工人階級，有啲同學家中比較窮，放完easter, 年滿16歲，法例上唔駛強制教育，就馬上停學，去工廠打工賺錢養家。

結果，好多有能力嘅同學都唔讀大學，十分可惜。

反而我識得大部份南部嘅家長，比較重視教育，會支持小朋友讀大學，學生除咗向政府借錢交學費，家人亦會幫補生活費。

英國政府而家講leveling up, 就係南北經濟懸殊，北部嘅人社會流動性慢，窮人唔明白讀書可以改變命運，多年來結果惡性循環。

我覺得教育係一種投資，希望政府揾到一個方法，令bno 學生可以減輕負擔，鼓勵年青人升大學。

*小冊子翻繹可能對英國情況唔熟，用字有時怪怪哋。第33頁翻繹錯咗。
Those planning to settle in the UK must take
an English proficiency test within 2 years of their citizenship application, 應該係入藉｢前｣兩年要考英文試，唔係入藉後。

#bnoa #education #homefee

【教育局指引促教師「舉報潛在違法違規」　教師斥違教育意義：係咪要即刻報警拉佢呢？】

香港教育局周四（15日）公佈新一份《教師專業操守指引》，列出8大類教師專業操守，當中包括要求教師正確理解中國憲法、基本法、港區國安法等，並在「發現校園內有任何潛在違法違規時」向校方或警方舉報。有教師向《追新聞》坦言，現時當局要求教育界進行的「維護國家安全」行為越來越外顯，但反而更令家長和教師對香港教育失去信心，他亦不認同《指引》要求教師舉報潛在違法違規行為，認為如發現學生可能違法，應先規勸學生，才更合乎教育精神。

《指引》中政治元素最重的部分是「恪守法治」，儘管以法治為題，《指引》沒有提到律政司網頁中「法律面前，人人平等」、「司法獨立」的基本法治原則，而是直接指出「守法守規、尊重當局及學校的合法權力」，「自覺維護國家安全」。《指引》還要求教師在收到「涉及違法違規」的資訊，或發現校園出現任何「潛在違法違規」時，按情況向學校管理層甚至警方舉報，不應「縱容」。

《追新聞》訪問現職教師李先生（化名），他形容《指引》中一些涉及「關心祖國」等的字眼一直存在，但認為《指引》要求教師舉報校內「潛在違法違規」跟教育精神不符：「佢係講『潛在』，即係未必已經做咗，就算學生打算去偷嘢，係咪我就要即刻報警去拉佢呢？比起即時舉報，勸告係咪更加好嘅做法呢？舉報呢件事係冇教育意義㗎喎，佢只有法律嘅意義。」

李先生同時指出，近年教育局對學校的國安教育和推廣安排要求明顯提高，「國家憲法日要大搞、國家安全教育日都要大搞。」他並提到早前當局強制所有學校悼念已故中國國家主席江澤民，稱校方對悼念隆重其事，他甚至聽聞有學校考試被悼念影響，形容事件令家長和教師感到不安，「就係覺得『香港以前唔係咁』囉，大家意識到個生活方式已經唔同咗。而我好想問，呢個係咪唯一一次呢？」

另一名現職教師莫小姐（化名）亦稱，教師過去兩年對國安指引已習以為常，「一路好多指示，提我哋要注意國安問題」，對於教育局的新指引不感意外。

全文請到Patreon閱覽
https://www.patreon.com/posts/75953986

#教育局 #港區國安法 #國安教育 #教師指引 #國家安全 #江澤民 #蔡若蓮 #HongKong #Education #PatrioticEducation #NationalSecurityLaw #QTS