<防摔4>
如要著地，著地後立即用單手撐住敵人膊頭，一路拉對腳出返黎
(不過唔建議落地個下用手撐地)

<防摔小tips>
絕大部分嘅摔技都需要身體非常貼近先做到，而方法都不外乎：
1. 破壞腳部平衡，例如抱腿摔，或各種柔道足技，掃腳等
2. 升起成個人，例如各種柔道腰技，背負投等

呢度介紹嘅幾個方法，就係防止敵人貼近自己嘅身體，或者改變自己重心令敵人無法摔到自己。
另外就係如果敵人忽然降低自己重心，都要特別小心。

而admin點解呢兩日咁重點講防摔，就係因為學點樣逃脫固然重要，但更理想係對方連Cap低你嘅機會都無。

考下大家
佢呢個拳樁有咩問題？
Source: 立場新聞

開估：
1. 手肘向外飛
2. 手擺唔夠高
3. 冇收下巴
4. 重心斜向一邊
5. 太樣衰

#踢技 #熊抱 #逃脫
https://youtu.be/zdZ18JBr1a0

呢個係要害打擊嘅例子，用腳踭向後挫，其實威力都唔可以睇少，不過對準確度就有啲要求。

建議有時間都練下，因為傳統嘅武術堂都少教呢隻踢法，一來假設係正面對敵，好少會咁比人由後面捉住，二來比賽同對打都唔比打下陰。

趴低喺地下

雙腳屈曲，雙手撐地

#地戰 #逃脫 #趴低
https://youtu.be/toFD27iE6Q0

呢段短片講左一個基本原則，就係就算被人從後撳左落地，都唔好成個人趴低，因為咁樣係較難發力。

短片講左3個步驟，點樣由趴低，變返雙腳屈曲，雙手可以撐地嘅姿勢，呢個姿勢一來更容易走，二來敵人無辦法跪頸。

<趴地逃脫>

<膝壓肚逃脫1>
膝壓肚係啲色魔幾鍾意用嘅技巧，
第一令受害人被壓喺地上無法逃走，
第二壓住個胃會令受害人呼吸困難，
有種辛苦嘅感覺。通常好多受害人第一次比啲色魔咁做個陣，都會覺得好驚唔知點做。Admin建議大家要認真練下，習慣比人膝壓肚個感覺係點，咁到實戰個時先唔會驚唔會亂。當然如果覺得太辛苦，用手拍partner幾下示意。

其實呢種情況有大把拆解嘅方法，以上係其中一個:
1. 假設敵人由右邊壓過黎，左腳發力拱起個人
2. 同時手推敵人嘅大腿，Hip收向後方，完成Shrimp動作
3. 脫離控制後，用手撳住敵人膊頭阻其繼續前進，同時收返對腳對準敵人
4. 呢個時候可以用腳踢開敵人，再做technical stand up 動作

<膝壓肚逃脫2>
另一個方法：
1. 假設敵人由右邊壓過黎，右手從下面穿過敵人腳脛，捉住敵人隻腳向後拉
2. 同時左手撳敵人嘅hip向前，雙腳逆時針方向行，務求令敵人失去平衡

再推一推
p.s. 今日見到個on9版

圖片Source: 中大電台

Q：如圖示，一位身穿連帽外套嘅男子，被另一名身分不明，口罩都戴撚錯嘅男子由側面捉住，呢個情況可以點拆？

A：雖然呢度嘅教學無特別針對呢個情況，但想大家學識2個概念：
1. 除咗學習針對特定情況嘅招式之外，平時應該培養多啲格鬥知識同直覺，因為現實情況有時會同練習有出入，同埋亦唔可能窮舉晒所有cases
2. 遇到一啲唔熟悉，唔擅長嘅情況，請先嘗試將敵人帶進自己熟悉同擅長嘅情況

針對呢個case，如果用思路1，一個重要嘅概念就係格鬥時要避免比敵人攞到側面或背面，儘量都係正身面對敵人，所以其中一個可行嘅方向係搵機會轉返個身正向敵人先。

呢度個敵人似係想攬住被捉嘅男子向鏡頭方向行，其實一路行緊個陣係好易會有空位，呢個時候被捉嘅男子可以將右手攝向後，再攝向敵人左邊胳肋底(underhook)，再轉身正向敵人。咁樣可以對敵人有返啲control。

另外，如果用思路2，都會得到同樣嘅結論。無教側面熊抱姐，咁前熊抱有教啦掛，既然係咁，咪嘗試下將呢個「側熊抱」嘅情況轉變成「前熊抱」，將佢變成一個你熟悉嘅情況。

如果高階啲嘅，呢個情況可以考慮大內刈(O Uchi Gari)，右腳由敵人雙腳中間勾住敵人左腳，摔到對手。今日暫時唔詳細講，有興趣可以自己上youtube search下。😁

有其他意見或其他問題，歡迎聯絡：
@hk_self_defense_bot

佢學點捉人之前，要唔要學下點戴口罩先？

有好多人問，可唔可以評論下呢段片。

一陣有時間會講下，大家唔洗再inbox問呢條片住。🤔

不過評論呢段片個陣，我地只會從武術角度分析。對於成件事嘅前因後果、應唔應該、誰對誰錯、有無犯法、雙方嘅身分等等，我地不作出任何評論。

Admin重申，呢度從來無叫大家做犯法野，都無假設過敵人係某一特定嘅對象，因為任何人都可以傷害你。

喺評論格鬥嘅細節之前，都想講下啲自衛術嘅概念。一個負責任嘅自衛術導師，除咗會教人招式之外，亦都會提醒學員如無必要，應該儘量避免危險，例如女仔人家就唔好一個人夜麻麻行啲無乜人嘅地方。

據Admin了解，時間地點同性質黎講，呢個本身就係一個高風險嘅行動。當然Admin尊重佢地嘅決定，不過做得高風險嘅野就一定要有心理準備。

其次就係正如上述提到，既然行動屬如高風險，咁就一定要對現場環境保持警覺性。除咗個人留意多啲附近嘅可疑人物之外，既然佢地有幾個人，咁其實最少可以搵一個人睇水，大家都望住唔同方向，將個背脊交比隊友，而唔係交比敵人。

另外一個忠告就係如果以小隊行動，隊伍人數愈少，就要對自己能力嘅要求愈高。