من هەورامیەنا و زوانم هەورامەن
زوانم ناسنامەن، هەستەن، مەرامەن

عەهدەن نەفاڕووش بە فەخرش زانوو
فەرزوو شانەیمەن فۆتنایش حەرامەن

✍️ #فەریبا_زەندی
(گەڵا ژانی)
✨✨✨✨✨✨


زوانم هەورامی کەلامم شیرین
شەرت بۆ پارێزنووش تا بڕیەو زەمین

زوانوو ئەدٚایمەن پارێزنایش فەرزەن
وشە بە وشـەش ڕازێنێ و دەرزەن

✍️ #ئەسرا_شەریفی
(بێساران)
✨✨✨✨✨✨


زوانم هەورامین جە پایگەلانم
قەڵەم گێروو دەس بە دڵ و گیانم

منویسوو شێعر و پەخشانم جە نۆ
پارێزنوو زوانم منیچ پێسەو تۆ

✍️ #مەهین_حەمزە
(پایگەلان)
✨✨✨✨✨✨


قەسەمم واردەن بە ئاو و خاکم
من هەورامیەنا هیچ نیا باکم

شەرتەم بەستینە چەنی هەسارا
تێر کەروو سەیروو وەتەنیم یارا

✍️ #شەهین_حسەینی
(دەمەیو)


پــــێشــکەشــــــ💜🎶💔ــــتابـــۆ




هەورامان هەواڵ👇👇👇
https://t.me/joinchat/DguCkV7eM201ZjQ0

عەجەب دەردێوەن دووری و تەنیای
یەهەر سۆچنۆ دەردەو جیایی

نەقەوڵت قەوڵا نە وەفا و پەیمان
دیدٚاروو باڵایت مەحاڵا پەیمان

ئەگەر بزانی بە زوانوو گوڵی
ئازارەش مەدٚەی بوڵبوڵوو چڵی

هەر شەو تا سەحەر هاوار و ڕۆما
جە بێ وەفایت هەر تەپ و کۆما

هەناسەم چوون تەم نێشتەو سەرهەردا
وەهاروو ژیوایم  هەر تۆز و گەردا

هەرچێم سەر ئاما تۆ پەنە کەردا
گرد داخێ تۆنێ ئەر ئاماو مەردا

✍🏻شێعر: #شەهین_حسەینی

🎙️دەنگ: فەردین مۆحەممەدی


✔️تکانە چەنیما بیدێ 👇
join⇝@havraman_haval

تۆ کەی چشتێەنەت دەردەو جیایی
تۆ کەی نیشتەنی ،، ھەر و  تەنیایی

تۆ خەبەرەت هەن جە سەرگەردانی؟
یا ڕۆت  کەردەنەو  بە  هەراسانی ؟

تەجرەبەت کەردەن زاری شەوانی
بێزار بیەنی جە لاشە و گیانی

چن شەو تا سەحەر پەی وێت گرەوانی؟
چەنی چن دەردا نەجا تلیانی؟

چن بە دڵپەری لات ئاستەنەرە؟
چن وێت  وێرێت ئامێ دڵەرە؟

کەی تاوی ئازیز وێت بە وێت واچی
چوون سەنگی سەبوور چەنی کێ ساچی

چی مشیۆ هەر کەس وەشەسیا بۆ
جە ڕەویە و مەیلی و وەفای جیا بۆ


تاسەو دووریەکێت شێونان بەختم
ناسۆرەن زامی بێ دەوای سەختم

پەی ساڕێژی زام  جیایی و دووری 
نیم نگایێوەت  مەۮەوم سەبووری

وەرنە تا مەحشەر زامم ئەوگارەن
چەمم چەمەڕای ئامای نازارەن

✍🏻#شەهین_حسەینی

🎙️دەنگ زانا ڕۆستمی

👇🏻👇🏻👇🏻
join⇝@havraman_haval