#چچم

چچم واشˇمۊسؤن ليسکه ئای أمي کل

يني هر جا، تۊرۊب خۊ پا' بدأی گل

دچيکه ،زرخه،بدبؤی اي سيأ ناک

خۊدأ رحمت تي باغˇ سۊرخˇفلفل

دچرده ئای وٚلگ ؤ زۊپپه'وألˇشاق راب

کۊنه مي ريشه همرأ ، هى کلأ کل

سۊئابئؤن تا يته کم سؤی مي فانۊس

اۊن' دؤره کۊنه عينˇکۊرˇلل

گۊمؤن دأره همش دۊنيا مهينه

نه جؤن فرده' تۊ بئين أفتؤ کشه بل

بنفشه جؤن بيه تي چرمˇگل مۊ

أگه چي وشم ئاشؤ تي سبزˇمخمل

دؤني اي قات بۊمأ رۊزؤن سرئاشئؤن

دوأره تۊندˇوارش چاک ؤ جنگل

تؤوه شات أجي لۊؤن' مشتˇخۊرشيد

دکئه خۊ سيۊم کله گۊل دسته ماشل

ديل أجي در هأين بؤز ؤ وره ئاکؤن

کفه جير دۊم رجه ئانˇ خۊشکˇسنگل

فؤسيئه گؤنجˇگۊرؤنه خؤندش أجي

أزأ هرچنته نابئؤن بست ئابؤ ٚ سل

پل ئاؤنيم ترکأنيم سيفتˇبينه ئان'

آخرکاظيم بتأشته ئای کيشˇچؤ' شل

مرؤ، ميرزأ، هۊشنگ ؤقأسم آقا

سۊري،أفسر ، مۊنيرؤ مشتˇأوضل

ريۊئه هأريم جأفر خؤنˇچؤريئن'

کسن همرأ، نأ آخر مۊ تۊ أوول

ماتيک ٚگۊل هأيه جؤر جۊ کۊلؤن'

الاتيتي تؤوه تي چۊشمؤنˇدل


گؤوˇمال أسبˇمال فتت ؤ فراوؤن

ويلˇويل بي هۊريک أشکل به أشکل

پۊرئابئؤن شيمرۊ دل آو کۊل کۊلˇسر

کۊلأ قأضي بکۊن شيمرۊ يؤ مندل؟!!

دۊوأردئه بال به بال گيرن جۊوؤنؤن

بزيوه نۊزده ی ٚبهمن سياکل

مرأن گؤم مأم ولي جؤن گيل ٚمؤلا

فقيرˇزندگي دئه نيه تلˇ فل


مي پيني دسه يؤ تي قۊرصˇقۊلتينگ

چچم دؤنم هأچي پیۊفه تي هيکل

أگه آهين ببي پيچي هيزأر لا

فلات أني ببي ،بي نؤن ٚجۊر پل

غزل خأسم بۊگؤم أمما نخأسته

درم تا گؤلي چأله قافيه چل

دپرکستم بيدأرئا بؤم ولي حئيف

فکالˇپس بۊمأی مززه اي چفتل

#ويژگال

#گيلکي_آمۊجش_کانال

@gilaki_learning

‍ # أربأب ؤ چۊپؤن ˇنقل:روايت:مرحوم محمدعلی تيزرؤ
دچين وأچين:بهزادتيزرو#آسۊ
نگارش:کامران تيزرؤ#ويژگال
گۊيش:سياکلي

يته چۊپؤن ،خۊ أربأبˇگۊسندؤنˇگه دأ ته بؤن،بؤره صأرأ بچرأنه.
نهأرˇ زمت گه بؤن، خۊ غذا'حاضيرئا کۊنه گه بۊخؤره،ينه اۊنˇ نؤن'أفتؤ بگنسته ئای چأگۊده ئای هچي خۊشکˇگرنگه.
هيتؤ گه خۊشکˇنؤن'جؤوسته بۊ، يهؤ يه فيکري اۊنˇ سر زنه.
خۊ پيش گؤى گه:خۊبه گه يته اي گۊسندؤن' سيرئابينم ؤ ببيجم ؤ بۊخؤرم.
جأندمˇدرک،هرچي خأ پيش بيأى بدأ بيأى.
خۊلأصه، يته گۊسنده گيره يؤ سيرئابينه ،اۊن'باقأيده چأکۊن وأکۊن کۊنه يؤ تا اۊنˇ مذهب روا گۊد خؤره.
مغريب سرˇگه گۊسندؤن' بؤره خؤنه،أرباب گۊسندؤن'شۊمأره،ينه يته کمه.
آواز بۊلندي گۊى گه:گۊسندؤن بدأري يته کمه گه رى.نؤته ايسأن گه.
چۊپؤن بدأري گه همه چي أجي بي خبره گؤى گه:خأ نؤته ايسأن نؤته ايسأن دئه أربأب.چي بۊبؤى مگه؟
أربأب گؤى:أخه گۊسندؤن دأته بؤن.
چۊپؤن گؤى: خأ دأته بؤن دأته بؤن ده أربأب،مۊ چي بکۊنم؟
أرباب گؤی:يأني چي؟! گۊسندؤن دأته بؤن، ألؤن نؤته هيسن ایمأ گۊي مۊ چي بکۊنم؟!
هرچي أرباب گؤی،هندئه چۊپؤن گؤی:خأ دأته بؤن دأته بؤن دئه أرباب.خأ نؤته هيسن نؤنه هيسن دئه ارباب.
أرباب ينه گه ايتؤ منئه اۊن'حالي بکۊنه دستۊردئه دأ نفر آدم جيما بؤن.اۊشؤن'گؤی گه هرته يته گۊسند'بگيرن.هرته يته گۊسند'گيرن ؤ آخر ٚسر يته ايسه مأطل.
أرباب وگرده چۊپؤن'گؤی: ايسه بفأمستي مۊ چي گؤم؟چۊپؤن گؤی:چي گۊي؟
أرباب گؤی:مي گۊسندؤن دأته بؤن، اي آدمؤن أني دأ نفر ايسن. هرته يته گۊسند'بگيتن.ولي يه نفر گۊسند نگيته ئای ؤ بيسای مأطل .زۊد بگۊ يته گۊسند چي بۊبؤی هأ؟
چۊپؤن گؤی:ها ها ها ها ارباب'بينأ.اۊن ٚ چۊشم کۊر خأس زۊدتر بگيره أرباب.اۊن تمبۊلي بگۊده ئای گۊسند نگيته ئای مي گۊنا چيسه هأ؟

کلچال‌ مئن شرم کۊنده‌ جم زأ.
ديۋ دؤرين‌ تال‌ه مۊت.
زنأی خۊ مردأک‌ه بگۊت :
کی وأ يه تز ٚشکم شير ٚپلأ بۊخؤريم؟
مردأی بگۊت:
غم‌ نۊخؤر.بدأ بهار بیأی. گۊسندؤن گه چاک دکتن چردن‌ ٚره اۊشؤن‌ ٚپشم دچيکفه گون‌گۊده‌أن‌ه ايمأ مۊ شؤم پشمؤن‌ه گردأگيرم هأورم خؤنه .تۊ اۊشؤن‌ه برس و جۊرۊف وؤج.مۊ جۊرفؤن‌ه بؤرم بازار فۊرشم و اۊ پۊ‌ل‌‌أچي يته مايه‌مند‌ه‌أی هينم.منده‌أی‌گه پيله ببۊ یؤ گؤ ببۊ يؤ شير بدأ تي دیل بخأ تؤني شيرپلا بۊخؤري.
زنأی بگۊت:خأ. ايمأ أمي منده‌أک‌ه کؤره خأ دوسيم گأچه ندأريم‌گه؟
مردأی خۊ أنگۊشت‌أجي نۊشؤن بدأ گه تؤنيم دؤرین ٚکش اؤره دوسيم.
زنأی خۊ مردأک‌ه تشر‌بزأ بگۊت:تي دس‌ه بيأرجير مي منده‌أک‌‌ ٚچؤشم‌ه کۊرأگۊدي😊#روايت
دچين‌وأچين
#ويژگال
وگردأن👇
توی آتشدان تکه‌ای بزرگ از هیزم ممرز شررمیزد.
دود تو سقف اتاق پرسه میزد.
زن به مردش گفت:
کی باید یه شکم سیر پلو با شیر بخوریم؟
مرد‌گفت:
غم نخور.بذار بهار بیاد .گوسفندها که برای چرا به دشت اومدن، پشم‌های اونا می چسبه به بوته‌های گون.بعد من میرم پشم‌هارو جمع میکنم و میارم خونه.تو اونارو برس و جوراب بباف.من جوراب‌ها رو میبرم بازار میفروشم و با پول اون یه گوساله‌ی ماده میخرم .گوساله که بزرگ شد و شیر داد تو تا دلت میخواد میتونی پلو با شیر بخوری.
زن گفت:
خوب بعد گوساله‌مون رو کجا باید بست ما که طویله نداریم ؟
مرد با انگشتش اشاره کرد که اونجا کنج اتاقمون می‌بندیم .
زن تشری به مردش زد و گفت:
دستت‌رو بیار پایین ،چشم گوساله‌مو کور کردی.

@gilaki_learning

👤 #ويژگال

روايت:
يته زن‌ه بندؤم بزأبؤن گه کل دأره.
آدمؤن اۊن ٚمرد-ه فرأته‌ دبؤن.
هرجا مرکه‌أ دئن گۊتن :تۊ عجب زرد‌ٚگؤشي ايسي
مرکه‌أني برزق ‌أبؤ يؤ ناچار ببؤ ايرار ٚجي ويرۊجه.
خۊ‌ زن‌ه بگۊت :خؤنه‌ چکچئن‌ه جۊمأکۊن خأ ائر‌أجي دربشيم.
زن وأفرسي چره؟
مرکه بگۊت :همه‌ گؤن تۊ ائره کل دأري.
زن هیچی نگۊت .فقد شؤن‌ ٚزمت يته‌ تشت‌ه گل دگۊد‌ و سرأگيت بینا‌گۊدن خۊهمرأ بؤردن.
مرکه اۊن‌أجي وأفرسي.
اين چيسه تي همرأ أردري؟
زن بگۊت گل .
مرکه‌ بگۊت: گل چره؟
زن بگۊت:خأم أمي تازه‌خؤنه‌أ گلکاربکۊنم.
مرکه‌بگۊت:مگر أۊرأ‌ گل‌درکارنيه؟
زن بگۊت:تۊ‌ این‌ه دؤنی ايمأ‌ ورأورأ رؤني؟

أگر‌اۊرأ گل درکار ايسه ايمأ کل درکارنيه؟

#ويژگال
سيأکلي گۊيش

@gilaki_learning

رۊته رأأن-ه بمۊتم ليسکي‌ليسکي
مه-ره آخر بدأشتي کيۊن بيليسکي
مي جؤن ٚپۊست-ه گه همه-أ بکندي
نۊبۊن مه-ره نکۊني دئه ديويسکي؟!
#ويژگال
راه‌های گل‌آلود را ليز خوردم ؤ رفتم
آخر مرا به تعظیم وادار کردی
همه‌ی پوست تنم را کندی
نمیشه که دیگر مرا دونیم نکنی؟