⚡️ خرس ؤ شال (چابؤکسرِ گۊیش)
✍ #قاسم_شهبازی
@gilaki_learning

امسالِ بهارء بپیرأ وشنه بهاره
ولگ زأ دننه امسال أمی مئندامانِ دارء
عیدِ دمِ هفسین أمره سفره وی سین دأشت
شب شبچره دامان کۊنۊس آ تۊرشِ أناره
مأر کؤهنه لچک خؤشته کیجایه هده عیدی
پئر عیدی هده‌بۊ خۊ وچهء یک به هزاره
امسال ونی بپأی تی لحاب پاره نبأشه
هرکس وی لحاب پاره بؤبه بی کس کاره
جده‌ئه بؤمه لاوندء دبۊست تۊم‌کنی وخته
کئپیش چی فراوان بؤبه ای مرزِ کنارء
امسال ونی سیم‌پۊرچۊ تی تۊؤ بۊ یا کرات‌چۊ
پیشی نیه همسئه وره سامانء سواره
کؤل دارِ چکل دارکۊتۊنء تؤب بته امسال
چندی هدرئه تؤک زنه ای دامانِ دارء
آبدار اؤچۊرۊ سربسِ سه فکرء بۊن‌آشه
امسال چؤته وأن آب هده این لات ؤ بۊجارء
لاتِ دله سک شالئکِ ره لاب ؤ دۊخؤن کؤرد
شال آ دله سک إشتی درن کار أمی زاره

#قاسم_شهبازی
@gilaki_learning

⚡️ ولی‌ئک ٚ مأر
#قاسم_شهبازی (چابؤکسر ٚ گۊیش)
@gilaki_learning