#ህመም_አሞኝ_ያውቃል!

የሚያስጨንቅ የሚከፋ
አለ ሲሉት የሚጠፋ
የለም ሲሉት አለው የሚል
ስቃይ ሲሉት ደስ ደስ የሚል
የሚያደቀኝ በስልብ ቃል
ህመም ሚሉት አሞኝ ያውቃል።

#በድኔንም_ልክ_እንደዛው!

ያወሩኝ 'ለት አልነበርኩም
ሲጠላልፉኝ አልወደኩም
አታለሉኝ በመሃል ላይ በድን በድን በሚለው ቃል
አዎን ልክ እንደዛው...በድኔንም አሞኝ ያውቃል።

#እራሴንም_ምታት_መታው!

ስንለያይ ስትጨክን በጌታ ቃል ተማምላ
ከቆምኩበት ጥላኝ ስትሄድ ስትመልሰኝ ወደኋላ
ጭንቀት ቢጤ ሲጫርብኝ አስጨፍነው ለሚቀብሩት
ራሴንም ምታት ነገር ጠጋ ብለው አወራሩት።

#ማመኔንም_እምነት_ነሳው!

"አፈቀርኩህ" ስትል "አፈቀርኩሽ" ያልኳት
"ትበልጣለህ" ስትል በጭፍን ያመንኳት
ሳወራላት ስኖር የሚቆጨኝን ቃል
ማመኔንም አሞኝ ያውቃል።

#ህይወቴንም_አሞኝ_ነበር!

አጨብጭቤ ያስጨበትኳት
ስጦታ ነው ብዬ የላኳት
የሚሰማኝ እየጫረ
ከጓድ በላይ እኔን ለኔ የመከረ
ህይወቴንም ታምሜ ነበረ።

#ህሊናዬን_ጎድቻለሁ!

ወሰንኩና ውሳኔዎች ተናገርኳት እስኪበቃት
የተጠጋት ቆሌ መንፈስ ካጠገቧ እስኪርቃት
ተናደድኩኝ ከልክ በላይ አናደድኳት ልክ እንደኔው
ህሊናዬን ጎድቻለው በንዴት ቃል እኔው ለኔው።

የድባቴ መንፈስ ሲከናነብ አካላቴን
እንባ ሚሉት ውሃ ተናንቆት ህይወቴን
ገደል ገደል ሚያስመኝ የክፉ መንፈስ ቃል
     #ተፈጥሮዬም_ታሞ_ያውቃል!



#mikiyas_feyisa

ዮኒ
     ኣታን @yonatozz

@getem
@getem
@getem