የሚሰጠውን ግዳጅ በድል መወጣት የሚችል ሠራዊት ተገንብቷል።
        የክፍለ ጦር አመራሮች

የኢፌዴሪ መከላከያ ሠራዊት ሃምሌ 19 ቀን 2017 ዓ.ም

የሚሰጠውን ማንኛውም ውስብስብና ፈተኝ ግዳጆችን በድል መወጣት የሚችል ሠራዊት ተገንብቷል ሲሉ የምዕራብ ዕዝ ክፍለጦር አመራሮች ተናገሩ።

የዕዙ የሠራዊት አባላት በውስብስብ ሁኔታዎች ሳይበገር ህዝብና መንግስት የሰጡትን ተልዕኮዎች በጀግንነት፣ በውጤታማነትና በድል እየተወጣ የህብረተሰቡን ሰላም እያረጋገጠ ይገኛል ያሉት አመራሮቹ በተደረጉ የስምሪት ስራዎች የላቀ ውጤት ማስመዝገቡንና አስደናቂ ገድሎች መፈፀማቸውን አውስተዋል።

ሠራዊቱ በተሰማራባቸው የግዳጅ ቀጠናዎች ከሚገኙ ነዋሪዎች ጋር በተደረጉ ሰፋፊና ተከታታይ ህዝባዊ መድረኮች ፅንፈኛው ቡድን እና አሸባሪው የሸኔ ቡድን  ፈጥረውት የነበረውን ችግር ማጥራት የተቻለ መሆኑን ተናግረዋል።

የዕዙ አባላት ሞራላዊና ስነ-ልቦናዊ ዝግጁነት የመገንባት ፣ የአሃዱዎችን ግዳጅ የመፈፀም እና የማድረግ አቅሞች  የማሳደግ ፣በየደረጃዉ የሚገኙ አመራሮችን ዙሪያ-መለስ የመምራት አቅም የማጎልበት እንዲሁም የተለያዩ ሙያተኞችን በየተመደቡበት ዘርፍ ሙያዊ ብቃታቸዉን የማሳደግ ስራ በስፋት መሠራቱን ገልፀዋል።

ስልጠናዎችም የዘመናዊ ሠራዊት ግንባታ ሂደቱን መነሻ በማድረግ ከውጊያ ፅንሰ-ሃሳብ ጀምሮ እስከ አሃድ መምራትና ለዉጊያ ማዘጋጀት እንዲሁም ግዳጅ ተኮር የስልጠና ስምሪት በማከናዎን ተደማሪ የማድረግ አቅሞችን ለመፍጠር በርካታ ስራዎች እየተሰሩ መሆኑን ጠቁመዋል።

ዘጋቢ ፍፁም ከተማ
ፎቶ ግራፍ ሽመልስ እሸቱ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ለደቡብ ሱዳን ሠላም የኢትዮጵያ ሠላም አሥከባሪ ሠራዊት ሚና ከፍተኛ መሆኑ ተገለፀ።
        ሚስተር ዳንኤል ሪምፖሳ

የኢፌዴሪ መከላከያ ሠራዊት ሃምሌ 19 ቀን 2017 ዓ.ም

በደቡብ ሱዳን የዌስት ኢኳቶሪያ ስቴት አስተዳዳሪ ሚስተር ዳንኤል ሪምፖሳ የሴክተር ሳውዝ አዛዥ ብርጋዲየር ጄኔራል ዴቫድ ሲንግ እና የ21ኛ ሞተራይዝድ ሠላም አስከባሪ ሻለቃ አዛዥ ኮሎኔል እንዳለ እሸቱ እና ሌሎችም አመራሮች በቀጠናው አሁናዊ የሠላም ሁኔታ ዙሪያ ተወያይተዋል።

የዌስት ኢኳቶሪያ ስቴት አስተዳዳሪ ሚስተር ዳንኤል ሪምፖሳ የኢትዮጵያ ሠላም አስከባሪ ሠራዊት ዜጎቻችን የሠላም አየር እንዲተነፍሱ ሌት ተቀን ከግዳጅ ቀጠናቸው ሳይለዩ እያከናወኑት ያለው የሠላም እና የፀጥታ ስራ ውጤታማ እንደሆነ ገልፀዋል። 

ሚስተር ዳንኤል ሪምፖሳ ስለ ሠራዊቱ ከእኔ በለይ ተጠቃሚ የሆነው ሕዝባችን አሳምሮ ያውቃል ያሉ ሲሆን ይህን የተገነዘብኩ የአካባቢው ነዋሪዎች ችግር እንዳይደርስባቸው አሥፈላጊውን ሁሉ ድጋፍ እና የፀጥታ ከለላ ማድረጋቸውን ተመልክቸ ነው ብለዋል።

የዩናሚስ ሴክተር ሳውዝ አዛዥ ብርጋዲየር ጄኔራል ዲነሽ ሲንግ በበኩላቸው አንድም የቀጠናውን የሠላም ሁኔታ ለማወቅ ብሎም በቀጠናው የተሠማራው የኢትዮጵያ ሠላም አሥከባሪ ሠራዊት የግዳጅ ዝግጁነት አፈፃፀም ምን እንደሚመስል ለመመልከት ያለመ ግንኙነት መሆኑን ገልፀዋል። ዘጋቢ ፍፁም ተካ ነው።

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ዕዙ የተሰጠውን ሀገራዊ ተልዕኮ ከምንጊዜውም በላይ በውጤታማነት እየተወጣ ይገኛል።
     ሌተናል ጄኔራል መሰለ መሰረት

የኢፌዴሪ መከላከያ ሠራዊት ሃምሌ 19 ቀን 2017 ዓ.ም

የምዕራብ ዕዝ ከፍተኛ አመራሮች በዕዙ ጠቅላይ መምሪያ የበጀት ዓመቱን እቅድ አፈፃፀም ዙሪያ ውይይት አድርገዋል።

በውይይቱ ማጠቃልያ ላይ የተገኙት የምዕራብ ዕዝ ዋና አዛዥ ሌተናል ጄኔራል መሰለ መሰረት የውስጥም ሆነ የውጭ ፀረ-ሰላም ሃይሎችን በመደምሰስ አንፀባራቂ ድል ከማስመዝገብ የሚያግደን ሃይል አለመኖሩን በተግባር እያረጋገጥን እንገኛለን ብለዋል።

ሠራዊቱ እንደባለፉት ጊዜያቶች ሁሉ የተሰጠውን ትልቅ ሃገራዊ ግዳጅ ውጤታማ በሆነ መልኩ እየፈፀመ የሚገኝ መሆኑን ገልፀው ለተልዕኮው ቅድሚያ ሰጥቶ በመስራት የበለጠ ድል ማስመዝገብ የሚያስችለው የዝግጁነት ደረጃ ላይ እንደሚገኝም ገልፀዋል።

ሠራዊታችን በተሰማራበት ቀጠና በሽብርተኝነት ተግባር ላይ ተሰማርተው የሃገራችን የሰላም ማነቆ እየሆኑ ያሉ ፅንፈኛ ሃይሎችን ዳግም የህዝባችን ስጋት እንዳይሆኑ ለማድረግ የማያዳግም እርምጃ እየወሰደ መሆኑንም ጄኔራል መኮንኑ ተናግረዋል፡፡

ሌተናል ጄኔራል መሰለ መሠረት በቀጠናው የፅንፈኛውን እና የአሸባሪውን የሸኔ ቡድን በመደምሰስ ያሳካናቸውን ድሎች አቅበን የህዝባችንን ሰላም ዘላቂነት ለማረጋገጥ መስራትና ከአካባቢው የመስተዳደር አካላት ፣ የፀጥታ ሃይሎች ፣ ከሃገር ሽማግሌዎችና የሃይማኖት አባቶች ጋር በመቀናጀት ዘላቂ ሰላም ማረጋገጥና ዋስትና ሆኖ መቀጠላችን ተጠናክሮ ይቀጥላል ብለዋል።

ዕዙ ታላቁ የኢትዮጵያ ህዳሴ ግድብ መሰረተ ድንጋይ ከተቀመጠበት ዕለት ጀምሮ እስከ ፍፃሜው ዋዜማ ድረስ ያለምንም የፀጥታ ችግር እንዲከናወን መደረጉ የሠራዊታችንን ጥንካሬ ቁልጭ አድርጎ የሚያሳይ ነው ሲሉ ተናግረዋል።

ከህዝባችን ጋር ያለንን የሰላም እና የልማት ትስስር ይበልጥ አጠናክረን በመቀጠል የኢትዮጵያን ሰላም እና አንድነት አስጠብቀን ማቆየት አለብንም ብለዋል።

ዘጋቢ ፍፁም ከተማ
ፎቶ ግራፍ ሽመልስ እሸቱ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ምዕራብ ዕዝ የችግኝ ተከላ መርሃ ግብር አሥጀመረ።

የኢፌዴሪ መከላከያ ሠራዊት ሃምሌ 19 ቀን 2017 ዓ.ም

የዕዙ ከፍተኛ አመራሮች በምስራቅ ወለጋ ዞን በነቀምት ከተማ በመከላከያ መሃንዲስ በመሰራት ላይ በሚገኘው በምዕራብ ግንባር  የሠራዊት ሆስፒታል " በመትከል ማንሰራራት" የሚለውን ሀገራዊ መሪ ሀሳብ መሰረት በማድረግ የምዕራብ ዕዝ ዋና አዛዥ፤ ምክትል አዛዦች እንዲሁም የኮር እና ክፍለጦር አመራሮች የስታፍ የክፍል ሃላፊዎች በተገኙበት የችግኝ ተከላ መርሃ ግብር አካሂደዋል።

በመርሃ - ግብሩ ላይ የምዕራብ ዕዝ ዋና አዛዥ ሌተናል ጄኔራል መሰለ መሰረት ፣ የተፈጥሮ ሥነ ምህዳር ችግሮችን ለመቅረፍ እየተተገበረ ያለው የአረንጓዴ አሻራ መርሃ-ግብር ከፍተኛ ለውጥ እያስገኘ መሆኑን አመላክተው ችግኝ መትከል ህይወትን ማፅናት ነው ብለዋል።

‎ስለሆነም የችግኞች መኖር ለሰው ልጅ ህይወትና ስነ ምህዳር መጠበቅ እጅግ አስፈላጊ በመሆኑ ባለፉት ዓመታት እንደ ሀገርም ሆነ እንደ ተቋም በተሰራው የአረንጓዴ አሻራ ችግኝ ተከላ ስራ ዘርፈ ብዙ ውጤቶችን ማምጣት የተቻለ ሲሆን በዚሁ ዕለት የተጀመረውን የችግኝ ተከላ ስራ ማስቀጠል፣ መንከባከብ፣ ማጠርና በሚገባ እንዲያድጉ ማድረግ ያስፈልጋል ብለዋል።

ሌተናል ጄኔራል መሰለ መሰረት ዛሬ  ለዕዛችን 1 ነጥብ 5 ሚሊዮን ችግኝ እንድንተክል በሁሉም የግዳጅ ቀጠናችን የተሰጠን በመሆኑ ዛሬ በይፋ ስንጀምር የተጀመረው የችግኝ ተከላ መርሃ-ግብር በኮሮችና በክፍለጦሮች ተጠናክሮ እንደሚቀጥል አሳስበዋል።

ዘጋቢ ፍፁም ከተማ
ፎቶ ግራፍ አከለ አባተ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ጤና ይሥጥልን ጥቂት ሥለጤናዎ የነርቭ ህመም  ዋና ዋና ምልክቶች

የኢፌዴሪ መከላከያ ሠራዊት ሃምሌ 20 ቀን 2017 ዓ.ም

መደንዘዝ  ፦ ነርቮች መጎዳታቸውን የምናውቅበት የመጀመሪያው ምልክት የመደንዘዝ እና የመውረር ስሜት በእጅ፣ በጣት፣ በእግር፣ እና በእግር ጣቶች ላይ ሲፈጠር ነው። ስሜታዊ ነርቮች ስራቸው የስሜት መልእክት መላክ ሲሆን ጉዳት ሲያጋጥማቸው ቆይቶ ወደ መደንዘዝ የሚቀየር የመውረር ስሜት ይሰማናል።

በጊዜው ተገቢ ህክምና ካላገኘ ይህ ስሜት ወደ ሌሎች የሰውነት አካሎች ሊዛመት ይችላል። እጅ እና እግር ላይ ለሚፈጠር የመደንዘዝ ስሜት ሌሎች መንስኤዎች፡- እግር እና እጅ ላይ የተፈጠረ ከፍተኛ ጫና፣ ለብርድ መጋለጥ፣ እንቅስቃሴ የሌለበት የአኗኗር ዘይቤ እና የቫይታሚን ቢ12 እና ማግኒዢየም እጥረት ናቸው።

ህመም
ሌላዉ የነርቭ ህመም ምልክት የሚሰነጥቅ ወይም የሚያቃጥል የህመም ስሜት ነው። የዚህ አይነት ስሜት እጅ እና እግር ላይ የሚፈጠር ሲሆን ከሌላ የህመም ስሜት ይለያል። ህመሙ የሚፈጠረው ስሜታዊ ነርቮች ላይ በተፈጠረ ጉዳት ነው። ስሜት በአግባቡ ከአእምሮ ወደ ቆዳ መተላለፍ ካልቻለ የተጎዳው ቦታ ላይ ከፍተኛ ህመም ሊሰማን ይችላል። ህመሙ በተጎዳው ቦታ ዙሪያ ብቻ ወይም ሰፊ የሰውነት ክልል ላይ ሊፈጠር ይችላል። ህመሙ ብዙ ጊዜ በምሽት ይባባሳል። ከነርቭ ጉዳት ውጪ የስኳር በሽታ፣ የቫይታሚን ቢ12 እጥረት ወይም የጀርባ አጥንት ሰረሰር ላይ የተፈጠረ ጉዳት ለከባድ ህመም ያጋልጠናል።

የጡንቻ ድካም
ጡንቻ እንዲንቀሳቀስ የሚያደርገውን መልእክት በሚያስተላልፉ ነርቮች ላይ የደረሰ ጉዳት የጡንቻ ድካም ይፈጥራል። አልፎም ጡንቻን የመቆጣጠር ችሎታ ሊያሳጣ ይችላል። ለጡንቻችን የሚላከው መልእክት በአግባቡ ካልተላለፈ መራመድ እንቸገራለን። በእጃችን እቃዎች ለማንሳት እና ጭብጥ አድርጎ መያዝ ይከብደናል። በነርቭ ጉዳት ምክንያት ጡንቻ ጥቅም ላይ የሚውልበት ጊዜ ሲቀንስ እራሱ እየደከመ ይመጣል። ጡንቻ መዳከም ከነርቭ ጉዳት ውጪ እንደ ፓርኪንሰን በሽታ፣ የዲስክ መንሸራተት፣ ስትሮክ የመሳሰሉ ህመሞች መንስኤ ይሆናሉ።

የጡንቻ መሸማቀቅ
የእንቅስቅሴ ነርቮች ላይ የደረሰ ጉዳት የጡንቻ መሸማቀቅ እና መሳሳብ ሊያመጣ ይችላል። የጡንቻ መሸማቀቅ እና መሳሳብ በራሱ የተጎዱት ነርቮች ላይ በሚፈጥረው እንቅስቃሴ ጉዳቱን ሊያባብስ ይችላል። የጡንቻ መሸማቀቅ የሚፈጠረው የእንቅስቃሴ ነርቮች በብዛት ሲሰሩ ነው። የመሸማቀቅ ስሜት ክብደቱ ቀላል፣ መካከለኛ ወይም በጣም ከባድ ሊሆን ይችላል።

የላብ ችግር
አውቶኖሚክ ነርቮች ሲጎዱ የላብ ችግር ሊፈጥር ይችላል። አንዳንድ ሰዎች ላይ ከፍተኛ ላብ ሲፈጠር ሌሎች ላይ ደግሞ የላብ መቀነስ ይታያል። ላብ በአግባቡ ካልመነጨ ሰውነታችን ሙቀቱን በአግባቡ መቆጣጠር አይችልም። በከፍተኛ አካል ብቃት እንቅስቃሴ ወቅት ችግሩ ይገዝፋል።

ከባድ ራስ ምታት
የኤሌክትሪክ ንዝረት የሚመስል አጭር ጊዜ የሚቆይ ከባድ ራስ ምታት የነርቭ ጉዳት ምልክት ሊሆን ይችላል።

የሰውነት ሚዛን መጠበቅ መቸገር
የሰውነት ሚዛን መጠበቅ መቸገር ወይም መንገዳገድ ሌላ የነርቭ ጉዳት ምልክት ነው። ወድቀው ሊጎዱ ስለሚችሉ ይህን ምልክት ችላ ማለት የለብዎትም። የነርቭ ጉዳት አእምሮ የሰውነትን እንቅስቃሴ በአግባቡ እንዳይቆጣጠር ያደርጋል። ይህ ሁኔታ ወድቀው እንዲጎዱ ሊያደርግ ይችላል። የሰውነት ሚዛን መጠበቅ መቸገር የፓርኪንሰን ህመም ምልክት ሊሆን ይችላል።

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official