ኢትዮ ጥሪት ቁጠባ ና ብድር ኀላፊነቱ የተወሰነ መሠረታዊ ሕብረት ሥራ ማህበር የሦስተኛ ዓመት የምስረታ በዓሉን በደመቀ ሁኔታ አከበረ

መጋቢት 28/2017 ዓ.ም

አዲስአበባ

የቁጠባ የብድር እና የማማከር አገልግሎትን ለአባላቶቹ እየሰጠ የሚገኘው ኢትዮ ጥሪት ቁጠባ ና ብድር ኀላፊነቱ የተወሰነ መሠረታዊ ሕብረት ሥራ ማህበር የሦስተኛ ዓመት የምስረታ በዓል የማህበሩ ኮሚቴዎች ፣ የማህበሩ መስራች እና ዋና ስራ አስፈፃሚ እንዲሁም የማህበሩ ሰራተኞች በተገኙበት በደማቅ ሁኔታ ተከበረ።

በክብረ በዓሉ ስነስርዓትም የማህበሩ የሶስት ዓመት የስራ አፈፃፀም እና ስኬት በማህበሩ ምክትል ስራ አስፈፃሚ አቶ ሙላቱ በእደ አማካኝነት ቀርቧል ይህ አፈፃፀም ሊያኮራ የሚገባ እንደሆነም ተናግረዋል ።

በክብረ በዓሉም ኮሚቴዎች በውይይት ሰዓት በተሰጣቸው ዕድል ማህበሩ ያለፈበትን ሁኔታ ወደ ኋላ በትዝታ ተመልሰው የሚያስደስት የሚያስቅ እንዲሁም አስቸጋሪ የነበሩ ሁኔታዎቹን እያነሱ ለሰራተኞች የሞራል መነሳሻ የአመራር ጥበብን ፈተናን የመቋቋም ክህሎትን ከሁሉም በላይ ሕብረትን አስተምረዋል ። የማህበሩ መስራችና ዋና ስራ አስፈፃሚ አቶ እንደሻው ተገኝም በበኩላቸው ከዚህ በፊት የነበረውን ውጣ ውረድ በአዝናኝ መልኩ ሲገልፁ ተስውሏል አክለውም ወደፊት ከዚህ የበለጠ ስኬትን ለማስመዝገብ በትልቅ ፕሮጀክት እየተንቀሳቁ እንደሆነ ገልፀዋል ።

ሰራተኞቹም የዚህ ማህበር አባል የስኬቱም አንዱ አካል በመሆናቸው የዕድለኝነት ስሜት እንደተሰማቸው በተደጋጋሚ ገልፀዋል ከዚህ ባለፈም ለበለጠ ለስኬት እንደሚተጉ በቆራጥነት ተናግረዋል ። ኢትዮ ጥሪት ልጆቿ የአንድ ሙያ ባለቤት ብቻ እንዳልሆኑ አሳይተዋል በሙዚቃ ፣ በቀልድ፣ በግጥም እና በመድረክ መምራት ጥበብ ታዳሚውን አስደምመዋል ።

በመጨረሻም ይህ ሳምንት የምስረታ በዓሉን የምናስብበት ይሆናል።

https://www.facebook.com/debitcredit.plc
https://t.me/ethioterit21
https://t.me/ethioterit28

Phone number:- 0957073701
0957076716