# ኢትዮጵያና ሩሲያ

በዛሬዉ እለት የሩስያው የውጭ ጉዳይ ሚኒስትር ሰርጌ ላቭሮቭ በኢትዮጵያ የስራ ጉብኝት ያደርጋሉ።
ላቭሮቭ በኢትዮጵያ የሁለት ቀናት የስራ ጉብኝት ለማድረግ ነው ዛሬ አዲስ አበባ የሚገቡት።

በአዲስ አበባ ቆይታቸው ፦

- በኢትዮጵያ እና ሩስያ የሁለትዮሽ ግንኙነት ዙሪያ ውይይት ያደርጋሉ፤
- ከዚህ በፊት በኢትዮጵያ እና ሩስያ መካከል የተፈረሙ ስምምነቶች ላይ ይመክራሉ፤
- ከአፍሪካ ህብረት ኃላፊዎች ጋር ውይይት ያደርጋሉ ተብሎ ይጠበቃል።

ላቭሮቭ በፈረንጆቹ 2018 ላይ ኢትዮጵያን ጎብኝተው እንደነበር አይዘነጋም፡፡

ውድ አድማጮቻችን እና ተከታዮቻችን የኢትዮ ኤፍ ኤም ወቅታዊ አዳዲስ መረጃዎችና ፕሮግራሞችን ለማግኘት ከታች ያሉትን ገፆቻንን ይጎብኙ ቤተሰብ ይሁኑ ።

Twitter https://twitter.com/EthioFM

YouTube https://www.youtube.com/channel/UCn4D20GPsAtNqN5bIC1BhFA/videos

Facebook https://www.facebook.com/onelovebroadcast

ዌብሳይት https://ethiofm107.com/

ከኛ ጋር ስለሆናችሁ ከልብ እናመሰግናለን።

ኢትዮ ኤፍ ኤም 107.8 የኢትዮጵያዊያን
ሐምሌ 19 ቀን 2014 ዓ.ም

የዛሬው የኢትዮ ማለዳ ዜናዎቻችን 19-11-14

በበጀት ዓመቱ በ4.8 ቢሊየን ብር የሚደርስ የተለያዩ ዕቃዎች ግዥ ተፈጽሟል፡፡

በ2014 በጀት ዓመት ለፌዴራል ባለበጀት መስርያ ቤቶች እና ለመንግስት ዩኒቨርሲቲዎች አገልግሎት ግዢ ተፈጽሟል ነው የተባለው፡፡
ለተቋማቶቹ የሚውሉ የጋራ መጠቀሚያ ዕቃዎችን በዓለም አቀፍ ግልፅ ጨረታ ዘዴ ግዥ መፈፀሙን የመንግስት ግዥ ለኢትዮ ኤፍ ኤም በላከው ሪፖርት ገልጿል፡፡

የተፈጸሙ ዕቃዎች ግዥን በተመለከተ ከ2013- 2015 የሚያገለግሉ የቢሮ ፈርኒቸር እንዲሁም ከ2014-2016 በጀት ዓመት የሚያገለግሉ የ5 ሎት (የኢንፎርሜሽን ቴክኖሎጂ፣ የፕሪንተርና ፎቶ ኮፒ ማሽን ቶነሮች፣ የጽህፈት መሳሪያዎች፣ የጽዳት ዕቃዎች እንዲሁም ለመንግስት ዩኒቨርስቲዎች የተሽከርካሪ ጎማ) ዕቃዎች የግዥ ሂደት ተጠናቆ በ4.8 ቢሊዮን ብር ለ46 አሸናፊ ድርጅቶች የአሸናፊነት ደብዳቤ መስጠቱም ተመላክቷከል፡፡

የተፈጸሙ ግዥዎች የገንዘብ መጠን ከአምናው ተመሳሳይ ወቅት ጋር ሲነጻጸር በ42 በመቶ ቅናሽ እንዳሳየም ባለስልጣን መስሪያ ቤቱ ተጠቁሟል፡፡

በ2013 በጀት ዓመት የስንዴ ግዥዎች፣የኮቪድ መከላከያ መሳሪያዎች፣የኔትወርክ ዕቃዎች እና ቁጥራቸው ከፍ ያሉ ተሽከርካሪዎች ግዥ መፈጸም ዋነኛ የግዢው ገንዘብ መቀነስ ምክንያቶች ናቸው ተብሏል፡፡

በረድኤት ገበየሁ
ሐምሌ 19 ቀን 2014 ዓ.ም

Twitter https://twitter.com/EthioFM

YouTube https://www.youtube.com/.../UCn4D20GPsAtNqN5bIC1BhFA/videos

ዌብሳይት https://ethiofm107.com/

ከኛ ጋር ስለሆናችሁ ከልብ እናመሰግናለን።

እንደ ሰዉ የሚራመደዉ ዉሻ!

ዴክስተር ይባላል በአሜሪካ ኮሎራዶ የሚኖር የ 7 ዓመት ዉሻ ነዉ፡፡
የመኪና አደጋ በፊት እግሮቹ ላይ ጉዳት ካደረሰበት በኋላ፣ እራሱን እንደ ሰዉ መራመድ ያስተማረ ዉሻ በመሆኑ በአለም ዙሪያ ላሉ ሁሉ ማነቃቂያ የሆነ ዉሻ ነዉ ይሉታል፡፡

ገና ቡችላ ሳለ ከባለቤቶቹ ቤት አምልጦ በመዉጣት የትራፊክ መንገድ ላይ ገብቶ አደጋ ይደርስበታል፡፡ በጊዜዉ ባለቤቶቹ የፊት ለፊት እግሮቹ ከመጎዳታቸዉ በላይ መትረፉን ነበር የፈለጉት እና ለሌላዉ ጉዳቱ ብዙም ትኩረት አልሰጡትም ነበር፡፡

መንቀሳቀሻ እንዲሆነዉ ዊልቸር ገዝተዉ ቢያቀርቡለትም ዴክስተር ግን ለጥቂት ጊዜ ብቻ ነዉ የተጠቀመዉ፤ በሁለት የኋላ እግሮቹ በደንብ መራመድ እንደሚችል ከተረዳ በኋላ የሚያስቆመዉ አልተገኘም፡፡ ከዛ በኋላ በመንደር ዉስጥ አንገቱን ወዲያ እና ወዲህ እያዞረ እንደሰዉ መራመዱን ተያይዞታል፡፡ ለብዙዎችም አነቃቂ ነዉ ተብሎለታል፡፡

ዴክስተር በእግር እርምጃ ከቀን ቀን እየተሻሻለ እና ለዉጥ እያመጣ ነዉ፣ አሁን ላይ ያለማንም አጋዥ በመንደር ዉስጥ ይራመዳል፡፡ የመንደሩ ታዋቂም ሆኗል፣ ሰዎች እሱን ለማየት ከየቤታቸዉ መዉጣት ከጀመሩ ቆይተዋል፡፡
በብዙዎች ፊት ላይ ፈገግታን የሚጭረዉ ዴክስተር፣ ህይወት የቱንም ያህል ብትደቁሰንም ሁሌም ቢሆን ለመነሳት የተሻለ መንገድ እንዳለ ማሳያ ተደርጎ እየተጠቀሰ ነዉ ፡፡
አሳዳጊዉ ‹‹ ይችላል ብለን አላሰብንም ነበር፣ ነገርግን እንዲሞክር እድሉን ሳልሰጠዉ ልተወዉ አልፈለኩም ነበር›› ብላለች፡፡

የዴክስተር ጉዳይ ከብዙ በጥቂቱ የሚከሰት ቢሆንም ግን ልዩ አይደለም ሲል ሀሳቡን የሚያጠቃልለዉ ኦዲቲ ሴንትራል፣ ፌዝ የምትባል ሁለቱንም የፊት እግሮቿን ያጣች ዉሻ እራሷን በኋላ እግሮቿ መንቀሳቀስ አስተምራ ለብዙዎች አርአያ እና ምሳሌ በመሆኗ በስሟ ፋዉንዴሽን እንደነበራትም ያነሳል፡፡

በእስከዳር ግርማ
ሐምሌ 19 ቀን 2014 ዓ.ም

በኦሮሚያና ሶማሊያ ክልሎች በድርቅ የተጎዱ ሰዎች ትኩረት ሊሰጣቸዉ እንደሚገባ የኢትዮጵያ ሰብአዊ መብቶች ኮሚሽን አሳሰበ፡፡

የኢትዮጵያ ሰብአዊ መብቶች ኮሚሽን (ኢሰመኮ) በሁለቱ ክልሎች የተከሰተውን ድርቅ እና ያደረሰውን ጉዳት ተከትሎ ከየካቲት 14 እስከ 29 ቀን 2014 ዓ.ም. ድረስ በድርቁ በከፍተኛ ደረጃ ጉዳት ደርሶባቸዋል ተብለው በተለያዩ አካላት በይፋ እውቅና የተሰጣቸው አካባቢዎች በመዘዋወር ያዘጋጀውን ባለ 50 ገጽ ሪፖርት ዛሬ ይፋ አድርጓል።

በዚህም መሰረት ክትትል የተደረገባቸው ቦታዎች በተደጋጋሚ ጊዜያት በድርቅ የሚጠቁ አካባቢዎች ቢሆኑም በዚህ ሪፖርት የተሸፈነው ወቅት የተከሰተው ድርቅ ከዚህ በፊት ከነበሩት አደጋዎች በተለየ መልኩ የተራዘመ ማለትም ከ 2 እስከ 4 የዝናብ ወቅቶች ያልዘነበበት እንዲሁም ሰፊ ቦታዎችን ያካለለ እንደሆነ የክትትሉ ግኝት ያሳያል፡፡ በመሆኑም ማኅበረሰቡ እንደ ከዚህ ቀደሙ ወደ ተሻሉ ቦታዎች ተዘዋውሮ ከድርቁ ተጽዕኖ ለማምለጥ አልቻለም ብሏል፡፡

በድርቁ ጉዳት ሳቢያ በተለይ በቂ ውኃና ምግብ ባለመኖሩ ሰዎች ለተለያዩ የጤና እክሎች ተዳርገዋል፡፡

በምግብ እጥረት ምክንያት ሰውነታቸው የከሳ፣ ሆዳቸውና እግራቸው ያበጠ በዚህም ታመው የተኙ ሰዎች አሉ ነዉ ያለዉ ኢሰመኮ፡፡

የጤና ግልጋሎት መስጫ ተቋማት በአካልም በኢኮኖሚም ተደራሽ አለመሆናቸውንም ክትትሉ አሳይቷል፡፡ የጤና ግልጋሎቶችን ለራሳቸው ማግኘት ለማይችሉ የድርቁ ተጎጂዎች የጤና ግልጋሎቶችን ተደራሽ በማድረግ ረገድ የተሠሩ ሥራዎች ውስን መሆናቸዉንም አንስቷል፡፡

በዚህ ምክንያት ተጋላጭ የሕብረተሰቡ ክፍሎች በተለይም አረጋውያን እና ሕፃናት ሕይወታቸው አደጋ ላይ ወድቋል።

በድርቅ ምክንያት ተፈናቅለው በተፈናቃይ ካምፖች ውስጥ ለሚገኙ ሰዎች የሕዝብ ጤና አጠባበቅ ተግባራት አለመከናወኑ እና የተፈናቃዮችን ጤና አደጋ ውስጥ ሊከት የሚችል እንደ ወረርሽኝ የመሰለ በሽታ ተጋላጭነት ነበር፡፡ ይህም የድርቅ ተጎጂዎችን የጤና መብት ከማረጋገጥ አንጻር ክፍተት እንዳለ ያመላክታል ብሏል፡፡

በሁለቱም ክልሎች የቅድመ ጥንቃቄ እና የማሳወቅ ስራዎች አለመሰራታቸዉ የሚሰጠዉ መፍትሄ የዘገየ እንዲሆን አድርጎታል ብሏል

ኮሚሽኑ መንግሥት ከአጋር ድርጅቶች ጋር በመሆን በድርቁ ሳቢያ ለተፈናቀሉ ድጋፍ ፈላጊዎች ባሉበት ቦታ እርዳታ እንዲያገኙ እንዲያደርግ፣ እርዳታ የሚገኝበትን ቦታ እና ሁኔታ እንዲያሳውቅ እና ያለ በቂ መረጃ ለሚፈናቀሉ ሰዎች አፋጣኝ እርዳታ ለማድረግ የሚያስችል የመጠባበቂያ እርዳታ ዝግጁ እንዲያደርግ ጠይቋል።

ኢትዮ ኤፍ ኤም 107.8 የኢትዮጵያዊያን
ሐምሌ 19 ቀን 2014 ዓ.ም

Twitter https://twitter.com/EthioFM


YouTube https://www.youtube.com/channel/UCn4D20GPsAtNqN5bIC1BhFA/videos

Facebook https://www.facebook.com/onelovebroadcast

ዌብሳይት https://ethiofm107.com/

ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

#ዉሻዎቻችሁን አስከትቡ!

በአዲስ አበባ የእብደት ዉሻ በሽታ ክትባት ተጀምሯል፡፡

በኢትዮጵያ የእብደት ዉሻ በሽታን በቀጣዮቹ ስምንት ዓመታት ለማጥፋትና ለመቆጣጠር በተለያዩ የአገሪቱ አካባቢዎች ክትባት እየተሰጠ እንደሚገኝ የግብርና ሚንስቴር ተናግሯል፡፡

በሚኒስቴሩ የቬተርነሪ ፐብሊክ ሄልዝ ዳይሬክተር ዶክተር ሲሳይ ጌታቸው በሽታውን ለማጥፋትና ለመቆጣጠር የግንዛቤ ፈጠራ፣ የህዝብ ንቅናቄ ስራዎችና የውሾች ክትባት ዘመቻ ወሳኝ ነዉ ማለታቸዉን የኢዜአ ዘገባ ያመለክታል።

በከተማዋ ባለቤት ያላቸውንና ባለቤት አልባ ውሾችን ለማስከተብ ስራዎች ተጀምረዋል፡፡

የክትባት ዘመቻው በሚፈለገው ልክ ውጤት እንዲያመጣ ውሻ ያላቸው የከተማዋ ነዋሪዎች በሚቀጥሉት አምስት ተከታታይ ቀናት ውስጥ ውሾቹን በኃላፊነት እንዲያስከትቡም ሚንስቴሩ ተጠይቋል።

ኢትዮ ኤፍ ኤም 107.8 የኢትዮጵያዊያን
ሐምሌ 19 ቀን 2014 ዓ.ም


Twitter https://twitter.com/EthioFM


YouTube https://www.youtube.com/channel/UCn4D20GPsAtNqN5bIC1BhFA/videos
Facebook https://www.facebook.com/onelovebroadcast

ዌብሳይት https://ethiofm107.com/
ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

#UPDATE

የሩሲያው ውጭ ጉዳይ ሚኒስትር ሰርጌይ ላቭሮቭ አዲስ አበባ ገብተዋል፡፡

ሰርጌይ ላቭሮቭ ቦሌ ዓለም አቀፍ አውሮፕላን ማረፊያ ሲደርሱ ምክትል ጠቅላይ ሚኒስትር እና የውጭ ጉዳይ ሚኒስትሩ አቶ ደመቀ መኮንን እንዲሁም ሌሎች የመንግሥት የሥራ ኃላፊዎች አቀባበል አድርገውላቸዋል።

የሩሲያው ውጭ ጉዳይ ሚኒስትር በሚኖራቸው ቆይታ በሩሲያ እና ኢትዮጵያ መካከል ስላለው የሁለትዮሽ ግንኙነት እና ሌሎች ዓለም አቀፍ ጉዳዮች ላይ ከኢትዮጵያ መንግሥት የሥራ ኃላፊዎች ጋር ውይይት ያደርጋሉ ተብሎ ይጠበቃል፡፡

ላቭሮቭ በኢትዮጵያ የሁለት ቀናት የስራ ጉብኝት ለማድረግ ነው ዛሬ አዲስ አበባ የገቡት ።

በአዲስ አበባ ቆይታቸው ፦
- በኢትዮጵያ እና ሩስያ የሁለትዮሽ ግንኙነት ዙሪያ ውይይት ያደርጋሉ፤
- ከዚህ በፊት በኢትዮጵያ እና ሩስያ መካከል የተፈረሙ ስምምነቶች ላይ ይመክራሉ፤

- ከአፍሪካ ህብረት ኃላፊዎች ጋር ውይይት ያደርጋሉ ተብሎ ይጠበቃል።
ላቭሮቭ በፈረንጆቹ 2018 ላይ ኢትዮጵያን ጎብኝተው እንደነበር አይዘነጋም፡፡


ኢትዮ ኤፍ ኤም 107.8 የኢትዮጵያዊያን
ሐምሌ 19 ቀን 2014 ዓ.ም


Twitter https://twitter.com/EthioFM


YouTube https://www.youtube.com/channel/UCn4D20GPsAtNqN5bIC1BhFA/videos
Facebook https://www.facebook.com/onelovebroadcast

ዌብሳይት https://ethiofm107.com/
ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

የሐምሌ 20 ቀን 2014 ዓ.ም የኢትዮ ማለዳ የዜና ሰዓታችን ከያዛቸው ጉዳዮች መካከል፦


በዛሬው የኢትዮ ማለዳ የዜና ሰዓታችን ( ከ12:30-2:30)


-ከቤት ሳንወጣና ስፖርታዊ ጉዳዮችን ትሰማላችሁ

- በመንገዳችን ላይ፦በአዲስ አበባ በተለያዩ አካባቢዎች የሚስተዋሉ ግን ብዙም ትኩረት ከማንሰጣቸው ጉዳዮች መካከል አንድ ለየት ያለ ሀሳብን ያነሳል።


- ለጤናችን፦ በአዲስ አበባ በሱስ ላይ ከሚሰሩ ማገገሚያ ማእከላት ወደ አንዱ አቅንተን ቅኝት አድርገን ልናካፍላቹ የወደድነውን አዘጋጅተናል።


- በፍተሻ ሰዓታችን፦ የኢታስ ትራንስፖርት አገልግሎት ሰጭዎች /አሽከርካሪዎች / ላይ ተደጋጋሚ የግድያ ወንጀሎች እየተፈጸሙ ነዉ።

የሟች ወገኖች ፍትህን ከመንግሥት እየጠበቅን ነዉ ይላሉ፤

የቴክኖሎጂው ባለቤቶችስ በዚህ ጉዳይ ላይ ምን ይላሉ ?

በፍተሻችን ተመልክተነዋል።


-በኢትዮ ገበያችን ፦የኢትዮጵያ አየር መንገድ ዓለም አቀፍ መዳረሻዎችን ቁጥር እያሳደገ ይገኛል፤ አማራ ክልል ደግሞ ከፍተኛ የማዕድን ክምችት ያለባቸው አካባቢዎችን ለይቻለሁ ብሏል።

ክልሉ በጥናቱ ምን ምን ማዕድናትን አገኘ? ከኢትዮ ገቢያችን ትሰሙታላችሁ።


-በዓለም ጉዳይ፦ የሶማሊያው ፕሬዝደንት ሃሰን ሸይኽ ሙሐመድ ሰሞኑን በግብጽ ካይሮ ጉብኝት ላይ ናቸው።

ከግብፁ አቻቸው አልሲሲ ጋር የመከሩት ሃሰን በህዳሴው ግድብ ዙሪያ አስገዳጅ ስምምነት ይፈረም የሚል አቋም ይዘዋል የሚሉ ዘገባዎች እየወጡ ነዉ።

ለመሆኑ የፕሬዝዳንቱ ጉብኝት ከኢትዮጵያ አንጻር እንዴት ይታያል?

የእለቱ የዓለም አቀፍ ትንታኔያችን ትኩረት አድርጎበታል።


- እንዲሁም ሌሎች አዳድስ የሀገር ውስጥና ዓለምዓቀፋዊ ጉዳዮችንም አሰናድተንላችኋል።

እንድታደምጡ ተጋብዛችኋል።

ለአስተያየትዎ '6321' አጭር የጽሁፍ መልዕክት

ኢትዮ ኤፍ ኤም 107.8 የኢትዮጵያዊያን

የዛሬው የኢትዮ ማለዳ ዜናዎቻችን 20-11-14

በኢትዮጵያ እስካሁን በዝንጀሮ ፈንጣጣ የተያዘ ሰው አለመኖሩን የህብረተሰብ ጤና ኢንስቲትዩት አስታወቀ፡፡

የህብረተሰብ ጤና ኢንስቲትዩት ዋና ዳይሬክተር ዶክተር መሳይ ሀይሉ እንደተናገሩት፣ በሀገራችን በአሁን ወቅት በበሽታው የተያዘ ምንም ሰው የለም ፣ነገርግን የቅኝት እና ምላሽ ስራ እየሰራን እንገኛለን ብለዋል፡፡

ከውጭ የሚገቡ ሰዎች ላይ ምርመራው እየተካሄደ መሆኑን የገለፁት ዋና ዳይሬክተሩ፣ በድንበር አከባቢ ባሉ ኬላዎች ላይ ከፍተኛ ምርመራ እየተካሄደ መሆኑንም አንስተዋል።
የቅኝት እና ምላሽ ስራዎች ተጠናክረው እንደሚቀጥሉ ያነሱት ዶክተር መሳይ፣ የዓለም ጤና ድርጅት የዝንጀሮ ፈንጣጣን "ዓለማቀፍ የጤና ስጋት" ብሎ መፈረጁን ተከትሎ ሁሉም ሰው ጥንቃቄ እንዲያደርግ አሳስበዋል።

በእስከዳር ግርማ
ሐምሌ 20 ቀን 2014 ዓ.ም

Twitter https://twitter.com/EthioFM

YouTube https://www.youtube.com/channel/UCn4D20GPsAtNqN5bIC1BhFA/videos
Facebook https://www.facebook.com/onelovebroadcast

ዌብሳይት https://ethiofm107.com/

ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

ኢ-ፍትሃዊ ድርጊቶች እየተፈፀመብኝ ነው ሲል የደቡብ ክልል የቁጫ ወረዳ የፖለቲካ ፓርቲዎች የጋራ ምክርቤት ተናገረ።

ምክርቤቱ በዛሬው እለት በሰጠው መግለጫ ሰኔ 14/2013 ዓ.ም በተደረገው ምርጫ የብልጽግናን እና የቁጫ ህዝብ ዴሞክራሲያዊ ፓርቲ ጨምሮ ሰባት ፓርቲዎች መሳተፋቸውን አንስቷል።

ነገር ግን ገዢው ፓርቲ በደቡብ ክልል የሚገኘውን የቁጫ ህዝብ ዴሞክራሲያዊ ፓርቲ(ቁሕዴፓ) መዋቅሩ በወረዳው ተቀባይነት እንዳይኖረው ህዝብ በሰላም እንዳይኖር ኢፍትሃዊ የሆኑ ተግባረትን እያደረገ ነው ብሏል።

የገዢው ፓርቲ አባል ያልሆኑ ግለሰቦችን ማሰር፣ንብረት ማውደም፣ ነጋዴዎች የንግድ ፍቃዳቸው እንዳይታደስ እና የኗሪነት መታወቂያን መከልከል በርካታ እንግልቶች እየተረሰባቸው መሆኑን የቁጫ ህዝብ ዴሞክራሲያዊ ፓርቲ እና የቁጫ ወረዳ የፓለቲካ ፓርቲዎች የጋራ ምክርቤት ተወካይ አቶ ገነነ ግደሞ ተናግረዋል።

ይህ ደግሞ ለረጅ አመታት በአብሮነት በኖረ የአከባቢ ማህበረሰብ መካከል የባህል ግጭቶች እንዲነሱ ምክንያት እየሆነ ነው ተብሏል።
ነገር ግን አሁንም በህዝቡ መካከል ግጭት እንዳይነሳ የቻልነውን ሁሉ እያደረግን ነው ሲል የጋራ ምክርቤቱ አሳውቋል።

በርካታ ወጣቶች ለሌላው የፖለቲካ ፓርቲ ድምጽ በመስጠታቸው ምክንያት ለድብደባ ፣ለእስር እና አከባቢውን ለቀው እንዲወጡ ተደርጓል ነዉ ያለዉ የጋራ ምክር ቤቱ።
በዚህም ምክንያት 500 አባወራዎች መኖሪያቸው ለቀው ተሰደዋል ብሏል።
ጉዳዩ ተደጋግሞ ለምርጫ ቦርድ ቢቀርብም ከምርጫ ቦርድ የሚላኩ ባለሞያዎችን እራሱ እያሰረ፣ገዢው ብልፅግና ፓርቲ በወረዳው እንዳሻው እያደረገ ይገኛል ሲል ገዥዉ ፓርቲን ኮንኗል፡፡

በመሳይ ገ/መድህን
ሐምሌ 20 ቀን 2014 ዓ.ም

1 ነጥብ 3 ሚሊዮን ሰዎች በወባ በሽታ ተይዘዋል፡፡

በሀገራችን በዚህ አመት ብቻ 1 ነጥብ 3 ሚሊዮን ዜጎች በወባ በሽታ መያዛቸውን የጤና ሚኒስቴር ገልጿል።

የጤና ሚኒስቴር ድኤታ ዶክተር ደረጀ ዱጉማ ካለፈው አመት ከነበረው ቁጥር 10 በመቶ ጭማሪ በማሳየት ከፍተኛ ደረጃ ላይ ደርሶ 1 ነጥብ 3 ሚሊዮን ዜጎች በወባ መያዛቸውን ገልጸዋል።
በሀገራችን 75 በመቶ የሚሆነው መልክዓ ምድር ለወባ ትንኝ መራባት ምቹ መሆኑን ያነሱት ዶክተር ደረጄ፣ በእነዚህ ቦታዎችም 52 በመቶ የሚሆኑ ዜጎቻችንም ይኖራሉ ነዉ ያሉት፡፡

በእነዚህ ቦታዎች በአመት ሁለት ጊዜ ወባ እንደሚከሰት የገለፁት ሚኒስቴር ዲኤታው፣ በተለይ የዝናብ ወቅቶችን ተገን አድርጎ በጣም ብዙ ሰዎችን እንደሚጎዳም አንስተዋል።

በተለይም በኮንስትራክሽን ፣መስኖ እና ግብርና ስራዎች በሚበዙበት ቦታዎች ለወባ ትንኝ መራባት ምቹ ቦታዎች ናቸው ያሉት ዶክተር ደረጄ፣ ድርቅ የነበረባቸው ቦታዎች ፣መጠለያ ካምፖች እና የፀጥታ ችግር ያለባቸው ቦታዎችም ምቹ መሆናቸውን አብራርተዋል፡፡
በማህበረሰቡ ደረጃ ያለው አረዳድ እና የግንዛቤ ማነስ እንዲሁም ወባን እንደ ገዳይ በሽታ አለመመልከት ፣አጎበርን በአግባቡ አለመጠቀም ለበሽታው መስፋፋት ትልቅ ድርሻ አለው ነዉ ያሉት፡፡

በዚህም አማራ፣ደቡብ ፣ደቡብ ምዕራብ ፣ኦሮሚያ እና ሲዳማ ክልሎች በከፍተኛ ደረጃ በሽታው የተከሰተባቸው መሆናቸውን ገልጸዋል ።
5 ነጥብ 5 ሚሊየን መመርመሪያ ኪት ለሁሉም ጤና ተቋማት መሰጠቱን፣4.5 ሚሊዮን ፀረ ወባ መድሐኒት እና 3 ሚሊዮን የአልጋ አጎበር መከፋፈሉን እንዲሁም 1 ነጥብ 6 ሚሊዮን ቤቶች የፀረ ወባ ኬሚካል ርጭት መካሄዱንም ገልፀዋል።

በእስከዳር ግርማ
ሐምሌ 20 ቀን 2014 ዓ.ም

Twitter https://twitter.com/EthioFM

YouTube https://www.youtube.com/channel/UCn4D20GPsAtNqN5bIC1BhFA/videos

Facebook https://www.facebook.com/onelovebroadcast

ዌብሳይት https://ethiofm107.com/

ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

#ዜና ችሎት

የኢትዮጵያ አየር መንገድ ሰራተኛ የነበረችውን ወጣት የገደሉ ሦስት ወንጀለኞች የ13 ዓመት ፅኑ እስራት ተፈረደባቸዉ፡፡

የአዲስ አበባ ፖሊስ እንዳለዉ ግለሰቦቹ ከልዩ ልዩ ማህበራዊ መብቶቻቸው ለአምስት አመት እንዲሻሩም ተወስኖባቸዋል፡፡

የኢትዮጵያ አየር መንገድ ሰራተኛ የነበረችው ወ/ሮ እፀገነት አንተነህ መስከረም 6 ቀን 2014 ዓ/ም በግምት 12 ሰዓት ተኩል ገደማ ወደ ስራ ለመሄድ ከሰፈሯ ተነስታ የመስሪያ ቤቷን ሰርቪስ እስከምታገኝበት ቦታ ለመጓዝ ትራንስፖርት በመጠበቅ ላይ እንዳለች በረከት ብርሃኑ ፣ ዮናስ ካሳ እና ዳግም ውብሸት የተባሉ ሦስት ግለሰቦች በሰሌዳ ቁጥር ኮድ1-34039 ኦ/ሮ ባጃጅ ካሳፈሯት እና አስገድደው ወደ ሰዋራ ስፍራ በመውሰድ ገንዘብና ልዩ ልዩ ንብረቷን ይሰርቃሉ፡፡

ከዛም በኋላ በመግደል አስከሬኗን በአቃቂ ቃሊቲ ክፍለ ከተማ ወረዳ 3 ልዮ ቦታው ሰላም ፍሬ ጤና ጣቢያ አካባቢ መንገድ ላይ ጥለው መሰወራቸውን የተከሳሾቹ የክስ መዝገብ ያስረዳል፡፡

በወቅቱ ወንጀሉን የፈፀሙትን ግለሰቦች ለማወቅ አስቸጋሪ የነበረ ቢሆንም የአዲስ አበባ ፖሊስ የወንጀልና ትራፊክ አደጋ ምርመራ ዘርፍ ባደረገው ክትትል ወንጀል ፈፃሚዎቹ ወንጀሉን በፈፀሙ በዘጠነኛው ቀን መስከረም 15 ቀን 2012 ዓ/ም በቁጥጥር በማዋል በማግስቱ የወንጀሉን አፈፃፀም መርተው እንዲያሳዩ መደረጉን የአዲስ አበባ ፖሊስ ገልጿል፡፡

የተከሳሾቹን ጉዳይ ሲመለከተት የቆየው የፌዴራል ከፍተኛ ፍርድ ቤት ልደታ ምድብ 1ኛ ወንጀል ችሎት ሐምሌ 14 ቀን 2014 ዓ/ም በዋለው ችሎት በረከት ብርሃኑ ፣ ዮናስ ካሳ እና ዳግም ውብሸት እያንዳንዳቸው በ13 ዓመት ፅኑ እስራት እንዲቀጡ ውሳኔ ማስተላለፉን የአዲስ አበባ ፖሊስ አስታውቋል፡፡

በተጨማሪም በወንጀል ህግ አንቀፅ 123 መሰረት ከህዝባዊ መብቶቻቸው በተለይ በምርጫ ላይ ተካፋይ ከመሆን ፣ ለህዝብ አገልግሎት ስራ ከመመረጥ ፣ በሰነድ ወይም የውል ስምምነት ላይ ምስክር ከመሆን ፣ በቤተ ዘመድ ካለው መብት በተለይም የወላጅነት ስልጣን ከመያዝ ችሎታ ፣ ከሞግዚትነት እና የንግድ ፈቃድ የሚያስፈልገውን የሙያ ፣ የኢንዱስትሪ ወይም የንግድ ስራ ከመስራት መብታቸው ለአምስት ዓመት እንዲሻሩ ፍርድ ቤቱ ወስኗል፡፡

ኢትዮ ኤፍ ኤም 107.8 የኢትዮጵያዊያን
ሐምሌ 20 ቀን 2014 ዓ.ም

Twitter https://twitter.com/EthioFM

YouTube https://www.youtube.com/.../UCn4D20GPsAtNqN5bIC1BhFA/videos

ዌብሳይት https://ethiofm107.com/

ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

የሩሲያ የውጭ ጉዳይ ሚኒስትር ሰርጌ ላቭሮቭ ምዕራባውያን የፍትህ ተቆርቋሪነት ስብዕና የላቸውም አሉ።

የሩሲያው የውጭ ጉዳይ ሚኒስትር ሰርጌ ላቭሮቭ በአሁኑ ሰዓት በአዲስ አበባ መግላጫ እየሰጡ ነው።

በመግለጫው ምዕራባውያኑ በተለይም አሜሪካ የፍትህ ተቆርቋሪ ለመምሰል የምታደርገው አካሄድ ተቀባይነት የለውም ብለዋል።

ምዕራባውያኑ ሶሪያን፣ ኢራቅንና ሊቢያን የመሳሰሉ አገራትን አውድመው ዛሬ ላይ ለዩክሬን ተቆርቋሪ ነን የማለት ስብዕና ሊኖራቸው አይችልም ነው ያሉት።

ለዩክሬን ጦርነት መቀስቀስ የምዕራባውያን እጅ እንዳለበትም ሰርጌ ላቭሮቭ አስታውቀዋል ።

የውጭ ጉዳይ ሚኒስትሩ የምዕራባውያን መገናኛ ብዙሃን የተሳሳተ መረጃን እያሰራጩ የአለም አቀፉን ማህበረሰብ እያወዘገቡ ነው ሲሉ ወቅሰዋል።

የዩክሬኑ ጦርነትን ተከትሎ የአለም የምግብ ዋጋ መናሩን ያነሱት ላቭሮቭ ለዚህም ምዕራባውያኑን ተጠያቂ አድርገዋል።

ሩሲያ ዩክሬን ላይ የጀመረችው ልዩ ኦፕሬሽን ለችግሩ እንደ አንድ ምክንያት ቢጠቀሰም እያባባሱት ያሉት ግን እነ አሜሪካ ናቸው ብለዋል።

ላቭሮቭ ለዚህ እንደምክንያት ያነሱት ደግሞ ምዕራባውያን ለዩክሬን እያደረጉት ያለውን ወታደራዊ ድጋፍ ነው።

የሩሲያው የውጭ ጉዳይ ሚኒስትር ሰርጌ ላቭሮቭ ለይፋዊ የሥራ ጉብኝት በትናትናው ዕለት አዲስ አበባ መግባታቸው ይታወሳል ።

በዛሬው ዕለት ከምክትል ጠቅላይ ሚኒስትርና የውጭ ጉዳይ ሚኒስትር አቶ ደመቀ መኮንን ጋር በሩሲያ ኢምባሲ ችግኝ ተክለዋል።

በኡኑ ሰዓት የውጭ ጉዳይ ሚኒስትሩ ለዲፕለማሲ ማህበረሰብና ለመገናኛ ብዙሃን መግለጫ እየሰጡ ሲሆን ኢትዮ ኤፍ ኤምም መግለጫውን ተከታትሎ ተጨማሪ መረጃዎችን ወደ እናንተ የሚያደርስ ይሆናል።

በአባቱ መረቀ
ሐምሌ 20 ቀን 2014 ዓ.ም

#UPDATE

የሩሲያው ውጭ ጉዳይ ሚኒስትር ሰርጌ ላቭሮቭ በኢትዮጵያ የነበራቸውን ቆይታ አጠናቀው ወደ ሀገራቸው ተመልሰዋል።

የውጭ ጉዳይ ሚኒስትር ዴኤታ አምባሳደር ብርቱካን አያኖ እና ሌሎች ከፍተኛ የሥራ ኃላፊዎች በቦሌ ዓለም አቀፍ አውሮፕላን ማረፊያ በመገኘት ለሚኒስትሩ ሽኝት አድርገዉላቸዋል፡፡


የሩሲያው ውጭ ጉዳይ ሚኒስትር ሰርጌ ላቭሮቭ በጥዋቱ መርሃ-ግብራቸዉ ምዕራባውያኑ በተለይም አሜሪካ የፍትህ ተቆርቋሪ ለመምሰል የምታደርገው አካሄድ ተቀባይነት የለውም ብለዋል።

ምዕራባውያኑ ሶሪያን፣ ኢራቅንና ሊቢያን የመሳሰሉ አገራትን አውድመው ዛሬ ላይ ለዩክሬን ተቆርቋሪ ነን የማለት ስብዕና ሊኖራቸው አይችልም ሲሉም ተደምጠዋል።

ለዩክሬን ጦርነት መቀስቀስ የምዕራባውያን እጅ እንዳለበትም ሰርጌ ላቭሮቭ ተናግረዋል።


በአባቱ መረቀ
ሐምሌ 20 ቀን 2014 ዓ.ም

“ቅዱስነታቸው ቤተ ክርስቲያን ይወክላሉ”!


ቅዱስነታቸው ቤተ ክርስቲያን ይወክላሉ። እሳቸው ባሉበት ኹሉ ቤተ ክርስቲያን አለች። እሳቸውን የሚናገር እየተደፋፈረ ያለው ቤተ ክርስቲያንን ነው።"

የቅዱስ ሲኖዶስ ዋና ጸሐፊ እና የኒዮርክና አካባቢው ሀገረ ስብከት ሊቀ ጳጳስ ብፁዕ አቡነ ጴጥሮስ እና የጠቅላይ ቤተ ክህነት ዋና ሥራ አስኪያጅና የባሕር ዳር ሀገረ ስብከት ሊቀ ጳጳስ ብፁዕ አቡነ አብርሃም መግለጫ ሰጥተዋል።

ሐዋ. ፳፫፥፭ "በሕዝብህ አለቃ ላይ ክፉ ቃል አትናገር" የሚለውን መጽሐፍ ቅዱሳዊ ቃል መነሻ በማድረግ መግለጫውን የጀመሩት ብፁዕ አቡነ አብርሃም በአንድ ቅዱስ ፓትርያርክ ላይ በጥራዝ ነጠቅነት የተሳሳተ መረጃ መስጠት ትክክል አለመሆኑን በመጥቀስ ቅዱስነታቸው ቤተ ክርስቲያን ይወክላሉ።

እሳቸው ባሉበት ኹሉ ቤተ ክርስቲያን አለች። እሳቸውን የሚናገር እየተደፋፈረ ያለው ቤተ ክርስቲያንን ነው። በዚህም ቤተ ክርስቲያን ታዝናለች" ብለዋል።

በሀገር ውስጥና በውጭ ላለችው ቤተ ክርስቲያን አባት የሆኑ አባትን በዚህ መንገድ መናገር ሉዓላዊ የሆነች የኢ/ኦ/ቤ/ክንን እና በሚሊዮን የሚቆጠሩ ምእመናንን መድፈር ነው ያሉት ብፁዕነታቸው
ቤተ ክርስቲያንን በመከፋፈል ትርፍ ማግኘት አይቻልም ሲሉ አብራርተዋል።

ብፁዕነታቸው አክለውም ቤተ ክርስቲያን አብያተ ክርስቲያናትን በውጪ ሀገር መትከል ከጀመረች ጀምሮ ጽላት በአሠራሯ መሠረት ትልካለች።

የታሪካዊ ቅርሶች ባለቤት እና ልጆቿ በረሃብ እየተገረፉ የጠበቁትን ሁኖ ሳለ ቤተ ክርስቲያን ቅርስ ታሸሻለች ብሎ ማሰብ ንስሐ ያስገባል።

ይህ የቅዱስነታቸውን ሳይሆን የቤተ ክርስቲያንን ክብር መንካት ነው ብለዋል።
መንግሥት ለምን ብሎ መጠየቅ እና መመርመሩ ተገቢ ነው።

ነገር ግን ቅርጽና ቅርስ መለየት ያስፈልጋል። በቀጣይም በጉዳዮ ላይ ግልፅነት ለመፍጠር ከሚመለከተው የመንግሥት አካል ጋር በቀጣይ እንወያያለን በማለት በመግለጫቸው ጠቅሰዋል።


ምንጭ:-ማኅበረ ቅዱሳን ብሮድካስት አገልግሎት

ኢትዮ ኤፍ ኤም 107.8 የኢትዮጵያዊያን

ሐምሌ 20 ቀን 2014 ዓ.ም