"‏تهقويت الليالي من ظمأ خاطر ودمٍ حار
‏وأنا اللي كلّما جادت يدي شحّت مشاربها

‏لقيت إن كلّ قلبٍ له حبيب وكلّ بيت أسوار
‏ولقيت إن العيون أقوى من الشلف ومضاربها

‏قديمي وأنت غافل عن مداي ولا سردت أعذار
‏أنا كم لي أصالح ماضي أيّامك وأحاربها؟"

"يا حفيدة شايبٍ طاريه جلَّا
القبايل والعقيد الإنتحاري

كم عقيدٍ راسه بيمناه ولَّى
صار عقب العز عيشة للضواري

من غرق في حبكم للبيض خلَّا
وردد: إن العمر ما أوقته المداري"
فَهَدْ السعد

"لو كل كلمة ليا جتنا طردناها
بعنا الثمينة بسعرٍ ما يخارجها"

"لو إنّ النوايا في وجيه البشر تنشاف
‏عما نور وجهي كل من شاف نيّاتي

‏مصير البنادم واضح و ما يبي عرّاف
‏تحت بندّ كل اللي تودونه بـ ياتي

‏ولوّ مهل الله ما همل قلبي الشفاف
‏يجي يوم و الدنيا تعدّ انتصاراتي

‏تخافون دورات الليالي وأنا ما أخاف
‏تبي ترد لي معروفي و بيض وقفاتي"

"لا وربّ الذكريات اللي مثل طبعك عفيفه
‏ما ينسّيني غرامك لا وجوه ولا مسافه

‏ لايغرّك لو بدت نفسي على ذنوبي ضعيفه
‏ذنب نسيانك مُحال أعيش لذّة اقترافه

‏كنّي اللي شافت عيونه بعد ماهي كفيفه
‏كيف ينسى نظرتك ووجهك أول وجه شافه؟"

"وأنا عالي جاهّي وقدري ماهو بصغير
‏أعرف الدروب وكل منهاج .. أنهجّله

بلاي إن نفسي عودّت مثل نفس طير
‏ولو للنفوس علاج ويش أتعالجّ له

ما دام أن فرخ الحرّ دايم يتل السير
‏وهو حرّ يزري يطلق القيد من رجّله

‏أهنيّه يوم الله خلق له جناح ويطير
‏لكنه سواتي ينتظر لين: تفرجّ له"

ياحبيبي قبل اعرف الحب كله من طويله
‏ياملاذي من بعد رب البشر جل جلاله

‏والوحيد اللي ماعندي شيٍ يضاهي جميله
‏كون مضمون الكلام اللي بقوله فالرساله

‏العلاقه بيني وبينك لقبها المستحيله
‏لانها اكبر من مجال التضحيه ومن الجماله

خوةٍ ماهو يغيّرها بسوس ولا جليله
يتفادى نقصها الرجال ويوصي عياله

لا تضيق من الكلام اللي بقوله كل ليله
النصيحه كنها نور الهدا .. عقب الضلاله

لا يغر ابليس تفكيرك ويشفي بك غليله
ودي بموتك ولا يشوفك تخدمه في مجاله

اللي مثلك فارقٍ في جيله وفي غير جيله
ينحنج به .. لا يسلم له كتابه في شماله

كيف اشوف النار تحرق جثتك بأهون وسيله
و انا احنّك من حريق الشاهي اللي فالبياله

اعتبرني فوق الأرض لا غدى فالوقت ميله
واحدٍ يرخص لك رقبته ..قبل حاله وماله

والنهايه كل من يزرع بيجني من حصيله
والله ألطف بالعباد .. وكلٍ يحاسب لحاله

- صالح النشيرا

"جيتي مطر يستغفر الرحمن عن ذنْب العباد
وانتِ ذنوب عباد ما مرّوا على درب الهدى

جيتي من اقصى حنجرة فلاح في موسم حصاد
اعياد شكر و ذكر و خشوع و تناهيد و حدا"

"تمرّ السنين ولا تغيّر معاه إحساس
ولا الضحكة اللي من شفاياه مملوله"
–بندر الدويش

ناداني الصبر وألّا من يناديني؟
‏وأنا على نيّة الأحلام والنيّة

‏تقطع هبوب الهقاوي راحة يديني
‏درب مشت في ثراه "آمين" طرقيّة

‏متبدوي الحزن صدَّر من ظما عيني
‏شد وتضاريس جوف الصدر نجديّة

‏من بَرقَع اللّيلتين اللي تواسيني؟
‏أبطيت ما جرّحت صوتي هجينيّة

ليلة طويل الهدب تنعس وتسريني
‏وأنا نجومي هجاج وجمرتي حيّة

‏أهذب عسيف الهوى والشوف يغريني
‏تجمع كحيلة كروش وتصهل عبيّة

‏حبيبتي ضمّي حروفي وضمّيني
‏تعشب ضلوعي قصيد وريح وسميّة!

‏من ذاب ثغرك "هلا" والشوق يطريني
‏على شغاف القلوب وصوت عذبيّة

فلِّي ضحاك الرهيِّف شابت سنيني
‏تطير لك من نحول الغصن قمريّة

‏قصِّي جناح الدقايق لا تخليني
‏ترى السماء في عيوني مالها فيّة
- نواف العفاسي

"تصبح الدنيا وأهلها على شمس الصباح
‏وأنت شوفك صبح ثاني .. وشمسٍ ثانيه"

"تمر البال يا ضيّ الفوائد وشمعة التذكار
ليال وسالفة قلبي عيونك ما تفارقها

عليك الحبّ فديار التمنّي يرتع الصبّار
حدايقه العزيزة مرزم الأشواق حارقها

تمرجح فالضلوع سيوف هجرك والغلا جبّار
غرابيبه بحورٍ من قبل لا اجيه غارقها

تعال وقدّم الطارف وأنا يا معذّبي عذّار
تعال أعذارك الخضرا غصونٍ مال وأرقها

قضيت الثلث من عمري أحبّك والعمر مشوار
دروبك ما تملّ وضحكتك من نَيِف غارقها

على لبّتك مهيافٍ طموحي وانتظارك نار
قبل لا تُفتق ضلوعي اخذني في نمارقها

تقاليد القصايد من حجر وسلومها من عار
وتخيّل تهرج الثلّه بـ اشرّ الناس مارقها

ولدت المختلف فكر وثقافة، رفعة ومقدار
أنا شمسٍ وضوح البدر ينهل من مشارقها

وسمت القاف من فكري وفكري ما عليه غبار
مثل ما تاسم جدودي هل العشوا مطارقها

كبار وننطح القاله ولكن فالغرام صغار
تزعزعنا رهيفات الخصور أن هب طارقها

هذا ورثي من أسلافي وشلفا تقذع الجبّار
وخيلٍ تنطح عيال الاكابر مع بيارقها

ملوكٍ ما عطانا الله قصور عامره باسوار
عطانا عزةِ غرّا يخيل المجد بارقها"
- عامر بن مبشّر

"يا من غلاتك لها بأعماق صدري لحدّ
‏تجاوزتك السنين .. وجابت الّي يليِك
‏⠀⠀⠀
‏مزعلني .. إن الليالي ما توقف لاحد
‏ولا أنت تستاهل إن العمر ياقف عليك"

‏"انا أهجر الأراضي الّي ما ترحب بي
‏وإن كلفتني عزة النفس أعيش بلا أرض"

‏"منتظر من بيض الأيام ما يرضي الشفوف
‏ دام كل إنسان يُجزى على حسب عمله"

"‏ابتسم لا شفت فالدنيا هوايل
‏لو أضيّق خاطري طاح ارتفاعي

‏خابر الدنيا عبر والكل زايل
‏والحياه دروس والانسان ساعي

‏من ترك حلمه تحت ضغط الثقايل
‏ضاعت احلامه همل من دون راعي

‏والدروب اللي تجرك للخمايل
‏دعوةً تدعى لها من دون داعي

‏نفسي اللي كل ماجيت اتمايل
‏عرضّت قدامي الاسم الرباعي"
- مبارك بن وافي

‏وأنت عاد عيونك تذوّب اللي ما يذوب
‏في ملامحها يضيع العتب والأنتظار

‏كنّها مطلع قصيدة تردّدها الشعوب
‏درةٍ لعيون بالقيس ..كاتبها نِزار

‏- عبدالكريم البدراني

"انا أحبك من المبدأ لمسك الختام
‏ومن سدرة الأرض حتى سدرة المنتهى"

‏"فهق بطن السماء بدرٍ تقول إن كنّه محياك
‏وأنا من روعة الموقف بغيت أقوم وأهلّي"