"حبيبتي شعرك مثل مجرم، وتاب
في كل خصلة منه نصر وهزيمة"

‏"ظنوا إنّ الصَمّت في وجهي رضا
‏مادروا بالصمت في وجهي جدال

‏نظرتي أوسع من حدود الفضـا
‏والسكوت أبعد من حدود الخيال

‏شف على كثر الكلام اللي مضى
‏ما عطيت لـ مدور الزّله .. مجال

‏من نوى صدّي .. فـ أنا جمرة غضى
‏ومن نوى وصلي .. فـ أنا مايٍ زلال"

"أقبلت مخمورة الطرف باسقة القوام
‏فارع ٍ ما خِلق بين الغواني ندّها

‏من نعاس عيونها ذقت نزعات الهيام
‏والقصيد يهّب لامن تثنّى قدّها

‏صوّبت قلبي برمشٍ مثل نصل الحسام
‏وأدمت القلب الرهيّف وهي ما ودّها

‏إن حكت قابلت وجه ٍ تبسّامه كلام
‏وإن بكت قبّلت لولو توسّد خدّها"
- سعود مهدي

"‏يا لبيه يا وجهٍ عليه الرضا معقود
‏أشوفه وأشوفك في سنيني معوضني

‏علّي نذر لا أمسح دقنك بدهن العود
‏واضمك لو الدنيا وأهلها تعارضني"

"لو تبسَّم في الوجيه أصحاب وأعَدا
‏ما تناست ضحكة العمر مْعروفك!

‏لا ندى فوق الغصون، وعودك أندى
‏ولا رحيل، ولا وقوف ألَّا وقوفك

‏مزعجة هذي الوجيه ووجهك أهدَا
‏طِلّ وأعتقني من مْكابد ظروفك

‏عن معايد غيرك أنت أحقّ وأبَدا
‏صاحبي وأبدَا من مْعايدك؛ شوَفك"
- صالح بن حمد

"‏من يشوف الحسن هذا على فرق العقول
‏يدرك ان الرب واحد لا لات ولاهُبل

‏من خلق عودك وبعضه عن البعض معزول
‏خالقٍ لي قلب كنه على حبك جُبل

‏معك ياكثر المشاكل وياقل الحلول
‏وفيك يامكثر شفوفي وياقل السُبل

‏السوالف بين اياديك ماودي تطول
‏ودي اقصْر بالسوالف واطوّل بالقُبل"
- بندر الدويش

"لقيتك ليلةٍ تسرق شعور و مزنها صبّاب
ياوجهٍ كل مايضحك جعلها تضحك سنينه

يمّل القلب تلويح الكفوف و سكة الغيّاب
مثل من ملّ خطواته على رجوى تنادينه

تشوفين الهوى غربه وانا اشوف الهوى غلاّب
تعالي .. و الكلام اللي ب صدرك لا تخلينه"

"‏أحب إني أحبّك وإن كتبتك ماوصفّك شعور
‏وش أكتب لك وأنا لامن لمحتك تبرد عظامي؟"

"وأنا اللي لا اختلا حاكى طيُوفك كنّك له توحي
‏وأنا اللي يحضن ثيابك من اللهفة و يبكيها

‏على وجهك سلام الله وآمانه لين يبعث حيّ
‏وعليّ من الصبر ما يحبس دموعي ويداريها"

"‏حثال القهاوي لا تعلت مع الفوح
‏مصيرها تركد.. و تبقى حثالة"

"كنت أنتقي بين الخطايا لحظة بروز الصواب
‏كنت الوضوح اللي تشوفه ليه يغريك العمى؟"

"‏عادك اللي معه أشوف لباقي الايام قيمة
‏ضحكةٍ لو ضاع عمري من وراها بنتظرها"

عليك تميل يالغصن الندي وانا علي الوجد
‏وكبدي فوقها نار سعير وحدرها ملّه

نشدت وقالوا إن أزين سلالة في قبايل نجد
‏سلالتك النبيله وإنك أزين من خلقه الله

‏وغير الزين والصوت الرقيق إنك سليلة مجد
‏ أهلك الّي يروون القنا والسيف أبو سله"

‏"ما جاد بك صبحٍ نفس صدره قصير؟
‏من صدر ليل البارحة مختطفها

‏ما هودلت على القصور العصافير؟
‏ما لاعب النسناس فاتح شرفها ؟

‏ماني بقايل لك عسى مانعك خير
‏ما فيه خيرٍ يمنعك عن ترفها

كثر الخِطى في رحلتك قِلّ تدبير
‏وقّف على أطلال المدينة وشفها

‏عيّت لا تنساك السكك والنواوير
‏لأنّك أغلى من مشى في كنفها

‏مدري لـ عينك من ورى الصمت تفسير؟
‏ولّا وراها حاجةٍ ما أعرفها

‏من وقّفك بين الوجع والتباشير؟
‏لا كلمةٍ تطري ولا أحدٍ ولفها

خل الخطايا تستفز المعاذير!
‏لا صار ما عندك عذر فإعترفها

‏وشلون أدوّر عن طواريك تكفير
‏وفكل خلوة مستلذّ أقترفها

‏هذا بعد له في تِذكَّرك من غير
‏لا أعلّمك عن حاجةٍ مكتشفها

‏لا زال لك فدروب بالي مشاوير
‏في كل يوم أصادفك في طرفها"

"عيّت لا تنساك السكك والنواوير
‏لأنّك أغلى من مشى في كنفها"

"‏جعل دارٍ ضمت خطاك تسقيها المزون
‏جعلها من صادق الغيث: شق ٍ من سما"

"لجل ذيك الثنايا تقبل مهار القصيد وفود
‏جعل قلبٍ يوريّك القسى ما يقِبل إحسانه"

"يا بنت الغمام اللي من النور مبتلّه
‏اشوفك تحثيّن المقابيل لغيابي

‏علام اليقين يمر ما ظلني ظلّه؟
‏وانا والله ان ملهاب خوفي تمادى بي

‏فلا كلمة ٍ بيدينها تبري العله
‏ولا نظرة ٍ ترفى حناياي واعصابي"
- صالح الهويملي

"تقول بعده منقطع حبل الرّجا في بطن بير
‏وكنّ الوجيه اللي بعد ذاك القبال؟ مزيفة"