من دەمەوێ ئێوارەیەک، لەگەڵ هەورا
بباریت و تەواو نەبی..
من دەمەوێت سپێدەیەک، لەگەڵ ڕۆژدا
بۆم هەڵێیت و ئاوا نەبی..

-عەبدووڵا پەشێو

گەر یەکترمان بینی
وەک مناڵ تاڵێک لە قژت ڕائەکێشم
لە گیرفانمی ئەنێمو هەڵی ئەگرم
بۆنەکەشت ئەخەمە ناو شووشەیەکی چکۆلە
بەر لەوەی جگەرەکەشت تەواو بێ خۆپەرستانە ئەویش ئەبەم
ئاخر گەر نەتبینمەوە چی..؟

وتم کۆتایی هات ئیتر هەستم بۆی نەماوە بەڵام هەنێک جار بۆی ئەنووسم، وتی نووسین بێ هەست نایەتە کایە کەواتە کۆتایی نەهاتووە..

نە گوڵێک ماوە کە بۆنی ڕۆژانی ڕابردووی لێبێت نە ئاوێنەیەک کە تۆ نیشان بات’

دوای ئەو هەموو ئازارەی کە بە تەنیا تێمپەڕاند
چەن جار ون بووم و خۆم دۆزیەوە و
دووبارە ون بوومەوە
دووای ئەو هەموو شتانە
کەسێک دێت و لێم ئەپرسێ:
حەزت لە چ ڕەنگێکە؟
خودا..ئەمە چەن تاقەت پڕوکێنە
چەن نەگبەتن ئەوانەی ئەیانەوێ بمناسن و بمدوێنن..

ئاسمان و دەریا و شنەبای شەماڵ تەنها بۆ ئەوانە ئەدوێن کە گوێی بۆ ڕادێرن🌻’

لە سینەمدا سەدای ناڵینە بێ تۆ..!!


#سالم

﴿وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا﴾
-الأحزَاب﴿٣﴾

وە پشت بە خودا ببەستە وە هەر
ئەوت بەسە ئاگای لێت بێ.

سزای من دۆزەخێکی سارد بوو
لە ناو سەری خۆمدا..!

لە برینەکانت مەترسە، ئەی لە کوێوە ڕووناکی دزە بکاتە ناو ناخت؟🌻

لەو کاتەوەی لە قەفەسی ژیان چاوم هەڵهێناوە من بادووای ئازادیدا وێڵم هەر ڕێگایەک ئەگرمە بەر کۆتاییەکەی دیوارە
دیلی دەستی سنوورەکانین کە ناهێڵن هەنگاو هەڵبێنین بۆ ناو دنیای خۆمان.
ترسی ژیانێکی تەقلید لەناو ئەم قەفەسە هەراسانی کردووم
فیکری من ئازادی ئەوێ ئەیەوێ خاوەنی خۆی بێ نامەوێ دەنگی ئێوە بمکا بە نوسخەیەکی تر لەم خەڵکە دیلە.
بەڵام دوواجار دۆزیمەوە..
نووسین ڕەنگە تاکە دەروازەی بێ پاسەوان بێ
ئەنووسم چونکە لە ووشەکانم ئازادیەکی بێ کۆتا دەدۆزمەوە..

ئەبێ چەنی تر تێپەڕێنم؟

لەگەڵ تۆ ژیانم لە گۆرانیەکی جوان ئەچێ،،

عیشوەی چاوەکانی
بۆ مەعشوق دەوایە🌻~

دکتۆر وتی کە من خەمۆک نیم وە هیچ کێشەیەکی دەروونیشم نییە، تەنها ئەوەیە کە من وەک کەسی ئاسایی دڵخۆش نابم وە ئەگەریش دڵخۆش بم یەشتا بەشێک لە من هەر خەمبارە،
واتە ئێستا خەمۆکی لە مندا شتێکی سرووشتیە
نەوەک نەخۆشی.!

-بۆت دەبمە کێ بتەوێ
بەس بتەوێ♥️’

|فەرهاد پیرباڵ

شانازی بەو شتانەوە ئەکەم کە هەمە
ئەوەش کە نیمە یان نەمویستووە یان کاتی نەهاتووە.

تاڵترین یادگاری فەرهاد، شیرین بوو