#profta’lim
#xorijiy_tillar

Professinal ta’lim muassasalarida ta’lim jozibadorligini oshirish va o‘quvchilarga xorijiy tillarni chuqur o‘rgatish bo‘yicha qator amaliy ishlar olib borilmoqda. Xususan:

🔹Nukus tibbiyot kolleji va Jamoat salomatligi texnikumida nemis tilini o‘rganayotgan 60 nafar o‘quvchining o‘zlashtirish darajasini aniqlash maqsadida dastlabki test sinovlari o‘tkazildi. Test sinovi natijasiga ko‘ra 53 nafar o‘quvchi A1 darajani qayd etdi.

🔸Namangan viloyatidagi Jamoat salomatligi texnikumi hamda 2-son tibbiyot kolleji o‘quvchilari uchun nemis tili bo‘yicha bepul o‘quv kurslari tashkil etildi. Hududda yana 9 ta professional ta’lim muassasasida ingliz va nemis tillari bo‘yicha bepul o‘quv kurslarida 200 nafar o‘quvchi xorijiy tillarni egallamoqda.

🔹Samarqand viloyatida tibbiyot yo‘nalishidagi texnikum va kollejlarda nemis tili bo‘yicha maxsus o‘quv kurslarini faoliyati yo‘lga qo‘yilgan. Xususan, Siyob Jamoat salomatligi texnikumida 4 ta guruh tashkil etilgan bo‘lib, har bir guruhda 15 tadan jami 60 nafar o‘quvchi so‘rovnoma asosida qamrab olingan va Samarqand davlat chet tillar institutidan 4 nafar nemis tili o‘qituvchi ularga ta’lim bermoqda.

🔸Sirdaryo viloyatining tibbiyot sohasidagi kollej va texnikumlarida xorijiy tillarga o‘qitish bo‘yicha so‘rovnoma o‘tkazildi. Sirdaryo Jamoat salomatligi texnikumida 15 nafar, Guliston tibbiyot kollejida 16 nafar hamda Yangiyer tibbiyot kollejida 18 nafar o‘quvchi nemis tili fanidan tashkil etilayotgan kurslarda o‘qish istagini bildirgan. Guliston davlat universiteti va pedagogika instituti bilan hamkorlikda har bir taʼlim muassasasiga ikki nafardan malakali xorijiy til o‘qituvchilari ajratildi. Mazkur kurslar haftasiga 3 marotaba o‘tilishi belgilangan.

Telegram | Instagram | Facebook | YouTube