Edu.uz rasmiy kanali
56.1K members
241 photos
23 videos
38 files
737 links
Олий ва ўрта махсус таълим вазирлиги янгиликлари/Новости Министерства высшего и среднего специального образования
Download Telegram
to view and join the conversation
Ўзбекистон-Россия фан ва таълим бўйича комиссиясининг биринчи йиғилиши бўлиб ўтди.

2019 йил 10 сентябрь
куни Ўзбекистон Республикаси ва Россия Федерациясининг иқтисодий ҳамкорлик бўйича Ҳукуматлараро комиссиясини фан ва таълим бўйича таркибий комиссиясининг биринчи йиғилиши бўлиб ўтди.

Йиғилишда икки давлат ўртасида малакали кадрлар тайёрлаш бўйича Ҳукуматлараро имзоланган битим ва меморандумларда белгиланган вазифалар ижросини таъминлаш масалалари муҳокама қилинди.

Жумладан, Ўзбекистонда Россиянинг нуфузли ОТМлари филиалларини ташкил этиш, қўшма таълим дастурларини кенгайтириш, академик тайёргарлик бўйича ҳамкорликни кенгайтириш, биргаликда илмий ва инновацион форумларни ўтказиш, илмий-тадқиқот бўйича лойиҳаларни амалга ошириш ва олий таълим муассасалари ўртасида ахборот алмашинувини ўрнатиш каби масалалар атрофлича кўриб чиқилди.

Куннинг иккинчи ярмида томонлар олий таълим таълим сифати, аттестация ва аккредитация, илмий фаолият йўналишида ўзаро ҳамкорликни янада ривожлантириш истиқболлари муҳокама қилинди. Музокаралар якунида эришилган келишувлар бўйича ҳужжатлар имзоланди ва расмийлаштирилди.

Олий ва ўрта махсус таълим вазирлигининг расмий телеграм каналига уланиш
👇👇👇
https://t.me/joinchat/AAAAAEX5-Av5EnAinUQIFw
#Матбуот_анжумани

Бугун вазирлик раҳбарияти иштирокида ОАВ вакиллари учун матбуот анжумани ташкил этилиб, 2019-2020 ўқув йили учун олий таълим муассасаларида тўлов-контракт асосида ўқитиш қийматининг ўрнатилгани борасида маълумотлар тақдим этилди. Жумладан,

2019/2020 ўқув йилидан бошлаб, тўлов-контракт қиймати миқдорлари икки хил кўринишда – “стипендияли” ва “стипендиясиз” этиб белгиланди.

Аҳолига тўловларни амалга оширишда енгиллик яратиш мақсадида контракт суммаларини ойма-ой бўлиб тўлаш имконияти берилади.

Олий таълим муассасалари ректорлари тўлов муддатларини узайтириш ваколатига эга бўлади.

2019/2020 ўқув йилидан тўлов-контракт миқдорларининг ўртача 18 фоизга оширилиши - бир талабани бир йиллик ўқитиш харажатларини қисман, яъни ўртача 68 фоизи қопламоқда, холос (бунда - харажатларни қопланиши ўтган йилги даражада сақлаб қолинмоқда).

Олий таълим муассасаларини Давлат томонидан қўллаб қувватлаш мақсадида бугунги кунга қадар фаолияти тугатилаётган касб-ҳунар коллежлари ва лицейларнинг 77 251 ўринли ўқув бинолари, 3 000 ўринли талабалар турар жойлари қўшимча қувват сифатида олий таълим муассасаларига ўтказиб берилиб, қўшимча имконият яратилди.

Олий таълим муассасаларида таҳсил оладиган барча талабалар (давлат гранти ва тўлов-контракт)га бир хил 400 минг сўм стипендия белгиланади. Талабалар ўзлаштириш даражаси, илмий ва жамоат ишларидаги фаоллиги, қолаверса, ижтимоий ҳимояга муҳтож талабалар моддий рағбатлантириб борилади. (Ҳозирда тартиб ишлаб чиқилмоқда, расман маълум қилинади)

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
#Эълон

Айни дақиқаларда "Ўзбекистон24" телерадиоканали орқали "Ислоҳотлар самараси" кўрсатуви тўғридан тўғри эфирга узатилмоқда.

Кўрсатувда Олий ва ўрта махсус таълим вазирлиги раҳбарияти ва масъул ходимлар иштирок этиб, янги ўқув йили учун олий таълим муассасаларида тўлов-контракт асосида ўқитиш қийматларининг белгиланиши бўйича жамоатчиликка муҳим маълумотларни беришмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz rasmiy kanali
#Матбуот_анжумани

Бугун вазирлик раҳбарияти иштирокида ОАВ вакиллари учун матбуот анжумани ташкил этилиб, 2019-2020 ўқув йили учун олий таълим муассасаларида тўлов-контракт асосида ўқитиш қийматининг ўрнатилгани борасида маълумотлар тақдим этилди. Жумладан,

2019/2020 ўқув йилидан бошлаб, тўлов-контракт қиймати миқдорлари икки хил кўринишда – “стипендияли” ва “стипендиясиз” этиб белгиланди.

Аҳолига тўловларни амалга оширишда енгиллик яратиш мақсадида контракт суммаларини ойма-ой бўлиб тўлаш имконияти берилади.

Олий таълим муассасалари ректорлари тўлов муддатларини узайтириш ваколатига эга бўлади.

2019/2020 ўқув йилидан тўлов-контракт миқдорларининг ўртача 18 фоизга оширилиши - бир талабани бир йиллик ўқитиш харажатларини қисман, яъни ўртача 68 фоизи қопламоқда, холос (бунда - харажатларни қопланиши ўтган йилги даражада сақлаб қолинмоқда).

Олий таълим муассасаларини Давлат томонидан қўллаб қувватлаш мақсадида бугунги кунга қадар фаолияти тугатилаётган касб-ҳунар коллежлари ва лицейларнинг 77 251 ўринли ўқув бинолари, 3 000 ўринли талабалар турар жойлари қўшимча қувват сифатида олий таълим муассасаларига ўтказиб берилиб, қўшимча имконият яратилди.

Олий таълим муассасаларида таҳсил оладиган барча талабалар (давлат гранти ва тўлов-контракт)га бир хил 400 минг сўм стипендия белгиланади. Талабалар ўзлаштириш даражаси, илмий ва жамоат ишларидаги фаоллиги, қолаверса, ижтимоий ҳимояга муҳтож талабалар моддий рағбатлантириб борилади. (Ҳозирда тартиб ишлаб чиқилмоқда, расман маълум қилинади)

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-Av5EnAinUQIFw
​​#Эълон

Самарқанд давлат университети ҳузуридаги аниқ ва табиий фанларга ихтисослаштирилган мактаби 2019-2020-ўқув йили учун 7-синфга физика-математика ҳамда кимё-биология йўналишлари бўйича танлов асосида ўқувчиларни қабул қилади.

Танловда иштирок этишни истаган номзод ўқувчилардан ҳужжатлар 2019 йилнинг 12 сентябридан 21 сентябригача қабул қилинади.

Кириш имтиҳонлари шу йилнинг 25-30 сентябрь кунлари бўлиб ўтади.

Манзил: Самарқанд шаҳри, Даҳбед кўчаси, 45-уй (Собиқ банк коллежи биноси).
Мурожаат учун телефон: +998662324164

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
​​#Rektor_minbari

Стипендия учун ўқиш эмас, билим учун ўқиш лозимлигини ёшлар тушунишлари лозим

Шуҳрат Сирожиддинов, Алишер Навоий номидаги Тошкент давлат ўзбек тили ва адабиёти университети ректори:

- Табақалаштирилган стипендия талабаларнинг билим учун эмас, баҳо учун ўқишларига туртки бўлди ва бу ўз навбатида коррупцион ҳаракатларнинг юзага келишига замин яратди. Талабанинг индивидуал қобилиятларини ҳисобга олмасдан, унинг фақат қайдномадаги "5"лари эвазига ҳақ тўлаш амалиёти ўзини оқламади.

- ОТМнинг талабаларга берадиган имкониятлари - улар олдидаги "мажбуриятлари" деган стериотип пайдо бўлдики, энди ушбу ўзгаришлар, асосан, "5 баҳо"га ўқийдиган талабалар орасида резонанс келиб чиқишига сабаб бўлмоқда.

- Стипендия миқдорининг оптималлашуви ва стипендиясиз шартнома тўлов тизимининг жорий этилиши билан билимли ва иқтидорли талаба ҳеч нима йўқотмайди.

Батафсил: http://edu.uz/uz/news/view/1604

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
#Халқаро_ҳамкорлик

Вебстер университети Президенти Ўзбекистонга ташриф буюрди

Бугун, 13 сентябрь куни Вебстер университети (АҚШ) Президенти Элизабет Стробл хоним Ўзбекистонга ташриф буюрди.

Элизабет Стробл хоним Вебстер университетининг Тошкент шаҳридаги таълим дастурларини амалга ошириш марказида бўлиб, талабалар ва профессор-ўқитувчилар билан учрашди, улар учун яратилган шароитлар, таълим жараёнини ташкил этилиши билан танишди.

Талабалар билан бўлиб ўтган мулоқотда Вебстер университети Президенти Тошкентдаги марказ фаолияти янада кенгайтирилиши, ўзбекистонлик талабаларнинг АҚШлик тенгдошлари билан мулоқоти йўлга қўйилишини қайд этди.

Куннинг иккинчи ярмида Элизабет Стробл хоним ва Олий ва ўрта махсус таълим вазири Ином Мажидов ўртасида учрашув бўлиб ўтди. Учрашувда икки томонлама ҳамкорликни янада мустаҳкамлаш, АҚШ профессор-ўқитувчиларини марказ таълим жараёнига кенгроқ жалб қилиш, ўзбекистонлик талабаларни АҚШдаги Вебстер университетида таҳсил олишларини ташкил этиш юзасидан фикр алмашилди.

Маълумот учун, Вебcтер университетининг Тошкент шаҳридаги филиали Марказий Осиёдаги биринчи АҚШ университети ҳисобланиб, Ўзбекистон Республикаси Президентининг 2019 йил 20 мартдаги ПҚ-4245-сонли қарори билан ташкил этилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
#Эълон

Талабалар учун мукофот жамғармаси 100 000 АҚШ доллари бўлган танлов эълон қилинди

Бирлашган Араб Амирликлари билан биргаликда талабалар орасида Ўзбекистонда давлат мобиль иловаларини ишлаб чиқиш бўйича биринчи «mGovAward» республика танлови эълон қилинди.

«mGovAward» танловида иштирокчилар Ўзбекистондаги мавжуд муаммолардан бирини ҳал қилишга ёрдам берадиган мобиль илова яратишлари керак бўлади.

Талабалар 5 йўналишда ўзларини синаб кўришлари мумкин:

👉 Таълим;
👉 Соғлиқни сақлаш;
👉 Туризм;
👉Транспорт ва логистика;
👉 Бизнес ва G2B.

Танловнинг асосий мезонлари: илованинг самарадорлиги, унинг инновационлиги ва фойдаланишда оддийлиги.

Танловга аризаларни қабул қилиш жорий 26 сентябрда АКТ ҳафталиги доирасида бошланади.

Танлов мукофот жамғармаси - $100,000:

1️⃣-ўринга - $50,000;
2️⃣-ўринга $30,000;
3️⃣-ўринга $20,000.

Шунингдек, ғолиблар Бирлашган Араб Амирликларига бепул саёҳат ва IТ-Парк инкубация дастурида бевосита қатнашиш ҳуқуқини қўлга киритадилар.

2019 йил 26 сентябрда «Ўзэкспомарказ» МКК АЖда бўлиб ўтадиган «mGovAward» конференциясида танлов ҳақида тўлиқ маълумот берилади.

Танлов веб-сайти: www.mgovaward.uz

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
#Talaba_minbari

Илм учун қачон бирлашамиз?!

Ўзим талабаман. Контрактда ўқийман. Қарорни менга нимаси ёқди? Ойма-ой бўлиб тўлаш деган жойи ёқди. Сабаби, агар шу қарор кучга кирса, ота-оналарга ҳам анча енгиллик бўлар эди. Кеча телергамимга келган қизиқ бир “федбек”ни айтаман. Бир талаба агар стипендия берилмаса, биз қандай еб-ичамиз, қандай кийинамиз, деб ёзибди. Зўр! Сиз маза қилиб еб-ичинг. Кийининг! Ота-онангиз емай, ичмай, кийинмай сизга контракт тўласин! Мантиқ борми?

Қарорни нимаси менга маъқул эмас - бир хил стипендия. Аммо “лекин” дейиладиган жойи ҳам бор. Яхши ўқийдиганларга алоҳида фонддан пул ажратилар экан. Бу яхши. Сабаби, “5”га ёпадиган талабалар сони шундоғам кўп эмас. “3”га ёпадиганлар сони умумий талабалар сонини 70%ига яқин экан. Бундан ташқари давлат стипендиялари (Беруний, Президент, Навоий...) ўз кучида қолади. Уни бюджет таъминлайди.

Таклифим – масалан, биринчи курсларга биринчи семестр учун “3”лик баҳоси учун стипендиясиз тўлов амал қилсин. Математик жиҳатидан ёндашсак, ўртача 11 млн. контракт тўлайдиган талабанинг ярим семестрининг контракт нархи 5.5 млн. бўлади. “3”лик стипендия нархи эса 6 ойга ўртача 360 мингдан ҳисобланса 2.1 сўм бўлади. 5.5 млн.дан ушбу суммани айирсак, ўртача 3.4 млн. қолади ва шу пулни ойма ой тўласа бўлади. Иккинчи семестрда эса, масалан, ўша талаба “5”га ёпса ўртача 750 мингдан ҳисобласа 6 ойга 4.5 млн. бўлади.

Қолган 1 млн. сўммани қолган 2-семестрда бўлиб тўлашади. Яхши томони талабалар “5”га ёпишга ҳаракат қилишади. Соддароқ қилиб айтганда, баҳо учун ўқиш давом эта бошлайди.

Аммо бу вариант ОТМларга умуман тўғри келмайди!?

Биринчидан,
ҳар ой талабалардан контракт тўлашини сўраш, контрактни тўлатиш факультет деканлари учун катта муаммо пайдо қила бошлайди. “Ведимость”дан қолган талабаларда тушунмовчиликлар пайдо бўлади. Шунингдек, бир қанча бошқа қийинчиликларни пайдо қилади. Стипендияни қаердан оламиз? Контрактимизданми? Ойнинг бешинчисида бир ойлик контрактимизни тўласак, шу ойнинг бешинчисида стипендия ололамизми? Университет буни қоплай олмайди. Қурби етмайди. Бундан ташқари, бешга ёпишга бўлган “иштиёқ” коррупцияни янада кучайтира бошлайди.

Иккинчидан, университет бюджети “минус”га кетади. Таълим ҳам хизмат кўрсатишни бир тури. Очиқроқ айтганда бизнес. Бу эса ўз-ўзидан шундоғам яхши кадрларни жалб қила олмаётган ОТМлар учун кадрлар муаммосини келтириб чиқаради. Негаки, бюджетида маблағи кам бўлган олий ўқув юрти қандай қилиб юқори малакали кадрларни жалб қила олади? Ўз-ўзидан эса таълим сифати пасайишда давом этади.

Учинчидан. Стипендияни кўтариш, контрактни тушириш жуда “идеал” таклиф, аммо бу фақат вазирликдагиларнинг ихтиёрида бўлмаса керак. Бу юқорида айтиб ўтилганидек молиявий масалаларни қамраб олади. Шундоғам молиявий қийинчиликлар гирдобида турган республикадаги университет ва институтлар бундай қарорни қўллаб-қувватламаслиги табиий ҳол. Қўлласа ҳам, фақат супер-контрактдаги талабалардан “нажот” кутишни бошлашади.

Тўртинчидан, маълумотларга кўра, битта талабани ўқитишга кетадиган харажат ўртача 6 млн. сўмни ташкил этади. Энди ўша талабага яна “5”лик стипендия берса ўртача 9 млн. сўм бўлади. 6+9=15 млн. Қарангки, биз ўқишимиз учун тўлайдиган контракт суммамиз ўз-ўзидан 15 млн. сўмга чиқади. Яхшиямки, молия вазирлиги 15 млн. сўмлик контракт белгиламади (бу ўртача балки ошади, балки камаяди). Бу учун вазирликка раҳмат! Агар стипендия оширилса-ю, контракт ўзгармаса. Талабани ўқитишга кетадиган харажат ўртача 6 млн. сўмни ОТМ ўзини ҳисобидан тўлайдими? Қандай?

Фикримни тугатишдан олдин яна кечаги сўзларини такрорлайман: Билим ва таълим сифати ҳақида ҳам шундай баҳслашамизми? Талабалар, билим учун бирлашайлик! Баҳо учун эмас!

Албатта, булар ИМҲО

Ғулом Назаров,
ТАТУ 2-босқич магистранти

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
​​#Соҳа_ислоҳотлари

Тошкентда Марказий Осиёлик талабалар учун мўлжалланган университет ташкил этилади

Олий ва ўрта махсус вазирлиги Шинхан университети (Корея Республикаси) билан Тошкент шаҳрида университетнинг филиалини ташкил этиш бўйича келишувга эришди.

Келишувга кўра, 2020/2021 ўқув йилидан бошлаб Тошкент шаҳрида Шинхaн университети филиали иш бошлайди. Биринчи босқичда университетда қуйидаги таълим йўналишларида кадрлар тайёрлаш йўлга қўйилади:

👉 Ҳамширалик иши;
👉 Халқаро туризм менежменти;
👉 Янги тўқимачилик материаллари технологияси.

Тошкент шаҳридаги Шинхан университетида
дастлаб ўзбекистонлик ёшлар таҳсил олади. Кейинчалик университетга қўшни давлатлар, хусусан Марказий Осиёлик ёшларни ҳам қабул қилиш чоралари кўрилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
ҚарДУ талабаси Осиёнинг янги рекордини ўрнатди

Буюк Британия пойтахти Лондон шаҳрида пара-сузиш бўйича навбатдаги жаҳон чемпионати бўлиб ўтмоқда.

Жорий йилнинг 15 сентябрь куни баҳсларда қатнашган Қарши давлат университети Жисмоний маданият факультети 4-курс талабаси Шоҳсанам Тошпўлатова аёллар ўртасида 100 метрга баттерфляй усулида сузиш баҳсларида финишга биринчи бўлиб етиб келди ва терма жамоа ҳисобига ушбу жаҳон чемпионатидаги илк олтин медални олиб берди.

Шоҳсанам 1 дақиқа, 3,89 сония натижа билан Осиёнинг янги рекордини ўрнатди. Шоҳсанам Тошпўлатова бунгача 100 метрга эркин усулда сузиш бўйича бронза медалига сазовор бўлган эди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Huquqiy axborot
#Тайинлов
Ҳукумат қарори (772-сон, 15.09.2019 й.) билан Юлбарсхон Набиевич Мансуров Тошкент шаҳридаги “Д.И.Менделеев” номидаги Россия кимё-технология университети” Федерал давлат бюджети олий таълим муассасаси филиалининг ижрочи директори этиб тайинланди.

Эслатиб ўтамиз, мазкур Филиал 2019 йил 7 июндаги Президент қарори билан ташкил этилган.

Каналга уланиш👇👇👇
https://t.me/huquqiyaxborot
Forwarded from Huquqiy axborot
#Тайинлов
Ҳукумат қарори (771-сон, 15.09.2019 й.) билан Хожакбар Султанович Далиев Тошкент шаҳридаги “МЭИ” миллий тадқиқот университети” Федерал давлат бюджети олий таълим муассасаси филиалининг ижрочи директори этиб тайинланди.

Эслатиб ўтамиз, мамлакатимиз энергетика тармоғи учун малакали муҳандис-техник кадрлар тайёрлаш мазкур Филиалнинг асосий вазифаларидан бири ҳисобланади.

Каналга уланиш👇👇👇
https://t.me/huquqiyaxborot
​​#Double_degree

НамДУда Россия университети билан ҳамкорликда қўшма тиббиёт факультети очилди

Наманган давлат университети тарихида илк маротаба хорижий давлат ОТМ билан ҳамкорликда қўшма факультет ташкил этилди. Россиянинг Свердловск вилояти Екатеринбург шаҳри Урал давлат тиббиёт университети билан ҳамкорликда қўшма тиббиёт факультети очилди.

Тантанали очилиш маросимда Урал давлат тиббиёт университети ректори Ольга Ковтун, вилоят ҳокими Хайрулла Бозоров, университет жамоаси иштирок этди. Янги қўшма факультетда қуйидаги таълим йўналишларида малакали мутахассислар тайёрланади:

👉 Даволаш иши;
👉 Педиатрия;
👉 Стоматология;
👉 Фармацевтика
.

Қўшма тиббиёт факультетида талабалар 5 йил таҳсил олишади. Ўқишнинг дастлабки икки босқичи Наманган давлат университетида, қолган 3 та босқич Урал давлат тиббиёт университетида олиб борилади.

Битирувчиларга иккита давлатда ҳам тан олинадиган икки ҳамкор университетнинг дипломи берилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ