#نستله و #الفضائح

🤨تحسبوا كي نقولكم إذا مديتوا الحليب الصناعي بدون سبب طبي تكونوا تمدوا السم لأولادكم، راني نزيد عليها...

🧾خرج تقرير من منظمة Public Eye السويسرية يفضح فضيحة أخرى من فضائح شركة #نستله #Nestlé التي لا تتوقف عن مفاجئتنا بسقطاتها الأخلاقية.

🚨الفضيحة هذه المرة عنصرية بامتياز، وتكشف عن أجندات خفية، ومؤامرات عالمية لتدمير صحة أطفال العالم النامي... بالعربية، حنا الدول الفقيرة اللي يسمونا في طور التقدم!!!

📌أيا قالكم نستله راهي ترهج أطفالنا بالسكر المضاف، في حين ما تزيدش السكر في منتجاتها اللي تصنعها في الدول المتقدمة.

⁉️علابالكم واش معنتها راهم يزيدوا السكر في حليب الرضع والفرينة والغذاء اللي موجه للأطفال؟!!!

😶يعني حابين اولادنا يوليو مدمنين على السكر. وهذا اللي يؤدي إلى نظام غذائي غير سليم ومختل، مع زيادة خطر الإصابة بالسمنة، وأمراض اعتلال الأيض، وأمراض القلب والشرايين...

😶‍🌫️واش يربحوا كي يزيدوا السكر في الحليب؟؟

يرجع الطفل ينكر حليب يماه بسبب الذوق ويبقى يرضع الحليب الصناعي ويكبر وهو مدمن على السكر. 😱
والهدف هو تدمير صحة الطفل وهو مازال ما قالش بسم الله الرحمن الرحيم في هذه الدنيا.😓😓

☝️فضيحة نستله ماشي هي الأولى والأخيرة...
📌في السبعينات، كانت متهمة بالاتجار بصحة الرضع من خلال نشر معلومات خاطئة في البلدان المتخلفة، وتشجيع الأمهات يمدوا الصناعي مدعية أنه أفضل من حليب الأم. والمعتقدات للي نشروهم هذاك الوقت مازالنا نعانوا من تبعاتهم إلى الآن. يعني ما كفاش بلدان فقييييرة ويزيدوا يمصوا دمنا ويمرضونا باش يربحوا على ظهورنا.

👈👈👈وفوق هذا الشيء كااااامل، شركة نستله هي شركة دااااعمة بشكل كبييير للكيان الغاشم، ومن المفروض نقاطعوا كل منتجاتها اللي لا تعد ولا تحصى. فهي تعتبر من أكبر شركات الأغذية، اللي متواجدة في كل العالم. ما خلاوا ماكلة تاع صغار، ماخلاوا حلوى و شوكولاطة، حتى الماء واحتكروه! يسرقوه ويعاودوا يبيعوه!🤬🤬

🤚اذا ما فقتوش من قبل، فيقوا الآن! ما بقاش عندكم عذر. ما تزيدوش تقولوا (رضعنا بالبيبرون وما صرالنا والو). هوما متعمدين يمرضوكم على المدى البعيد ولا ينكرون ذلك.

🛑لذلك أدعوكم، وكل من لديه ضمير في المشاركة ونشر حملة مقاطعة كل منتجات هذه الشركة، و خصوصا حليب الرضع وكل ما يخص تغذية الصغار. ما بقاش عندكم عذر.
🛑انشروا هاشتاق #مقاطعة_نستله وانشروا الحقائق على هذه الشركة الشيطانية، وما تزيدوش تشروا منتجاتها.

🍂واللي تحب ترضع طبيعيا، و تتجنب المشاكل اللي قادرة تؤدي بها إلى اللجوء للحليب الصناعي، أدعوها للمشاركة في الحصص التحضيرية للرضاعة الطبيعية (فالتسجيلات مازالت مفتوحة على الرابط https://forms.gle/MDSqz6ibqd9gVgLu7). دراهم تتعلمي بيهم مهارة تفيدي بيها نفسك وطفلك، والا تحطيهم في سم تعطيه بيدك لرضيعك.

🍂أو اذا حبيتي تحبسي الحليب الصناعي، وتبداي اعادة ارضاع، اقراي المنشور الخاص في الصفحة على الرابط :
https://www.facebook.com/share/p/Jw7UMELCTa3dsRC6/?mibextid=oFDknk

🍂كما يمكنك حجز استشارة خاصة من خلال التواصل معنا على بريد الصفحة.

💌خممي مليح قبل ما تاخذي قرار يخص صحة طفلك.
💐الرضاعة الطبيعية هبة من الله سبحانه وتعالى، ما تفرطيش فيها💐.

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC