#نصيحة من #طبيبة👩🏻‍⚕️ و#أم🤱

👈لما يمرضوا أولادي😓، من أول يوم، نبدا نكتب كل الأعراض اللي ظهرت عليهم🤒، وكل الأدوية أو العلاجات💉💊🩹 اللي درتلهم بالجرعات والوقت والتاريخ. هذا يساعدني باش نقيم تطور الحالة، ونعرف واش نديرلهم.

نتمنى لو الأمهات الكل يديروا نفس الشيء.
تقريبا كلكم عندكم هاتف ذكي📱، فيه تطبيق أخذ الملاحظات📝 (Note)، تقدروا تكتبوا فيه واش تحبوا.
باش ماشي كي تجوني، نقولكم إذا عندو الحمى تقولولي إيه، نسقسي شحال؟ الإجابة تكون /حسيتو سخون!!!😒😒

📌الحمى تختلف بين 38~39~40، ماشي دايما نفس التشخيص.
📌والحمى اذا تجاوبت مع الدواء أو لا، ماشي كيف كيف.
📌والحمى اللي تطول وما تحبطش ثان ماشي كيف كيف.

✔️أخذ ملاحظات هكذا على تطور المرض يساعدني ما ناخذش قرارات par excès ونعطي مثلا مضاد حيوي وين مالازمش.

✔️كذلك، التعود على كتابة الملاحظات وفي نفس الملف، يعطيكم فكرة شاملة على التاريخ المرضي بالتدقيق.

👍يعني نهار نسقسيك شحال يمرض من مرة في العام بالتهاب الحلق، تحسبي مباشرة وتعطيلي شحال بالضبط.
👍كي نقولك واش كان ياخذ ادوية، تجبدي وتقوليلي كامل الأدوية اللي شربهم من قبل... الخ من المعلومات اللي في العادة داااايما الامهات والاباء ينساوهم.

🙏فكرة يا ريت تطبقوها، تساعدوا بيها انفسكم والطبيب المعالج كذلك.

وهذا ماكان 💐

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#ibclc

يسرنا أن نعلن عن افتتاح التسجيل لـ #دورة_التحضير_للرضاعة_الطبيعية التي ستغير حياتك وحياة صغيركِ!

🥇مع د. مريم وضاح (أول #طبيبة_أطفال و #استشارية_دولية_معتمدة_في_الرضاعة_الطبيعية #IBCLC في الجزائر)

إذا كنتِ تتساءلين عن كيفية جعل #الرضاعة_الطبيعية تجربة رائعة وممتعة لكِ ولطفلكِ، فإن هذه الدورة هي ما تحتاجينه!

🎉 ماذا نقدم في #الدورة؟
🔸 نصائح ذهبية لتحويل الرضاعة الطبيعية إلى تجربة مريحة وناجحة.
🔸 تقنيات تجعل صغيركِ يرضع كأنه بطل أولمبياد.
🔸 حلول ذكية لكل مشكلة تواجهينها، من #الاحتقان أو #نقص_الإدرار إلى #الفطام بكل سلاسة.
🔸 دعم من #أم_مرضعة وطبيبة أطفال مختصة في الرضاعة الطبيعية هي الأولى في الجزائر.

لأننا نؤمن بأن الرضاعة الطبيعية هي أكثر من مجرد تغذية، إنها علاقة حب وحنان.💞

👶 لمن هذه الدورة؟
لكل أم تبحث عن الطريقة المثلى لتقديم الحب والحنان لصغيرها عبر الرضاعة الطبيعية. سواء كنتِ أمًا لأول مرة أو لديكِ تجربة سابقة، هناك دائمًا شيء جديد لتتعلميه!

⁉️لماذا الانضمام؟
🔸 لأننا لا نعدكِ فقط بالمعلومات القيمة و الصحيحة لرضاعة طبيعية ناجحة.
🔸 لأن طفلكِ يستحق الأفضل وأنتِ كذلك.
🔸 لأن النجاح في الرضاعة الطبيعية يبدأ بالمعرفة والدعم.

🕒 متى وأين؟
الدورة تبدأ قريبًا جدًا، وكل ما تحتاجينه هو اتصال بالإنترنت وحساب #تلغرام وتستطيعين الانضمام ومتابعة الدورة من منزلكِ.

انضمي إلينا واستعدي لتجربة لا تُنسى!

📩 كيفية #التسجيل؟
للاشتراك ومعرفة المزيد، تفضلي بزيارة رابط استمارة التسجيل أو إرسال رسالة خاصة على صفحاتنا الاجتماعية. نحن بانتظاركِ بفارغ الصبر!

📝رابط استمارة التسجيل:
https://forms.gle/YFD3j3BUt8UW2jtr5

كوني مستعدة، كوني واثقة، كوني نجمة الرضاعة الطبيعية! 🌟

🛑 للأسف خدعتِ نفسك وآمنتِ... أنه ما فيكش الحليب وما تقدريش ترضعي !

◀️ الحالات اللي ماتقدرش ترضع فيهم الأم نااادرة جدا جدا 👌
👈 يعني 99% من النساء قادرة تنتج الحليب الكافي لطفلها إذا رضعت بالشكل الصحيح منذ الساعة الأولى بعد الولادة.

🛑 في بعض الحالات النادرة جدًا، قد لا تتمكن الأم من الارضاع كليا أو جزئيا، منها :

👈 غياب الأنسجة الغددية للثدي أو وجود تشوه فيه أو حروق أو عمليات جراحية أثرت على النسيج الغددي أو العصبي للحلمات
أو وجود لخلل وظيفي في منطقة ما تحت المهاد (hypothalamus) أو الغدة النخامية (hypophyse).

،◀️ هناك حالات أخرى نادرة نسبيًا يمكن أن نمنع فيها الأم عن إرضاع طفلها. على سبيل المثال :
خلال رحلة علاج السرطان بالأدوية الكيماوية أو الإشعاع اليودي
أو إذا كانت مصابة بمرض السل بدون علاج
أو إذا كان الطفل مصاب بمرض الجالاكتوزيميا، باستثناء متغيرة دوارتي (Duarte variante)، أين يمكن أن يرضع الطفل رضاعة مختلطة بحليب خاص.

💐 بالمختصر المفيد، أنت قااادرة على انتاج الحليب. فقط التزمي الرضاعة حسب الطلب.

واذا كان هناك مشكل في الرضاعة، أو بعدتي على طفلك أو بعدوه عليك لأي سبب كان، اشفطي كل ساعتين إلى 3 ساعات (إجبااااري) باش تحافظي على حليبك 💐

👈 أغلب حالات نقص الإدرار هي في راسكم برك.
والحالات الأخرى ناتجة عن عدم ثقتكن بأنفسكن، والا سماعكن للفتاوى من كل جهة اللي يضغطوا عليكم باش تزيدوا بيبرون 🤕
أما باقي الحالات اللي ترضع طبيعي وصح ما عندهاش الحليب، فتكون بسبب مشكل عند الطفل اللي المص تاعو يكون غير فعال، فميفرغش الثدي مليح، وينقص الحليب تدريجيا.

لذلك...
كوني على ثقة، ونحي الفكرة هاذي من رأسك.

تحياتي لكن جميعا 🥰

🛑 التسجيلات لدورة التحضير للرضاعة الطبيعية لشهر جوان مفتوحة 💐
اطلعي على الرابط التالي 👇

https://t.me/dr_ouddah/328

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#ibclc

👈 إذا كان الطفل يجد صعوبة في الرضاعة الطبيعية لأي سبب.
و أردنا تقديم الحليب للطفل فيكون  عن طريق سرنجة أو كوب أو ملعقة ( بدائل البيبرون) . وليس استخدام ببرونة أو زجاجة الحليب ❌❌❌
لهذا أؤكد على الأمهات ضرورة تعلم التعصير اليدوي للحليب و تقديمه في البديل اذا تعذر عليهن الرضاعة الطبيعية المباشرة 👌 لتفادي التباس الحلمة و رفض الثدي لاحقا 🛑

مع الاستمرار في عرض الثدي و ملامسة بشرة على بشرة لفائدتها ، لا تستلمي للحلمة الصناعية فهي فخ 👌
#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#ibclc

🔴#خدعوك_فقالوا... (زيديلو بيبرون باس يسمان ويجيب صحتو)

🔸هذه الفكرة منتشرة جدا بين الأمهات... وكلما حاربناها نلقاوها زادت نبتت.

🔸لازم الأمهات تعرف أنه لا مجال للمقارنة بين حلبيهن وبين الحليب الصناعي. 

📛هذاك الحليب اللي يليق نقولوا عليه (سم معلب). 

ا☝️لحليب اللي الهدف من تصنيعه كان لتغذية الرضع اليتامى في دور الأيتام. 

😡ثم كان جشع شركات الحليب وحبهم للربح ولو على حساب صحة الاطفال سببا في عمل دعايات مغلوطة والترويج على أن حليبهم أفضل من حليب الأم. 

😔الفكرة اللي انغرست في لا وعي المجتمع، وأصبح من الصعب جدا انتزاعها حتى بعد فضح مؤامرات هذه الشركات اللي تتعمد افساد صحة أطفالنا. 

‼️ثم نلقاوا أمهات يطلبن أفضل ماركة الحليب باش وليدها يسمان وهي ترضع طبيعي!!!

☝️لا أنكر أنه كاين حالات تستدعي إضافة الحليب الصناعي لكن باستشارة طبية مختصة وهي حالات من المفروض نادرة.

👈فـتقريبا أكثر من 98% من النساء يقدروا يرضعوا بشكل طبيعي. يعني 2% الباقيين ماراحش يوكلوا عيش لهذه الشركات. 

✅لذلك ما تنخدعوش وصححوا معلوماتكم ووعيوا الأمهات بخطر الحليب الصناعي.

‼️ملاحظة مهمة : يا ريت اللي ترضع صناعي ما تاخذش الأمر بحساسية. هذه حقائق لازم كامل تعرفوها. ومارانيش نتهم فيكم. كل واحدة ادرى بظروفها. واللي حبت ترضع صناعي عن قناعة، واحد ما يجبرها ترضع طبيعي بالسيف. فقط لازم تكون اتخذت القرار عن دراية وعلم، ماشي انخدعت بادعاءات كهذه. 

🚨واللي تحب ما تطيحش في فخ كيما هذا، تنظم لينا في دورة التحضير للرضاعة الطبيعية، التسجيلات مفتوحة.
💬خلونا تعليق أو راسلونا على بريد الصفحة للحصول على المعلومات الخاصة بكيفية التسجيل.

وهذا ماكان🌺

#رضاعة_طبيعية #حليب_صناعي #حليب_الأم #فوائد_الرضاعة #خطر_الحليب_الصناعي

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

📌موضوع #الأدوية_والرضاعة موضوع مهم جدا، وفي الكثير من الأحيان يتسبب في توقيف الرضاعة بدون داعي بسبب الخوف والجهل.

☝️الكثير من الأطباء ما يعرفوش أن معظم الأدوية متوافقة مع الرضاعة، وممكن الأم ترضع وتشرب الدواء بكل أمان.

👈رغم انني في كل مرة أذكر بالمصادر وكيفية البحث عن توافق الأدوية والرضاعة، إلا أنه تصلني دائما استفسارات وقصص حول فشل الرضاعة بسبب مرض الأم واضطرارها لأخذ دواء اعتقد خاف الطبيب يضر بيه الطفل.

👈المشكل كذلك أنه حنا في طب الأطفال نستخدم تقريبا نفس الأدوية لعلاج الصغار، فقط بجرعات متناسبة مع الوزن/المساحة الجسدية. وغالبا الجرعة الدوائية تكون أكبر بكثير مما قد يمر للطفل في حليب الأم.

✔️ولتسهيل الأمر عليكم، بديت سلسلة #الأدوية_والرضاعة، وين رايحين نشوفوا توافق مختلف الأدوية أو عدمه مع الرضاعة.
المصادر اللي أعتمد عليها هي كالعادة :
🔹lecrat.fr
🔹e-lactancia.org
🔹Hale's Medication
🔹LactMed
🔹🔹🔹وآخرون...

💬اقترحوا الأدوية اللي تحبوا نحط عليها، وتبعوا ستوريات الصفحة على الفيسبوك وعلى الانستاغرام باش تتعرفوا على توافقها مع الرضاعة، وابعثوها لكن يهمها الأمر.

🌺وكالعادة :
#معا_لإعادة_إحياء_الرضاعة_الطبيعية
#أنا_أم_مرضعة
#أنا_أشجع_الرضاعة_الطبيعية

ساهموا بنشر الوعي من خلال مشاركة #المعلومات_الصحيحة حول الرضاعة الطبيعية.

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

🔴#هل_تعلمين ؟

❓لماذا يرضع الأطفال الذين يتناولون حليب الأم كميات أقل من الحليب؟

🍂من المعروف أن الأطفال الذين يرضعون من الثدي يتناولون كميات أقل من الحليب مقارنةً بأقرانهم الذين يتناولون الحليب الصناعي. قد يبدو هذا غريباً في البداية، لكن العلم لديه تفسير منطقي وبسيط: لبن الأم هو بطل الطاقة!

🌼لبن الأم: المعجزة الغذائية!
☑️لبن الأم ليس مجرد غذاء؛ إنه معجزة طبيعية. يحتوي على كل ما يحتاجه الطفل من مغذيات بنسب مثالية، إضافةً إلى مكونات تعزز المناعة وتساعد في النمو السليم. هذا يعني أن كل قطرة من حليب الأم تحتوي على تركيبة فريدة تجمع بين البروتينات، الدهون، الفيتامينات، والمعادن التي يحتاجها الطفل.

🌼الكفاءة في استخدام الطاقة
☑️السبب الرئيسي وراء تناول الأطفال الذين يرضعون من الثدي كميات أقل من الحليب هو كفاءة لبن الأم في استخدام الطاقة. بمعنى آخر، لبن الأم يوفر للطفل جميع العناصر الغذائية التي يحتاجها بتركيزات مناسبة، مما يعني أن الطفل يحصل على التغذية المثلى بكمية أقل من الحليب.

🌼التحكم الذاتي لدى الطفل
☑️الأطفال الذين يرضعون من الثدي يمتلكون القدرة على التحكم في كمية الحليب التي يتناولونها. يتوقفون عن الرضاعة عندما يشعرون بالشبع، مما يعني أنهم يتناولون الكمية التي يحتاجونها بالضبط، وليس أكثر ولا أقل. في المقابل، قد يصعب على الأطفال الذين يتناولون الحليب الصناعي التحكم في كمية الحليب، مما يؤدي أحياناً إلى الإفراط في الرضاعة.

🌼لماذا هذا مهم؟
☑️هذا الاختلاف في كمية الحليب المستهلكة يمكن أن يكون له تأثيرات طويلة الأمد على صحة الطفل. الأطفال الذين يرضعون من الثدي غالباً ما يكون لديهم مخاطر أقل للإصابة بالسمنة في المستقبل، لأنهم يتعلمون من الصغر كيفية تنظيم استهلاكهم للطعام بناءً على احتياجاتهم الحقيقية.

وهذا ماكان 💐

#رضاعة_طبيعية #حليب_صناعي #حليب_الأم #لبن_الأم

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

🔴علاش الرضيع ما يفرغش كل الحليب من الثدي كي يرضع؟

الحقيقة أنو الرضيع ما يستهلكش كل الحليب الموجود في الثدي أثناء الرضاعة. بل بالعكس، يشرب تقريبًا ثلثين الحليب فقط.
تبعي معايا تعرفي علاش :

🔹الاحتياجات الغذائية : احتياجات الرضيع تختلف من رضعة لرضعة، ممكن يشبع بعد ما يشرب كمية معينة من الحليب.

🔹التنظيم الذاتي : علابالك أنه الرضيع عنده قدرة طبيعية باش ينظم كمية الحليب لي يشربها حسب شحال حاس بالجوع أو الشبع، وهذا يساعده باش ما يكثرش في الرضاعة/الأكل.

🔹نوعية الحليب : الحليب لي يكون في بداية الرضعة فيه نسبة عالية من الماء، لكن الحليب لي يكون في نهاية الرضعة فيه نسبة أكبر من الدهون. ممكن الرضيع يشبع بعد ما ياخذ الدهون المغذية في نهاية الرضعة، حتى ولو ما فرغش كل الحليب. كما أنه ممكن يكون محتاج يرتوي فقط أثناء الحر، فياخذ فقط الحليب الأولي.

🔹الراحة والنوم: كذلك، يتوفف الرضيع عن الرضاعة باش يرتاح ولا ينام، وبعدها يكمل الرضاعة.

✨في الأخير، عزيزاتي الأمهات، لازم تفهموا بلي كمية الحليب لي يشربها الرضيع تختلف من رضعة لرضعة ومن نهار لنهار. ما تقلقيش إذا حسيتِ أنو طفلك ما فرغش الثدي كامل. استمتعي بوقت الرضاعة كفرصة باش تقوي العلاقة بينك وبين طفلك وتعطيه التغذية الصحية لي يحتاجها.

وهذا ماكان 🌺

#رضاعة_طبيعية #حليب_الأم #تفريغ_الثدي

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية #IBCLC

#من_الاستشارات

⁉️شكون قال رضع #متلازمة_داون ما يقدروش يرضعوا رضاعة طبيعية حصرية؟؟

📌لقمان، رضيع يعاني من تريزوميا 21 وزاد بوزن 2500غ. كانت عندو صعوبات في الرضاعة في الأيام الأولى وهذا ما أدى إلى اصابته بالجفاف والفشل الكلوي اللي استلزم دخوله المستشفى للعلاج.

👈بعدما درناله إعادة تمييه، وعالجنا اليرقان اللي زاد في الشدة بسبب النقص الشديد في الوزن اللي فات 15% من وزن الولادة، درت مع الأم الشُّجاعة حصة استشارية تعلمنا فيها الوضعية والالتقام ودرنا خطة لتدارُك الادرار وزيادة الوزن.

☝️#أم_لقمان كانت معارضة بشدة للصناعي، ورغم أنني كنت مضطرة انني نوصفه في البداية إلا أنها أبت إلا أن تواصل الرضاعة وعدم ادخار أي مجهود للمواصلة.

✔️بدات في التحفيز، خذينا مدرات الحليب، كلينا مليح وارتحنا شوية نفسيا (نفسية الأم في هذه المرحلة هي الأساس).

😬رغم أنني خفت من أن لقمان ما يقدرش على الرضاعة بسبب أولا متلازمة داون والوزن اللي فقدو اللي جعلو ضعيف، لكن الأم بمثابرتها وإصرارها كملت في الرضاعة وفاجأتني...

👈اليوم لقمان ذو 3 أشهر، راه بصحة جيدة، وراه يزيد في الوزن بمعدل رائع 1كغ في الشهر، ويرضع #رضاعة_طبيعية_حصرية وأمه سعيدة جدا بيه. قدرت تتحدى المحيط اللي حاول مرارا وتكرارا يؤثر عليها لزيادة الحليب الصناعي، لكنها كملت وما سمعت لحتى واحد.

تحية لك #أم_لقمان، الأم الشجاعة المثابرة 🎉

🌺وإذا تحبوا المزيد من القصص كيما هاذي، شجعوني بتفاعلكم في التعليقات وانشروا المنشور بين صحاباتكم وادعوهم يديروا اعجاب للصفحة في الفيس والانستاغرام.

🚨وانتظرونا قريبا في لايف، نحكيوا عليه على أحد هذه المواضيع المطلوبة بشدة (اعادة الارضاع/العودة للعمل/الفطام)
⌛تبعوا الستوريات باش تشاركوا في الاستفتاء لاختيار الموضوع.

وهذا ما كان 🌺

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

🔴نزلات البرد عند الأطفال: الأعراض والعلاج 🤧👶

❓واش هي نزلات البرد؟

☑️نزلات البرد هي عدوى فيروسية تضرب الجهاز التنفسي العلوي، وتعتبر حاجة عادية عند الأطفال، خاصة في فصل الشتاء. بما أن المناعة تاع الطفل تكون مازالت تتطور، راهو معرض بزاف لهاد النوع من العدوى، ويقدر يتصاب بنزلة برد عدة مرات في العام.

❓أعراض نزلات البرد:

🔸سيلان الأنف 🌧️
🔸العطس
🔸الكحة 😷
🔸التهاب الحلق
🔸نقص الشهية 🍽️
🔸احتقان الأنف
🔸التعب والإرهاق 😴
🔸في بعض الحالات، حمى خفيفة🌡️.

❓كيفاش نتعاملوا مع نزلات البرد؟ 🩹
☑️نزلات البرد ناتجة عن فيروس، يعني المضادات الحيوية ما تصلحش هنا. العلاج يكون بالتخفيف من الأعراض ومساعدة الطفل باش يرتاح:
🔸الراحة والسوائل: لازم الطفل يرتاح ويشرب بزاف السوائل باش يتجنب الجفاف 💧
🔸تنظيف الأنف بمحلول ملحي: محلول الملح يساعد باش ينظف الأنف ويخفف الاحتقان، خاصة عند الرضع والأطفال الصغار.
🔸الباراسيتامول 💊: إذا كان الطفل يعاني من ألم ولا حمى خفيفة، تقدروا تستعملوا هذه الأدوية، بصح لازم تتبعوا الجرعات المناسبة لعمر ووزن الطفل.
🔸الهواء الرطب: استعمال جهاز مرطب في الغرفة ولا بخار الحمام يساعد بزاف في تخفيف احتقان الأنف 🌬️.

❓متى يجب نشوفوا الطبيب؟ 👩‍⚕️
☑️في أغلب الحالات، نزلات البرد تروح وحدها بعد أيام، بصح إذا ظهرت الأعراض التالية، لازم تشوفو الطبيب:
🔸الحمى عالية (أكثر من 39°C) أو استمرت لأكثر من 3 أيام.
🔸صعوبة في التنفس ولا تنفس سريع.
🔸خمول غير عادي أو رفض الأكل والشرب.
🔸وجود إفرازات صفراء أو خضراء سميكة من الأنف لمدة طويلة.

❓نصائح باش تحموا الأطفال من نزلات البرد:
🔸غسل اليدين بانتظام، خاصة بعد ما يلعبوا برا ولا يلمسوا أشياء متسخة 👐.
🔸تجنبوا الاحتكاك مع ناس مرضى: إذا كان واحد في العائلة مريض، حاولوا تبعدوا الطفل عنه.
🔸التغذية السليمة والنوم الكافي: باش يقوي جهازه المناعي 💪.

كانت معكم ...
#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

#الجزائر #برد #زكام
#algeria #explorer #dz #pediatrics #cold

بزاف من الزملاء #أطباء_الأطفال يغفلوا عن متابعة الرضع حديثي الولادة في الشهر الأول أو ما يعطوش أهمية لمراقبة الوزن باش نتأكدوا بأن الطفل راه ياخذ كل احتياجاته من الحليب. 👶
مرة إحدى الزميلات قالتلي أن طبيبة الأطفال قالتلها أنه مالازمش نوزنوا الطفل في الشهر الأول بعدما طلبت منها موعد للفحص. 🤔

مراقبة الوزن شيء مهم جدا، وحكينا من قبل على هذا الموضوع بزاف. 💡 وفي كل مرة نحكي على الرضاعة إلا ونحكي على الوزن. ⚖️

زيادة الوزن هي العامل الموضوعي الوحيد اللي يدل على أن الطفل راه يشبع، عكس كل ما يعتقده الكثير. 😊💪
وعندنا أزمنة محددة نراقبوا فيها الوزن خلال الشهر الأول، باش نضمنوا أن الطفل راه ينمو بصحة. 🔍✨

🔸الرضيع المولود في أوانه يزيد بوزن طبيعي من 2500غ إلى 4000غ.
🔸خلال الأسبوع الأول: الطفل ممكن يخسر من 7% إلى 10% من وزنه بسبب فقدان السوائل. هذا الشيء عادي ولكن لازم يسترجع الوزن اللي فقده خلال أول أسبوعين. 📉📅
🔸من الأسبوع الثاني إلى الرابع: لازم نراقب الوزن أسبوعيا تقريبًا. الهدف أن الطفل يزيد حوالي 150-200 غرام في الأسبوع. 🔄📈
🔸بعد الشهر الأول: المراقبة تستمر ولكن بمعدل أقل حسب توصية طبيب الأطفال. بعض الأطباء ينصحوا بمراقبة الوزن مرة كل شهرين إلى ثلاثة. 📅⚖️

ما تنساوش، المتابعة المنتظمة للوزن تعطينا فكرة واضحة عن صحة الطفل ونجاح الرضاعة الطبيعية. 🧡

حتى الأمهات اللي يرضعوا رضاعة صناعية لازم يراقبوا وزن أطفالهم بنفس الطريقة، لأن الوزن هو المؤشر الأساسي للنمو الجيد. 📏✅

👈الشيء الجميل أنه في الدفتر الصحي الجديد، تم استحداث فقرات خاصة بهذه الأزمنة للفحص والمراقبة الدورية لكل الأطفال. ويا ريت الأولياء ينتبهوا أكثر لهذه الزيارات ويرافقوا أطفالهم عند الطبيب حتى لو ماكانش ظاهر أنه مريض باش يطمنوا عليه أكثر.

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

#baby #weight #dz #poids #bebe #algerie #dz #explorer #allaitement #breastfeeding
#الجزائر #وزن #الرضيع #رضاعة_طبيعية #رضاعة #اكسبلور

#تشجيع_للأمهات 🤱❤️

الحمد لله، شحال نفرح كي نشوف الأمهات يطبقوا النصائح اللي نعطيلهم ويحرصوا على الرضاعة الطبيعية. 🥰🌸
أصبح من الطبيعي أنه الأمهات يستعملوا الشفاط باش يشفطوا الحليب في المصلحة، خاصة للرضع الخدج. 👶🍼 وهذا الشيء اللي دايما نسعى باش نغرسوا كثقافة في المجتمع الصغير حولي.

✨ الشيء اللي يزيد يفرحني هو لما نشوف كيف كل أم تسعى لتوفير الأفضل لطفلها، مهما كانت الظروف.

🌟 حليب الأم، ماهوش فقط غذاء، راهو جزء من العلاج خاصة بالنسبة للخدج اللي راهم بكثرة مؤخرا في المصلحة. 🩷

هو خط دفاع أول ضد الأمراض، خاصة بالنسبة للرضع الخدج اللي يحتاجوا عناية خاصة. 🛡️💖 من خلال الشفط، الأم تضمن أنها توفر لطفلها التغذية الأمثل حتى وهي بعيدة عليه أو حتى في الحالات اللي الطفل ما يقدرش يرضع مباشرة من الثدي. 🚼💞

الشفط يعتبر حل عملي وسهل، ويساعد الأم باش تبقى مستمرة في الرضاعة الطبيعية بدون ضغط أو قلق على إنتاج الحليب. 🧘‍♀️💆‍♀️ راني نشوف كيف هذي الثقافة بدأت تدخل في المجتمع، كيف الأم ولا عندها وعي كبير بأهمية الرضاعة الطبيعية والشفط كجزء من روتين العناية بالطفل. 🤱✨ ونحب نأكد للأمهات أن كل خطوة يخطوها في هذي الطريق راها استثمار طويل المدى في صحة أطفالهم. 🏅🍼

كوني دايما فخورة باللي راك ديري، لأنك بكل رضعة وبكل شفطة راك تبني مستقبل صحي ومتين لطفلك، وتهدي له الحنان والأمان اللي يحتاجهم. 💪💖👶

#أنتِ_الأفضل 🌟
#الرضاعة_الطبيعية 🤱
#شفط_الحليب 🍼

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

🔴الرضاعة الطبيعية بعد سن السنة إلى سنتين: نصائح وإرشادات للأمهات 🤱🍽️

🍂الرضاعة الطبيعية ماشي غير في الأشهر الأولى من حياة الطفل، بل ممكن تستمر حتى بعد العام الأول، وحتى لعامين وأكثر إذا حبت الأم والطفل. كثير من الأمهات يتساءلوا واش تكون الفائدة بعد العام الأول؟ وكيفاش نقدر ندمج الأكل مع الرضاعة ونفطم الطفل بطريقة سهلة؟
تبعي معي نعطيك نصائح عملية ونفهموك الفوائد الكبيرة للرضاعة الطبيعية في هاذ الفترة.

🍂الفوائد المستمرة للرضاعة الطبيعية بعد العام الأول 🌱
بزاف أمهات يظنوا باللي بعد عام، الحليب الطبيعي ماشي ضروري. بالعكس، الرضاعة الطبيعية تبقى مصدر غني بالمغذيات وتقدم الفوائد الصحية والنفسية لطفلك:
🔸جهاز مناعي أقوى: الحليب الطبيعي فيه مضادات أكسدة وأجسام مضادة تساهم في تقوية المناعة ديال الطفل، خاصة في مواجهة الأمراض 🦠💪.
🔸دعم للنمو والتطور: حتى بعد العام، الحليب الطبيعي يبقى مصدر مهم للبروتينات، الفيتامينات، والمعادن اللي تساعد في نمو الطفل بشكل صحي.
🔸تعزيز الترابط بين الأم والطفل: الرضاعة الطبيعية هي فرصة للبقاء على اتصال عاطفي قوي مع الطفل، وتساعد في تحسين التواصل والانسجام بيناتكم 💖.

🍂دمج الأكل مع الرضاعة الطبيعية 🥦🍎
في هاذ الفترة، لازم تبدي تدمجي الأكل الصلب مع الرضاعة الطبيعية. كيفاش تقدر تديري هاذ الشي بطريقة منظمة؟
1️⃣ قدمي الأكل الصلب قبل الرضاعة: في الوجبات الرئيسية، قدمي الأكل الصلب أولًا باش الطفل يتعلم ياكل بروحه ويفتح شهيته على أنواع جديدة من الأكل. من بعد، إذا حب يرضع عادي ما فيها حتى مشكل.
2️⃣تنويع الأغذية: من الضروري تقدمي لطفلك أطعمة متنوعة وغنية بالبروتينات، الفيتامينات، والألياف. قدمي له الخضروات، الفواكه، اللحوم، البيض، والحبوب الكاملة. كل ما كان النظام الغذائي متنوع، كل ما كانت تغذيته أحسن 🌽🥩🥚.
3️⃣استمري في تقديم الحليب الطبيعي وقت الحاجة: الرضاعة الطبيعية تبقى مهمة خصوصًا في الأوقات اللي يكون فيها الطفل مريض أو مقلق. الحليب الطبيعي يساعد في تهدئة الطفل ويمنحه الراحة اللي يحتاجها 😌.

🍂كيفية الفطام بطريقة سلسة ومريحة 🍼🚼
الفطام هو مرحلة طبيعية في حياة كل طفل، لكن لازم يكون تدريجي باش الطفل ما يحسش بضغط أو تغيير مفاجئ. كي تروحي تفطمي طفلك، جربي هاذي الخطوات:
1️⃣التقليل التدريجي: نقصي من عدد الرضعات بالتدريج. مثلاً، إذا كنتي ترضعيه 4 مرات في اليوم، حاولي تنقصي مرة بعد مرة حتى تولي ترضعيه غير مرة في اليوم، ومن بعد توقفي كليًا 🕰️.
2️⃣ تعويض الرضاعة الطبيعية بنشاطات أخرى: بدل ما يرضع، شجعي طفلك على القيام بنشاطات أخرى يحبها مثل اللعب أو الاستماع لقصص قصيرة 📚🧸.
3️⃣ الصبر والمرونة: الفطام يحتاج وقت وصبر. خلي الأمور تمشي على راحتك وراحة طفلك. إذا حسيت أن طفلك مازال متعلق بالرضاعة، خلي الفطام يكون بطيء وما تفرضي عليه التوقف فجأة.
4️⃣ دعم الطفل نفسيًا: ممكن الطفل يحس ببعض التوتر أثناء مرحلة الفطام، لهذا حاولي تكوني قريبة منه أكثر، اعطيه الحضن والحنان اللي يحتاجه، وكوني موجودة باش ما يحسش بفقدان الأمان 😘🤲.

🍂كيفاش تتعاملي مع الضغط المجتمعي؟ 🗣️
بزاف أمهات يعانوا من ضغط العائلة أو المجتمع اللي يقولهم باللي "الطفل كبر ويجب التوقف عن الرضاعة". من المهم تكوني واثقة في قرارك وتعرفي أن الرضاعة الطبيعية بعد العام هي قرار صحي ومفيد لطفلك.
🔸التجاهل الإيجابي: إذا جاك ضغط من الناس، تجاهلي التعليقات بطريقة لطيفة وكوني واضحة باللي هاذ الشي هو قرارك أنت وطفلك فقط.
🔸التوعية: في بعض الحالات، حاولي تفسري للناس فوائد الرضاعة بعد العام، ممكن تساهمي في تغيير أفكارهم 🤓.

🌟 في الأخير ...

الرضاعة الطبيعية بعد العام الأول عندها بزاف الفوائد الصحية والنفسية للطفل. المهم هو أنك تكوني مرتاحة في قرارك وتتبعي طريقة تدريجية في الفطام. كيما كل حاجة في الأمومة، الصبر والمرونة هما مفتاح النجاح.

مصادر علمية 📚:

1. World Health Organization (WHO): توصيات حول الرضاعة الطبيعية بعد العام الأول.
2. American Academy of Pediatrics (AAP): فوائد الرضاعة الطبيعية المطولة.
3. La Leche League International: إرشادات حول الفطام التدريجي

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

#dz #algeria #breastfeeding #explorer #allaitement #weaning
#رضاعة #فطام #فطام_الطفل

كيفاش تدعمي طفلك باش يتجاوز قلق الانفصال؟ 👶💔

قلق الانفصال (Anxiété de séparation) هو مرحلة طبيعية يمر بها معظم الأطفال خاصة بين 6 أشهر وسنتين. كي يبدأ طفلك يبكي كل مرة تروحي فيها، راكي قاعدة تواجهين قلق الانفصال. لكن ما تخافيش! هذا أمر طبيعي، وببعض الخطوات والنصائح، تقدري تساعدي طفلك يتجاوز هذه المرحلة بسهولة.

🔸 كيفاش تعرفي أن طفلك يعاني من قلق الانفصال؟ • يبكي كل مرة تروحي ولا يغيب عنك. • ما يحبش يبقى مع ناس ما يعرفهمش أو حتى مع أفراد العائلة اللي ما يتلاقاهمش بزاف. • يتبعك في كل مكان، وما يقدرش يشوفك تروحي حتى لو دقيقة!

🔸 واش تقدر تديري باش تطمني طفلك؟

1️⃣ وداع خفيف وظريف: كي تكوني رايحة، ديري وداع بسيط ومريح. ما تبالغي في العواطف، لأن الطفل يولي حساس لأي تغيير في تصرفاتك. كوني طبيعية، ابتسمي وقولي له "نرجع لك بعد شوية".

2️⃣ الروتين قبل مغادرتك: خلي روتين يومي معروف كي تروحي، مثلا: "كل يوم كي نحطك مع الجدة، راح نرجع من بعد". الطفل يبدأ يتعود ويفهم أن الغياب ماشي دايم.

3️⃣ خليه يستكشف بدون ضغط: إذا كان طفلك خجول بزاف، خلي يتعود على غيابك بالتدريج. مثلاً، خليه يلعب مع ناس جداد في البيت وأنتي قريبة، ومن بعد بدري تروحي لدقائق باش يتعود على وجود الآخرين.

4️⃣ امنحيه لعبة مفضلة: تقدري تعطيه لعبته المفضلة اللي يحبها، ويفضل تكون مرتبطة بيك، هكذا يشعر بالأمان كي يغيب عنك.

5️⃣ كوني صبورة: هذا هو المفتاح! قلق الانفصال مرحلة مؤقتة، وكيما كل شيء في الأمومة، الصبر هو الحل. خليه ياخذ وقته باش يتأقلم، وكل مرة راح تشوفي تحسن.

🔸 كيفاش تتعاملي مع مشاعرك؟ • إذا حسيتي بتوتر ولا ذنب كي تروحي وتخليه يبكي، افتكري أن هذا جزء من النمو الطبيعي لطفلك. أنتي قاعدة تساهمي في تطوير استقلاليته. • حاولي تهتمي بروحك كي تكوني بعيدة. مشاعر الطفلك يقدر يحس بيها، وإذا كنتي مرتاحة، هو كذلك يولي مرتاح.

كيما قولو قديمًا: "الغياب يزيد الشوق". خلي طفلك يتعلم يستنى ويرتاح حتى كي تكوني بعيدة. بالصبر والحب، راح تشوفيه يتجاوز قلق الانفصال ويولي أكثر استقلالية وثقة بنفسه 💪💖.

📚 مصادر علمية:

1. American Academy of Pediatrics (AAP) – Coping with separation anxiety.
2. Mayo Clinic – Tips for easing toddler separation anxiety.
3. Raising Children Network – Dealing with separation anxiety.

#قلق_الانفصال #الأمومة #الأبوة #التربية_الإيجابية #دعم_الطفل #طفلي
#الجزائر #اكسبلور
#dz #algeria #explore #anxiété
#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

حقيقة: الأم تقدر ترضع حتى وهي مريضة 🤒🤱

حتى كي تكوني مريضة وما عندكش الطاقة، تقدري تواصلي رضاعة بكل أمان. 💪👶 بزاف أمهات كي يجيوهم نزلات البرد ولا السخانة يتقلقوا ويخافوا انهم يضروا اولادهم، لكن بالعكس! حليب الأم فيه الأجسام المضادة اللي تحمي الرضيع من المرض !
يعني في الحقيقة، راكي تكملي تمديلو المناعة باش ما يمرضش معاك. سبحان الله! 🙌✨

فالمرة الجاية تمرضي، حاولي ترتاحي وترقدي مليح، اشربي تيزانة والكثير من السوائل وكملي الرضاعة.
💬ما تخليش البيبي يحرم من الحليب الطبيعي تاعك بلا داعي!

‼️وما تنسايش : استشيري مختص في الرضاعة إذا كنتي تشربي أدوية ربما لا تتوافق مع رضاعتك، أو إذا كان عندك مرض مزمن أو مستعصي باش يساعدك على التوفيق بين الاعتناء بنفسك والمحافظة على حليبك.

#رضاعة_طبيعية #الجزائر #رضاعة #حقيقة #خرافة #صحة
#dz #algeria #allaitement #myth #fact #breastfeeding

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

تحضير الحليب الصناعي وتركه طول الليل ممكن يشكل خطر كبير على صحة الرضيع. 🍼❌
الحليب الصناعي اللي يبقة برا لفترة طويلة يصبح بيئة مثالية لتكاثر البكتيريا الضارة 🦠، وهذا ممكن يؤدي إلى التسمم الغذائي للطفل. 😱 بكتيريا تحب الأكل الغني بالمغذيات، وإذا ما تحطش الحليب في الثلاجة أو استهلك في وقت قصير، راح تولد فيه أضرار كبيرة.

الحل الأمثل؟ الرضاعة الطبيعية. 🤱 في الليل، حليب الأم يكون جاهز في الحين، غني بالمغذيات اللي يحتاجها الرضيع، ومليء بالأجسام المضادة اللي تحميه من الأمراض. 💪🌙. ومن مميزات الرضاعة الطبيعية، أنها تزيد هرمون البرولاكتين أثناء الليل، اللي يعزز إنتاج الحليب ويزيد الفائدة للرضيع. 😇✨

دراسات أثبتت أن الرضاعة الطبيعية في الليل تقوي جهاز مناعة الطفل وتقلل خطر الإصابة بالعدوى 👶💖. إضافة لهذا، الرضاعة الطبيعية سهلة: الحليب يكون معقم وجاهز دايماً، وما يحتاج لا تحضير ولا تعقيم للقارورات. 🚫🍼

إذا ما زلت تستعملي الحليب الصناعي، تأكدي من تحضيره بطريقة آمنة: سخني الماء لدرجة 70° مئوية، وقدميه مباشرة. وإذا ضروري تحطيه في الثلاجة، خليه مدة قصيرة فقط (24 ساعة) مع إعادة التسخين بطريقة صحيحة. 🔥❄️

لكن الأفضل والآمن دايماً هو الرضاعة الطبيعية في الليل، لأنها ماشي غير توفر حماية أفضل للطفل، ولكن حتى تسهّل عليك حياتك وتضمن سلامتو. 💯💫

الرضاعة_الطبيعية #رضاعة_ليلية #صحة_الرضيع
#حليب_الأم #تغذية_الرضيع #الأمومة #دعم_الرضاعة #الأم_والرضيع

#dz #algeria #explore #bottlefeeding #danger

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

قصة سراج الدين هي مثال حقيقي لقوة الإصرار على الرضاعة الطبيعية 💪🤱. رغم التحديات اللي واجهتها الأم، من فقدان الوزن المبكر إلى تشخيص العدوى البكتيرية في المسالك البولية والأنيميا، قدرت تحقق النجاح وتجاوز الصعوبات بفضل العزيمة وطلب المساعدة في الوقت المناسب.

🔬 بعد تشخيص العدوى وعلاجها، كان التحدي الثاني هو الرضاعة. الأم حست بلي الرضيع ما يفرغش الثدي وما يجبدش مليح، وزاد عليها الهم كي شافت أن وزن رضيعها ما يتحسنش، والمحيط السلبي اللي في كل زيارة يسمعوها كلام جارح (وليدك دخلوا عليه، وليدك ما يكبرش ويبقى هكذا، وليدك راسو كبير، وووو...) والله المستعان.

⚠️عند الفحص، تم اكتشاف وجود لجام لسان اللي كان يعيق عملية الرضاعة.

✅الحل؟ قص لجام اللسان وإعادة التأهيل باش يقدر الرضيع يرضع بشكل فعال.

✨ النتيجة كانت مذهلة! سراج الدين استرجع وزنه تدريجيا وبشكل طبيعي، وراه في صحة جيدة بلا أي تدخل بالحليب الصناعي. الرضاعة الطبيعية كانت الحل الأمثل للعلاج الغذائي وتحسين المناعة، وهي مثال واضح على أن الإصرار والاستشارة الصحيحة تقدر تصنع الفرق الكبير.

🎯 نصيحة: إذا كنتي حاسة بلي عندك صعوبات في الرضاعة الطبيعية، ما تتردديش في طلب المساعدة. بفضل الدعم والتوجيه الصحيح، تقدر تحققي النجاح في الرضاعة اللي يفيدك ويفيد طفلك.

💬 إذا واجهتي مشاكل كيما هذه الأم، ما تنسايش بلي الحلول موجودة، المهم تكوني صبورة وتطلبي الدعم في الوقت المناسب.

#رضاعة_طبيعية #إعادة_إرضاع #لجام_لسان #قص_اللجام
#دعم_الرضاعة #تغذية_الرضيع #صحة_الأطفال
#الأمومة #الجزائر #اكسبلور
#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

🔴مدرات الحليب الطبيعية 🌿

من اكثر الأسئلة اللي تجيني: "كيف نقدر نزيد كمية الحليب ؟"
أول خطوة أكيد هي الرضاعة بانتظام، لكن كاين بعض الأغذية الطبيعية اللي ممكن تساعد في تعزيز الحليب بطريقة آمنة وصحية. إليكم بعض النصائح حول مدرات الحليب الطبيعية وكيفاش تستعملوها.

1️⃣الحلبة - ملكة مدرات الحليب 🌱👑
الحلبة تُعتبر من أشهر الأعشاب لزيادة الحليب. تحتوي على مركبات تنشط الغدد اللبنية. تقدري تستهلكيها كشاي أو تطيبي بيها بعض الأكلات.

كيفاش تستعمليها؟
غلي ملعقة صغيرة من بذور الحلبة في كأس ماء، وتشربيها 3 مرات في اليوم. الحليب راح يزيد بعد أيام قليلة. كيما علابالك، لازم تستحملي شوية الرائحة المصاحبة لتناول الحلبة. حاولي تتحممي كل يوم، اذا كانت تزعجك.

2️⃣زريعة البسباس (الشمر) - العشبة المهدئة والمُدرّة 🌾
زريعة البسباس تساعد على تهدئة المعدة وتحفيز إنتاج الحليب. مليحة كي تكوني تعبانة أو طفلك عندو مغص.

كيفاش تستعمليها؟
غلي ملعقة صغيرة من زريعة البسباس في كأس ماء وشربيها دافئة. تقدر تستعمليها مرتين في اليوم، راح تحسي بالفرق في التحسين من المغص، وحتى في كمية الحليب. 🌿💧

3️⃣الحبة السوداء (حبة البركة) - البركة في كل شيء 🌼
حبة البركة معروفة منذ القدم بفوائدها السحرية. تساعد في توازن الهرمونات وتقوية المناعة، وبالتالي زيادة إنتاج الحليب.

كيفاش تستعمليها؟
خلطي ملعقة صغيرة مع العسل وتناوليها كل صباح. راح تحسي بطاقة كبيرة طول اليوم وزيادة في الحليب. 🍯💪

4️⃣القسط الشائك (Blessed Thistle) - العشبة المباركة
القسط الشائك يساعد على تحفيز الغدد اللبنية. فيه خصائص مضادة للأكسدة اللي تقوي صحتك بشكل عام وتدعم إفراز الحليب.

كيفاش تستعمليها؟
شاي القسط الشائك هو أفضل طريقة: غلي ملعقة صغيرة من حبوب القسط الشائك المطحونة في ماء وشربيها مرة أو مرتين في اليوم.

الاعتدال هو السر 🎯

رغم أن هذي الأعشاب والغذاء الطبيعي مفيد، لازم تستهلكيهم باعتدال، وتحاولي دائما تشربي ماء بكثرة لأنه راح يساعدك في بقاء الجسم رطب وينظم عملية إنتاج الحليب. 💧💪

الرضاعة الطبيعية تبقى دائما هي المفتاح الأساسي لإنتاج كافي من الحليب. كلما زادت رضاعة الطفل، كلما استجابت الغدد اللبنية بزيادة الإنتاج. مدرات الحليب الطبيعية تكون داعم رائع لك خلال هذي المرحلة. 🌿💞

⚠️ تحذير : هذه المدرات تقدر تتفاعل مع أدوية راكي تتناوليها، أو ممكن تسببلك حساسية. لذلك استشيري مختصة في الرضاعة قبل اعتماد أحد هذه المدرات لزيادة انتاج الحليب.

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

👶 "أسنان حديثي الولادة (Néonatal tooth): شكون يقول باللي البيبي يقدر يجي بأسنان؟!"

نعم! صحيح باللي بعض الرضّع يتولدوا بأسنان صغيرة، و هذو الأسنان اللي نسميوهم "أسنان حديثي الولادة" يظهروا خلال الشهر الأول من الحياة. هذا الأمر نادر بزاف، لكن كي يصرا، يكون مصدر قلق للأولياء 🤔.

❓أسباب ظهور أسنان حديثي الولادة:

1️⃣وراثة: لو كان في العائلة حالات مشابهة، احتمالية تظهر عند الطفل تزيد.
2️⃣مشاكل في النمو: في بعض الحالات، يكون هناك اضطرابات جينية تؤدي لهذا التطور السريع للأسنان.
3️⃣الأمراض الخلقية: بعض الحالات الطبية، مثل متلازمة Sotos أو Ellis-van Creveld، ممكن تكون مرتبطة بظهور هذه الأسنان.

❓هل لازم نقلقو؟

في بعض الأحيان، هذه الأسنان تكون غير ثابتة وتقدر تسقط بسرعة 😨، و لازم مراقبتها باش ما يتأثرش الرضيع. في حالات أخرى، الأسنان ما تسبب حتى مشكل و تقدر تبقى ثابتة بلا تدخل.

🍂العلاج:
🔸المراقبة: الطبيب غالبا يطلب المراقبة الدائمة للأسنان باش يتأكد من ثباتها وما تسببش أي خطر.
🔸التدخل الطبي: إذا كانت الأسنان تسبب جروح للسان أو تؤثر على الرضاعة، الطبيب يقدر ينصح بنزعها بطريقة آمنة 💡.

✔️ رسالة للأولياء: ما تقلقوش بزاف إذا البيبي جا بأسنان صغيرة، لكن من الضروري تزوروا الطبيب باش يعاين الحالة ويعطيكم النصائح اللازمة 🌟.

#حديثي_الولادة #الأسنان_الولادية #صحة_الطفل #نصائح_للأولياء #رعاية_البيبي

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC

أول حالة ضمور في نسيج الثدي صادفتها واللي تستحق نقول فيها (نعاون بالحليب الصناعي)🍼

أم زهرة، الأم الشجاعة والمثابرة اللي رزقت بزهرة الخديجة في الأسبوع 27 من الحمل، كانت من أكثر الأمهات الملهمات لي مروا عليا 🌸. من اليوم الأول كانت متهلية في صغيرتها: تعلمت كيفية التعصير اليدوي، بدأت في الشفط من البداية، وظلت محافظة على الإدرار حتى خرجت من المستشفى 💪.

الأسبوع الماضي... بدأ القلق 😟

جاتني تشتكي أنو الحليب قل وصار ما يكفيش زهرة، لي ما بقاتش تزيد في الوزن. اضطرينا نكمل بالحليب الصناعي، ورجعت اليوم بزيادة وزن ملحوظة. مع ذلك، بقيت محتارة: "كيفاش فجأة الحليب قل؟ قالولها ممكن من الزعاف أو القلق". لكنني أكدت لها أن هذا ليس السبب 🎯.

البحث عن السبب الحقيقي 🔍

شكيت أنو الشفاط هو السبب، فقالت أنها حتى بالتعصير اليدوي ما راهيش تجبد غير قطرات بسيطة. طلبت منها توريني كيفاش تعصر باش نتأكد أن الحليب فعلا ناقص. وعندما فحصتها، كانت المفاجأة... 😯

التشخيص: ضمور عضوي في الثدي (Hypoplasie Mammaire Type 3)

لما فحصتها، اكتشفت أن أم زهرة عندها ضمور عضوي في نسيج الثدي من نوع 3، وهو تشوه نادر يمنع إنتاج الحليب الكافي، ما يعني أن الرضاعة الطبيعية الحصرية قد تكون صعبة في حالتها 😔.

كيفاش ما فقتش للتشخيص من قبل؟

لأن الفحص الأولي كان في الأيام الأولى، وكان في فترة نزول الحليب. فالثدي اللي لاحظت أنه صغير، لكن شكله الممتلئ في ذلك الوقت لم يُظهر أنه قد يكون ضامراً.

لماذا لم يظهر المشكل إلى الآن؟

لأن في الأسابيع الأولى، احتياجات الأطفال الخدج تكون صغيرة، وكلما كبر الرضيع وزاد وزنه، زادت احتياجاته من الحليب. الأم في هذه الحالة، كان عندها إنتاج أولي كافٍ، لكن مع زيادة الاحتياجات ونقص التحفيز بعد الخروج من المستشفى، أصبح الثدي غير قادر على المواكبة.

الدرس المستفاد 📚

تجربة أم زهرة تبرز أهمية الفحص المبكر للثدي سواء قبل الحمل أو أثناء الحمل، حيث بعض التغيرات التي تحدث في الثدي تجعل التشخيص أكثر صعوبة بعد الولادة. فحص الثدي قبل الولادة يعطي فرصة لتحديد حالات مثل ضمور الثدي أو التشوهات البنيوية التي قد تعيق إنتاج الحليب الكافي، مما يساعد الأمهات والأطباء على وضع خطة رضاعة مناسبة وفعالة قبل الولادة.

💡 التحضير للرضاعة الطبيعية قبل الولادة مع استشارية رضاعة يمكن أن يكون له دور كبير في توقع التحديات. استشارية الرضاعة توفر إرشادات دقيقة حول الحالات التي قد تجعل الرضاعة الحصرية صعبة وتقدم النصائح لتحسين عملية الرضاعة سواء بالتحفيز أو بتقنيات أخرى.

#د_م_وضاح
#طبيبة_أطفال_وحديثي_الولادة
#استشارية_دولية_معتمدة_في_الرضاعة_الطبيعية
#IBCLC