Бишр әл-Хафи деген әулиеден:

“Біреулер тек рамазан айында ғана ғибадат жасайды да, ай біткен соң тастап кетеді. Бұлар жайында не айтасыз?”, — деп сұрапты. Сонда әулие:

“Алла Тағаланы рамазан айында ғана танитын адамдар — қандай жаман адамдар!”, — депті.

Таң атса кештің батуын күтпе, кеш батса таңның атуын күтпе: ауырмай тұрып сау кезіңді, өлмей тұрып тірі кезіңді пайдалан!

Ибн Омар (Алла разы болсын)

Біздің кейде әркімді бір ұнатпай жататын кездеріміз болады ғой. Біреулерді “жақтырмайм”, “су қаным сүймейді”, “көрсем жыным келеді, қаным қайнайды” деп жатамыз әйтеуір. Бірақ кінәрат олардан емес, бізден болуы мүмкін екен.

Бірде Ахмад ибн Әбул-Хауари деген ғалым Әбу Сүләйман әд-Дарани деген ғұламаға (Алла ол екеуін рахымына алсын): “Пәленше мен түгеншені жақтырмаймын”, — деп айттым дейді. Сонда әд-Дарани оған: “Ол екеуін мен де ұнатпаймын. Бәлкім екеуміздің жүрегімізге бір кесір тиіп, онда дым жақсылық қалмаған шығар?! Сөйтіп салихалыларды сүймейтін болып қалған шығармыз?!”, — деп ойландыратын сөз айтқан екен.

Әбул-Фараж ибн әл-Жаузи айтады (Алла рахымына алсын):

“Дүние — көлік: мінсең көтереді, көтерсең өлтіреді”.

(Дүниені пайдалану керек, бірақ оған құл болмау керек. Біз оны емес, ол бізді “арқалау” үшін жаратылған)

«Дәстүрдің озығы бар, тозығы бар». Ата жолын сақтаймыз десек, ғасырлар бойы бабаларымыз ұстанған асыл дінімізді сақтайық. Дәстүрлі ислам – халқымыздың ұлттық бірегейлігін танытатын басты құндылықтың бірі. Біз оны берік ұстану арқылы экстремизмге және кертартпалыққа қарсы тұра аламыз.

Президенттің Ұлттық құрылтайда айтан сөзі

Жүрек — қазан, тіл — ожау. Жүректе не болса, тіл соны алып шығады.

Яхия ибн Муғаз (Алла рахымына алсын)

Дүниеде біреуге жұмсақ болсаң, ақиретте Алла Тағала саған жұмсақ болады.

“Бесінші әділетті халифа” Омар ибн Абдул-Азиз (Алла рахымына алсын)

📚 Ақылдылар бақшасы

Имам әл-Аузағи айтады (Алла рахымына алсын):

“Ғайбаттамайтын, қызғанбайтын, жек көрмейтін адамдармен көрші болғым келеді”

деп едім, адамдар мені қабір басына алып барды.

📚 Ибн Ражаб. Ілімдер мен хикметтер жинағы

Сен айналаңа, тіпті Әлемге өз көзіңмен қарап, өз ойыңмен баға беретініңді ұмытпа! Бәлкім бәрін кір қылып көрсетіп тұрған — сол өзіңнің көзің, лайлатып жатқан да — сол өзіңнің ойың шығар?!

Егер пенде ауырып қалса немесе сапарға шығып кетсе, сау кезінде, тұрғылықты жерінде істеп жүрген ізгі істерінің сауабы жазыла береді.

📚 Хадис. Бұхари

Жайбарақат уақытта Құран оқып, мешітке барып жамағатпен бірге намаз оқып, жақындарыңа көмектесіп т.с.с. ізгі істерді көбірек істей бер. Ауырып қалсаң да, сапарда жүрсең де сол істердің сауабын ала бересің.

Амандықта, саулықта болайық 🤲🏻

Хадисте “Ең жақсы ғибадат — дұға” дейді. Біз көбіне оның қабыл болуын ғана ойлаймыз. Соған қарай құлшынысымыз артып, кеміп отырады. Бірақ оның өз алдына бір ғибадат екенін ұмытып кетеміз!

Біз жақсы өмірге сабырмен жеттік!

Омар ибн әл-Хаттаб (Алла разы болсын)

📚 Имам Ахмад. Зуһд

Сенің шынайы болмысың мен басқаларға көрінуге тырысып жүрген болмысыңның арасы алшақтаған сайын, сол аралық қайғы-мұңға тола береді.

©️Ясир Хузейми

Пайғамбарымыз ﷺ айтады: “Маған адамдардың жүрегіне үңілуді тапсырған жоқ”.

📚 Сахих Бұхари

Ешкімнің ниетін білгің келіп, жүрегін қазбалама. Ісіне қарап баға бер. Ниетін бір Құдайдың өзі біледі.

Байыптылық, барлық нәрседе орта жолды ұстану және үлгілі өмір сүру — пайғамбарлықтың жиырма төрттен бірі.

📚 Хадис. Әбу Дәуіт

Барлық нәрседе орта жолды ұстану дегеніміз — мысалы, мінездің ортасын ұстану: сараңдық пен ысрапшылдықтың ортасын алып жомарт болу, құлшылықтың ортасын ұстану: мысалы, жыл он екі ай ораза ұстау, түнде мүлде ұйықтамай құлшылық қылу мен мүлде намаз да оқымай, ораза да ұстамай жүрудің ортасын алып, түннің бір уағында намаз оқыса, бір уағында ұйықтау, белгілі бір күндерде нәпіл ораза ұстау т.с.с.

Осы аталған қасиеттер бойыңыздан табылса, бойыңызда пайғамбарлардың кейбір қасиеттері бар деген сөз!

Кімде-кім аманатқа берік болса, мұсылмандардың ар-намысына тимесе, міне сол — нағыз ер!

Әзірет Омар (Алла разы болсын)

📚 Бәһжат әл-Мажалис

Ұлт ұстазы Ахмет Байтұрсынұлы:

“Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс жасау керек”, —

деп айтқан.

Бір-біріңді жек көрмеңдер, бір-біріңе көреалмаушылық жасамаңдар, бір-біріңнен теріс айналмаңдар! Уа, Алланың құлдары! Бір-біріңе бауыр болыңдар! Мұсылманның өз бауырына үш күннен артық ренжуіне рұқсат жоқ!

📚 Хадис. Бұхари

Бәріміз де Алланың құлы екенімізді, бір-бірімізге бауыр екенімізді естен шығармайықшы…

Төле би бабамыз:

“Адамның басшысы – ақыл, шолушысы – ой, жетекшісі –талап, қорғаушысы – сабыр, сынаушысы – халық, таусылмайтыны – арман, ең қымбаттысы – ар сақтау, бәрінен ардақтысы – өмір сүру, соның ішінде ең тәттісі – сыйластық”, –

деген екен.

#жұма_уағызынан

Егер біреу өзгеге қандай да бір зиян тигізсе, мысалы: оның абыройына тисе, бірден сол күні одан кешірім сұрасын! Мал-мүлік болмайтын (Қиямет) күнге қалдырмасын. Себебі ол күні, өзгеге тигізген зияндарының өтемі ретінде жасаған ізгі амалдарының сауаптарын береді, егер ол таусылса, зардап шеккеннің күнәларын арқалайды.

📚 Хадис. Бұхари

Яхия ибн Мағин айтады:

“Біз имам Ахмадпен 50 жыл жолдас болдық. Ол ешқашан өзінің бойындағы жақсылықпен мақтанған емес”.

Міне, кішіпейілдік деген осындай болады! Әйтпесе екеуі де хадис ғұламасы еді ғой! Алла Тағаланың мейіріміне бөленсін 🤲🏻