ဇီးကွက်လေးနှစ်ကောင် (၂၀၁၀)

ဆောရန် နဲ့ ကလတ် ဆိုသူတွေက အသိုက်တစ်ခုမှာမွေးဖွားလာတဲ့ ဇီးကွက်ပေါက်လေးနှစ်ကောင်ဖြစ်ပြီး၊ တစ်ယောက်ကတော့ စိတ်ထားနူးညံ့ပြီး ချစ်စရာကောင်းသူဖြစ်သလို၊ အခြားတစ်ယောက်ကတော့ စိတ်ထားကြမ်းတမ်းပြီး ပြင်းပြမှုရှိသူပါ။ စိတ်ဓါတ်နဲ့အမူအရာ မတူညီကြတဲ့ ညီအကိုနှစ်ယောက်ဟာ တစ်နေ့ အသိုက်ကနေ ထွက်ကျပြီး အိမ်ကနေခွဲခွာခဲ့ရပြီး၊ မပျံနိုင်သေးတဲ့ ဇီးကွက်ပေါက်လေးတွေကို စုဆောင်းကာ သူတို့ကို ကျွန်အဖြစ်ခိုင်းစားနေတဲ့ သန့်စင်သူများဆိုတဲ့ ဇီးကွက်တိုင်းပြည်ကို ရောက်ရှိလာကြပါတယ်။ ဆောရန်နဲ့ ကလတ် နှစ်ယောက် ဘယ်လို ဆက်ဖြစ်ကြမလဲ၊ ဘယ်လို ပြဿနာတွေကို ရင်ဆိုင်ကြမလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပြီး၊ စိတ်ဓါတ်ခွန်အားအများကြီးပေးစွမ်းနိုင်တဲ့ ဒီဇာတ်ကားလေးကို တင်ဆက်ပေးလိုက်တာပါ။

t.me/cartoonmoviesmms/767

ဝံပုလွေ၏ အိမ်မက်ဆိုး (၂၀၂၁)

ဒီကားထဲမှာ ဗက်ဆီမာ ရဲ့ငယ်ဘဝဇာတ်ကြောင်း၊ ဝှစ်ချာ တစ်ယောက်ဖြစ်လာဖို့ ကျော်ဖြတ်ရတဲ့ စမ်းသပ်မှုတွေ၊ သူ့ရဲ့ စွန့်စားခန်းတွေနဲ့အတူ ရှေးအယူအရ သာမန်လူတွေ၏ ဝှစ်ချာ တွေကို ပုံမှန်မဟုတ်တဲ့ သဘောထားတွေကိုလည်း ပေါ်လွင်အောင် ရိုက်ကူးပေးထားပါတယ်။ ဒါ့အပြင် ကဲဒွင် တိုင်းပြည်က ဂေခရက်စ် က ဝှစ်ချာ တွေကို ရန်ငြိုးရန်ကြောင့် မကောင်းဆိုးဝါးတွေ၊ နတ်ဆိုးတွေနဲ့ ပူးပေါင်းပြီး ဗက်ဆီမာ တိုရဲ့ ဝှစ်ချာ တိုင်းပြည်ကြီးကို အပြီးတိုင် အမြစ်ဖြတ်ပစ်ဖို့ ကြိုးစားလာတဲ့အခါမှာ ကြမ်းကြမ်းတမ်းတမ်း အပြောအဆိုတွေ၊ သတ်ခန်းဖြတ်ခန်းတွေကို သွေးသံတရဲရဲနဲ့ ပီပီပြင်ပြင် တင်ဆက်ထားတာကြောင့် R-rated အဖြစ် သတ်မှတ်လိုရပါတယ်။

t.me/cartoonmoviesmms/789

လူကာ (၂၀၂၁)

ဇာတ်လမ်းလေးက ကောင်းပါတယ်။ အီတလီအခြေခံ ကာတွန်းလေးဖြစ်လို့ အီတလီ စကားလေးတွေ ညှပ်ပြောတာ၊ အီတလီ နာမည်တွေ၊ အစားအသောက်တွေ ပါတာများပါတယ်။ လူကာ ဆိုတဲ့ ကောင်လေးဟာ လူတွေက ပင်လယ်မိစ္ဆာလို့ ခေါ်ကြတဲ့ ရေအောက်မှာ နေထိုင်တဲ့ ရေသူမျိုးနွယ်ကောင်လေးတစ်ယောက်ပဲ ဖြစ်ပါတယ်။ ရေထဲက လူကာ တို့မျိုးနွယ်တွေကလည်း လူတွေကို ကုန်းမိစ္ဆာဆိုပြီးကြောက်ကြတာပါပဲ၊ အပြန်အလှန်ပေါ့။ ဒီတော့ ကုန်းပေါ်ကို မတက်ဖို့အသည်းအသန် တားမြစ်ထားတာပါ။ ဒါပေမယ့် တစ်နေ့မှာတော့ ရေအောက်မျိုးနွယ်ကောင်လေးတစ်ယောက်နဲ့ အတူ ကုန်းပေါ်ကို ခိုးတက်သွားမိတယ်။ အဲဒီကုန်းပေါ်ကနေ ကမ္ဘာကြီးအနှံ့ကို ပတ်သွားချင်စိတ်ဖြစ်လာပြီး ဗက်စ်ပါ ဆိုတဲ့ ဆိုင်ကယ်လေးကို ပိုင်ဆိုင်ဖို့ ကြိုးစားကြတာပေါ့။ ဒါပေမယ့် သူတို့မှာ ငွေမရှိတဲ့အတွက် တစ်ခုတည်းသော နည်းလမ်းက အဲဒီမြို့လေးရဲ့ သုံးဆင့်ပြိုင်ပွဲဖြစ်တဲ့ ပက်စတာ အစားပြိုင်ပွဲ၊ ရေကူး၊ စက်ဘီးစီးပြိုင်ပွဲမှာ နိုင်အောင် ဝင်ပြိုင်ဖို့ကြိုးစားရပါတော့တယ်။ သူတို့ ၂ ယောက်နဲ့အတူ မြို့ထဲက တံငါသည်ကြီးရဲ့ သမီးလေး ဂျူလီယာ ကပါ အတူပါဝင်ကြိုးစားကြတဲ့အခါ ဘာတွေဆက်ဖြစ်လာလဲဆိုတာကို ချစ်စရာကောင်းတဲ့ ဇာတ်လမ်းလေးမှာ ကြည့်ရှုနိုင်ပါသည်။

t.me/cartoonmoviesmms/843

မှော်ဝင်စံအိမ် (၂၀၁၃)

ဒီကာတွန်း ဇာတ်လမ်းလေးကတော့ ကလေးတွေ အကြိုက် ဇတ်လမ်းလေးပါ။ ချစ်စရာကောင်းတဲ့ ကြောင်လေးကို သူ့ပိုင်ရှင်က လမ်းပေါ် စွန့်ပစ်သွားပြီးနောက် ခိုကိုးရာမဲ့ပြီး ဒုက္ခတွေရောက်နေတုန်း အိမ်အအို အဟောင်းပျက်ကြီးတစ်ခုကိုရောက်ရှိသွားပါတယ်။ အဲ့ဒီအိမ်မှာလဲ သူ့ကို ကြည့်မရတဲ့ ယုန်ကြီး နဲ့ ကြွက်ကလေး ရှိနေပြန်ပါတယ်။ သူ့ကို လက်မခံပဲ မောင်းထုတ်ကြပေမယ့် အိမ်ပိုင်ရှင် မျက်လှည့်ဆရာအဖိုးအိုက ကြောင်ကလေးကိုပါ မွေးစားလိုက်ပါတယ်။ တစ်ရက်မှာတော့ အဖိုးအို လမ်းပေါ်တွင် မျက်လှည့်ပြနေရင်း မတော်တဆမှု ဖြစ်လို့ ဆေးရုံတက်နေတဲ့ အချိန် သူ့သားက အဖိုးကြီးရဲ့ အိမ်ကို ရောင်းချဖို့ လုပ်ပါတော့တယ်။ အဲ့ဒီအခါမှာ ကြောင်ကလေး နဲ့ အဖွဲ့ဝင်များက အိမ်လာကြည့်တဲ့ သူတွေကို ချောက်လှန့်မောင်းထုတ်ရင်း ကာကွယ်ရပါတော့တယ်။

t.me/cartoonmoviesmms/845

ကပ်ပတိန်အန်ဒါပန့် (၂၀၁၇)

ကာရိုးဒ်နဲ့ ဂျော့ရှ် က အစအနောက်သန်တဲ့ စတုတ္ထတန်းကျောင်းသားလေးတွေပါ။ သူတို့က ဟာသဉာဏ်ရွှင်ပြီးတော့ ကာတွန်းရုပ်ပြတွေကို အတူဖန်တီးရေးဆွဲနေတဲ့ သူငယ်ချင်းနှစ်ယောက်ပါ။ သူတို့က ကက်ပတိန်အန်ဒါပန့် လို့ခေါ်တဲ့ စူပါဟီးရိုးကာတွန်းရုပ်ပြလေးကို အတူတူရေးဆွဲခဲ့တယ်။ သူတို့ရဲ့ ကျောင်းအုပ်ကြီးကစိတ်တိုစိတ်ဆိုး၊ စည်းကမ်းတင်းကြပ်တဲ့သူမို့ သူတို့နှစ်ယောက်ကို ကြည့်မရပါဘူး။ သူတို့နောက်ပြောင်နေတာကို သက်သေမရှိသေးလို့ ဘာမှမလုပ်နိုင်သေးမယ့် တစ်နေ့တော့ စောင့်ဖမ်းပြမယ်လို့ ကြုံးဝါးထားပါတယ်။ တစ်နေ့ သူတို့ပြဿနာရှာတာကို လက်ပူးလက်ကြပ်မိတဲ့အခါမှာတော့ အကြီးဆုံးပြစ်ဒဏ်အနေနဲ့ သူတို့နှစ်ယောက်ကို အတန်းခွဲထားဖို့ လုပ်ပါတော့တယ်။ သူတို့သူငယ်ချင်းနှစ်ယောက် မခွဲချင်တာနဲ့ ကြံမိကြံရာနဲ့ ကျောင်းအုပ်ကြီးကို အိပ်မွေ့ချကြိုးစားရင်း အိပ်မွေ့ချထားရင်း ကျောင်းအုပ်ကြီးက သူတို့ပြောတဲ့အတိုင်း ဖြစ်တာမို့ သူတို့ရဲ့ ကာတွန်းဇာတ်ကောင်လေး ကပ်ပတိန်အန်ဒါပန့် အဖြစ် အိပ်မွေ့ချထားလိုက်မိတဲ့အခါမှာတော့ သူတို့ကာတွန်းဇာတ်ကောင်လို တကယ့်စူပါဟီးရိုးဖြစ်လာမလား၊ ပေါက်တတ်ကရ စူပါဟီးရိုးပဲဖြစ်မလား ဆိုတာကို စိတ်လှုပ်ရှားစွာ ကြည့်ရှုရမယ်။

t.me/cartoonmoviesmms/847

ပြိုင်ပွဲရာသီ (၂၀၁၈)

ဒီကားထဲမှာတော့ ဆောင်းရာသီ နှင်းတောထဲမှာ ကလေးတွေဟာ ကိုယ်တိုင်ဒီဇိုင်းထွင်ထားတဲ့ ဆွတ်ဖားလှည်းတွေနဲ့ နှင်းလျှောစီးပြီး နှစ်စဉ်ပြိုင်ပွဲပြုလုပ်နေကျပါ။ နှစ်တိုင်းလဲ ဖရန်ကီ ဆိုတဲ့ မှန်ကြောင်လေးက ဗိုလ်စွဲနေကျပေါ့။ ဒီနှစ်မှာတော့ သူတို့အရပ်ကို အသစ်ရောက်လာတဲ့ ကောင်လေး ဇက် က ဖရန်ကီ ကို စိန်ခေါ်ထားပါသတဲ့။ အဲဒါနဲ့ပဲ ဖရန်ကီ လဲ ပြိုင်ပွဲမှာ အနိုင်ရရေး အစွမ်းကုန်ကြိုးစားတော့တာပေါ့။ အဲ့တော့ ပြိုင်ပွဲမှာ ရော ဘယ်လိုရလဒ်ထွက်လာမလဲ၊ အဲ့ရလဒ်ပေါ်မူတည်ပြီး နောက်ဆက်တွဲ ဘာတွေ ဆက်ဖြစ်ဦးမလဲဆိုတာကတော့ ပူလောင်အိုက်စပ်နေတဲ့ ရာသီဥတုမှာ နှင်းတောထဲက ကာတွန်းလေးကို ကြည့်ပြီး အပူလျော့ကြပါစေလို့ ပြောရင်း အားပေးလိုက်ကြပါဦး။

t.me/cartoonmoviesmms/849

ဝန်ဒဲလ် နှင့် ဝိုင်းလ် (၂၀၂၂)

မိဘတွေကို ကိုယ့်မျက်စိရှေ့တင်ဆုံးပါးသွားတာကို မြင်ခဲ့ရတဲ့ ကတ် ဆိုတဲ့ကလေးမလေးကို ကက်သလစ်ကျောင်းအုပ် ဖာသာ တစ်ယောက်က သူ့ကျောင်းမှာခေါ်ထားလိုက်ပါတယ်။ ကတ် မှာ အနာဂတ်ကို ကြိုမြင်နိုင်သလိုမျိုး စွမ်းအားတစ်ခုရှိကြောင်းကိုလည်း သူကျောင်းရောက်ချင်းမှပဲ သတိထားမိသွားခဲ့ပါတယ်။ တစ်ချိန်တည်းမှာပဲ မကောင်းဆိုးဝါးတွေနေတဲ့ မြေအောက်ကမ္ဘာမှာ ဝန်ဒဲလ် နဲ့ ဝိုင်းလ် ဆိုတဲ့ မကောင်းဆိုးဝါးနှစ်ကောင်ရှိတာပေါ့။ သူတို့က ငရဲအပျိုစင် ဆိုတဲ့အရာကို လိုချင်နေကြတာ၊ အဲဒါကို ရရင် သူတို့ဆန္ဒပြည့်ဝမှာဖြစ်တဲ့အတွက်အရမ်းလိုချင်နေကြတာ။ အဲဒါနဲ့ သူတို့နှစ်ယောက်က ကတ် အကြောင်းကို သိသွားပြီး သူတို့ကို ငရဲအပျိုစင် ရအောင်လုပ်ပေးရင် ကတ် ရဲ့မိဘတွေကို ပြန်ရှင်အောင်လုပ်ပေးမယ်ဆိုပြီး ကတ် ကို အိပ်မက်သွားပေးသွားပြီး စည်းရုံးတာပေါ့။ ဒီလောက်ဆို ဘာဆက်ဖြစ်မလဲ သိချင်သွားလောက်ပြီဆိုတော့ ကိုယ်တိုင်ပဲဆက်လက်ကြည့်ရှုပေးလိုက်ကြပါဦး။

t.me/cartoonmoviesmms/851

စကူဘီ နဲ့ ရှက်ဂီ တို့ရဲ့အလွဲများ (၂၀၂၂)

စကူဘီဒူးတို့ဟာလူဆိုးတွေအားလုံးကို နောက်ကွယ်ကနေ ဝတ်စုံတွေလုပ်ပြီး ကြိုးကိုင်နေတဲ့ ဉာဏ်ကြီးရှင် ဒုစရိုက်သမားကြီး ကိုကိုဒီရာဘလို ကို ဖမ်းဆီးအပြီးမှာ ဖြေရှင်းစရာအမှုတွေ မရှိတော့တဲ့အတွက် စိတ်ပျက်လက်ပျက်ဖြစ်နေကြပါတယ်။ ဒီလိုနဲ့ သူတို့အတွက် ဟော်လိုင်းမှာ အရင် ဗီလိန် တွေနဲ့မတူတဲ့ ဖြေရှင်းစရာ အမှုအသစ်ကြီးတစ်ခုပေါ်လာတဲ့အခါမှာတော့ စကူဘီ နဲ့ ရှက်ဂီ တို့ရဲ့ အလွဲလွဲ အချော်ချော်တွေနဲ့အတူ ဘယ်လို ဖြေရှင်းသွားမလဲဆိုတာကို ကြည့်ရမှာဖြစ်ပါတယ်။

t.me/cartoonmoviesmms/853

မင်းသမီးလေး လက်တီနှင့် မှော်ဝင်ရေကျောက် (၂၀၂၀)

ဖြူကောင်လေးတွေကိုတွေ့ဖူးကြလား။ ဖြူကောင်လေးတွေက အထီးကျန်တဲ့ကောင်လေးတွေပါ။ တခြားအကောင်လေးတွေလို အုပ်စုဖွဲ့နေလေ့မရှိဘဲ သီးခြားနေတတ်ကြပါတယ်။ အဲ့ဒါကြောင့် အထီးကျန်တဲ့သူတွေကို ဖြူကောင်လေးတွေနဲ့ တင်စားလေ့ရှိကြတယ်။ လက်တီ ဆိုတဲ့ ဖြူမလေးကလည်း အဲ့လိုအထီးကျန်နေသူပါ။ မွေးကတည်းက တစ်ကောင်တည်းပဲရှိတာမို့ ဘယ်ဆီဘယ်ဝယ်မှန်းမသိတဲ့ သူ့အဖေကို တမ်းတရင်း တစ်ကောင်တည်းနေရတဲ့သူ မိဘမရှိတဲ့ကလေးမလေးဆိုတော့ တောထဲမှာ တစ်ခုခုဖြစ်တိုင်း သူ့ကို အပြစ်တင်တတ်လွန်းပြီး သူ့ကိုယ်သူ လက်တီ ဆိုပြီး အားတင်းနေရတဲ့သူပါ။ လက်တီ တို့တောထဲမှာ နှစ်တိုင်းကြုံနေရတဲ့ ရေခမ်းခြောက်မှုကို ဖြေရှင်းဖို့ တိရစ္ဆာန်လေးတွေဟာ ရေစုဆောင်းထားလေ့ရှိပါတယ်။ တစ်ရက်မှာတော့ ဖြူကောင်မလေး လက်တီ နဲ့ ရှဉ့်လေး Tjum ကြောင့် ရေတွေဖိတ်စင်သွားရတဲ့အခါ အားလုံးအကျပ်ရိုက်ပါလေရော။ လက်တီ လေးက ပုံပြင်ဆန်တဲ့ ရေကျောက် ဇာတ်လမ်းကို ယုံကြည်ပြီး အားလုံးရဲ့ ပြဿနာကို ဖြေရှင်းပေးဖို့ ဝက်ဝံဘုရင်ကြီး ဆီ ခရီးထွက်ခဲ့ပါတယ်။

t.me/cartoonmoviesmms/855

ကပ်ဘေးများ၏ကယ်တင်ရှင်

နည်းပညာတွေထွန်းကားလာတဲ့ခေတ်ကြီးထဲမှာ holographic game တွေဟာ အင်မတန်ရေပန်းစားလာခဲ့ကြပါတယ်။ လူတော်တော်များများဟာ holographic gameတွေဆော့ကြပြီး အဲဒီထဲမှာ လင်ယွမ်းတစ်ယောက်လည်းအပါအဝင်ပါပဲ။

တစ်နေ့ ဂိမ်းထဲမှ စွမ်းရည်များကို လက်တွေ့ကမ္ဘာမှာပါထုတ်သုံးနိုင်တဲ့ ကောင်းကင်ရွေးချယ်ခံရသူက နတ်ဆိုးနတ်ဘုရားကို ဂြိုဟ်ပြာ (ကမ္ဘာမြေ) ဆီသို့ ဆင့်ခေါ်လိုက်လေရာ လောကကြီးကပ်ဘေးဆိုက်ရပါတော့တယ်။

ဒီအချိန်မှာ လင်ယွမ်းတစ်ယောက် မိမိဂိမ်းဆော့နေချိန် လျစ်လျူရှုထားမိတဲ့မိသားစုက အခု အေးစက်တဲ့အလောင်းပုံဖြစ်နေတာကြည့်ရင်း နောင်တကြီးစွာရပေမဲ့ အရာရာဟာအချိန်နှောင်းသွားခဲ့ကာ မကြာခင်မှာပဲ သူပါသေသွားရပါတော့တယ်။

မသေခင်မှာ ကမ္ဘာမြေကပ်ဆိုက်ရခြင်းအကြောင်းအရင်းကို သိလိုက်ရပြီး အတိတ်ကိုနောက်ပြန်လှည့်ကာ ပြန်ရှင်သန်နိုင်ခဲ့တဲ့အခါမှာတော့

လင်ယွမ်းတစ်ယောက် အတိတ်ဘဝရဲ့မှတ်ဉာဏ်၊ အတွေ့အကြုံတွေကိုအားကိုးပြီး ဘယ်လိုမျိုးစွမ်းအားကြီးလာအောင်လုပ်မှာလဲ ???

အမိမြေနဲ့ မိမိချစ်ရသူတွေကို ဖျက်ဆီးခဲ့တဲ့ နတ်ဆိုးနတ်ဘုရားဆင်းသက်မလာအောင် ဘယ်လိုတွေတားဆီးသွားမှာလဲ ???

ဒီဘဝမှာ တစ္ဆေဝိညာဉ်မုဆိုးအလုပ်အကိုင်နဲ့ လက်တွေ့ဘဝကို ဂိမ်းစွမ်းရည်သယ်ဆောင်သွားနိုင်တဲ့အခါမှာတော့ လောကကိုကယ်တင်ဖို့ ချစ်ရသူတွေကိုကာကွယ်ဖို့ ဘယ်လိုကြိုးပမ်းသွားမလဲ

t.me/+xSYtTR0oGZtjMTJl

သိုင်းလောကရဲ့ဓားသခင်

သိုင်းလောကရဲ့အတိုက်အခိုက်တွေကြားမှာ သိုင်းလောကခေါင်းဆောင်ကြီး သောင်းကျုံး အသတ်ခံရပြီး ဂိုဏ်းအများစုလည်း ပြိုကွဲသူပြိုကွဲ သေသူသေနဲ့ ဝရုန်းသုန်းကားဖြစ်ကုန်ပါတော့တယ်။ ရှုပ်ထွေးနေတဲ့ သိုင်းလောကကို အသစ်တဖန်ငြိမ်သက်လာစေဖို့အတွက် ထင်ယွင်စာသင်ကျောင်းရဲ့ ကျောင်းအုပ် ယန်းချီယွီ ဟာ ဂိုဏ်းတွေဆီကို သံတမန်စေလွှတ်ကာ စာပို့စေခဲ့ပါတယ်။ အဲ့ဒီအချိန်မှာပဲ ဘာအတွေ့အကြုံမှမရှိ၊ သိုင်းလောကအကြောင်း ဘာမှမသိသေးတဲ့ လူငယ်လေး ယန်ရန့် ဟာ အကူအညီတောင်းသူတစ်ယောက်ကြောင့် ကျုံးသောင်း သေတမ်းစာတစ်စောင်ကို ပို့ပေးဖို့ဖြစ်လာတဲ့အခါ။ တစ်လမ်းလုံး အန္တရာယ်တွေ၊ ကောက်ကျစ်လှည့်စားမှုတွေ၊ အခက်အခဲတွေနဲ့ ပြည့်နှက်နေပြီး ရန်ယန့် တစ်ယောက် ဘယ်လိုကျော်လွှားပြီး သိုင်းလောကရဲ့ ဓားသခင်တစ်ပါးဖြစ်လာမလဲဆိုတာ။

t.me/animeseriesmyanmar/1835