နတ်ဆိုးနှိမ်နင်းသူ၏ဓါး (၂၀၂၅)

Edo ခေတ်မှာ Kadono လို့အမည်ရတဲ့တောင်ပေါ်ရွာလေးတစ်ခုမှာ Itsukihime လို့ခေါ်တဲ့သူတော်စင်မနတ်ကွန်းတစ်ခုရှိလေတယ်။ ရွာခံမဟုတ်တဲ့ Jintaလို့အမည်ရတဲ့ကောင်လေးဟာ နတ်ကွန်းရဲ့အ စောင့်တစ်ယောက်အနေနဲအလုပပ်လုပ် နေခဲ့ရာကတစ်ရက်မှသူမိစ္ဆာတွေသွားနှိမ်နင်းးတဲ့တောထဲမှာအနာဂတ်ကိုပြောပြလာခဲ့တဲ့ထူးဆန်းတဲ့နတ်ဆိုးတစ်ကောင်နဲ့ Jinta ဟာဆုံခဲ့ရပါတယ်။ဒီဇာတ်လမ်းဟာ Edoကနေ Heisei ခေတ်ကြီးထိဓားကိုင်တယ်ဆိုတဲ့တကယ့်အဓိပ္ပာယ်ကဘာလဲဆိုတာအချိန်တွေကူးပြောင်းပြီး လိုက်ပြီး အဖြေရှာနေခဲ့တဲ့အချိန်ခရီးသွားနေတဲ့ဒီနတ်ဆိုး‌အပေါ်ဇာတ်ကြောင်းတည်ထားတဲ့ဇာတ်လမ်းပဲဖြစ်ပါတယ်။

t.me/+z8JJQYEBiDEwZjc1

သီးခြားကမ္ဘာငယ်လေး (၂၀၂၁)

ဇွန်ဘာ့ဂ်ပိုးကောင်လေးတွေနေထိုင်တဲ့ သီးခြားကမ္ဘာငယ်လေးတစ်ခုရှိတယ်။ သိပ်ကိုပျော်စရာကောင်းတယ်။ အချင်းချင်းရန်လိုမှုနည်းတယ်၊ ရိုင်းပင်းတယ်၊ ကူညီတယ်၊ ဆိုးယုတ်မှုဆိုတာဘာမှန်းမသိတဲ့သူတို့ ကမ္ဘာငယ်လေးကို ကျူးကျော်သူ အရိုင်းအစိုင်းတွေဟာ ဝင်ရောက်တိုက်ခိုက်လာတယ်၊၊ အင်အားချင်းမမျှတဲ့အပြင် တိုက်ပွဲအတွေ့အကြုံနည်းပါးလွန်းတဲ့ ဇွန်ဘာ့ဂ်လေးတွေဟာ မရှုမလှရှုံးဖို့လက်မတင်လေးလိုပါတော့တယ်။ အဲ့အချိန်မှာပဲ ဇွန်ဘာ့ဂ်လေးတစ်ကောင်ဟာ နတ်သမီးတစ်ပါးဆီကို အကူအညီတောင်းပါတယ်။ ကျူးကျော်သူတွေကို အပြီးအပိုင်နှိမ်နှင်းပေးဖို့ပေါ့။ အဲ့ဒီနောက်မှာတော့ မမျှော်လင့်တဲ့ကိစ္စတွေဆက်တိုက်ဖြစ်လာပါတော့တယ်။ ဇာတ်လမ်းလေးကလည်းကောင်းတဲ့အပြင် ရိုက်ချက်တွေလည်း တော်တော်လှတာမို့ Animation ကားကောင်းကြိုက်သူတို့လက်မလွှတ်သင့်ပါကြောင်း

t.me/cartoonmoviesmms/857

ကြက်ဥဋီကာ (၂၀၂၂)

တစ်ပိုင်းဆယ်မိနစ်ကျော်လောက်နဲ့ ဆယ်ပိုင်းပါတဲ့ နက်ဖလစ်ရဲ့ ဒီဂျပန်ဟာသစီးရီးတိုလေးကိုတော်တော်များများလည်း trailerကြည့်ပြီးလောက်ပါပြီ။ ချစ်ဖို့ကောင်းတဲ့ ရှခိပိယောလို့ခေါ်တဲ့ ကြက်ပေါက်လေးနဲ့ စွပျင်းကြက်ဥ ဂုဒဲတမတို့ရဲ့ ချစ်စရာကောင်းတဲ့ အမေရှာပုံတော်ခရီးကို အကြောင်းကို တစ်ပိုင်းတစ်ပိုင်းစီမှာ စိတ်ဝင်စားစရာ အကူဇာတ်ကောင်တွေထည့်ပြပြီး ရိုက်ကူးထားတဲ့ ချစ်ဖို့ကောင်းတဲ့ စီးရီးတိုလေးပါပဲ။ တစ်ပိုင်းကိုမှ အချိန်ဆယ်မိနစ်ပဲ ပေးရတဲ့အပြင် ချစ်ဖို့လည်းတော်တော်ကောင်းတာမို့ အသက်အရွယ်မရွေး သဘောကျလောက်မယ့် ဇာတ်ကောင်လေးတွေအကြောင်းဆိုလည်း မမှားပါဘူး။ သူ့ယူနီဗာ့စ်မှာ ကြက်ပေါက်ကလေးရယ်, စကားပြောတတ်တဲ့ကြက်ဥတွေဖြစ်တဲ့ ကြက်ဥပုတ်, ကြက်ဥမာဖီးယား, ကြက်ဥပြုတ် , ကြက်ဥပေါင်း ,ဆေးကြက်ဥ, ကြက်ဥမွှေကြော် , ကြက်ဥပူတင်း , ကြက်ဥငပျင်း အစရှိသဖြင့် ကြက်ဥပေါင်းများစွာရယ် , ကြက်မကြီးတွေရယ် , ဒီစကားပြောတတ်တဲ့ ကြက်ဥတွေကိုမြင်ရတဲ့လူတွေရယ်, မမြင်ရတဲ့လူတွေရယ် ပါဝင်ပြီး ကြက်မပျောက်လို့ ကြက်ဥရှာကြတဲ့စွန့်စားခန်းကြီးကို စ,လယ်, ဆုံး ချစ်ဖို့ကောင်းနေအောင် ရိုက်ပြထားတဲ့ ကြက်ဥဋီကာ ကာတွန်းဇာတ်လမ်းပါ

t.me/cartoonmoviesmms/859

လူကြီးကာတွန်း (၂၀၂၂)

ဒီကားက မစ်ရှိုတ်ရယ်၊ အသားလုံးရယ်၊ အာလူးချောင်းကြော်ရယ်ဆိုတဲ့ အဓိက ဇာတ်ကောင် ၃ ကောင်ပါဝင်ထားပြီး ဂြိုဟ်သားတွေ၊ အပင်ကောင်တွေ၊ လူတွေလည်း ပါတဲ့အပြင် ကြည့်နေတဲ့လူကို ထထဆဲတဲ့ 8 bit Mooninite နှစ်ကောင်လည်းပါဝင်ပါတယ်။ ကာတွန်းကားဆိုပေမဲ့ ကလေးတွေမကြည့်သင့်တဲ့အခန်းတွေ ဆက်တိုက်ပါပါတယ်။ အသက်ပြည့်ပြီးသားလူကြီးတွေပဲကြည့်သင့်တယ်ဆိုပေမဲ့လည်း သာမန်ရိုးရိုးဇာတ်ကားလေးတစ်ကားပဲဖြစ်ပါတယ်ခင်ဗျာ

t.me/cartoonmoviesmms/861

ဒိုရေမွန် နှင့် နိုဘီတ - ရတနာကျွန်း (၂၀၁၈)

IMDb - 6.6/10
Genre - Family, Adventure

ပင်လယ်ဓားပြပုံပြင်တွေဖတ်ပြီး ရတနာကျွန်းရှာဖို့ရူးသွပ်နေတဲ့ နိုဘီတ တစ်ယောက် သတင်းမီဒီယာကနေ အမည်မသိကျွန်းတစ်ခုပေါ်လာကြောင်း ကြေညာချိန်မှာတော့ ရတနာသွားရှာချင်စိတ်တွေ တဖွားဖွားပေါ်ပေါက်လာပါတော့တယ်။ ဒါကို သူငယ်ချင်းတွေက ဝိုင်းလှောင်ကြတော့ စိတ်တိုတိုနဲ့ကျွန်းကို တွေ့အောင်ရှာမယ်လို့အလောင်းအစားပြုလုပ်ပြီး ထုံးစံအတိုင်း ဒိုရေမွန် ကိုအကူညီတောင်းပါတယ်။ ဥပေက္ခာမပြုနိုင်တဲ့ ဒိုရေမွန် ကလည်း နိုဘီတအလိုကျအတိုင်း အဲဒီကျွန်းကို သွားဖို့ဆုံးဖြတ်လိုက်တဲ့အချိန်မှာတော့ ပင်လယ်ဓားပြတွေနဲ့ဘယ်လိုစခန်းသွားရမလဲ၊ ဘယ်လိုမျိုးရင်ဆိုင်ကျော်ဖြတ်သွားမလဲ

t.me/cartoonmoviesmms/867

သူရဲကောင်းလေး (၂၀၀၆)

IMDb - 5.7/10
Genre - Family, Sport

ရန်းကီအာဗင် လို့ခေါ်တဲ့ ကောင်လေးတစ်ယောက်။ သူဟာ ဘေ့ဘောရိုက်ဝါသနာပါပေမယ့် ကျွမ်းကျင်မှုမရှိတာကြောင့် သူ့သူငယ်ချင်းတွေကသူ့ကိုဆိုမပါစေချင်ပါဘူး။အမြဲအဖယ်ကျဉ်ခံရပါတယ်။ ရန်းကီ ရဲ့ဖခင်ဟာ အားကစားရုံမှာလုံခြုံရေးတစ်ယောက်ပါ။ တစ်ရက်သူ့အဖေအလုပ်ဆီသူသွားရင်း အဲဒီအားကစားရုံမှာထားတဲ့နိုင်ငံကျော် ဘေ့ဘောသမား ဘေး ရဲ့ဘေ့ဘောရိုက်တံဟာပျောက်ဆုံးသွားခဲ့ပြီး သူ့အဖေအလုပ်ပြုတ်သွားခဲ့ပါတယ်။ ရန်းကီ ဟာ သူလုံခြုံရေးတစ်ယောက်ကိုမြင်ခဲ့တာကြောင့် သူ့နောက်လိုက်ကာ ထိုရိုက်တံကို ပြန်လည်ခိုးယူပြီးပိုင်ရှင်အစစ်အမှန်ဆီပြန်လည်ပို့ဆောင်ပေးခဲ့ပုံတို့ကိုရင်သပ်ရှုမောဖွယ် ခံစားရမှာပဲဖြစ်ပါတယ်

t.me/cartoonmoviesmms/869

မွန်းစတားများ နှင့် ဂြိုလ်သားများ၏တိုက်ပွဲ (၂၀၀၉)

IMDb - 6.4/10
Genre - Sci-fi, Comedy

ဆူစန်မာဖီ လို့ခေါ်တဲ့ မိန်းကလေးတစ်ယောက် သူ့ချစ်သူနဲ့လက်ထပ်ခါနီးဆဲဆဲမှာဥက္ကာပျံထိမှန်ခံခဲ့ရပြီး ဧရာမလူသားတစ်ဦးအသွင်ပြောင်း လဲသွားပါတယ်။ သူ့လိုထူးဆန်းသတ္တဝါတွေကို ထိန်းချုပ်တဲ့စခန်းတစ်ခုမှာ အထိန်းချုပ်ခံထားရပြီးတစ်ရက်မှာ ဂြိုဟ်သားစက်ရုပ်တစ်ရုပ် အမေရိကန်မှာ လာရောက်သောင်းကျန်းခြင်းတို့ကြောင့် ဆူစန် နဲ့အပေါင်းအပါတို့ကို သုတ်သင်ချေမှုန်းစေပြီး ပြန်လည်လွှတ်ပေးခဲ့ပေမယ့်သူမရဲ့ ချစ်သူဟာ သူမကိုလက်မခံတော့ပါဘူး။ ဂဲလက်ဆာ အမည်ရှိတဲ့ ဂြိုဟ်သားစက်ရုပ်များကို ထိန်းချုပ်သူဟာ သူမကိုဖမ်းဆီးသွားပြီးသူမရဲ့စွမ်းအင်များကို ထုတ်ယူလိုက်ပြီး သူမရဲ့အပေါင်းအပါလေးများကသူမကို လာကယ်တင်ပုံတို့ကို ဇာတ်လမ်းဖွဲ့ရိုက်ကူးထားသည့် Animation ကား ကောင်းတစ်ကားဖြစ်ပါတယ်။ ချစ်စရာကောင်းတဲ့ မွန်းစတား လေးများနဲ့ပါဝင်ရိုက်ကူးထားတာဖြစ်တဲ့အတွက် Animation ကြိုက်တဲ့သူများလက်မလွှတ်သင့်တဲ့ကားလေးလည်းဖြစ်ပါတယ်

t.me/cartoonmoviesmms/871

မွေးရပ်မြေကိုစွန့်ခွာခြင်း (၂၀၂၃)

ကိုယ့်မွေးရပ်မြေမှာ နေထိုင်ဖို့ မဖြစ်နိုင်တော့လို့နိုင်ငံကို အပြီးတိုင် စွန့်ခွာကြရတာ ဝမ်းနည်းစရာကောင်းလွန်းပါတယ်။ ဆီးရီယားနိုင်ငံ ပရိပက္ခတွေကြား မွေးဖွားလာတဲ့ ဒူနီယာ လေးဟာ တနေ့မှာတော့ လှပလွန်းတဲ့ သူမရဲ့ မွေးရပ်မြေ အလက်ပို မြို့ကို စွန့်ခွာဖို့ ဖြစ်လာပါတော့တယ်။ ကံကောင်းစေတဲ့ ဘာရခေ စေ့လေးတွေကို လက်ထဲဆုပ်လို့၊ ကမ်းမမြင် လမ်းမမြင် ခရီးကြမ်းကို သူတို့ မြေးအဖွားတစ်စု လျှောက်ရပါတော့မယ်။ ဒူနီယာ လေး အိမ်အသစ်ကို ရှာတွေ့ပါ့မလား။ တခြားသော ဒူနီယာ လေးလို ကလေးလေးတွေရော ဘယ်နှယောက်တောင်ရှိနေဦးမလဲ။

t.me/cartoonmoviesmms/873

နံပါတ် ၈၃၁ (၂၀၂၂)

ဆူဇူရှီရို ဆိုတဲ့ သတင်းစာပို့တဲ့ကောင်လေးတစ်ယောက်ဟာ သူ့ရဲ့နေ့စဉ်လုပ်ငန်းဆောင်တာတွေကို ပုံမှန်အတိုင်း လုပ်ဆောင်ပြီး ပညာသင်ဆုအတွက် ကြိုးစားနေတဲ့ လူငယ်လေးတစ်ယောက်ဖြစ်ပါတယ်။ ဒါပေမယ့် ဆူဇူရှီရို မှာ အချိန်ကိုရပ်တန့်နိုင်တဲ့ စွမ်းအင်တစ်ခုရှိနေပါတယ်။ အဲ့ဒီစွမ်းအင်ရှိနေတာကိုလည်း ဆူဇူရှီရို တစ်ယောက် သိခဲ့တာတော့ သိပ်မကြာသေးပါဘူး။ ဒါပေမယ့် သူတို့နေတဲ့နေရာမှာ ဆူဇူရှီရို အပြင် နောက်ထပ် အချိန်ကို ရပ်တန့်နိုင်တဲ့ လူတွေရှိနေခဲ့ပါတယ်။ တစ်နေ့မှာတော့ သူတို့နဲ့ ဆူဇူရှီရို တို့ မထင်မှတ်ပဲ တွေ့ဆုံဖြစ်ခဲ့ပြီး ဇာတ်ရဲ့ အဓိကအလှည့်အပြောင်းက ဘယ်လိုမျိုးတွေဆက်ဖြစ်မလဲ။ အချိန်ရပ်တန့်နိုင်တဲ့ သူတွေရဲ့ အဓိကရည်ရွယ်ချက်ကရော ဘာတွေဖြစ်မလဲ ဆိုတာကို စိတ်ဝင်စားဖို့ ကောင်းအောင် တင်ဆက်ပြသထားတဲ့ မစ်စထရီ၊ အက်ဒဗင်ချာ နဲ့ သြသိန်းလ် အမျိုးအစားဇာတ်လမ်းလေးဖြစ်ပါတယ်။

t.me/cartoonmoviesmms/875

တွမ် နှင့် ဂျယ်ရီ - အော့ဇ်တိုင်းပြည်သို့အပြန် (၂၀၁၆)

ဒိုရိုသီ တစ်ယောက်အော့ဇ် တိုင်းပြည်ရဲ့ မြစိမ်းမြို့တော် ကနေ သူ့ဇာတိ ကန်းဆက်မြို့တော် ကို ပြန်ရောက်လာချိန် အဒေါ်နဲ့ ဦးလေးဖြစ်သူတို့ရဲ့မွေးမြူရေးခြံက အကြွေးနဲ့ တိရစ္ဆာန်တွေ သိမ်းခံရမယ့် အခြေအနေနဲ့ ကြုံနေရတာပါ။ ဒါကြောင့် သူ့အဒေါ်ရဲ့ ခြံကို ကာကွယ်ဖို့ မြစိမ်းမြို့တော် ကို ပြန်သွားဖို့ အကြောင်းဖန်လာပါတယ်။ အဲဒီအပြင် အော့ဇ် တိုင်းပြည်ရဲ့ မဟာရန်သူတော် နုမ်းဘုရင် ရဲ့ အန္တရာယ်ပါ ကျရောက်လာတဲ့အခါ ဒိုရိုသီ နဲ့ တွမ်၊ ဂျယ်ရီ နဲ့ တွဲဖက်တွေဖြစ်တဲ့ စာခြောက်ရုပ်၊ ခြင်္သေ့ကြီး နဲ့ သံပုံးလူသား တို့အဖွဲ့ မြစိမ်းမြို့တော် ကို ကယ်တင်ဖို့ အကြောင်းဖန်လာပါတယ်။

t.me/cartoonmoviesmms/879

မွန်းစတားကျွန်း (၂၀၁၇)

ဆယ်ကျော်သက်အရွယ် လူငယ် လူးကပ်စ် ဟာ သူ့အဖေ ပြောတဲ့ မျိုးရိုးလိုက် ရင်ကြပ်ရောဂါကြောင့် ရှူဆေးဆောင်ထားရသူဖြစ်ပြီး၊ ရောဂါကြောင့် သွားချင်တဲ့နေရာတွေကို သွားခွင့်မရနိုင်ခဲ့ပါ။ ဒါပေမယ့် သူ့အဖေမသိအောင် ပါတီပွဲကို ခိုးသွားပြီး ရှူဆေးဘူးကို ယူဖို့မေ့နေခဲ့ပါတယ်။ အဲ့အချိန်မှာပဲ အတန်းသားအားလုံးရှေ့တွင်ရုတ်တရက် မွန်းစတား အဖြစ် ပြောင်းသွားပြီး၊ ဒီနောက်မှာ သူ့ဘဝမှာ ဘာတွေ ပြောင်းလဲသွားမယ်၊ သူမ မသိခဲ့သည့် သူ့မွေးရပ်မှာ ဘာတွေ ဖြစ်ခဲ့သလဲ၊ သူ့အမေက ဘယ်လို အဖြစ်ဆိုးမျိုးတွေ ကြုံခဲ့ရသလဲဆိုတာကို စိတ်လှုပ်ရှားစွာကြည့်ရှုရမှာဖြစ်ပါတယ်။

t.me/cartoonmoviesmms/883

နပန်းသတ်သော အကောင်ကြီးများ (၂၀၂၂)

နပန်းသတ် စူပါစတားချန်ပီယံတစ်ယောက်ဖြစ်တဲ့ တန်တက်ကူလာက ပိုပြီးထင်ပေါ်ကျော်ကြားချင်တဲ့အတွက် သူရဲ့ မွေးရပ်မြေကို စွန့်ပစ်ခဲ့ပါတယ်။ မြို့ရဲ့ ကြယ်ပွင့်မရှိဘဲ ပရိတ်သတ်ကို ဆွဲဆောင်ဖို့ မဖြစ်နိုင်တာကြောင့် မြို့တော်ဝန်က ယခင်က ကျော်ကြားခဲ့တဲ့ နပန်းနည်းပြတစ်ယောက်နာမည်ပေးထားတဲ့ မြို့အားကစားရုံကို ဖျက်ပစ်ဖို့ ကြေညာခဲ့ပါတယ်။ အဲ့ဒီအချိန်မှာ ယခင်နည်းပြဟောင်းရဲ့ သမီးဖြစ်သူ ဝန်နီက အားကစားရုံ၊ သူတို့ရဲ့မြို့တော်နဲ့အားကစားရုံမှာရှိနေတဲ့ သူမအဖေရဲ့အမွေအနှစ်တွေကို ကယ်တင်ဖို့ စတီဗင် ဆိုတဲ့ အကကိုကြိုက်နှစ်သက်တဲ့ မွန်းစတားတစ်ကောင်ရဲ့ အကူအညီကို ရယူခဲ့ပြီး၊ ဘယ်လိုကကွက်ဆန်းတွေသုံးပြီး နပန်းသတ်ခိုင်းမလဲ၊ ဒီအားကစားရုံကို ရော မြို့တော်ဝန်လက်ထဲကသူမပြန်ရမှာလား၊ အကနဲ့ နပန်းသတ်ချင်တဲ့ စတီဗင် တစ်ကောင်ရော ဘယ်လိုအခက်အခဲတွေနဲ့ ရင်ဆိုင်သွားရမလဲဆိုတာကို စိတ်ဝင်တစား ကြည့်ရှုရမှာပဲဖြစ်ပါတယ်။

t.me/cartoonmoviesmms/885

မွန်းစတားကြီး နဲ့ အားလပ်ရက် (၂၀၁၃)

အန်ဒီ ဟာ သိပ္ပံပညာရပ်ကို စိတ်ဝင်စားပြီးတီထွင်ဖန်တီးမှုတွေလုပ်နေရင် ထမင်းမေ့၊ ဟင်းမေ့ဖြစ်တတ်တဲ့ ကလေးပါ။ ဟောလိုးဝင်းပွဲနေ့မှာကျင်းပမယ့် သိပ္ပံပြပွဲမှာ အနိုင်ရဖို့ အတော်ကြိုးစား‌ေနသော်လည်း၊ အိမ်နောက်ဖေး မီးလောင်လိုက်ပေါက်ကွဲပြီး အဆင်ပြေတဲ့ ဖန်တီးမှုတစ်ခုတောင် မရသေးပါ။ အိမ်တွင်း အောင် အမှောင်ထဲနေတဲ့ အန်ဒီ ကို သူ့အဖေက သူနည်းပြလုပ်တဲ့ ဘောလုံးအသင်းမှာ အန်ဒီ့အစ်ကိုနဲ့အတူ ဘောလုံးကစားဖို့ အတင်းဆွဲခေါ်လိုက်ပါသည်။ အန်ဒီ ချမ်းသာစွာ တီထွင်စမ်းသပ်ချင်ပေမယ့် အချိန်ကောင်းကောင်း မရရှာဘူး ဖြစ်နေလေသည်။ ဒီလိုနဲ့ဖန်တီးမှုကောင်းကောင်းရဖို့ မြို့ပြင်ကနာမည်ကြီး သိပ္ပံပညာရှင် ဒေါက်တာ ဖရန်ကန်စတိုင်း ဆီ သွားတွေ့ခဲ့ပေမယ့် မတွေ့နိုင်ဘဲ၊ဒေါက်တာ ဖရန်ကန်စတိုင်း ဖန်တီးထားတဲ့အစိမ်းရောင် မွန်းစတားလေး နဲ့သာ တွေ့ခဲ့ရသည်။ ဘောလုံးတအား ကန်ချင်တဲ့ မွန်းစတားလေး ဖရန့် နဲ့ အန်ဒီတို့ နေရာချင်းလဲပြီး ကိုယ်ကြိုက်တာကိုယ်လုပ်နေကြရင်း၊ မထင်မှတ်ထားတဲ့ မွန်းစတားကြီး တစ်ကောင် အန်ဒီတို့မြို့လေးကို ဝါးမြိုဖို့ ဖြစ်လာချိန်မှာ ဘာတွေ ဘယ်လို ဆက်ဖြစ်ကြမလဲဆိုတာကို ကြည့်ရှု၊ ခံစားကြည့်ရမှာပါ။

t.me/cartoonmoviesmms/887