ရှိုးတိုးရှန့်တန့် ရင်ခုန်သံ

အပိုင်းသစ် ၇

t.me/+2_CGpmUv0VkwNjg1

ကြမ္မာဖန်တဲ့ထိုရေစက်

အပိုင်းသစ် ၇

t.me/+fDA5eJnfBWMzZDM1

ကမ္ဘာသစ်ရဲ့ သုညဒီဂရီ

အပိုင်းသစ် ၇

t.me/+2ne5BTdS06hmYjU1

နွေရာသီလိုဏ်ခေါင်း ခွဲခွာခြင်းထွက်ပေါက် (၂၀၂၂)

“တစ်ခါတလေလည်း ရဲရဲတင်းတင်း ပြုတ်ကျလိုက်၊ တစ်ခါတလေလည်း ရဲရဲတင်းတင်း ထိုးဆင်းလိုက်၊ ငါတို့ တကယ်မရှိခဲ့ဘူးလို့ ငါတို့ သိလိုက်ရတဲ့ နှစ်တွေမှာ နွေရာသီ အမြဲစိမ်းလှပနေတဲ့ လှိုဏ်ခေါင်းလေးထဲ ငါ ပြေးဆင်းကြည့်မိတယ် ။ အချိန်တွေ ဘယ်လောက်ထိ ဟောင်းသွားခဲ့လည်း ၊ ငါတို့ ကမ္ဘာရဲ့ အပြင်ဘက်မှာ နေ ဘယ်နှစင်း ဝင်သွားလဲ ၊ လူတွေ ဘယ်လောက်ထိ ခရီးပေါက်သွားလဲ ၊ လူတွေ ဘယ်လောက်ထိ ခရီးရောက်သွားလဲ ၊ အပြင်မှာ ဘယ်လောက်ထိပြောင်းသွားကြလဲ ၊ အပြင်မှာ ဘယ်လောက်ထိ ဟောင်းသွားကြလဲ ၊ ဘယ်တော့မှ မဟောင်းတဲ့ ထီးကလေးတစ်ချောင်းဟာ ငါ ဘာမှ မသိရတော့တဲ့ ဘူတာရုံကလေးကို ဖြတ်သန်း၊ ဒီကမ္ဘာဝန်းထဲတို့ ထပ်ရောက်ခဲ့ကြပြန်တယ် ၊ အချစ်ရယ်ထွက်ပေါက်မှာ ခွဲခွာခြင်းများ မရှိဘူးလို့ စုံလုံးမှိတ်ယုံလိုက်ကြတာပေါ့ ။ နွေရာသီတွေလည်း လင်းဦးမယ် ။

t.me/cartoonmoviesmms/1946

အာကာသပုံပြင် (၂၀၁၆)

ဒီတစ်ခါတော့ အန်နီမေးရှင်းပရိတ်သက်တွေအတွက် အတော်ချစ်စရာကောင်းတဲ့ ဇာတ်ကောင်များပါဝင်တဲ့ အန်နီမေးရှင်းကားကောင်းတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားလေးမှာ ဟောလိဝုက နိုင်ငံကျော် သရုပ်ဆောင်တွေလည်း အသံသရုပ်ဆောင်အဖြစ် ပါဝင်ထားပါသေးတယ်။ ဒီကားလေးကတော့ ပေါ့ပေါ့ပါးပါး ဟာသကာတွန်းကားလေးပါ။ ကာတွန်းကားကြိုက်တဲ့သူတွေအတွက် ပေါ့ပေါ့ပါးပါး သင့်တင့်ပါတယ်။ စပါက် ဆိုတာက မျောက်ငယ်လေးတစ်ကောင်ပါပဲ။ အဲဒီ မျောက်လေးနဲ့ သူသူငယ်ချင်းတွေလည်းဖြစ်တဲ့ ခန့် နဲ့ ဗစ်စ် တို့ဟာ ဘားနာ ဆိုတဲ့ ဂြိုလ်လေးကို ပြန်လည် သိမ်းယူဖို့ တာဝန်ပေးခံရခဲ့တာပါ။ အဲဒီနိုင်ငံတော်ကိုမကောင်းဆိုးဝါးကြီး ဂျုံ က သိမ်းပိုက်ထားတာ ဖြစ်ပါတယ်။ အဲတော့ စပါက် တို့ သူငယ်ချင်းတသိုက် ဘယ်လို ရင်ဆိုင်မလဲဆိုတာကတော့ ကာတွန်းကားလေးကို ဆက်ကြည့်လိုက်ကြရအောင်ဗျာ။ အားလပ်ချိန် ပေါ့ပေါ့ပါးပါးနဲ့ ရယ်လိုက်မောလိုက် ကြည့်ရှုလိုသာတဲ့ ကားလေးဖြစ်ပါတယ်။

t.me/cartoonmoviesmms/1948

ဆယ်ကျော်သက် ခရာကန် (၂၀၂၃)

IMDb - 5.8/10
Genre - Action, Adventure

လူတွေဟာ ခရက်ကန်ဆိုတဲ့ သတ္တဝါဆိုးကြီး‌တွေ အကြောင်း ကြားဖူးကြပါတယ်။ လှေတွေသင်္ဘောတွေကို မြှပ်ပစ်တယ်၊ သင်္ဘောသားတွေကို သတ်ပစ်တယ် စသဖြင့်ပေါ့။ ဒါပေမဲ့ ဒီရုပ်ရှင်ထဲမှာတော့ ခရက်ကန်မိသားစုတစ်စုဟာ လူယောင်ဆောင်ပြီး သမုဒ္ဒရာကမ်းခြေမြို့လေးမှာ လာအခြေချနေပါတယ်။ ခရက်ကန်အမေ အာဂ်သာ မှာ ၁၅ နှစ်အရွယ် ရူဘီဂေမန် ဆိုတဲ့ သမီးလေးရှိပါတယ်။ သူကတော့ ခရက်ကန်ဆိုတာ လူတွေမသိအောင် ဖုံးထားရင် လူဝင်ဆန့်ဖို့ ကြိုးစားနေတဲ့ အထက်တန်းကျောင်းသူလေးပါပဲ။ သူ့အမေက သူ့ကို သမုဒ္ဒရာထဲကို ဘယ်တော့မှ မဆင်းဖို့တင်းတင်းကြပ်ကြပ်မှာထားတာပါ။ တစ်နေ့မှာတော့ အမှတ်မထင် သမုဒ္ဒရာထဲကို ဆင်းမိပြီးဧရာမ ခရက်ကန်ကြီး အဖြစ် ပြောင်းသွားပါတော့တယ်။ အဲဒီကနေ သူ့အမေနဲ့ သူ့ရဲ့ အတိတ်အကြောင်းတွေကို သိလာပြီး ရေသူမလေးတစ်ယောက်နဲ့လည်း သူငယ်ချင်းဖြစ်လာပါတယ်။ ဒါပေမဲ့ ရေသူမတွေနဲ့ ခရက်ကန်တွေဟာ ကမ္ဘာ့ရန်တွေ ဖြစ်တာကြောင့် သူငယ်ချင်းနှစ်ယောက် ဒီတိုက်ပွဲကြီးတွေကို ဘယ်လို တားဖို့ ကြိုးစားကြမလဲဆိုတာ။

t.me/cartoonbynikko/407

မီးမှုတ်သူ (၂၀၁၀)

လွန်ခဲ့တဲ့ ၁၆ နှစ်တုန်းက လူသားတွေနဲ့ ကိုင်ဂျူ ဆိုတဲ့ မကောင်းဆိုးဝါးတွေ စစ်ပွားခဲ့ကြပါတယ်။ အဲ့စစ်ပွဲမှာ လူသားတွေအနိုင်ရခဲ့ပြီးတော့ ကိုင်ဂျူ တွေက ပျောက်ကွယ်သွားခဲ့တယ်။ ဒန်ကန် ဆိုတဲ့ ကောင်လေးမှာတော့ အမေက လူသားဖြစ်ပြီး အဖေက ကိုင်ဂျူ ဘုရင် ဘယ်လိုစ် တစ်ဦးဖြစ်တယ်။ အသက် ၁၆ နှစ်သာရှိသေးတဲ့ ဒန်ကန် တစ်ယောက်က လိမ္မော်ရောင် အသားရေကြောင့် အတန်းဖော်တွေနောက်ပြောင်တာခံရပြီးတော့အခု ကျောင်းအသစ်ကို ပြောင်းရွေ့လာသူဖြစ်တယ်။ အခုကျောင်းအသစ်မှာလဲ ကျောင်းကအလှဆုံးကောင်မလေး ဂျင်နာ ကို သဘောကျမိလို့ အနိုင်ကျင်သူတွေဖြစ်တဲ့ ထရိုး တို့ရန်စတာခံခဲ့ရတယ်။ သူတို့ရန်ဖြစ်နေရင်း ဒန်ကန် က မတော်မဆ သူမှာ မီးမှုတ်နိုင်တဲ့ စွမ်းရည်ကြောင်း သိရှိသွားခဲ့တယ်။ ကိုင်ဂျူ ဘုရင် သူ့အဖေကလဲ သူ့ကို လူသားတွေနဲ့ မနေစေချင်ဘဲ ကိုင်ဂျူ တွေကို အုပ်ချုပ်ဖို့ သူ့နေရာကို ဆက်ခံခိုင်းဖို့ ဒန်ကန် ကို လာရောက်ရှာဖွေဖို့ ကြိုးစားသောအခါ ဒန်ကန် တစ်ယောက် ကိုင်ဂျူ တွေနဲ့ ဘယ်လို တိုက်လိုက်မလဲ၊ သူ့ကျောင်းသားဘဝက ရောအေးအေးဆေးဆေးဖြတ်သန်းရမလား၊ ဂျင်နာ က ရော သူ့ကို စိတ်ဝင်စားမလားဆိုတာ စိတ်ဝင်စားစွာ ကြည့်ရှုရမဲ့ ကားလေးပါ။

t.me/cartoonmoviesmms/1951

စူပါဝက်ဝံ (၂၀၁၉)

တောရိုင်းထဲမှာ နေထိုင် ကျက်စားနေတဲ့ ဝက်ဝံသား အဖလေးနှစ်ကောင်။ မိခင်ဖြစ်သူက ဆီဟ ဖြစ်ပါတယ်။ ငယ်ငယ်တုန်းက မှောင်ခိုသမားတွေလာ ဖမ်းသွားအတွက် မိခင်မဲ့ သားလေးကိုအရမ်းချစ်ပါတယ်။ တစ်နေ့ သူတို့သားအဖနှစ်ယောက်အပေါ် ကံဆိုးမိုးမောင် ကျပါတော့တယ်။ တောရိုင်း မှောင်ခိုသမားတွေ ဆီဟ လေးကို ဖမ်းသွားပါတော့တယ်။ သားကို ဖမ်းသွားတဲ့ ကားနောက်ကို လိုက်ခဲ့ပေမယ့် မမှီခဲ့ပါဘူး။ ဒီလိုနဲ့ လမ်းပေါ်မှာ တောရိုင်း တိရိစ္ဆာန်တွေကို တရားမဝင်မှောင်ခိုလုပ်နေတဲ့ အဖွဲ့ကို လိုက်လံ ဖော်ထုတ်နေတဲ့ အေးဂျင့် ဟွန် ကို မထင်မှတ်ဘဲ တွေ့ဆုံမိပြီး သူ့သား ဆီဟ ကို ဘယ်လို ကယ်ဆယ်မလဲဆိုတာ ဆက်လက် ကြည့်ရှုပေးပါဦး။

t.me/cartoonmoviesmms/1953

Per-fect Bl-ue (1997)

IMDB - 8/10
Genre - Horror, Mystery

တစ်ခါတလေများ ရေသောက်နေရင်းဖြစ်ဖြစ်၊ထိုင်နေရင်းဖြစ်ဖြစ်၊ ဆေးလိပ်သောက်နေရင်းဖြစ်ဖြစ်၊ တစ်ချိန်ချိန်မှာ အတွေးဟာ အပြင်ကို မရောက်ဘဲ အတွင်းထဲကို ရောက်သွားတဲ့အခိုက်အတန့်တစ်ခုကို လူအတော်များများ ကြုံဖူးကြမယ်ထင်တာပဲ။ ကျွန်တော်တော့ ရံဖန်ရံခါဆိုသလို ဖြစ်တတ်တယ်။ အဲ့ဒီအခိုက်အတန့်ကလေးမှာ အတွေးဟာ ပြင်ပ အကြောင်းအဖြစ်တွေဆီ ရောက်မသွားဘဲ “ငါ” ဆိုတဲ့ အတွင်းက အရာဆီ ပြန်ရောက်သွားတယ်။ အဲ့ဒီအခိုက်အတန့်ဟာ တကယ့်ကို ခဏလေးပဲ။ ဒါပေမဲ့ အတော်ကြာသလိုလည်း ခံစားရတယ်။ အတိအကျတော့ မပြောတတ်တော့ပေမဲ့ သေချာတာကတော့ အဲ့ဒီအချိန်မှာ ဖြစ်တဲ့ ခံစားမှုဟာ “ငါ” ဆိုတာရဲ့ လုံး၀ကို အဓိပ္ပာယ်မဲ့နေမှုကြီး။ ‌ဒီခန္ဓာဒီနာမည်နဲ့ လူဟာ ငါဟုတ်ရဲ့လား တောင်တွေးမိတဲ့ အထိပဲ။ ကိုယ်ရှင်နေတဲ့ ဘ၀ကြီးကို အရှိတရားရော ဟုတ်ရဲ့လား လို့ သံသယ၀င်မိတဲ့ အခိုက်အတန့်တစ်ခုလို့ ဆိုရမယ်။ အဲ့ဒီလိုအခိုက်အတန့်ကို ခံစားဖူးတဲ့ လူတိုင်း ဒီ Anime ထဲက ဇာတ်ကောင်ရဲ့ ဘ၀ကို နားလည်မယ်လို့ ကျွန်တော်ထင်တယ်။ ဒီထဲက ဇာတ်ကောင်ကို နားလည်သွားရင် ဒီ Anime ဟာ ခင်ဗျားအတွက် တကယ့် Masterpiece တစ်ခုဖြစ်သွားမှာ သေချာတယ်။ သတိထားမိသလောက်ဆိုရင် တစ်ချို့ဒါရိုက်တာတွေဟာ လူ့ဘ၀လို့ ကျွန်တော်တို့အားလုံး ခေါ်ကြတဲ့ အရာဟာ အရှိတရားဟုတ်ရဲ့လား၊ အိပ်မက်တစ်ခုများလား ဆိုတဲ့ တူညီတဲ့ သံသယတစ်ခု သူတို့ခေါင်းထဲရှိနေတာ သူတို့ရုပ်ရှင်တွေမှာ အတော်တွေ့ရတယ်။ ဆာတိုရှီ ကိုန် ဟာလည်း အဲ့ဒီလို အရှိတရားကိုသံသယ၀င်တဲ့ သူတွေထဲက တစ်ယောက်ပဲလို့ ကျွန်တော် ယုံတယ်။ Per-fect Bl-ue မှာ အရှိတရားကို ဝေခွဲဖို့ အတော်ခက်တယ်။‌ လက်တွေ့မှာ အရှိတရားကိုယ်တိုင်ကလည်း ဝေခွဲဖို့ခက်တဲ့အတွက် အရှိတရားကို ဝေခွဲရခက်တဲ့ ရုပ်ရှင်တွေဟာ ကျွန်တော်တို့ စိတ်တွေကို တစ်နည်းတစ်ဖုံနဲ့ ဖမ်းစားထားနိုင်ခဲ့တယ်။ Bl-ack Sw-an တို့ Shut-ter Isl-and တို့ Req-uiem for Dre-am တို့လို နာမည်ကျော်ကားတွေမှာတောင် ဒီထဲက တစ်ချို့အရာတွေ ပြန်ယူသုံးရတဲ့ အထိ ဒီ Anime ဟာ အနောက်တိုင်းရုပ်ရှင်တွေကိုပါ လွှမ်းမိုးထားနိုင်ခဲ့တယ်။ ဆန်းတော့လည်း မဆန်းပါဘူး။ အကောင်းဆုံး လက်ရာတစ်ခုဟာ အမြဲလိုတစ်ပါးသော လက်ရာတွေကို လွှမ်းမိုးမှုတစ်ခုရှိနေမှာပဲမလား။ အရှင်းဆုံး ပြောရရင်တော့ Per-fect Blue ဟာ လူတစ်ယောက်ရဲ့ စိတ်ကူးဖန်တီးနိုင်စွမ်းကို ယုတ္တိဘောင်၊ အထိန်းအကွပ် အဆုံးစွန်အထိလွှတ်ပေးလိုက်တဲ့အခါ ထွက်လာတဲ့ လက်ရာမျိုးပဲ။ “ငါ့ရဲ့ စိတ်ကူးအိပ်မက်ထဲမှာရော၊ ငါ့ရဲ့ အရှိဘ၀မှာရော၊ ငါမရှိတဲ့အခါ ငါက ဘယ်မှာလဲ”။

t.me/cartoonmoviesmms/1955

ခရစ်စမတ်အတွက် ခွေးတစ်ကောင်လိုချင်တယ် (၂၀၀၃)

ရီရန်းလ် ဆိုတဲ့ ကောင်လေးဟာ တစ်နေ့တစ်နေ့ သူ့အမေ စက်ဘီးနောက်ကနေ ရင်တမမနဲ့လိုက်စီးနေရတာတွေ၊ သူငယ်ချင်းဖြစ်သူတွေက သူ့ရဲ့ ဘုဂလန့်အစ်မဖြစ်သူ လူစီ နဲ့ စောင်တကားကားနဲ့ အလုပ်ရှုပ်နေတတ်တဲ့ အစ်ကိုဖြစ်သူ လိုင်းနပ်စ် တို့အကြောင်းတွေလိုက်မေးတာပဲခံနေရတာတွေကနေ စိတ်ညစ်ငြီးငွေ့နေရတာပေါ့။ အဲဒီမှာ ချာလီဘရောင်း နဲ့ သူ့ခွေးလေး စနူပီ တို့ကို မြင်တော့အားကျမိပြီး သူနဲ့အတူတူ ဆော့ပေးနိုင်မယ့် ခွေးလေးတစ်ကောင်လိုချင်လာပါတယ်။ ဒီတော့ မကြာခင် ကျရောက်တော့မယ့် ခရစ္စမတ်ပွဲတော်မှာ ဆန်တာကလော့စ် ဘိုးဘိုး ကြီးကို စာရေးပြီးပူဆာဖို့ ကြံမိတယ်ပေါ့။ ပြဿနာက သူ့အမေကလည်း ခွေးတွေဆိုတာက ဒုက္ခများလွန်းတယ်ဆိုပြီး ခွေးမွေးခွင့်ကို ဘယ်လိုမှ မပြုသလို၊ အစ်မ လူစီ ကလည်း ဆန်တာကလော့စ်ဆိုတာ မိဘဖြစ်သူတွေ သဘောမတူတဲ့ အရာကို လာပေးမှာမဟုတ်ဘူး ဆိုပြီး ပြောတော့ ရီရန်းလ် လေးမှာ စိတ်ညစ်ပြန်ရတာပေါ့။ အဲဒါအပြင် ချာလီဘရောင်း ဆီ ခဏခဏ သွားသွားပြီး စနူပီ နဲ့ ဆော့ဖို့ ခေါ်တာများများနေတော့ သူ့ကို ရှောင်ချင်နေကြပြန်သေးတယ်။ ဒီတော့ ရီရန်းလ် တစ်ယောက် ခွေးလေးရသွားမလား၊ ဘယ်လို ဆက်ဖြစ်မယ်ဆိုတာကို ပျော်ပျော်ပါးပါးလေး ကြည့်ရင်း အဖြေရှာကြည့်ကြည့်လိုက်ပါဦး။

t.me/cartoonmoviesmms/1958

မြို့ဖျက် အန္တရာယ် (၂၀၂၄)

ကမ္ဘာငယ်လေးလို့ ခေါ်တဲ့ သတ္တုတွင်းမြို့ကို တိုင်ဟေ ဆိုတဲ့ စက်မှုလုပ်ငန်းက အုပ်စိုးပြီး ထူးဆန်းတဲ့ မြေအောက်ပေါက်ကြီးတွေနဲ့ တူးမြောင်းတွေကြောင့် ဝင်္ကပါကြီးလို ဖြစ်နေပါတယ်။ ကာဂရီ နဲ့ ယူယာ ဆိုသူများက အဲဒီ မြေအောက်ပေါက်တွေထဲမှာ လမ်းတွေရှာရင်း မြေပုံဆွဲသူတွေဖြစ်ပေမယ့် ယူယာ ကတော့ မြို့ကနေ ထွက်သွားချင်နေခဲ့ပါတယ်။ ဒီလိုနဲ့ တစ်နေ့မှာ ကာဂရီ တစ်ယောက် ယူယာ ကိုလိုက်ရှာရင်း မြေအောက်အဖွဲ့အစည်းတစ်ခုက မြို့ကို ပျက်စီးစေနိုင်တဲ့ အရာတစ်ခုကို ကြိတ်ပြီး ကြံစည်နေတယ်ဆိုတာ မြင်ခဲ့ရပါတယ်။ ဒါပေမဲ့ တစ်ခုရှိတာက မြေအောက်ကနေ မြို့ပေါ်ကို ရောက်နိုင်ဖို့ အဓိကလိုအပ်တဲ့အရာက မြေပုံပါပဲ။ ဒီတော့ အဲဒီအတွက် မြေပုံက ဘယ်သူဆီက ရမလဲ။ မြို့ပေါ်က အဖွဲ့အစည်းက အဲဒီတိုက်ခိုက်မှုကြီးကို ခုခံနိုင်ပါ့မလားဆိုတာ မထင်ထားတဲ့ လှည့်ကွက်တွေ၊ ဇာတ်ကောင်တွေနဲ့စိတ်ဝင်စားစွာ ကြည့်ရှုရမှာပဲ ဖြစ်ပါတယ်။

t.me/cartoonmoviesmms/1961

စူးစမ်းတတ်တဲ့ ကောင်မလေး (၂၀၂၅)

တစ်ခါတုန်းက ဗိုက်မှာလပုံပါတဲ့ စနိ့ချ် နဲ့ ဗိုက်မှာကြယ်ပုံပါတဲ့ စနိ့ချ် ဆိုပြီး နှစ်ဖွဲ့ရှိပြီး အချင်းချင်း မတည့်ကြပါ။ တစ်ဖွဲ့နဲ့ တစ်ဖွဲ့ “သူသာတယ် ငါသာတယ်” ဆိုပြီး ရန်ဖြစ်နေကြပါတယ်။ သူတို့နှစ်ဖွဲ့ မသင့်မြတ်ကြတော့ ကြယ်ပုံပါတဲ့ စနိ့ချ် တွေက သစ်ပင်ပေါ်မှာနေပြီး လပုံပါတဲ့ စနိ့ချ် တွေကတော့ ပင်လယ်ဘက်ကို ထွက်သွားခဲ့ကြပါတယ်။ စတယ်လာ ဆိုတာကကြယ်ပုံပါတဲ့ စနိ့ချ် ကောင်မလေးတစ်ယောက်ဖြစ်ပြီး အရာရာကို တီထွင်ဆန်းသစ်တဲ့ အမြင်နဲ့ မြင်တဲ့ ကောင်မလေးပါ။ သူက စွန်အတောင်ပံကို တီထွင်ပြီး လေပေါ် ပျံချင်တဲ့ အိပ်မက်ရှိပြီး တစ်နေ့မှာ သူက လပုံပါတဲ့ စနိ့ချ် တစ်ကောင်ရဲ့ ပုံကို မြင်သွားပါတယ်။ ပုံထဲမှာ လပုံပါတဲ့ စနိ့ချ် က ရွက်လှေပေါ်မှာ နေနေပြီး အဲဒီရွက်လှေက စတယ်လာ ရဲ့ အိပ်မက် စွန်အတောင်ပံနဲ့ တူနေပါတယ်။ ကြယ်ပုံပါတဲ့ စနိ့ချ် မျိုးနွယ်စုကလည်း သူတို့ဟာ လပုံပါတဲ့ စနိ့ချ် တွေထက်သာကြောင်း အမြဲပြောနေကြပါတယ်၊ ဒါကို စတယ်လာ က “ဘာလိုသာတယ်” လို့ပဲ ပြောနေကြောင်းကို သိရဖို့ လပုံပါတဲ့ စနိ့ချ် တွေ နေတဲ့ ကမ်းခြေကို ထွက်လာပြီး ပဲလ် ဆိုတဲ့ လပုံပါတဲ့ စနိ့ချ် ကောင်မလေးနဲ့ တွေ့ရင်း သူငယ်ချင်း ဖြစ်သွားကြပါတယ်၊ စူးစမ်းတတ်တဲ့ ကောင်မလေးနှစ်ယောက်ဟာ အသစ်အသစ်တွေကိုစူးစမ်းရင်း ဘာတွေ ဖြစ်သွားကြမလဲ၊ မတည့်ကြတဲ့ စနိ့ချ် မျိုးရိုးနှစ်ဖွဲ့က အဆုံးထိ မတည့်ဘဲနေကြမလား၊ ပြန်တည့်သွားကြမလားဆိုတာကို စိတ်ဝင်စားဖွယ် ကြည့်ရှုရမယ့် ကာတွန်း ကောင်းလေးတစ်ခုပဲ ဖြစ်ပါတယ်။

t.me/cartoonmoviesmms/1963

အနုမြူ အန္တရာယ်ကာကွယ်ရေး (၂၀၂၅)

CHIIPS ဆိုတဲ့ တပ်ဖွဲ့ရဲ့ အေးဂျင့်တွေဖြစ်တဲ့ ဒိုနို, ကာစီနို, နဲ့ အင်ဒရို တို့ရဲ့ စွန့်စားခန်းမစ်ရှင်များနှင့် အလွဲအမှားတွေကို အခန်းသုံးပိုင်းနဲ့ တွေ့မြင်ရမှာ ဖြစ်ပါတယ်။ ပထမမစ်ရှင်မှာတော့ မြို့တစ်မြို့လုံး ဖုံးလွှမ်းနေတဲ့ သံမှိုတွေကို ရှင်းထုတ်ဖို့ သံမှိုရှင်းလင်းစက်ရုပ်ကို ဖန်တီးကြပါတယ်။ ဒုတိယမစ်ရှင်မှာတော့ မူလတန်းကျောင်းက မေးခွန်းအဖြေလွှာတွေကို ပေါက်ကြားအောင်လုပ်နေတဲ့ မာဖီးယားအဖွဲ့ကို ဖမ်းရမှာ ဖြစ်ပြီး၊ အရယ်ရဆုံးဖြစ်တဲ့ တတိယမစ်ရှင်မှာတော့ အနောက်ကိုရီးယားနဲ့ အင်ဒိုနီးရှားရဲ့ ကမ္ဘာ့ဖလားပြိုင်ပွဲမှာ ဘောလုံးကစားသမားတွေအဖြစ် ရုပ်ဖျက်နှောင့်ယှက်ပြီး အနုမြူဗုံးအကြဲခံရမဲ့ဘေးကနေ ကာကွယ်ဖို့ ကြိုးစားကြတာ ဖြစ်ပါတယ်။ ဟာသကားတွေကို ကြိုက်သူများ သို့မဟုတ် အပျင်းပြေ ကာတွန်းကားကြည့်ချင်သူများအတွက် အူနာအောင် ရယ်နေရမဲ့ ဒီကာတွန်းကားလေးကို အကြံပြုနိုင်ပါတယ်။

t.me/cartoonmoviesmms/1965

ကြမ္မာအံတုရှင်သန်သူ လင်ထျန်း

အပိုင်းသစ် ၄၃

t.me/+tD9Cwx5sX_M0ZTI1