အိမ် (၂၀၁၅)

“အိမ်” ဆိုတာ လူသားတွေ အတွက် အနွေးထွေးဆုံးနေရာ၊ စိတ်အလုံခြုံမှု အပေးဆုံးနေရာ တစ်ခုပေါ့၊ ဘုဗ်တွေ အတွက်ကရော။ ဘယ်သူတွေက ဘုဗ်တွေလဲ။ ဘုဗ်တွေ ဆိုတာ အပုန်းအကောင်းဆုံး၊ အပြေးအကောင်းဆုံး ဆိုတဲ့ ဂြိုလ်သားလေးတွေပါ။ ကမ္ဘာထက် ပိုကြီးတဲ့ ဂြိုလ်ကို ပိုင်ဆိုင်ထားပေမဲ့ ဂေါ့ဂျ် ဆိုတဲ့ ဘာမှန်းမသိတဲ့ ဂြိုလ်သားမျိုးနွယ်စုတွေက ဘာမှန်းမသိလိုက်တာ ခံနေရတဲ့ သနားစရာ ဘုဗ်လေးတွေပေါ့။ နောက်ဆုံးမှာတော့ ဂေါ့ဂျ် တွေ လက်ကနေ ခြေရာဖျောက်နိုင်ခဲ့ပြီး ကပ္ပတိန်စမတ် ရဲ့ ဦးဆောင်မှုနဲ့ ကမ္ဘာမြေမှာ ပုန်းခိုဖို့ စီစဉ်နိုင်ခဲ့ပါပြီ။ လူသားတွေကိုတော့ နေရာ သေးသေးလေး တစ်ခုမှာ စုပုံပေးလိုက်ပြီး ဘုဗ်တွေက လူသားတွေ ရဲ့ နေရာကို သိမ်းပိုက်လိုက်တဲ့အခါမှာတော့ ။

t.me/cartoonmoviesmms/2130

ပုရွက်ဆိတ်တို့ တိုက်ပွဲ (၂၀၁၃)

IMDB Rating – 7.1/10 ရရှိထားတဲ့ ဇာတ်ကားကောင်းလေးဖြစ်ပြီး ဇာတ်လမ်းအစမှာတော့ လင်မယား ၂ ယောက်ဟာ ပျော်ပွဲစားထွက်လာရင်း မိန်းမဖြစ်သူက မီးဖွားခါနီးဖြစ်သလို အသဲအသန်ပြန်ရာကနေ စပါတယ်။ ထိုစဉ်မှာ ချေးပိုးထိုး အကောင်လေးကလည်း မွေးဖွားလာပါတယ်။ အဲဒီနောက်မှာ ပျော်ပွဲစားထွက်တဲ့အစားအစာအချို့ ကျန်ရှိနေပြီး အဲဒီအစားအစာတွေကို သတ္တဝါပေါင်းစုံကနေပြီးလာ ယောက်စားသုံးကြပါတယ်။ အဲဒီအထဲကမှ ပုရွက်ဆိတ်အနက် တွေလည်း ပါရှိပြီး သံဘူးထဲမှ သကြားခဲတွေကို ရွှေတွေ့ ငွေတွေ့တဲ့အခါ အပြန်မှာ ဘာတွေ ဆက်ဖြစ်မလဲဆိုတာကို ဇာတ်လမ်းထဲမှာ ဆက်လက်ရှုစားနိုင်ပါတယ်။ Animation ကားကောင်းလေးဖြစ်လို့ မိသားစုနဲ့အတူမျှဝေ ခံစားကြည့်ရှုနိုင်ပါတယ် ။

t.me/cartoonmoviesmms/2132

ဘုရင်ကြီး တွီတီ (၂၀၂၂)

ကနေရီငှက်ကလေးတွေနဲ့ ခွေးတွေ ယှဉ်တွဲနေတဲ့ ကနေရီကျွန်းမှာ ဘုရင်မက ကနေရီငှက်ကလေး ပျောက်ချင်းမလှပျောက်သွားပြီးနောက် တွီတီ ဟာ ကနေရီကျွန်းရဲ့ ပျောက်ဆုံးနေတဲ့ တော်၀င်မျိုးဆက်လို့ ပြောလို့ရတဲ့ အချက်တွေရှိနေသည့်အတွက် ဘုရင်ဖြစ်လာပါတယ်။ ကျွန်းကို သွားပြီးနောက် အရင်ဘုရင်မ ဘာလို့ ပျောက်သွားသလဲ၊ ဘုရင်ဖြစ်ဖို့ တွီတီ တစ်ယောက် ဘာအန္တရာယ်တွေကြုံရမလဲဆိုတာကို အသည်းတအေးအေးနဲ့ကြည့်ရှုရမှာပါ။ ၉၀ ခုနှစ်တွေကို ပြန်လွမ်းဖို့ကောင်းတဲ့ ၉၀ ခုနှစ်က နာမည်ကြီး ကာတွန်းဇာတ်ကောင်ရဲ့ ကားအသစ်ဖြစ်သည့်အတွက် ကလေးလေးတွေရော ကလေးကြီးတွေရော ကြည့်လို့ အဆင်ပြေမှာပါ။

t.me/cartoonmoviesmms/2134

မြွေဖြူမိစ္ဆာနှင့်မှော်ဆံထိုး (၂၀၁၉)

ဒီအန်နီမေးရှင်း ဇာတ်လမ်းလေးကတော့ တရုတ် ဒဏ္ဍာရီဇာတ်လမ်းတစ်ပုဒ်ဖြစ်တဲ့ မြွေဖြူမိစ္ဆာ အကြောင်းကို အခြေခံပြီး ရိုက်ကူးထားတာပဲဖြစ်ပါတယ်။ ဒီဇာတ်လမ်းကို အခြေခံပြီး ရှေ့မှာ Live action ရော Animation ရော ပုံစံအမျိုးမျိုး ထွက်ခဲ့ဖူးပေမယ့် အခုကတော့ ပိုကောင်းတဲ့ Animation ရုပ်ထွက်တွေနဲ့ ပိုပြီး ကြည့်ကောင်းလာပါပြီ။ ရိုက်ချက်အလန်းတွေ၊ နောက်ခံတီးလုံးအလန်းတွေ၊ လှပတဲ့ ရှုခင်းတွေနဲ့ ကြည့်ရှုသူကို ဆွဲဆောင်သွားမှာပါ။ ဒီတော့ အားပေးကြည့်ရှုကြပါဦးလို့ ။

t.me/cartoonmoviesmms/2136

မြွေဖြူမိစ္ဆာနှင့်မှော်ဆံထိုး ၂ (၂၀၂၁)

ဒီဇာတ်ကားမှာ မြွေစိမ်းမလေး ရှောင်ချင်း ကို အဓိကထားရိုက်ကူးထားပြီး မြွေဖြူမလေး ရှောင်ပိုင် ဟာ အချစ်အတွက်ကြောင့် ဘုန်းတော်ကြီး ဖာဟိုင် ရဲ့ လွေဖုန်းမျှော်စင်အောက်မှာ ဖမ်းချုပ်ခံရပါတယ်။ ဒါကို လက်မခံနိုင်တဲ့ ရှောင်ချင်း ဟာ ဘုန်းတော်ကြီး ဖာဟိုင် ကို ပြန်တိုက်ခိုက်ရင်း ရှုံးလော်မြို့ ဆိုတဲ့ နေရာကို အမှန်မထင်ရောက်သွားပါတယ်။ ရှုံးလော်မြို့က လူတွေဟာ စိတ်ထဲ လွှတ်မချနိုင်တဲ့ အရာတွေရှိနေလို့ လူပြန်မဝင်စားနိုင်ပဲ ရောက်လာတဲ့သူတွေ ပါနေပြီး အန္တရာယ်ပေါင်းများစွာနဲ့ ပြည့်နှက်နေပါတယ်။ အဲ့ဒီမှာ ရှောင်ချင်း တစ်ယောက် ရှင်သန်နိုင်ပါ့မလား၊ ရှုံးလော်မြို့ကနေ ထွက်ခွာနိုင်ပါ့မလား။ ရှုံးလော်မြို့မှာ သူ့အစ်မ ရှောင်ပိုင် နဲ့ ရုပ်ချင်းဆင်တဲ့ ကောင်လေးတစ်ယောက်နဲ့ ဆုံရတဲ့အခါ ဘာတွေ ဆက်ဖြစ်လာမလဲ၊ အစ်မဖြစ်သူနဲ့ ပြန်ဆုံနိုင်ပါ့မလား။ အချစ်၊ အမုန်း၊ ရင်ထဲက အာဃာတတွေ၊ ခံစားချက်မျိုးစုံကို ကြည့်ရှုခံစားရမှာပါ။

t.me/cartoonmoviesmms/2138

မောင်စွန့်စားလေး (၂၀၂၃)

ဟိုးအရင်တုန်းက လူသားတွေက ကပ္ပလာဂြိုလ် ပေါ်မှာ စွမ်းအင်တွေအများကြီးပါတဲ့ ကာလာလို ဆိုတဲ့ အပင်ကို ရှာတွေ့ခဲ့ပါတယ်။ လူသားတို့ထုံးစံအတိုင်းအပင်တွေကို စိတ်ကြိုက်ယူသွားပြီး နောက်ဆုံး ကပ္ပလာဂြိုလ် က ဂြိုလ်ဂတုံးဖြစ်သွားခဲ့ပါတယ်။ လက်ရှိကာလမှာ ကြီးပြင်းလာတဲ့ လူငယ်တွေဖြစ်တဲ့ အက်စဲလ်, ဂါဂါ, နဲ့ ဂျိုနို တို့ကတော့ ဒီဂြိုလ်မှာ ကာလာလို အပင်တွေရှိသေးတာကို လူကြီးတွေနဲ့ပါ အတိုက်အခံလုပ်ပြီး အခိုင်အမာကို ယုံကြည်ကြပါတယ်။ ဆိုတော့ ငယ်ဂုဏ်အပြည့်နဲ့ သူတို့ကိုယ်တိုင် သက်သေပြမယ်ဆိုပြီး သုံးယောက်သား ကာလာလို အပင်တွေရှာပုံတော်ထွက်ခဲ့ကြပြီး ခရီးဆက်ခဲ့ရင်း လမ်းမှာ အခက်အခဲတွေကြုံရသောအခါ သူတို့နဲ့ ရည်ရွယ်ချက်တူ ဒေါက်တာ ဗန့်စ်ဆ် ဆိုတဲ့ ဘုရင်နားမှာ အနီးကပ်အလုပ်လုပ်ပေးတဲ့သူရဲ့ အကူအညီရပြီး လေးယောက်အဖွဲ့လေးအဖြစ် ဆက်ခရီးဆက်ရပါတယ်။ ကာလာလို အပင်တွေကို ရောက်သွားချိန်မှာ မမျှော်လင့်ထားတဲ့ အရာတွေ၊ လှည့်စားမှုတွေ ဘယ်လိုကြုံရမလဲဆိုတာတွေကို Character Animation ပုံစံအဆန်းလေးနဲ့ ကြည့်ရှုကောင်းစွာ အမြင်အသစ်နဲ့ ပေါ့ပေါ့ပါးပါးရှုစားနိုင်မှာပါ။

t.me/cartoonmoviesmms/2141

မားနိ ရှိစဉ်တုန်းက (၂၀၁၄)

ဇာတ်လမ်းပုံစံလုံးဝမသိပဲ ကြည့်မှ ဖီးလ်လို့ကောင်းမယ့် ဂျပန်ကာတွန်းဖြစ်ပါတယ်။ စတူဒီယို ဂျစ်ဘလီ ရဲ့ လက်ရာကောင်းတစ်ခုဖြစ်ပြီး မူရင်းဝတ္ထုကလည်း ဆယ်စုနှစ်တစ်ခုရဲ့ အကောင်းဆုံး ဝတ္ထုတစ်ခုအဖြစ် ဖော်ပြခံထားတာမို့ ကြည့်သင့်တဲ့ ကားကောင်းတစ်ကားပဲ ဖြစ်ပါတယ်။ နောက်ခံတေးဂီတပိုင်းမှာဆိုရင်လည်း အပြစ်ပြောစရာမရှိလောက်အောင် ပြည့်စုံလွန်းနေပြီး ဇာတ်လမ်းထဲ စီးဝင်သွားလောက်အောင် ကောင်းမွန်နေပါတယ်။ ဇာတ်လမ်းအကျဉ်းအနေနဲ့တော့ ကျန်းမာရေးမကောင်းလို့ ဘောင်ပြင် ရောက်နေတဲ့ ဆယ်ကျော်သက်ကောင်လေး ဂျုန် နဲ့ ပိုက်ဆံချမ်းသာလွန်းလို့ ဘောင်ပြင် ထွက်ပေးနေရတဲ့ ဆယ်ကျော်သက်ကောင်မလေး အရီစာ တို့ရဲ့ အချစ်ဇာတ်လမ်းလေး ဖြစ်ပါတယ်။

t.me/cartoonmoviesmms/1798

မယ်ရီ နှင့် စုန်းပန်းပွင့်လေး (၂၀၁၇)

မယ်ရီ ဆိုတဲ့ ကလေးမလေးဟာ မွေးရာပါ ဆံပင်နီကြောင်ကြောင်လေးပါ။ အရမ်း သွတ်သွတ်လက်လက် နေတတ်သလို လုပ်သမျှတိုင်းကလဲ အလွဲတွေကြီးပါပဲ။ သူဟာ လူကြီး မိဘတွေကို အရမ်းကူညီချင်ပေမဲ့ သူလုပ်လိုက်တိုင်း အလွဲကြီးတွေဖြစ်နေလို့ မခိုင်းရဲကြဘူး။ ဒီလိုနဲ့ မယ်ရီ လေးဟာ ဟိုယောင်ယောင် ဒီယောင်ယောင် လုပ်နေတတ်တဲ့ ကလေးမလေးတစ်ယောက် ဖြစ်နေတာပေါ့။ တစ်ရက်မှာတော့ တောစပ်အနီးမှာ မုန့်စားနေတုန်း ကြောင်လေးတစ်ကောင် မုန့်လာတောင်းစားလို့ ကျွေးလိုက်မိရာကနေ အဲ့ဒီ ကြောင်လေးကို တောအုပ်ထဲအထိ လိုက်သွားပါတော့တယ်။ မယ်ရီ တစ်ဖြေးဖြေး လိုက်သွားတဲ့အခါ ကြောင်လေးဟာ နှစ်ကောင် ဖြစ်သွားပြီး ထူးဆန်းတဲ့ ပန်းတွေအများကြီးရှိရာနေရာကို လမ်းပြပေးခဲ့ပါတယ်။ အရမ်းလှလွန်းတဲ့ ပန်းလေးမို့ မနေနိုင်ပဲ ခူးမိပြီး အိမ်သို့ သယ်ယူလာတဲ့နောက် မယ်ရီ ရဲ့ ဘဝမှာ ထူးထူးဆန်းဆန်း ဖြစ်စဉ်တွေ ပေါ်ပေါက်လာပါတော့တယ်။

t.me/cartoonmoviesmms/1800

ရေရှားပါးမှုပြသနာ (၂၀၂၃)

ဒီဇာတ်ကားလေးကတော့ စစ်ပွဲအပြီးမှာ ကပ်ဘေးကြောင့် သောက်သုံးရေရှားပါးလာတဲ့တိုင်းပြည်အတွက် ပြည်သူတွေဘယ်လိုအခက်အခဲရောက်ရလဲ၊ ဘယ်လိုဖြေရှင်းကြမလဲဆိုတာကို တွေ့မြင်ရမှာဖြစ်ပြီး Sci-fi ဆန်ဆန်လေးနဲ့ Action ခန်းလေးတွေပါ ပါဝင်တဲ့ စိတ်ဝင်စားစရာကောင်းတဲ့ Anime Movie လေးဖြစ်ပါတယ်။ ဇာတ်လမ်းလေးရဲ့ အကျဉ်းချုပ်ကတော့ ကိုင်နာ လို့ခေါ်တဲ့‌ကောင်လေးနဲ့ ရီရီဟာ လို့ခေါ်တဲ့ အတ္တလန်တိုင်းပြည်ရဲ့ မင်းသမီးလေးဟာ စစ်ပွဲကြီးအပြီးနဲ့ ကပ်ဘေးကြောင့် တိုင်းပြည်မှာ သောက်သုံးရေရှားပါးလာခဲ့တယ်။ ဒီလိုနဲ့ ဒဏ္ဍာရီထဲမှာ ကြားခဲ့ရတဲ့ ပတ်လည်ထိပ်ဖျားအပင်ကြီးမှာ သောက်သုံးရေတွေ မြောက်များစွာရှိတယ်လို့ ကြားသိခဲ့ရတဲ့အတွက် ရီရီဟာ နဲ့ ကိုင်နာ တို့ဟာ လူစုဖွဲ့ပြီး အဲ့ဒီအပင်ကြီးကို ရှာဖို့ ခရီးထွက်ကြပါတော့တယ်။ ဒါပေမဲ့ ကိုင်နာ တို့ မထင်မှတ်လိုက်တာက ဒီထွက်လာတဲ့ ခရီးလမ်းမှာ သူတို့နေထိုင်တဲ့ ကမ္ဘာကြီးရဲ့ လျှို့ဝှက်ချက်နဲ့ ဘာလို့ နှင်းတွေဟာ အမြဲကျနေပြီး ထိပ်ဖျားအပင်ကြီးကို မှီခိုနေရမလဲဆိုတာကို သိရှိသွားရမှာဖြစ်ပါတယ်။ ဒီလို Adventure အပြည့်နဲ့ စိတ်ဝင်စားစရာကောင်းတဲ့ ကိုင်နာ တို့ရဲ့ ခရီးစဉ်ကို အားလုံးပဲ အတူတူ စိတ်ဝင်တစား ကြည့်ရှုလိုက်ကြရအောင်လား။

t.me/cartoonmoviesmms/1802

လူမျိုးတုန်း သတ်ဖြတ်မှုများ (၂၀၁၇)

ဂျင်နိုဆိုဒယ် အော်ဂန် ဟာ ပရောဂျက်အီတို ရဲ့ နာမည်ကြီး စိုင်ဘာစွမ်းအင်ပညာဝတ္ထုကို အခြေခံပြီး ၂၀၁၇ ခုနှစ်မှာ ထွက်ရှိခဲ့တဲ့ ဂျပန် Anime ရုပ်ရှင်ဖြစ်ပါတယ်။ ဇာတ်လမ်းက အနာဂတ်ကမ္ဘာကို ပုံဖော်ပြသထားပြီး လူမျိုးသတ်ဖြတ်မှုတွေ အပြည့်အဝ ဖြစ်ပွားနေတဲ့ ကမ္ဘာအကြောင်း တင်ဆက်ထားခြင်းဖြစ်ပါတယ်။ ပရိုဒက်ရှင်းအိုင်ဂျီ ရဲ့ လက်ရာဖြစ်တာမို့ ကြည့်ရတာ အတော်ကို မျက်စိပဒဿရှိပါတယ်။ ဇာတ်လမ်းမှာ ထောက်လှမ်းရေးနည်းစနစ်တွေ၊ ထောက်လှမ်းပုံတွေ၊ အက်ရှင်ခန်းတွေ မြိုင်မြိုင်ဆိုင်ဆိုင် ပါတာမို့ မစ်ရှင်အိမ်ပါဆစ်ဘလ် ရုပ်ရှင်တွေနဲ့ ဒါအ်ဟတ် ရုပ်ရှင်တွေကို ကြိုက်သူတွေအတွက် တကယ်ကြည့်ဖို့သင့်တဲ့ ရုပ်ရှင်ပါ။ မကောင်းတဲ့အချက်တွေကို ပြောရရင်တော့ ဒီရုပ်ရှင်ကို ဘာသာပြန်တာက အတော်ခက်တဲ့အပြင် အင်္ဂလိပ်စာကို ကျေလည်အောင် နားလည်တဲ့သူတောင်မှ ဒီရုပ်ရှင်ကို ကြည့်ရင် ရုပ်ရှင်မှာပါတဲ့ နိုင်ငံရေးနောက်ခံတွေကို တီးမိခေါက်မိရှိထားမှ နားလည်နိုင်မှာပါ။ ဇာတ်လမ်းအကျဉ်းအနေနဲ့ ဆိုရရင် အမေရိကန်နိုင်ငံက အထူးတပ်ဖွဲ့အရာရှိ ခလာဗစ်စ် ရှက်ဖတ် ကို ကမ္ဘာတဝှမ်း ဖြစ်ပွားနေတဲ့ လူမျိုးသတ်ဖြတ်မှုတွေကြောင့် စုံစမ်းစစ်ဆေးရေးလုပ်ဖို့ တာဝန်ပေးခြင်းခံရပါတယ်။ ဒီလူမျိုးသတ်ဖြတ်မှုတွေဟာ ဂျွန် ပေါ်လ် ဆိုတဲ့လူနဲ့ ဆက်စပ်နေတယ်ဆိုတာ ခလာဗစ်စ် သိလာရပြီး သူ့ကို ခြေရာခံဖို့၊ ဖမ်းဆီးဖို့ ကြိုးစားရတဲ့နောက်မှာတော့ ဂျွန် ပေါ်လ် ရဲ့ အာရုံစိုက်မှုကို ပြန်ခံရပါတော့တယ်။ အဲ့ဒီနောက်မှာတော့ ဖြစ်ပျက်နေတာတွေအားလုံးရဲ့ နောက်ကွယ်မှာ အရမ်းရှုတ်ထွေးပြီး မယုံနိုင်စရာကိစ္စကြီးတစ်ခုရှိနေတာကို သိလိုက်ရတဲ့အပြင် ထိုကိစ္စကြီးထဲမှာ ခလာဗစ်စ် ပါ ဖြည်းဖြည်းချင်း ကြားညပ်သွားပါတော့တယ်။

t.me/cartoonmoviesmms/1804

ကြောင်သရဲ အန်ဇူ (၂၀၂၄)

မနှစ်ကထွက်ရှိထားတဲ့ တစ်ကားတည်း Anime ရုပ်ရှင်လေးကို တင်ဆက်ပေးလိုက်ပါရစေ။ ကာရင် ဆိုတဲ့ ၁၁ နှစ်အရွယ်ကောင်မလေးဟာ ဖခင်ဖြစ်သူက ငွေတိုးချေးရင်း ပြန်မဆပ်နိုင်ပဲ အသေထွက်ပြေးနေရလို့ သားအဖနှစ်ယောက်သား နယ်မြို့လေးက အဘိုးရှိရာ ဘုရားကျောင်းကို ရောက်ချလာပါတယ်။ နောက်ကျတော့ အဘိုးလက်ကိုအပ်ပြီး ဖအေဖြစ်သူက လွတ်ရာကျွတ်ရာကို ထွက်သွားပြန်တော့မယ်။ အဲဒီမှာ ကာရင် တစ်ယောက် အမေဖြစ်သူကလည်း ဆုံး၊ အဖေကလည်း ပစ်ထားသွားတော့ အဘိုးနဲ့ ဘုရားကျောင်းမှာနေတုန်း လူအရွယ်လောက်ရှိပြီး လူစကားပြောတတ်တဲ့ ကြောင်ကြီး အန်ဇူး နဲ့ တွေ့ရပါတော့တယ်။ အဲဒီမှာ ဒီကြောင်ကြီးက ဘာကြီးတုန်း၊ ကာရင် တစ်ယောက် မိတဆိုးဖတဆိုးလေး ဖြစ်နေတော့ ဘယ်လိုတွေ ဆိုးပေမလဲ၊ အမေဖြစ်သူ နှစ်ပတ်လည်ကို ရောက်မလာတဲ့ ဖအေကြောင့် စိတ်ဆိုးဆိုးနဲ့ ပုံပြောင်း ကြောင်သရဲကြီး အန်ဇူး နဲ့အတူတူ ဘယ်လိုတွေ စွန့်စားခန်းထွက်ကြမလဲဆိုတာ ပေါ့ပေါ့ပါးပါ ကြည့်ရှုခံစားရမယ့် Anime ကားကောင်းလေး ဖြစ်ပါတယ်။ ဂျပန် Anime ထုံးစံအတိုင်း ဒီထဲမှာလည်း ဒဏ္ဍာရီလာ သတ္တဝါလေးတွေ ထည့်သွင်းထားတာပါ။ ကြောင်သရဲ ဆိုတာက ပုံသဏ္ဍာန်ပြောင်းနိုင်တဲ့ ကြောင်လို လူလို မကောင်းဆိုးဝါးတစ်ကောင်တစ်မျိုးပေါ့။ ဒီထဲမှာတော့ ဂါဖီးလ်လို ရုပ်ကြီးနဲ့ ချစ်စရာကောင်းအောင် တင်ဆက်ထားပါတယ်။ Motion နေရာ Animation လေးတွေ အပြစ်နည်းနည်းဆိုချင်စရာ ရှိပေမဲ့ Background တွေက ခဲပန်းချီလေးလို လှနေတာရယ်၊ ဇာတ်လမ်းလေးက မပျင်းရပဲ ခပ်မြူးမြူးနဲ့ သွက်တာကြောင့် အပျင်းပြေစေမှာတော့ သေချာပါတယ်။ စိတ်ကူးယဉ် ဇာတ်ကောင်လေးတွေ၊ စိတ်ကူးယဉ် ဇာတ်လမ်းဆိုပေမဲ့ ၁၀ နှစ်ကျော် ကလေးတစ်ယောက်ရဲ့ မိဘအပေါ် ဆုံးရှုံးမှုတွေ၊ ပူဆွေးရမှုတွေ၊ အကူအညီလိုတတ်ကြတာတွေကို ရှုထောင့်လေးတစ်ခုကနေ ပညာပေးထားတာဆိုရင်လည်း မှားမယ်လို့ မထင်ပါဘူး။

t.me/cartoonmoviesmms/1806

လူတိုင်းရဲ့ ဟီးရိုး (၂၀၁၈)

၂၀၀၆ ခုနှစ်ထွက် Animation ကားကောင်းလေးတစ်ပုဒ်ကတော့ ရန်းကီအာဗင် ဆိုတဲ့ကောင်လေးအကြောင်းကို အခြေခံထားပါတယ်။ ရန်းကီ ဟာ ဘေ့ဘောရိုက်ခြင်းကို ဝါသနာပါပေမယ့် ကျွမ်းကျင်မှုမရှိသည့်အတွက် သူ့သူငယ်ချင်းတွေက သူ့ကိုပါဝင်စေချင်မှုမရှိ၊ အမြဲအဖယ်ကျဉ်ခံရပါတယ်။ ရန်းကီ ရဲ့ဖခင်ကအားကစားရုံမှာ လုံခြုံရေးအလုပ်လုပ်သူဖြစ်ပြီး တစ်ရက် ရန်းကီ သူ့ဖခင်အလုပ်ဆီသွားစဉ် အဲဒီအားကစားရုံထဲမှာထားထားတဲ့ နိုင်ငံကျော် ဘေ့ဘောသမားဘေးရဲ့ ဘေ့ဘောရိုက်တံ ပျောက်ဆုံးသွားခဲ့ပြီး သူ့ဖခင်အလုပ်လည်း ပြုတ်သွားခဲ့ပါတယ်။ အဲဒီအခါ ရန်းကီ က လုံခြုံရေးတစ်ယောက်ကိုမြင်ခဲ့ပြီး နောက်လိုက်ကာ ထိုရိုက်တံကို ပြန်လည်ခိုးယူ၍ ပိုင်ရှင်အစစ်အမှန်ဆီ ပြန်လည်ပို့ဆောင်ပေးခဲ့တာတွေကို ရင်သပ်ရှုမောဖွယ်ခံစားရပါလိမ့်မယ်။

t.me/cartoonmoviesmms/1811

ပင်လယ် ၇ စင်း အုပ်စိုးသူ (၂၀၀၃)

အိမ်ရှေ့မင်းသား ပရိုတိယပ်စ် နဲ့ ဆင်းရဲသား စင်ဘတ် ဟာ ကလေးလေးနှစ်ယောက်ဖြစ်ပြီး သူငယ်ချင်းအဖြစ် နီးကပ်ကြသည်။ ဘဝအခြေအနေကြောင့် အဆင့်အတန်းမတူပေမယ့် ညီအစ်ကိုလို ချစ်ကြပြီး အတူတူစားသောက်နေကြသည်။ တစ်နေ့မှာ စင်ဘတ် က ပရိုတိယပ်စ် ကို ခွဲခွာသွားရပြီး ခွဲခွာရတဲ့အကြောင်းရင်းက အိမ်ရှေ့မင်းသားတို့ဆီ ရောက်လာတဲ့ လှေကြီးပေါ်မှာ ဖြစ်ပေါ်လာတာပါ။ တစ်နေ့ ပရိုတိယပ်စ် ဦးဆောင်ပြီး စောင့်ရှောက်နေစဉ် ပေါတ္ထကသာမ ဆိုတဲ့ စာအုပ်ပါတဲ့ လှေပေါ်မှာ ဓားပြအတိုက်ခံရပြီး ပြန်လည်ခုခံသွားရင်း သိလိုက်ရတာက သူတို့လှေပေါ်ကို ဓားပြတိုက်ခဲ့သူက သူငယ်ငယ်က ချစ်ရတဲ့ သူငယ်ချင်း စင်ဘတ် ဖြစ်နေတယ်ဆိုတာ ဖြစ်ပါတယ်။

t.me/cartoonmoviesmms/1821