(၁၈+) လူကြီးကာတွန်း (၂၀၂၄)

ဇာတ်လမ်းက နှစ်ပိုင်းပါ။ တစ်ပိုင်းက ဆယ်ကျော်သက် ယင်းစ် နဲ့ လီစာ တို့ရဲ့ ပထမဆုံး လိင်ဆက်ဆံမှုအကြောင်းဖြစ်ပြီး နောက်တစ်ပိုင်းက ယင်းစ် ရဲ့ သုက်ကောင် ဆီမန် နဲ့ သူ့သူငယ်ချင်းတွေ ဥဆီ ရောက်ဖို့ စွန့်စားခန်းကို ပြထားတယ်။ ဒီရုပ်ရှင်က ရိုင်းစိုင်းတဲ့ ဟာသတွေနဲ့ ပြည့်နှက်နေပြီး သုက်ကောင်တွေ သီချင်းဆိုတာ၊ အန်စတွန်း လှုပ်ရှားမှုတွေနဲ့ ရယ်စရာတွေ ထည့်ထားတယ်။ ဒါပေမယ့် ရိုမန်တစ်ဆန်တဲ့ အချစ်ဇာတ်လမ်းလေးနဲ့ လိင်အကြောင်း ပွင့်ပွင့်လင်းလင်း ဆွေးနွေးထားတာလည်း ပါတယ်။ ရုပ်ရှင်က ၁ နာရီ ၂၀ မိနစ်ကြာ၊ နော်ဝေဘာသာနဲ့ ရိုက်ထားပြီး ဖေဖော်ဝါရီ ၂၈၊ ၂၀၂၅ မှာ နော်ဝေမှာ ရုံတင်ခဲ့တယ်။ ဝေဖန်သူတွေက ရိုင်းစိုင်းတဲ့ ဟာသတွေကို ကြိုက်တဲ့သူတွေအတွက် ရယ်စရာကောင်းပေမယ့် အချို့ ပြောင်နှောင်တာတွေက ထပ်ခါတလဲလဲ ဖြစ်နေတယ်လို့ ဆိုကြတယ်။ အရွယ်ရောက်သူတွေအတွက် ပေါ့ပေါ့ပါးပါး ရယ်မောချင်ရင် ဒီကားက ကြည့်ရတာ သင့်တော်ပါတယ်ဗျ။

t.me/cartoonmoviesmms/586

မှင်စာမုဆိုးများ (၂၀၂၁)

စကြဝဠာကြီးထဲမှာ လူသား၊ တိရိစ္ဆာန်၊ မှင်စာ၊ ဂြိုလ်သား စတဲ့ သက်ရှိတွေအားလုံး ညီညွှတ်မျှတစွာ နေထိုင်နိုင်ဖို့ ကမ္ဘာမြေ ဆိုတဲ့ လှပတဲ့နေရာလေးကိုလည်း ဖန်ဆင်းခဲ့ကြတယ်။ ဒါပေမယ့် လူသားတွေကတော့ ကမ္ဘာမြေ ရဲ့အလှကို မစောင့်ရှောက်ဘဲ ဖျက်စီးကြတယ်ဗျာ။ လူသားအချင်းချင်း စစ်ပွဲတွေခင်း၊ အာဏာတွေပြကြရုံမက မှင်စာလေးတွေကိုပါ ထိခိုက်လာခဲ့တော့ မှင်စာလေးတွေဟာလည်း ကမ္ဘာမြေ ကြီးရဲ့အောက်ခြေမှာပဲ ပုန်းလျှိုးကွယ်လျှိုးနဲ့ နေထိုင်ကြရတာပေါ့။ ဒါတင်မက လူသားတွေဟာ အကောင်လေးတွေကို နှိပ်စက်၊ အပင်တွေခုတ်နဲ့ ကြာတော့ ကမ္ဘာကြီး လည်း တဖြည်းဖြည်း ပျက်စီးလာခဲ့တယ်။ ဒါကို သည်းမခံနိုင်တော့တဲ့ စုန်းမကြီးတွေဟာ ကြီးမားလှတဲ့ တိုက်တန်ကြီး တွေကိုဆင့်ခေါ်ပြီး ကမ္ဘာမြေ ကို ဖျက်စီးကာ အသစ်တဖန် ပြန်စဖို့ စီစဉ်ပါတော့တယ်။ ဒါကို သိရှိသွားကြတဲ့သူရဲကောင်း တစ်စုဟာ ဖန်ဆင်းရှင် စုန်းမကြီး တွေကို လိုက်လံတားဆီးကြတော့တာပေါ့။ အပြောသာလွယ်ပေမယ့် ဖန်ဆင်းခံ လူသားတွေက ဖန်ဆင်းရှင်ကို ခံချဖို့ဆိုတာ ကြားရုံနဲ့ မဖြစ်နိုင်တဲ့ကိစ္စပါ။ ဒီလို မဖြစ်နိုင်တဲ့ကိစ္စကို သူငယ်ချင်း တွေ ဘယ်လို ပူးပေါင်းပြီး ဘယ်လို တိုက်ခိုက်ကြမလဲဆိုတာ။

t.me/cartoonmoviesmms/588

ဒိုရေမွန် - တိုဘိတ၏ ကြယ်တာရာစစ်ပွဲ (၂၀၂၂)

နိုဘိတတို့ သူငယ်ချင်းတစ်သိုက် ရှုတင်ရိုက်‌ေနရင်းကနေ နိုဘိတတစ်ယောက် ဒုံးပျံယာဉ်အသေးစားလေးတစ်စင်း ကောက်ရလိုက်ပါတယ်။ အဲ့ထဲက‌နေ ပါပီလို့ခေါ်တဲ့ ဂြိုဟ်သားသေးသေးလေဏ္ဌထွက်လာသတဲ့။ သူ့ယာဉ်က ပျက်စီးသွားတာမို့ နိုဘိတနဲ့ ဒိုရေမွန်တို့က ကူပြင်ပေးနေချိန် ပီရှားလို့ခေါ်တဲ့ တိုက်သင်္ဘောကြီးရောက်လာပြီးတိုက်ခိုက်တော့တာပါပဲ။ စပွိုင်းလွတ်အောင်ဇာတ်ကွက်လေးတွေကျော်ပြီး အကြမ်းဖျင်းညွှန်းရမယ် ဆိုရင်ဖြင့် နိုဘိတတို့ သူငယ်ချင်းတစ်သိုက် တခြားဂြိုဟ်မှာ စွန့်စားခန်းဖွင့်တာတွေကို ကြည့်ရှုရမှာဖြစ်ပါတယ်။ ကြည့်ရင်းကြည့်ရင်းနဲ့ စိတ်ထဲအားမလို အားမရဖြစ်လာမှုတွေလည်းကြုံရမှာမို့ ဘယ်လိုမြင်တွေ့ရမလဲဆိုတာကိုတော့ ကိုယ်တိုင်ပဲ ကြည့်လိုက်ကြပါတော့။

t.me/cartoonmoviesmms/590

ခရစ္စမတ်အတွက် ခွေးတစ်ကောင်လိုချင်တယ် (၂၀၂၃)

ရီရန်းလ် ဆိုတဲ့ ကောင်လေးဟာ တစ်နေ့တစ်နေ့သူ့အမေ စက်ဘီးနောက်ကနေ ရင်တမမနဲ့ လိုက်စီးနေရတာတွေ၊ သူငယ်ချင်းဖြစ်သူတွေက သူ့ရဲ့ဘုဂလန့်အစ်မဖြစ်သူ လူစီ နဲ့ စောင်တကားကားနဲ့ အလုပ်ရှုပ်နေတတ်တဲ့ အစ်ကိုဖြစ်သူ လိုင်းနပ်စ် တို့အကြောင်းတွေ လိုက်မေးတာပဲ ခံနေရတာကနေ စိတ်ညစ်ငြီးငွေ့နေရတာပေါ့။ အဲဒီမှာ ချာလီဘရောင်း နဲ့ သူ့ခွေးလေး စနူပီ တို့ကို မြင်တော့အားကျမိပြီး သူနဲ့အတူတူ ဆော့ပေးနိုင်မယ့် ခွေးလေးတစ်ကောင် လိုချင်လာပါတယ်။ ဒီတော့ မကြာခင် ကျရောက်တော့မယ့် ခရစ်စမတ်ပွဲတော်မှာ ဆန်တာကလော့စ် ဘိုးဘိုးကြီးကို စာရေးပြီးပူဆာဖို့ ကြံမိတယ်ပေါ့။ ပြဿနာက သူ့အမေကလည်း “ခွေးတွေဆိုတာက ဒုက္ခများလွန်းတယ်” ဆိုပြီး ခွေးမွေးခွင့်ကို ဘယ်လိုမှ မပြုသလို အစ်မ လူစီ ကလည်း “ဆန်တာကလော့စ် ဆိုတာ မိဘဖြစ်သူတွေ သဘောမတူတဲ့အရာကို လာပေးမှာမဟုတ်ဘူး” ဆိုပြီး ပြောတော့ ရီရန်းလ် လေးမှာ စိတ်ညစ်ပြန်ရတာပေါ့။ အဲဒါအပြင် ချာလီဘရောင်း ဆီ ခဏခဏ သွားသွားပြီး စနူပီ နဲ့ ဆော့ဖို့ ခေါ်တာက များများနေတော့ သူ့ကို ရှောင်ချင်နေကြပြန်သေးတယ်။ ဒီတော့ ရီရန်းလ် တစ်ယောက် ခွေးလေးရသွားမလား၊ ဘယ်လို ဆက်ဖြစ်မယ်ဆိုတာကို ပျော်ပျော်ပါးပါးလေး ကြည့်ရင်း အဖြေရှာကြည့်ကြည့်လိုက်ပါဦး။

t.me/cartoonmoviesmms/592

စုံထောက်ကိုနန် (၂၀၁၉)

တစ်နေ့သ၌ ကျွန်ုပ်၏အိမ်တွင် နိစ္စဓူဝအလုပ်ဖြစ်သော တီထွင်ဖန်တီးကလိသောအလုပ်ကိုလုပ်နေခိုက် မောင်နန် နှင့် မိယွန်း တို့ ရောက်လာကြလေသည်။ မောင်နန် ၏ အမူအရာသည် တစ်စုံတစ်ခုကို အလိုရှိနေသောအမူအရာဖြစ်နေ၍ ကျွန်ုပ်လည်း အဘယ်သို့သောအကြောင်းကြောင့်စိတ်နှလုံးအိမ်၌ လိုချင်တပ်မက်မှု အာရုံထင်‌ေနပေသနည်းဟု မေးမိလေရာ မောင်နန် လေးကသူ၏ချစ်သူ မိလွမ်း သည် စင်္ကာပူသို့ အလည်ခရီးသွားသဖြင့် နောက်ကလိုက်ချင်နေကြောင်း၊ စင်္ကာပူသို့ ဝင်ရန် လိုအပ်သော စာရွက်စာတမ်း အင်ထုရန်အလို့ငှာ ကျွန်ုပ်၏ အကူအညီကိုလိုအပ်နေကြောင်း ပြောပြ အကူအညီ တောင်းခံလေ၏။ ကျွန်ုပ်လည်း တတ်သည့်ပညာအလကားမရဆိုသည့် နှလုံးကို မူလျက် မောင်နန် ဆီက ဖွတ်ကလိဒင်္ဂါးပြားတောင် မရနိုင်သည်ကို သိ၍ မကူညီနိုင်ကြောင်း ယဉ်ယဉ်ကျေးကျေးအော်ငေါက်ဆဲဆို၍ ပြောလိုက်ရာ မောင်နန် လေးသည် အင်မတန် အိန္ဒြေကြီးသောအမူအရာဖြင့် နှုတ်ခမ်းစူခြေဆောင့်ကာ ထွက်သွားလေသည်။ ဤသို့ဖြင့် မောင်နန် လေးသည် ကျွန်ုပ်အပေါ်သဘောထားကြီးစွာဖြင့် စိတ်ကောက်နေပြီး အိမ်သို့ပေါ်မလာပဲ နေရာ သီတင်းအပတ်နှစ်ပတ်ခန့်ကြာမှ ဘလက်ဘိုင်လိုက်ပြီး ပြန်ပေါ်လာ၏။ အဘယ်ကြောင့် ဤသို့ ဘလက်ဘိုင်လိုက်နေရသနည်း။

t.me/cartoonmoviesmms/594

ပွန်မ်ပို - ရုပ်ရှင်ချစ်သူလေး (၂၀၂၁)

ပွန်မ်ပို ဆိုတဲ့ကောင်မလေးက ညလိဝုဒ်မှာ ဇာတ်ကားအသေးလေးတွေနဲ့ အရမ်းနာမည်ကြီးတဲ့ ရုပ်ရှင်ထုတ်လုပ်သူတစ်ယောက်ပေါ့။ သူက ရုပ်ရှင်ကြည့်ရတာအရမ်းကြိုက်တဲ့အတွက် တစ်နေ့မှာ သူ့ရဲ့လက်ထောက်ဖြစ်သူ ဂျင်းဖီနီ ကို သူရုပ်ရှင်ဘယ်လောက်ကြိုက်ကြောင်းတွေ ပြောပြပြီး သူကိုယ်တိုင်ရေးထားတဲ့ဇာတ်ညွှန်းတစ်ခုကို ဇာတ်ကားအဖြစ်ရိုက်ဖို့အတွက် ဂျင်း ကို ဒါရိုက်တာလုပ်ခိုင်းဖို့ တာဝန်ပေးလိုက်တယ်။ ဂျင်း ကလည်း ငယ်ငယ်ကတည်းက ရုပ်ရှင်ဖန်တီးချင်တဲ့အိပ်မက်ရှိပေမယ့် အခုမှ စရိုက်ရမှာဆိုတော့ သူ့ရဲ့အခက်အခဲတွေက ဘာတွေဖြစ်မလဲ။ ဘယ်လိုတွေကျော်လွှားမလဲဆိုတာ ကြည်ကြည်နူးနူးနဲ့ ကြည့်ရမယ့် အန်နမီ လေးပဲဖြစ်ပါတယ်ဗျ။

t.me/cartoonmoviesmms/532

‌မင်းသမီးလေးနော်စီကာ (၁၉၈၄)

IMDb - 8/10
Genre - Fantasy, Sci-fi

နောင်လာမယ့် နှစ်ပေါင်းများစွာအကြာမှာ ကမ္ဘာကြီးဟာ စစ်ပွဲတွေနဲ့ လေထု၊ ရေထု ညစ်ညမ်းမှုတွေကြောင့် လူသားမျိုးနွယ်အားလုံး မျိုးသုဉ်းလုနီးပါး ဖြစ်ခဲ့တယ်။ ကျန်ရစ်တဲ့ လူသားတွေကလည်း သယံဇာတအရင်းအမြစ်တွေ အတွက် စစ်မက်တွေ ဆက်လက်ဖြစ်ပွားခဲ့တယ်။ အဲ့ဒီအထဲမှာမှ နော်စီကာ မင်းသမီးလေး အုပ်ချုပ်တဲ့ လေညင်းတောင်ကြားမှာရှိတဲ့ တိုင်းပြည်လေးကတော့ အဆိပ်သင့်တောအုပ်ရဲ့ အနီးဆုံးမှာရှိပေမယ့် အေးချမ်းတဲ့ တိုင်းပြည်တစ်ခု ဖြစ်တယ်။ တစ်နေ့မှာတော့ အင်အားကြီး တိုင်းပြည်နှစ်ခုရဲ့ စစ်ပွဲကြား လေညင်းတောင်ကြားတိုင်းပြည်လေး ကြားညပ်လာတဲ့အခါ မင်းသမီးနော်စီကာ တစ်ယောက် သူ့ရဲ့တိုင်းပြည်ကို ကယ်တင်နိုင်ပါ့မလားဆိုတာကို ကြည့်ရှုရမှာဖြစ်ပါတယ်။

t.me/cartoonmoviesmms/598

ကြောင်ကလေးရဲ့ အိမ်အပြန် (၂၀၀၂)

တစ်နေ့မှာ ဟရု ဆိုတဲ့ အထက်တန်းကျောင်းသူလေးဟာ ကျောင်းသွားတဲ့လမ်းမှာ လမ်းဖြတ်ကူးနေတဲ့ ကြောင်လေးကို ကားတိုက်ခံရမှာကနေ ကယ်ပေးခဲ့ပါတယ်။ ဒါပေမဲ့ သူကယ်ခဲ့တဲ့ ကြောင်လေးဟာ စကားပြောတတ်တဲ့အပြင် ကြောင်တိုင်းပြည်ရဲ့ အိမ်ရှေ့စံ မင်းသားလေး ဖြစ်နေပါတော့တယ်။ အဲဒီကနေစလို့ ဟရု ရဲ့ နေ့စဉ်ဘဝမှာ ကြောင်တွေနဲ့ပတ်သက်လို့ ထူးဆန်းဆန်းတွေ စဖြစ်လာပြီး နောက်ဆုံးမှာ ကြောင်တိုင်းပြည်ကို ခေါ်ဆောင်သွားခံရဖို့ ဖြစ်လာတဲ့အခါမှာ။ တကယ်လို့ သူမက အဲ့ဒီတိုင်းပြည်ထဲမှာ ထင်ဟပ်နေသွားရင်ဘယ်လိုဖြစ်မလဲ။ ဟရု တစ်ယောက် မိမိဘဝကို ပြန်မသွားနိုင်တော့ဘဲ ကြောင်ဘဝကို ဝင်ရောက်သွားမှာလားဆိုတာကို စိတ်ဝင်တစား ကြည့်ရှုရမှာဖြစ်ပါတယ်။

t.me/cartoonmoviesmms/600

မိခင်မေတ္တာ (၂၀၁၂)

ကောလိပ်တစ်ခုမှာ တက်ရောက်နေတဲ့ ကောင်မလေး ဟနာ နဲ့ သမန်းဝံပုလွေ ကောင်လေး တို့ရဲ့ ရင်သွေးငယ်လေးတွေအကြောင်းပဲဖြစ်ပါတယ်။ ဟနာ ဆိုတဲ့ကောင်မလေးဟာ စာသင်ခန်းထဲမှာ တခြားလူတွေနဲ့ မတူဘဲ တစ်ယောက်တည်း ကွဲထွက်နေတဲ့ ကောင်လေး တစ်ယောက်ကို စိတ်ဝင်စားမိရာက သူငယ်ချင်းတွေဖြစ်သွားပြီး သံယောဇဉ်တွေ ချည်နှောင်ခဲ့ကြပါတယ်။ ကောင်လေး ဟာ ဟနာ ကို လက်ထပ်ခွင့်မတောင်းခင်မှာ သူဟာ ဂျပန်နိုင်ငံမှာ မျိုးသုဉ်းပျောက်ကွယ်သွားပြီဖြစ်တဲ့ သမန်းဝံပုလွေတစ်ကောင် ဖြစ်ကြောင်း ဖွင့်ပြောခဲ့ပါတယ်။ တခြားလူတွေလို ကြောက်လန့်တကြားနဲ့ ထွက်ပြေးသွားလိမ့်မယ်လို့ ထင်ထားပေမယ့် ဟနာ ကတော့ သူ့အချစ်ကို လက်ခံပြီး နှစ်ကိုယ်တူဘဝ တည်ဆောက်ခဲ့ပါတယ်။ ကလေးနှစ်ယောက်ရပြီး မကြာခင်မှာပဲ ကောင်လေး ဟာ အစာရှာထွက်ရင်း သေဆုံးသွားပါတော့တယ်။ ဟနာ ရဲ့တစ်ကိုယ်တော်အမိဘဘဝဟာ ခက်ခဲလွန်းခဲ့ပါတယ်။ ယူကီ နဲ့ အာမေ လို့ခေါ်တဲ့ မောင်နှမနှစ်ယောက်ဟာလည်း ဝံပုလွေ ပုံပြောင်းလိုက် လူပုံပြောင်းလိုက်နဲ့ မတည်ငြိမ်တာကြောင့် လူကြားထဲ မထွက်ရဲဘဲ ပုန်းလျှိုးကွယ်လျှိုး အသက်ရှင်ခဲ့ရပါတယ်။ နောက်ပိုင်းမှာတော့ တခြားကလေးတွေလို ကာကွယ်ဆေးတွေ မထိုးဘဲနဲ့ရှိနေတဲ့အတွက် ဟနာ ကို သက်ဆိုင်ရာဌာနတွေက သက်သေမဲ့စွပ်စွဲမှုတွေနဲ့ စစ်ဆေးဖို့ ကြိုးစားလာခဲ့ကြပါတယ်။ ဒါကြောင့် လူခြေနည်းတဲ့ မြို့ပြင်က တောင်ခြေကို ထွက်ပြေးအခြေချခဲ့ကြပါတယ်။ အိုမင်းဟောင်းနွမ်းနေတဲ့အိမ်ကို ပြန်လည်ပြင်ဆင်ပြီး ကိုယ်တိုင် လယ်ယာစိုက်ပျိုးကာ ကလေးနှစ်ယောက်ကို သဘာဝပတ်ဝန်းကျင်နဲ့ ထိတွေ့ကြီးပြင်းနိုင်ဖို့ ကြိုးစားခဲ့ပါတယ်။ နောက်ပိုင်းမှာတော့ အကြီးမလေး ယူကီ ဟာ တခြားကလေးတွေလို ကျောင်းတက်ဖို့ မနာလိုပူဆာလာခဲ့ပေမယ့် အရာရာကို ကြောက်ရွံ့တတ်တဲ့ မောင်ငယ်လေး အာမေ ကတော့ ကျောင်းတက်ဖို့ကို ငြင်းဆန်ခဲ့ပြီး တောထဲမှာပဲ အချိန်ကုန်ခဲ့ပါတယ်။ ယူကီ ဟာ ကျောင်းတက်ရင်း တခြားမိန်းကလေးတွေဟာ သူမနဲ့မတူဘူးဆိုတာ သဘောပေါက်လာပြီး လူပီသဖို့ ကြိုးစားနေခဲ့ပါတယ်။ အာမေ ကတော့ တောထဲမှာ ကျင်လည်ရင်း သူ့ဆရာဖြစ်လာမယ့်သူကို ရှာတွေ့သွားပါတယ်။ အဲ့ဒီကစပြီး ဟနာ ရဲ့ကလေးနှစ်ယောက်ဟာ ဘဝမျှော်လင့်ချက်အတိုင်း စတင်ကွဲပြားသွားခဲ့ကြပြီး၊ ဟနာ ဖြစ်စေချင်တဲ့အတိုင်း သူတို့နှစ်သက်ရာဘဝ အသီးသီးကို ဘယ်လိုလျှောက်လှမ်းဖို့ ရွေးချယ်ခဲ့ကြလဲဆိုတာကို စိတ်ဝင်စားဖွယ်ကြည့်ရှုရမှာဖြစ်ပါတယ်။

t.me/cartoonmoviesmms/602

နဂါးလေးရဲ့စွန့်စားခန်း (၂၀၁၉)

t.me/cartoonmoviesmms/596

ချစ်စရာမင်းသားလေး (၂၀၁၈)

ပရိတ်သတ်ကြီးအတွက် ဒီတစ်ခေါက်ကတော့ ပေါ့ပေါ့ပါးပါး ကာတွန်း လေးပါ။ ကမ္ဘာပေါ်က လူတိုင်းကတော့ ချောမောလှပမှုကို အနည်းနဲ့အများ မက်မောကြတာပါပဲ။ ဒီကားထဲက မင်းသားလေးကတော့ ကျိန်စာကြောင့် အရမ်းကို ချောမောခန့်ညားပြီး မိန်းကလေးတိုင်းက ကြွေတော့ အချစ်စစ်ဆိုတာကိုတောင် မခံစား နားမလည်နိုင်ဖြစ်နေရတာပါ။ ဒါပေမဲ့ ကျိန်စာက ချောမောဖို့ တစ်ခုထဲမဟုတ်ဘဲ နောက်ကွယ်မှာ ကံဆိုးမှုတွေရှိနေသေးလို့ ဒီကျိန်စာပြယ်အောင် မင်းသားက ဘယ်လိုကြိုးစားမလဲ။ သူ့အတွက် အချစ်စစ်ဆိုတာကို ရှာတွေ့နိုင်မှာလားဆိုတာကတော့ ဒီကားလေးထဲမှာ ကြည့်လိုက်ရအောင်။

t.me/cartoonmoviesmms/604