ပန်းနစ် ဆိုသောမြို့ကလေး (၂၀၀၉)

အင်ဒီးယန်း၊ ကောင်းဘွိုင် နဲ့ မောင်မြင်း ဆိုတဲ့ ပလတ်စတစ်ရုပ်ကလေးသုံးရုပ်က ကျေးလက်ဒေသက ရွာလေးတစ်ရွာမှာ အတူနေကြပါတယ်။ တစ်နေ့ မောင်မြင်း ရဲ့ မွေးနေ့မှာ အင်ဒီးယန်း နဲ့ ကောင်းဘွိုင် တို့က မွေးနေ့လက်ဆောင်မဝယ်ရသေးမှန်းသတိရပြီး အများနဲ့မတူတဲ့ လက်ဆောင်တစ်ခုပေးဖို့ ရေးကြီးသုတ်ပျာပြင်ဆင်ကြပါတယ်။ လက်ဆောင်အဖြစ် ဘာဘီကျူးလုပ်တဲ့ အကင်ဖိုတစ်ခုတည်ဆောက်ဖို့ ဆုံးဖြတ်လိုက်ပြီး လိုတဲ့အုတ်ချပ်ရေ ၅၀ ကို အွန်လိုင်းကနေမှာယူလိုက်ပါတယ်။ ဒါပေမဲ့ အမှားအယွင်းဖြစ်ပြီး အုတ်ချပ် ၅၀ အစား သန်း ၅၀ ရောက်လာရာက အစပြုပြီး ပြဿနာတွေတစ်ခုပြီးတစ်ခုတက်ကာ သူငယ်ချင်းသုံးယောက် တလွဲတွေဖြစ်ကြုံရတာတွေကို ကြည့်ရှုရမှာဖြစ်ပါတယ်။

t.me/cartoonmoviesmms/1382

လောင်မြိုက်နေသော မီးတောက်တစ်ခု (၂၀၂၄)

လူငယ်လေး လျိုဟန်စွင့် ဟာ ကျိုဟယ်မြို့ ခရိုင်လုံခြုံရေးစခန်း စခန်းမှူး သွမ့်လင် ရဲ့ မွေးစားသားဖြစ်ပါတယ်။ မကောင်းသူပယ် ကောင်းသူကယ်တဲ့သူရဲကောင်းလေးဖြစ်ချင်တဲ့ လျိုဟန်စွင့် ဟာ ရောဂါတစ်မျိုးကြောင့် သွမ့်လင် ရဲ့ ချုပ်နှောင်ခြင်းကို ခံထားရပါတယ်။ လမုန့်စားပွဲညမှာ လွန်ခဲ့တဲ့ ၁၀ နှစ်ကပျောက်ဆုံးသွားကြတဲ့ ပိုင်ထင်တောင် အမှုက စတေးသူများအဖွဲ့မှ ကလေး ၁၀ ယောက်ဟာ စက္ကူရုပ်လေးတွေ အဖြစ်နဲ့ မိဘတွေဆီကို ပြန်လာကြပြီး ဖျော်ဖြေပွဲလာရောက်ဖို့ ဖိတ်ကြားခဲ့ပါတယ်။ လျိုဟန်စွင့်၊ တုစွိုက် နဲ့ စွန်းရှောင်ချို့ တို့ ၃ ယောက်ဟာလည်း ပိုင်ထင်တောင် ကို သွားရောက်စုံစမ်းဖို့ ဆုံးဖြတ်ခဲ့ပါတယ်။ ပိုင်ထင်တောင် မှာ ပုန်းခိုနေတဲ့ မှော်ဂူသောက်မှ နတ်မယ်တော်လေး ရှောင်ပိုင် နဲ့ တွေ့ခဲ့ပြီး အချင်းချင်းတိုက်ခိုက်ခဲ့ပြီးနောက် သူတို့နှစ်ယောက်ရဲ့ အစွမ်းကိုပေါင်းစည်းပြီး စက္ကူရုပ်လေးတွေကို အသက်ဆက်ပေးလို့ရကြောင်း သိရှိသွားခဲ့ပါတယ်။ အဲ့ဒီနောက်မှာတော့ အစွမ်းကို တည်ငြိမ်အောင် လေ့ကျင့်ကြပါတော့တယ်။ သူတို့အစွမ်းတွေပေါင်းစည်းလိုက်ခြင်းက ကောင်းကျိုးလား ဆိုးကျိုးဖြစ်မလား။ လွန်ခဲ့တဲ့ ၁၀ နှစ်က အမှုကို ကြိုးကိုင်သူက ဘယ်သူဖြစ်မလဲ။

t.me/cartoonmoviesmms/1384

စတီဗင် ယူနီဗာ့စ် (၂၀၁၉)

ဒီကားကတော့ ဂျက် တွေကို အသက်ရှိတဲ့ပုံစံအနေနဲ့ ရိုက်ကူးထားတဲ့ ကားကောင်းတစ်ကားပါ။ လူသားတစ်ဝက် ဂျက် တစ်ဝက်ဖြစ်တဲ့ စတီဗင် က စင်္ကြဝဠာတစ်လျှောက် ငြိမ်းချမ်းမှု ဖော်ဆောင်ပြီး သူငယ်ချင်းတွေနဲ့အတူပျော်စရာ ဇာတ်သိမ်းခန်းလေး ကျင်းပနေခဲ့တာပေါ့။ ဒီအချိန်မှာပဲ ဂျက် တစ်ယောက် ရောက်လာပြီး သူနဲ့ သူ့သူငယ်ချင်းတွေကို တိုက်ခိုက်တဲ့အခါ မျှော်လင့်မထားတာတွေ ဖြစ်လာပါတော့တယ်။ ကြာမြင့်ချိန်ကလည်း မပြောပလောက်တဲ့အပြင် ဇာတ်လမ်းလေးကလည်း ကောင်း Musical Type လည်း ဖြစ်တာကြောင့် အတော်လေး ကြည့်ကောင်းတဲ့ ဇာတ်ကားတစ်ကားပါ။

t.me/cartoonmoviesmms/1386

အယ်လာ ဘယ်လာ ဘင်ဂို (၂၀၂၀)

ကလေးဘဝတုန်းက ကျွန်မတို့တွေ သူငယ်ချင်းတွေကို အရမ်းခင်တဲ့အကြောင်းတွေ ဝန်မခံခဲ့မိကြပေမဲ့ တစ်ယောက်ယောက်ကများ သူငယ်ချင်းအဖြစ်နဲ့ ဝင်လာခဲ့ရင် ကိုယ့်ထက်ပိုခင်သွားမှာကိုတော့ တိတ်တဆိတ်စိုးရိမ်ခဲ့ကြတာမလား။ ဒီကားလေးထဲမှာ အယ်လာ နဲ့ ဟန်ရီ တို့ သိပ်ခင်ကြတဲ့ သူငယ်ချင်းတွေပေါ့။ သိပ်ခင်တဲ့ သူတို့အကြားကို တခြားမြို့က ပြောင်းလာတဲ့ သူဌေးသားလူပေါ်ကြော့ ဂျော်နီ တစ်ယောက် ရောက်လာပါတော့တယ်။ ဂျော်နီ ဟာ ပိုက်ဆံချမ်းသာပေမယ့် မိဘတွေက အလုပ်ကြောင့် နေရာခဏခဏ ပြောင်းရတာမို့ သူငယ်ချင်းအတည်အကျ မရှိပါဘူး။ ဟန်ရီ ကိုတွေ့ပြီးတော့ သဘောကျသွားပြီ သူနဲ့သူငယ်ချင်းလုပ်ဖို့ မျိုးစုံကြိုးပမ်းပါတော့တယ်။ တစ်ဖက်မှာလည်း သူ့ရဲ့သူငယ်ချင်းကို သူများဆီ အပါမခံနိုင်တဲ့ အယ်လာ နဲ့ ဟန်ရီ ကို သူ့သူငယ်ချင်းဖြစ်စေချင်တဲ့ ဂျော်နီ တို့ ရန်ဖြစ်စကားများပြီး ပြဿနာတွေ ဆက်တိုက်ဖြစ်ပါတော့တယ်။ ဒီကားလေးက တကယ့်ကို ချစ်စဖွယ်ပါ။ သူငယ်ချင်းတွေအကြား ချစ်ခြင်းမေတ္တာကို ပြထားသလို ပြဿနာတွေ ကြုံရင်လည်း ဘယ်လို ဖြေရှင်းရတယ် ဆိုတာကို ပေါ့ပေါ့ပါးပါးနဲ့ ဟာသလေးတွေပေါင်းစပ်ထည့်ရင်း ပြထားပါတယ်။ အဆုံးထိ ကြည့်ချင်သွားအောင် ချစ်စဖွယ် ဇာတ်ရုပ်လေးတွေ ပါဝင်တာမို့။

t.me/cartoonmoviesmms/1388

လဲဂို စကူဘီဒူး - ဟောလီးဝုဒ်စွန့်စားခန်း (၂၀၁၆)

စကူဘီဒူး နဲ့ ရှက်ဂီ တို့ နှစ်ယောက်ဟမ်ဘာဂါစားပြိုင်ပွဲမှာ အနိုင်ရသွားပြီး ဟောလီးဝုဒ်က နာမည်ကြီး Horror ကားတွေရိုက်တဲ့ စတူဒီယိုကြီးတစ်ခုကို စရိတ်ငြိမ်း လည်ပတ်ခွင့်ဆု ရသွားတာကြောင့် အဖွဲ့လိုက်သွားလည်ရင်း အဲဒီ စတူဒီယိုကြီးမှာ ခြောက်လှန့်နေတဲ့ မကောင်းဆိုးဝါးပေါင်းစုံနဲ့ ရင်ဆိုင်တွေ့ရပါတော့တယ်။ သူတို့ သွားလည်တဲ့ စတူဒီယိုက အရှုံးပေါ်ပြီး ဒေဝါလီခံရတော့မှာ ဖြစ်သလိုအကြွေးဆပ်ဖို့ နောက်ဆုံးမျှော်လင့်ချက်ဖြစ်တဲ့ ရိုက်လက်စ ဇာတ်ကားကလည်း သရဲတွေရဲ့ နှောင့်ယှက်မှုနဲ့ ကြုံနေရလို့ မစ်စတရီ အင့်ခ် အဖွဲ့သားတွေ ဖြေရှင်းမှ ရမယ့် အခြေအနေ ဖြစ်လာပါတော့တယ်။

t.me/cartoonmoviesmms/1390

လာဗာ - ကျွန်း (၂၀၂၀)

လာဗာ လို့ဆိုလိုက်တာနဲ့ ကျွန်တော်တို့ ၂၀၁၁ လောက်က ထွက်တဲ့ အနီရောင်နဲ့အဝါရောင် ပိုးကောင်လေးနှစ်ကောင်ကို မြင်မိကြမှာပါ။ ထမ်နဲ့ဂျယ်ရီ ပြီးရင် အရီရဆုံး အနီမေးရှင်းကာတွန်းလို့ ပြောရင် မမှားပါဘူး။ ကျွန်တော်တို့ စမြင်ခဲ့တဲ့ လာဗာ နှစ်ကောင်ဟာ မြို့ပြရဲ့ ရေဆိုးမြောင်းအောက်လို နေရာလေးကနေ စရင်းနှီးခဲ့ပါတယ်။ နောက်ပိုင်း Season တွေမှာတော့ ကျွန်းလေးတစ်ကျွန်းပေါ်မှာ လူတစ်ယောက်နဲ့ အတူပါလာတာ တွေ့မိပါတယ်။ အခု လာဗာအိုင်လန် ဟာ လာဗာ Season Timeline တွေကို ရှေ့သွားနောက်လိုက် ညီအောင် ချုပ်ပေးထားတာပါ။ ဒီ Movie လေး ကြည့်ရင် နောက်ထွက်တဲ့ series အပိုင်းတွေပါ ကာမိမယ်ထင်ပါတယ်။ အခု Movie ရဲ့ Plot ကတော့ ချက်ခ် လို့ခေါ်တဲ့ ကောင်လေးတစ်ယောက်ဟာ အပျော်စီးသင်္ဘော ပျက်ရာကနေ အသွားအပြန် ခြေငါးလှမ်းစာလောက်ရှိတဲ့ ကျွန်းပိစိလေးပေါ်မှာ သောင်လာတင်ပါတော့တယ်။ အဲ့မှာ လာဗာ နှစ်ကောင်နဲ့ စတွေ့မိတာပဲ။ ချက်ခ် တစ်ယောက် ဘယ်လို အဲ့ကျွန်းက လွတ်လာမလဲဆိုတာ ဟာသလေးတွေနှောပြီး ကြည့်ရမှာပါ။

t.me/cartoonmoviesmms/1392

မစ်ချဲမိသားစု (၂၀၂၁)

IMDB - 7.6/10
Genre - Family/ Comedy

Animation အလန်းစား တစ်ကား ရပါပြီ။ ရယ်လည်း ရရယ်တယ်၊ ကြည့်လို့လည်း ကောင်းတယ်၊ သီချင်းတွေလည်း ကောင်းတယ်။ ဇာတ်လမ်းကတော့ မစ်ချဲ မိသားစုဆိုတာ အူကြောင်ကြောင် မိသားစုတစ်ခုရှိတယ်။ အဖေက ဘာနည်းပညာမှ စိတ်မဝင်စားတဲ့ သဘာဝသမား၊ သမီးက ရုပ်ရှင်ဝါသနာအိုး၊ ဒါရိုက်တာရူး၊ သားက ဒိုင်နိုဆော ဝါသနာအိုး စသည်ဖြင့် တစ်ယောက်တစ်ပေါက်တွေပေါ့။ ဒါပေမယ့် တစ်နေ့မှာတော့ တစ်ကမ္ဘာလုံးက စက်ရုပ်တွေက အကြောင်းတစ်ခုကြောင့် ပုန်ကန်ပြီး လူသားတွေအားလုံးကို ဖမ်းဆီးလိုက်ပါတယ်။ အဲ့ဒီမှာ ကပ်ခါသီခါ လွတ်ပြီး ကျန်ခဲ့တဲ့ မိသားစုဟာ အလွဲခွဲအချော်ချော်တွေလုပ်ပြီး ကမ္ဘာကြီးကို ကယ်တင်ဖို့ ကြိုးစားရတာကို တွေ့မြင်ရမှာပါ။

t.me/cartoonmoviesmms/1394

မီးခိုးတွေနဲ့မြို့ကလေး (၂၀၂၀)

မီးခိုးခေါင်းတိုင်မြို့ ဆိုတဲ့ မီးခိုးတွေနဲ့ အမြဲပိတ်နေပြီး အပြင်လောကကြီးနဲ့ လုံးဝ အဆက်အသွယ်ပြတ်နေတဲ့ မြို့လေးမှာ လုဘိချိ ဆိုတဲ့ ကောင်လေးနဲ့ အမှိုက်လူသား ဖြစ်တဲ့ ပိုပဲ့လု တို့ရဲ့ စွန့်စားခန်းကို ငိုလိုက်၊ ရယ်လိုက်နဲ့ ရသစုံလင်စွာကြည့်ရမှာ ဖြစ်ပါတယ်။ လုဘိချိ ရဲ့ အဖေဖြစ်သူ ဘရူနို က ကောင်းကင်မှာ ကြယ်တွေရှိကြောင်း လူတွေကြားထဲမှာ ပြောလေ့ရှိတယ်။ အဲ့မြို့က လူတွေကတော့ “ဟာ ဒီကောင် ငပေါကြီး” ဆိုပြီး သူပြောတာကို မယုံကြဘူး။ မြို့တစ်ခုလုံးကမီးခိုးခေါင်းတိုင်တွေအနေနဲ့ ထွက်တဲ့ မီးခိုးတွေနဲ့ပိတ်နေတာကိုး။ ဒါပေမဲ့ သူ့သားကတော့ ကြယ်တွေကို အရမ်းကြည့်ဖူးချင်နေတာ။ အဲ့တာနဲ့ တစ်နှစ်လောက်ကြာသွားပြီး ဟောလိုဝင်းနေ့မှာ တစ်ကိုယ်လုံးအမှိုက်တွေနဲ့ ဖွဲ့စည်းထားတဲ့ အမှိုက်လူသားတစ်ယောက် မြို့ထဲကို ရောက်လာခဲ့တယ်။ အဲ့နေ့ကလည်း ဟောလိုဝင်းဆိုတော့ အားလုံးက သူ့ကို လူလို့ပဲ ထင်ပြီး ဝတ်စုံဘယ်လောက်မိုက်ကြောင်းချီးကျူးကြတာပေါ့။ နောက်မှ လူမဟုတ်မှန်း သိသွားကြတော့ သက်ဆိုင်ရာတွေက လိုက်ဖမ်းလို့ ထွက်ပြေးရင်း လုဘိချိ နဲ့တွေ့ပြီး သူတို့ရဲ့ စွန့်စားခန်းလေး စတင်လာခဲ့ပါတယ်။

t.me/cartoonmoviesmms/1399

ကျောက်ခေတ်မိသားစု (၂၀၁၃)

ဂရုစ် ဆိုတဲ့ ဂူအောင်းလူသားကြီးဟာ သူ့မိသားစု ၆ ယောက်ကို ဘေးရန်တွေကကာကွယ်ပေးပြီး စောင့်ရှောက်လာတာ နှစ်တွေကြာခဲ့ပြီး သမီးလေး အိဗ် တောင် အရွယ်ရောက်သွားပြီပေါ့။ ဒီအချိန်မှာပဲ ဂိုင်း ဆိုတဲ့ ကျောက်ခေတ်လူသားကောင်လေး တစ်ယောက် ပေါက်ချလာပြီး ကမ္ဘာကြီး ပျက်မယ့် အကြောင်းတွေကို ပြောပြပြီး မီးကို စတင် ဖန်တီးပြတော့တာပဲ။ ဂိုင်း က သူတို့နဲ့ မတူတဲ့ အချက်ရှိတယ်၊သူက မကြောက်တက်သလို တီထွင်ဖန်တီးတတ်ပါတယ်။ ဂရုစ် တို့ အုပ်စုကြတစ်ခုခုဆို ဂူထဲပဲ ပြေးအောင်းတက်ကြပြီး ဒီမှာပဲ ဂရုစ် သဘောမကျပေမဲ့ သူ့မိသားစုက ဂိုင်း ရဲ့ လမ်းပြမှုနဲ့ ကမ္ဘာပျက်ဘေးက လွတ်မယ့်နေရာကို စတင် ထွက်ကြတော့တာပဲ။

t.me/cartoonmoviesmms/1401

ကျောက်ခေတ်မိသားစု - ခေတ်သစ်ရောက်ပြီ (၂၀၂၀)

ဂိုင်း ဆိုတဲ့ ကြွက်လေးတစ်ယောက်ဟာ မိဘတွေကွယ်လွန်ခါနီးမှာ ချန်ထားခဲ့တဲ့ “မနက်ဖြန်” ဆိုတဲ့ နေရာလေးကို ရှာဖွေရင်း တစ်နေ့မှာ ဂူတွေထဲ နေထိုင်ကျက်စားကြတဲ့ ခရုစ် မိသားစုနဲ့ တွေ့ပြီး ရင်းနှီးသွားပြီး ခရုစ် မိသားစုရဲ့ သမီးပျိုလေး အီ နဲ့လည်း ချစ်ကျွမ်းဝင်ခဲ့ပါတယ်။ ဒီလိုနဲ့ ခရုစ် မိသားစုဟာလည်း ဒီဂူတွေထက် ပိုကောင်းပြီး အစာရေစာ ပေါများတဲ့ “မနက်ဖြန်” ဆိုတဲ့ နေရာလေးကို ဂိုင်း နဲ့ တူတူ ရှာပုံတော်ထွက်ခဲ့ကြပါတော့တယ်။ ဒီလိုနဲ့ ခရီးဆက်ရင်း နတ်ပြည်လို လှပပြီးအစာရေစာလည်း ပေါများတဲ့ နေရာလေးတစ်ခုကို ရောက်သွားတဲ့အခါမှာ အဲဒီနေရာလေးက ဂိုင်း မိဘတွေရဲ့ အရင်းနှီးဆုံး မိတ်ဆွေတွေဖြစ်တဲ့ ဘတ်တားမန်း မိသားစုရဲ့ အိမ်ကြီး ဖြစ်နေတဲ့အခါမှာ ဘတ်တားမန်း မိသားစုရဲ့ သမီးပျိုလေး ဒေါန် ကလည်း ဂိုင်း ရဲ့ အခင်ဆုံး ငယ်သူငယ်ချင်း ဖြစ်နေတဲ့အခါမှာ မိသားစုနှစ်စုရဲ့ မတူညီတဲ့ ယဉ်ကျေးမှုတွေကနေ ဘယ်လို ပဋိပက္ခလေးတွေ ဖြစ်လာမလဲ၊ တောရိုင်း တိရစ္ဆာန်ရဲ့ အန္တရာယ်တွေကနေရော ဘယ်လို လွတ်မြောက်အောင်ကြံစည်ကြမလဲ ဆိုတာကို ကြည့်ရှုရမှာပါ။

t.me/cartoonmoviesmms/1403

ဒိုရေမွန် - နိုဘီတ နှင့် ဒိုင်နိုဆောစွန့်စားခန်း (၁၉၈၀)

ဒီဇာတ်ကားကတော့ ၂၀၀၆ ခုနှစ်တုန်းက ထွက်ခဲ့တဲ့ ဒိုရာအေမွန်ကားလေးပါ။ နိုဘီတာ တစ်ယောက် သူ့သူငယ်ချင်းတွေကို ဒိုင်နိုဆောတစ်ကောင်ကို သူခေါ်လာပြမယ်လို့ ကတိပေးထားပြီး ဒိုရာအေမွန် ကိုလည်း အကူအညီတောင်းလို့မရတော့သူကိုယ်တိုင်ပဲ ရှာဖို့ဖြစ်လာပါတယ်။ ရှာရင်းနဲ့ ကံကောင်းစွာ ဒိုင်နိုဆောဥတစ်လုံးကိုတွေ့သွားပြီး အဲဒီဥကနေ အကောင်ပေါက်လာတဲ့ ဒိုင်နိုဆောလေးကို နိုဘီတာ က ပီစုခေ လို့ နာမည်ပေးလိုက်ပါတယ်။ နိုဘီတာ နဲ့ ပီစုခေ တို့ သံယောဇဉ်တွယ်လာတာနဲ့အမျှ အဲဒီဒိုင်နိုဆောလေးကို သူတို့နေတဲ့ နေရာမှာ မထားနိုင်တော့ နိုဘီတာ နဲ့ ဒိုရာအေမွန် လွန်ခဲ့တဲ့ နှစ်ပေါင်း တစ်ရာသန်းကျော်အချိန်သို့ သွားပြီး ပီစုခေ ကို ထားခဲ့ကြပါတယ်။ ဒါပေမဲ့ ပီစုခေ ကိုလိုချင်နေတဲ့ ဒိုင်နိုဆောမုဆိုးအဖွဲ့တစ်ဖွဲ့လည်း ပေါ်လာပြီး နိုဘီတာ၊ ဒိုရာအေမွန်၊ ဆုနေအို၊ ဂျိုင်အန် နဲ့ ရှစ်ဇုခါ တို့ပေါင်းပြီး ပီစုခေ ကို အဲဒီ မုဆိုးအဖွဲ့ရဲ့ ရန်ကနေ ကာကွယ်ဖို့ ကြိုးစားကြပါတယ်။ နောက်ဆုံးအခန်းလေးမှာတော့ မျှော်လင့်ချက်ရှိသလို မျက်ရည်ကျမိအောင်တုန်လှုပ်စရာဇာတ်ကွက်လေးတွေနဲ့ တွေ့ရမှာပါ။ နိုဘီတာ တို့ ဘယ်လို စွန့်စားခန်းတွေနဲ့ ကြုံတွေ့ရမလဲဆိုတာ ဇာတ်ကားလေးကို ကြည့်ရှုလိုက်ပါ။

t.me/cartoonmoviesmms/1405

ဒိုရေမွန် - နိုဘီတာ နှင့် ကမ္ဘာကြီးကိုဖန်တီးခြင်းမှတ်တမ်း (၁၉၉၅)

ဇာတ်လမ်းက နိုဘီတာ တို့ နွေကျောင်းပိတ်ရက်ကို ဇာတ်အိမ်တည်ထားတာပါ။ ကျောင်းပိတ်ရက်ဆိုတော့ ကျောင်းက အိမ်စာလေးတွေပေးလိုက်တယ်။ ပတ်ဝန်းကျင်က အရာတစ်ခုကို လေ့လာပြီး မှတ်တမ်းရေးခိုင်းတာပါ။ သိတဲ့အတိုင်းပဲ နိုဘီတာ ဆိုတဲ့ ကောင်က idea လည်း မစဉ်းစားထွက်၊ သူများဆီက Idea ရတော့လည်း ကိုယ်တိုင်လုပ်မတတ်ဆိုတော့ ဒိုရာအေမုန် က ဝင်ကူရတော့တာပေါ့။ ဒိုရာအေမုန် က အနာဂတ်က ပစ္စည်းတွေကို သုံးပြီး ကျနော်တို့ကမ္ဘာနဲ့ တူတဲ့ ကမ္ဘာသစ်တစ်ခုကို ဖန်တီးပေးလိုက်တယ်။ ကမ္ဘာဦးခေတ်ကနေ ယနေ့ခေတ်အထိ သတ္တဝါတွေရဲ့ အကြောင်းကို နိုဘီတာ လေ့လာလို့ ရအောင်ပေါ့။ ကမ္ဘာမှာသတ္တဝါ စဖြစ်ပေါ်ဖို့ဆိုတာ နှစ်ဘီလီယံနဲ့ချီ ကြာပါတယ်။ ဒါပေမဲ့ နိုဘီတာ ဆိုတဲ့ ငနဲက ဒိုင်နိုဆောခေတ်ကို အမြန်ရောက်ချင်တယ်ဆိုတော့ ဒိုရာအေမုန် ရဲ့ ပစ္စည်းအကူအညီတွေ သုံးလိုက်တယ်။ အဲ့ဒီပစ္စည်းကနေ အင်းဆက်တစ်ကောင်ကို သူတို့တောင် မသိလိုက်ဘဲ ထိမိသွားတော့ ဘယ်လို ပြောင်းလဲသွားလဲ၊ ယနေ့ခေတ်ရောက်တော့ ဘယ်လောက်အထိ ပြောင်းလဲသွားလဲ၊ ပြဿနာတွေ ဖြစ်တိုင်း ဒိုရာအေမုန် တို့ ဘယ်လိုလိုက် ဖြေရှင်းကြလဲ ဆိုတာကို စိတ်ဝင်တစား ကြည့်ရှုရမှာပါ။

t.me/cartoonmoviesmms/1407

ခရစ်စမတ်မတိုင်မီ အိမ်မက်ဆိုး (၁၉၉၃)

အားလပ်ရက် ပျော်ပွဲရွှင်ပွဲတွေကို လုပ်ဆောင်ရတဲ့ မြို့အသီးသီးရှိတယ်ပေါ့။ အီစတာမြို့၊ ဟော်လိုဝင်းမြို့၊ ခရစ်စမတ်မြို့ အစရှိသဖြင့်ပေါ့။ ဒီကားရဲ့ ဇာတ်လိုက်ကျော် ဂျက်က ကတော့ ဟော်လိုဝင်းမြို့ရဲ့ ရွှေဖရုံသီးဘုရင်ပေါ့။ ခြောက်လှန့်တဲ့နေရာမှာ အထင်ကရဖြစ်တဲ့ အရိုးခြောက်တစ်ယောက်ဖြစ်ပါတယ်။ အားလုံးကသူ့ကို အမြဲချီးမွမ်းနေပေမယ့် သူကတော့ ဟော်လိုဝင်းမှာ လိုက်ခြောက်လှန့်နေရတာကို စိတ်ကုန်နေပါပြီ။ နောက်တော့ ခရစ်စမတ်မြို့ထဲ ဝင်ရောက်သွားတဲ့အခါမှာဟော်လိုဝင်းဘုရင်ဖြစ်တဲ့ ဂျက်က က ခရစ်စမတ်လုပ်မယ်လို့ ကြံစည်လာပြီး သူ့နည်းသူ့ဟန်နဲ့ ခရစ်စမတ်ပွဲတော်ကို ဆင်နွှဲသွားတဲ့ ဇာတ်လမ်းလေးပါ။ ခံစားကြည့်ရှုလိုက်ပါအုံး။

t.me/cartoonmoviesmms/1409