လမ်းမထက်ဝယ် (၂၀၂၃)

ဒီကာတွန်းရုပ်ရှင်ကို Cap-tain Under-pants နဲ့ Tur-bo တို့ရဲ့ ဒါရိုက်တာ Da-vid So-ren က ရိုက်ထားတာပါ။ အဲဒီနှစ်ကားကို တော်တော်များများလည်း သိကြမှာပါ။ ဒီအန်နီမေးရှင်းက Da-vid So-ren ရဲ့ နောက်ဆုံးထွက် အန်နီမေးရှင်းပါပဲ။အပေါ်ကကားတွေကို ကြည့်ဖူးတဲ့သူဆိုရင် သူ့ကားတွေကောင်းမကောင်း သိကြမှာပါ။ အခုအန်နီမေးရှင်းကတော့ ရှေ့က သူ့ကားတွေအားလုံးထက် ဝေဖန်ရေးသမားတွေ အမြင်မှာ သာလွန်နေပါတယ်။ ထုတ်ထားတာကလည်း ပါရာမောင့်အန်နီမေးရှင်း က ထုတ်ထားတာပါ။ ဇာတ်ကတော့ ရိုမီရို ၊ဂျူးလိယက် ကို ဂဏန်းတွေနဲ့ ခင်းထားသလိုလိုပါပဲ။ ဒါကိုမှ သီချင်းတွေနဲ့ဆိုတော့ West Side Story ကာတွန်း ဂဏန်းဗားရှင်းလိုလိုပေါ့။ အဲဒီနောက် ကာတွန်းဆိုတာ ကလေးတွေကြည့်တာလို့ အကြမ်းဖျဉ်းသတ်မှတ်ထားကြတဲ့အတိုင်း ကလေးတွေအတွက် အခွံထဲကထွက်ပြီး လောကကြီးကို ရင်ဆိုင်ရဲဖို့ ဘာညာ ပညာပေးမက်ဆေ့ာနည်းနည်းထည့်ပြီး ရိုမီရို ၊ဂျူးလိယက် ဇာတ်ကို အသက်သွင်းထားပါတယ်။ ဒီလိုဆိုရမယ့် ကာတွန်းရုပ်ရှင်ပါပဲ။

t.me/cartoonmoviesmms/1234

မုန်တိုင်းနှိမ်နင်းသူများ (၂၀၂၄)

ဇာတ်ကားလေးကတော့ ၂၀၂၄ ခုနှစ်မှာ ထွက်ရှိခဲ့တဲ့ စပိန်စကားပြော ကာတွန်းကောင်းလေးတစ်ခုဖြစ်ပါတယ်။ လာမန်ချာ ဆိုတဲ့ ရွာကလေးမှာ ကီဟိုတီ မိသားစုနဲ့ ပန်ဆာ ဆိုတဲ့ မိသားစုနှစ်စုတို့လည်း နေထိုင်ကြလေတယ်။ အဲဒီမိသားစုနှစ်စုကတော့ အကြောင်းအရင်းအမျိုးမျိုးကြောင့် တစ်ယောက်နဲ့ တစ်ယောက်မတည့်ကြပါဘူး။ ဒါပေမဲ့ အယ်ဖွန်ဆို က ကီဟိုတီ နဲ့ ပွန်ချိုပန်ဆာ ဆိုတဲ့ ကောင်လေးနှစ်ယောက်ကတော့ မိဘတွေမတည့်ကြသည့်တိုင်အောင် အချစ်ဆုံးသူငယ်ချင်းအဖြစ် တစ်ယောက်နဲ့တစ်ယောက်သတ်မှတ်ထားကြပါတယ်။ လာမန်ချာ ရွာလေးဟာ နှစ်ပေါင်းများစွာ ငြိမ်းငြိမ်းချမ်းချမ်းနေထိုင်ခဲ့ကြပေမဲ့ နောက်ပိုင်းခုနှစ်တွေမှာတော့ မုန်တိုင်းကြီးတွေ တစ်လုံးပြီးတစ်လုံးတိုက်ခိုက်တဲ့အတွက် ကျေးရွာနေသူတွေ ပြောင်းရွှေ့ကြဖို့ ဖြစ်လာခဲ့တာပေါ့။ ဒါပေမဲ့လည်း စိတ်ကူးယဥ်ဆန်ပြီး စိတ်ကူးကောင်းတဲ့ အယ်ဖွန်ဆို လေးဟာ မုန်တိုင်းကြီးကို နှိမ်နင်းပြီး ရွာကိုကယ်တင်မယ်ဆိုပြီး ဆုံးဖြတ်ချက်ချကာ သူငယ်ချင်းဖြစ်သူ ပွန်ချို နဲ့ ဗစ်တိုးရီးယား တို့နဲ့အတူ သုံးယောက်သား မုန်တိုင်းကြီးကို နှိမ်နင်းဖို့ ရွာပြင်ကို ခရီးထွက်လာခဲ့ပါတော့တယ်။ သူငယ်ချင်းသုံးယောက် ဘယ်လို အခက်အခဲတွေဖြတ်ကျော်ရမလဲ။ သူတို့ရည်မှန်းချက်ရော အောင်မြင်သွားမလား?

t.me/cartoonmoviesmms/1236

ပွန်မ်ပို - ရုပ်ရှင်ချစ်သူလေး (၂၀၂၁)

ပွန်မ်ပို ဆိုတဲ့ကောင်မလေးက ညလိဝုဒ်မှာ ဇာတ်ကားအသေးလေးတွေနဲ့ အရမ်းနာမည်ကြီးတဲ့ ရုပ်ရှင်ထုတ်လုပ်သူတစ်ယောက်ပေါ့။ သူက ရုပ်ရှင်ကြည့်ရတာအရမ်းကြိုက်တဲ့အတွက် တစ်နေ့မှာ သူ့ရဲ့လက်ထောက်ဖြစ်သူ ဂျင်းဖီနီ ကို သူရုပ်ရှင်ဘယ်လောက်ကြိုက်ကြောင်းတွေ ပြောပြပြီး သူကိုယ်တိုင်ရေးထားတဲ့ဇာတ်ညွှန်းတစ်ခုကို ဇာတ်ကားအဖြစ်ရိုက်ဖို့အတွက် ဂျင်း ကို ဒါရိုက်တာလုပ်ခိုင်းဖို့ တာဝန်ပေးလိုက်တယ်။ ဂျင်း ကလည်း ငယ်ငယ်ကတည်းက ရုပ်ရှင်ဖန်တီးချင်တဲ့အိပ်မက်ရှိပေမယ့် အခုမှ စရိုက်ရမှာဆိုတော့ သူ့ရဲ့အခက်အခဲတွေက ဘာတွေဖြစ်မလဲ။ ဘယ်လိုတွေကျော်လွှားမလဲဆိုတာ ကြည်ကြည်နူးနူးနဲ့ ကြည့်ရမယ့် အန်နမီ လေးပဲဖြစ်ပါတယ်ဗျ။

t.me/cartoonmoviesmms/532

စုံထောက်ကိုနန် (၂၀၁၉)

တစ်နေ့သ၌ ကျွန်ုပ်၏အိမ်တွင် နိစ္စဓူဝအလုပ်ဖြစ်သော တီထွင်ဖန်တီးကလိသောအလုပ်ကိုလုပ်နေခိုက် မောင်နန် နှင့် မိယွန်း တို့ ရောက်လာကြလေသည်။ မောင်နန် ၏ အမူအရာသည် တစ်စုံတစ်ခုကို အလိုရှိနေသောအမူအရာဖြစ်နေ၍ ကျွန်ုပ်လည်း အဘယ်သို့သောအကြောင်းကြောင့်စိတ်နှလုံးအိမ်၌ လိုချင်တပ်မက်မှု အာရုံထင်‌ေနပေသနည်းဟု မေးမိလေရာ မောင်နန် လေးကသူ၏ချစ်သူ မိလွမ်း သည် စင်္ကာပူသို့ အလည်ခရီးသွားသဖြင့် နောက်ကလိုက်ချင်နေကြောင်း၊ စင်္ကာပူသို့ ဝင်ရန် လိုအပ်သော စာရွက်စာတမ်း အင်ထုရန်အလို့ငှာ ကျွန်ုပ်၏ အကူအညီကိုလိုအပ်နေကြောင်း ပြောပြ အကူအညီ တောင်းခံလေ၏။ ကျွန်ုပ်လည်း တတ်သည့်ပညာအလကားမရဆိုသည့် နှလုံးကို မူလျက် မောင်နန် ဆီက ဖွတ်ကလိဒင်္ဂါးပြားတောင် မရနိုင်သည်ကို သိ၍ မကူညီနိုင်ကြောင်း ယဉ်ယဉ်ကျေးကျေးအော်ငေါက်ဆဲဆို၍ ပြောလိုက်ရာ မောင်နန် လေးသည် အင်မတန် အိန္ဒြေကြီးသောအမူအရာဖြင့် နှုတ်ခမ်းစူခြေဆောင့်ကာ ထွက်သွားလေသည်။ ဤသို့ဖြင့် မောင်နန် လေးသည် ကျွန်ုပ်အပေါ်သဘောထားကြီးစွာဖြင့် စိတ်ကောက်နေပြီး အိမ်သို့ပေါ်မလာပဲ နေရာ သီတင်းအပတ်နှစ်ပတ်ခန့်ကြာမှ ဘလက်ဘိုင်လိုက်ပြီး ပြန်ပေါ်လာ၏။ အဘယ်ကြောင့် ဤသို့ ဘလက်ဘိုင်လိုက်နေရသနည်း။

t.me/cartoonmoviesmms/594

နောက်ကွယ်ကလူ (၁၉၉၅)

2029 ခုနှစ်မှာ နည်းပညာက အရမ်းထွန်းကားနေပြီး Cyborg တွေကို နေရာတိုင်းမှာ တွေ့မြင်နိုင်ပြီး လူတွေရဲ့ ဦးနှောက်ကို အင်တာနက်နဲ့ တိုက်ရိုက် ချိတ်ဆက်နိုင်တဲ့အထိ တိုးတက်နေတဲ့ခေတ်ကာလပဲ ဖြစ်ပါတယ်။ တိုးတက်လာတဲ့ နည်းပညာနဲ့အတူ အန္တရာယ်တွေလည်း ပါလာပါတယ်။ Puppetmaster ဟာ နည်းပညာကို အသုံးချပြီး လူတွေရဲ့ ဦးနှောက်ကို Hack နေတဲ့ Hacker တစ်ဦးဖြစ်ပြီး၊ Cyborg ရဲမှုးဖြစ်သူ မိုတိုကို ကာဆူနာဂီ နဲ့ သူ့ရဲ့ အဖွဲ့ဟာ Puppetmaster နဲ့ ထိပ်တိုက် ရင်ဆိုင်ဖို့ ဖြစ်လာတဲ့အခါမှာတော့။

t.me/cartoonmoviesmms/809

ဘုရင်မကြီးရဲ့ ခွေးကလေး (၂၀၁၉)

ဘုရင်မကြီး အဲလိဇဘက်မှာ အချစ်တော် ကော်ဂီခွေးလေးတွေအမြောက်အမြားရှိကြတာ သိကြမှာပါနော်။ တော်ဝင် ကော်ဂီတွေ လို့တောင် ခေါ်ရတဲ့အထိ ဘုရင်မကြီးက သက်တမ်းကြာ တစ်လက်တည်း ချစ်ပြီး အခမ်းအနားတွေမှာ တောင် နန်းခမ်းနန်းနားနဲ့ တက်ခွင့်ရတဲ့ ကလေးလေးတွေပါပဲ။ ခုကားမှာတော့ အဲဒီအကြောင်းလေးကို ကာတွန်းကားအဖြစ် ပုံဖော်ထားတာဖြစ်ပါတယ်။ ဘုရင်မကြီးဟာ ကော်ဂီလေးတွေ အများကြီးရှိတဲ့ထဲကမှ ရက်ဇ် ဆိုတဲ့ ကော်ဂီလေးကို အချစ်ဆုံးခေါင်းဆောင်ခွေးလေးအနေနဲ့ သတ်မှတ်ထားပေးတဲ့အထိ ချစ်မြတ်နိုးရတာပါ။ ဒါပေမယ့် တစ်နေ့မှာတော့ အမေရိကန် သမ္မတ လာလည်တုန်း ရက်ဇ် လေးဟာမတော်တဆ ပြဿနာရှာလိုက်မိပါတယ်။ ဘုရင်မကြီးလည်း စိတ်မဆိုးစဖူး ဆိုးသွားပါတော့တယ်။ အဲဒါကို အခွင့်ကောင်းယူပြီး ရက်ဇ် လေးကို မနာလိုသူ ချာလီ ဟာ လက်စဖျောက်ဖို့ ကြံပါတယ်။ ရုန်းကန်ရင်း လွတ်မြောက်ဖို့ ကြိုးစားရင်း နဲ့ သူ့ဘဝရဲ့ အချစ်စစ်ကို ရှာတွေ့သွားချိန်မှာတော့ ချစ်သူကို ကာကွယ်ပေးဖို့ ဆိုတဲ့ တာဝန်ကိုပါ ထမ်းဆောင်ရပါတော့တယ်။ ရက်ဇ် လေး အနေနဲ့ ချာလီ လက်ထဲက လွတ်မြောက်နိုင်ပါ့မလား၊ သူ့ချစ်သူကို ကာကွယ်နိုင်မှာလား၊ တချိန်မှာ ရော ပြန်ကလဲ့စား ချေနိုင်မှာလား၊ သူချစ်တဲ့ ဘုရင်မကြီးရင်ခွင်ထဲ ပြန်ရောက်နိုင်ပါ့မလားဆိုတာကိုတော့ ဇာတ်လမ်းထဲမှာ ကြည့်ရှုရမှာပါ။

t.me/cartoonmoviesmms/803

မှော်ဝင်ပုလွေ (၂၀၂၂)

ခရစ္စမတ်အကြိုညလေးမှာ မာရီတို့အိမ်ကိုသတင်းဆိုးတစ်ခုရောက်လာပါတယ်။မာရီတို့အဖေသေသွားတဲ့အခါ မစ္စတာရက်တာ ဆိုတဲ့သူဆီမှာ ဒေါ်လာတစ်သိန်းအကြွေးတင်နေခဲ့ပြီး အကြွေးမဆပ်နိုင်ရင် မစ္စတာရက်တာ က မာရီကို သူ့ဇနီးလုပ်ပေးရမယ်လို့ ပြောလာပါတယ်။မစ္စတာရက်တာ ဟာ မာရီကို သူနဲ့လက်ထပ်ဖို့စဉ်းစားစေချင်တဲ့အတွက် နော့ခရက်ကာ ဆိုတဲ့အရုပ်လေးတစ်ရုပ်ကိုလည်းလက်ဆောင်ပေးခဲ့ပါတယ်။မာရီ ဟာ သတင်းကြားပြီးတော့ စိတ်ပျက်ဝမ်းနည်းပြီး အပူအပင်ကင်းခဲ့တဲ့ကလေးဘဝကိုပြန်တမ်းတတတ်နေရင်း သီချင်းလေးတစ်ပုဒ်ညည်းဆိုခဲ့ပါတယ်။ဖြစ်ချင်တော့ သီချင်းဆိုပြီးတာနဲ့ မှော်ပညာတစ်ခုအသက်ဝင်လာပြီး မာရီ က အရမ်းသေးငယ်သွားပြီးတော့ သူ့ရဲ့အရုပ်လေးတွေနဲ့ နော့ခရက်ကာ က အသက်ဝင်လာခဲ့ပါတယ်။မာရီ ရဲ့နဂိုအခြေအနေကို ပြန်ရောက်အောင်ကြိုးစားရင်းနဲ့ နော့ခရက်ကာ ဟာ မင်းသားဂျော့ချ် ဖြစ်နေခဲ့ပြီး မာရီ လိုပဲ ကျိန်စာကြောင့် အရုပ်အဖြစ်ပြောင်းသွားမှန်းသိရတဲ့အခါမှာတော့။မာရီ၊ မင်းသားဂျော့ချ် နဲ့ မာရီ ရဲ့အရုပ်လေးတွေက ကျိန်စာပြေအောင် ဘယ်လိုကြိုးစားကြမလဲဆိုတာကို comedy, romance ဆန်ဆန် ကြည့်ရှုရမှာပဲဖြစ်ပါတယ်။

t.me/cartoonmoviesmms/498

ကောင်ကလေး နှင့်သားရဲကြီး(၂၀၁၅)

ကမ္ဘာ့မိစ္ဆာအများဆုံးရှိတဲ့မြို့ ဂျူတန်ဂိုင် မြို့မှာ ကိစ္စပေါ်လာတယ်၊ အဲ့ဒါကပန်းကန်လုံးပုံစံတောင်ကြားမှာ နေထိုင်ကြတဲ့ မိစ္ဆာတွေက အကောင်တစ်သိန်းလောက်ရှိတယ်၊ တစ်ရက်မှာတော့ သူတို့ကို နှစ်ပေါင်းများစွာအုပ်ချုပ်ခဲ့တဲ့ခေါင်းဆောင်ကအနားယူပြီး နတ်ဘုရားအဖြစ် နဲ့ ပြန်ဝင်စားတော့မယ်လို့ကြေငြာခဲ့တယ်၊ သူက နတ်ဘုရားအဖြစ် ဝင်စားတော့မယ်ဆိုတော့ခေါင်းဆောင်သစ်ရွေးချယ်ပေးဖို့လိုလာတယ်၊ အဲဒါကြောင့် ခေါင်းဆောင်ရွေးပွဲအတွက် အားလုံး အသင့်ပြင်ထားဖို့ အမိန့်ထုတ်လိုက်တယ်၊ နောက်ပြီး ဒီပွဲမှာအောင်မြင်သူဖြစ်ဖို့ဆိုရင် စွမ်းအားရော အကျင့်သိက္ခာပါ ပထမတန်းစားဖြစ်နေဖို့လိုပါတယ်၊ အဲ့ဒီထဲမှာမှ ထိပ်ဆုံးမှာ တစ်ပြေးနေတာကတော့ အီအိုဇန်လို့ခေါ်တဲ့ မိစ္ဆာကောင်ပဲဖြစ်ပါတယ်၊ သူက ရဲရင့်တယ်။ သတ္တိရှိတယ် တပည့်တပန်းတွေလဲ အများကြီးရှိတယ်။ အီချိရိုဟိကို နဲ့ ဂျီရိုမာရုဆိုတဲ့ သားနှစ်ယောက်လဲ ရှိတယ်၊ နောက်တက်လာမယ့် ခေါင်းဆောင်က သူပဲဖြစ်မယ်လို့ထင်ကြေးပေးနေကြတယ်၊ ဒါပေမယ့်လဲ။ သူ့လိုနောက်ထပ်တစ်ယောက် ရှိနေပါသေးတယ်၊ သူ့နာမည်က ခုမတဲဆု။ သူက နာမည်အတိုင်းပဲ ဝက်ဝံတစ်ကောင်လို။

t.me/cartoonmoviesmms/1244

ကာမန်ရိုက်ဒါ (၂၀၂၃)

ဒိုင်ဂျီ နဲ့ ကာဒိုတာ တို့ဟာ ဘလူဘတ် ဆိုတဲ့ အဖွဲ့အစည်းမှာ ဆက်လက် လုပ်ကိုင်နေကြပါတယ်။ ကာဒိုတာ လည်း မျိုးရိုးဗီဇ ပြုပြင်ရေးဌာနက ဒေါက်တာ အီချီမူရာ ထံမှာ ဆေးကုသမှု ခံယူနေခဲ့ပါတယ်။ အဲဒီအချိန်မှာပဲ အလီကွန် ဆိုတဲ့အကြမ်းအဖက် အဖွဲ့အစည်း ပေါ်ပေါက်လာပြီး ကလေးတွေကို ပြန်ပေးဆွဲခဲ့ပါတယ်။ ဒိုင်ဂျီ နဲ့ ကာဒိုတာ လည်း အဆိုပါ ကလေးတွေကို ဝင်ရောက် ကယ်တင်ရင်း အလီကွန် ကို ဖြိုခွင်းဖို့ ကြိုးစားခဲ့ပါတယ်။ ဒါပေမယ့် ကာဒိုတာ ရဲ့ နတ်ဆိုး ပြန်လည် ပေါ်ပေါက်လာခဲ့ပါတယ်။ ဘာလို့ ကာဒိုတာ ရဲ့ နတ်ဆိုးက ပြန်လည် ပေါ်ပေါက်လာတာလဲ၊ အလီကွန် ဆိုတဲ့ အဖွဲ့အစည်းကရော ဘာလဲ ဆိုတာ Plot twist များစွာနဲ့ ကြည့်ရမှာပါ။ ကျွန်တော့် အမြင် ပြောရရင် ဇာတ်လမ်းပိုင်းက ကျစ်လစ်ပြီး Plot twist ကလည်း ထင်မထားတာ ဖြစ်တာမို့ “အော် အဲလိုလား” ဆိုတဲ့ ခံစားချက်မျိုး ရခဲ့ပါတယ်။

t.me/cartoonmoviesmms/1246

ဘာဘီ - မြို့ကြီး ပြကြီး အိမ်မက်ကြီး (၂၀၂၁)

ဘားဘီ ရော်ဘတ်စ် ရဲ့ အိပ်မက်ဟာ ဘော့ဒ်ဝေး ကြယ်ပွင့်တစ်ဦး ဖြစ်ချင်တာပါ။ အဲ့ဒါကြောင့် သူနေတဲ့ ကယ်လီဖိုးနီးယား ရဲ့ မယ်လီဘူ မြို့ကနေ နယူးယောက် မှာရှိတဲ့ အနုပညာကျောင်းတစ်ခုကို လာတက်ပါတယ်။ နယူးယောက် ကို ရောက်တဲ့နေမှာပဲ မထင်ပဲ ဘရူကလင်း ကလာတဲ့ ကောင်မလေးတစ်ယောက်ကို တွေ့ဆုံခဲ့ကာ အဲ့ဒီကောင်မလေးနာမည်ကလည်း ဆန်းကြယ်စွာ ဘားဘီ ရော်ဘတ်စ် ပဲ ဖြစ်နေပြန်ပါတယ်။ သူတို့ နှစ်ဦးဟာ အချင်းချင်း မယ်လီဘူ နဲ့ ဘရူကလင်း အဖြစ် နာမည်ပြောင်ပေးလိုက်ပြီး နှစ်ယောက်လုံးဟာ ဂီတပေါ်ထားတဲ့ တူညီတဲ့ စိတ်အားထက်သန်မှုတွေကြောင့် ခပ်မြန်မြန်ပဲ သိပ်ကို ရင်းနှီးလာကြပါတယ်။ အောင်မြင်မှု ရလာရင်လည်း သူငယ်ချင်း ဆက်ဆံရေးတွေ မအေးစက်သွားဖို့ အချင်းချင်း သဘောတူညီထားကြပါတယ်။ စိတ်ကူးအိပ်မက်တွေ တူညီတဲ့ သူတို့ နှစ်ဦးဟာ အောင်မြင်ဖို့ တူတူကြိုးစားရင်း တစ်ရက်မှာ မတော်တဆ တစ်ခု ဖြစ်ပါတော့တယ်။ အဲ့ဒီကိစ္စတစ်ခုဟာ မယ်လီဘူ နဲ့ ဘရူကလင်း ကြားကို ကွာဟသွားစေတဲ့ ဆူးငြောင့်တစ်ခု ဖြစ်လာပါတော့တယ်။ အဲ့ဒီနောက်မှာတော့ နာမည်တူ အိပ်မက်တူတဲ့ ဘားဘီ တို့ သူငယ်ချင်း နှစ်ယောက်ဟာ သူတို့ကြားက ပြဿနာကို ဖြေရှင်းနိုင်ပြီး ပြန်သင့်မြတ်သွားကြမှာလား၊ အိပ်မက်ဖြစ်တဲ့ ဘော့ဒ်ဝေး ကြယ်ပွင့် ဆိုတာရော တကယ်ဖြစ်လာနိုင်မလား။

t.me/cartoonmoviesmms/1248

အချောလေးနှင့် သားရဲကြီး (၁၉၉၁)

အရမ်းကို မောက်မာတဲ့ မင်းသားလေး တစ်ပါးဟာ လူတိုင်းကို မောက်မောက်မာမာနဲ့ ဆက်ဆံခဲ့တာကြောင့် တစ်နေ့မှာ အဘွားအိုကြီး တစ်ယောက် ရောက်လာခဲ့ပြီးတော့ အရမ်း အေးလွန်းတာကြောင့် မင်းသားလေး ရဲ့ ရဲတိုက်မှာ ခဏလောက် တည်းခိုခွင့် တောင်းခဲ့ပါတယ်။ ဒါပေမယ့် မင်းသားလေးဟာ ညစ်ပတ် စုတ်ပြတ်လှတဲ့ အဘွားအိုကြီး ရဲ့ ပုံစံကို ကြည့်ပြီးတော့ မောက်မောက်မာမာနဲ့ နှင်ထုတ်ခဲ့ပါတယ်။ အဲ့ဒီ အချိန်မှာ အဘွားအိုကြီးကနေ နတ်သမီး တစ်ပါး အဖြစ် ပြောင်းလဲသွားပြီးတော့ မင်းသားလေး ရဲ့ ရင်ထဲမှာ ချစ်ခြင်းတရား မရှိတာကို သိသွားတဲ့ နတ်သမီးက မင်းသားလေးကို အလွန် ရုပ်ဆိုးတဲ့ တောရိုင်း သတ္တဝါကြီး အဖြစ် ပြောင်းခဲ့ပါတယ်။ သူတင် မကပဲ ရဲတိုက်ကြီးထဲမှာ နေတဲ့ လူတွေ အားလုံးကိုအသွင်ပြောင်းပြီး အပြစ်ပေးခဲ့ပါတယ်။ နတ်သမီးက သူ့ကို ပေးခဲ့တဲ့ နှင်းဆီပန်းက တကယ်တော့ မှော်ဝင် နှင်းဆီပန်းပါ။ အဲ့ဒီပန်းဟာ သူ့ရဲ့ အသက် ၂၁ နှစ် ပြည့်မှာ ပွင့်မှာ ဖြစ်ပြီးတော့ တကယ်လို့ အဲဒီ ၂၁ နှစ် မွေးနေ့ မတိုင်ခင် သူရင်ထဲ အချစ် ရှိလာပြီးတော့ ချစ်နိုင်ခဲ့ရင် အဲ့ဒီ သူချစ်ရတဲ့ မိန်းကလေးကလည်း အဲဒီပန်း ရဲ့ နောက်ဆုံး ပွင့်ဖတ် မကြွေခင် အချိန်မှာ သူ့ကို ပြန်ပြီးတော့ ချစ်နိုင်ခဲ့ရင် ကျိန်စာက ပျက်ပြယ် သွားမှာပဲ ဖြစ်ပါတယ်။

t.me/cartoonmoviesmms/1250