ရွန် တော့ မှားပြီ (၂၀၂၁)

IMDB - 7/10
Genre - Comedy/Family

“ခင်ဗျားတို့တွေ အထီးကျန်တယ်လို့ ခံစားရဖူးလား။” “ထောင့်စွန်းတစ်နေရာမှာ ရပ်နေရပြီး ကသိကအောက်နဲ့ ဘယ်သူ့ကိုမှ စကားသွားမစရဲဘဲနဲ့လေ” တော်ရုံတန်ရုံ စကားမပြောရဲတဲ့ လူတွေ၊ သူငယ်ချင်းရှာဖို့ ခက်တဲ့ သူတွေ အတွက် နည်းပညာဟာ အထောက်အပံ့တစ်ခု ဖြစ်လာပါတယ်။ ဒီလိုနဲ့ နည်းပညာကုမ္ပဏီတစ်ခုဖြစ်တဲ့ ဘဘယ် ဟာ ဘဘယ် ရိုဘော့ ဆိုတဲ့ စက်ရုပ်လေးတွေကို လူတွေအတွက် “Best Friend” အဖြစ် ဖန်တီးထုတ်လုပ်လိုက်ပါတယ်။ ဖုန်းတွေ၊ တာဘလက်တွေထက် လုပ်ဆောင်နိုင်စွမ်း မြင့်တဲ့ ဒီစက်ရုပ်လေးတွေက ပိုင်ရှင်ရဲ့ ဒေတာအချက်အလက်တွေကို သိမ်းယူပြီးတော့ ဘဘယ် နက်ဝါ့ခ် ကနေတစ်ဆင့်ဝါသနာတူ အကြိုက်တူ သူငယ်ချင်းတွေကို ရှာဖွေပေးပါတယ်။ သူငယ်ချင်းတွေကို ရှာဖွေပေးတဲ့အပြင် သူကိုယ်တိုင်ကိုက ပိုင်ရှင်အနီးနား ခြောက်ပေအတွင်းမှာ နေပေး၊ ကူညီပေး၊ စကားပြောပေးတဲ့ သူငယ်ချင်းတစ်ယောက်အဖြစ် ရှိနေတာပေါ့။ ဒီလိုနဲ့ ကလေးတွေကြားမှာ ဘဘယ် ရိုဘော့ တွေ ခေတ်စားလာပြီး မပိုင်ဆိုင်သူကတော့ မရှိသလောက် ဖြစ်လာပါတယ်။ နွန်ဆတ်ခ် ဆိုတဲ့ မြို့လေးကကျောင်းသားတွေထဲမှာ ဘာနာဘီ ဆိုတဲ့ ကောင်လေးတစ်ယောက်ပဲ ဘဘယ် ရိုဘော့ ကို မပိုင်ဆိုင်တာပါ။ သူကိုယ်တိုင်က လူအေးလေး ဖြစ်တဲ့အပြင် လူတိုင်းက ကိုယ်စီရဲ့ ဘဘယ် ရိုဘော့ တွေနဲ့ပဲ အလုပ်ရှုပ်နေကြတော့ သူ့မှာ သူငယ်ချင်းဆိုတာ မရှိပါဘူး။ အဲဒီအပြင် ဘဘယ် ရိုဘော့ မရှိတဲ့အတွက် စနောက်လှောင်ပြောင် ခံရပါသေးတယ်။ တစ်နေ့မှာတော့ ဘာနာဘီ ရဲ့ မွေးနေ့လေးကို ရောက်ရှိလာပါရော။ ဒီလိုနဲ့ ဘဘယ် ရိုဘော့ ကို လိုချင်နေတဲ့ ဘာနာဘီ တစ်ယောက် လိုချင်တာကို မွေးနေ့လက်ဆောင်အဖြစ် ရသွားပြီးတဲ့နောက် ဘာတွေဆက်ဖြစ်မလဲဆိုတာ အားပေးကြည့်ရှုလိုက်ကြရအောင်နော်။

t.me/cartoonmoviesmms/1252

မမ်မီများ (၂၀၂၃)

ဟာသကာတွန်းရုပ်ရှင်အသစ်လေးတစ်ခုလာပါပြီ။ ဒီကာတွန်းထဲမှာတော့ မံမီအားလုံးဟာ တမလွန်မြို့ကြီးတစ်ခုမှာ ထာဝရအသက်ရှင်နေထိုင်ကြပါတယ်။ မံမီအားလုံးကို ဖာရိုးဘုရင်ကြီးက အုပ်ချုပ်ပါတယ်။ ဖာရိုးဘုရင်ကြီးရဲ့ သမီးတော် Nefertari အတွက် ကြင်ယာဖက်ရွေးဖို့ အချစ်နတ်ဘုရားမရဲ့ ဖီးနစ်ငှက်ကို ရွေးခိုင်းရင်းနဲ့ တလွဲတွေဖြစ်ပြီး လှည်းပြိုင်သမား Thut ကို ရွေးချယ်ခံလိုက်ရပါတော့တယ်။ ဒါပေမဲ့ မင်းသမီးက လက်မထပ်ချင်လို့ ထွက်ပြေးရင်း၊ Thut ကလည်း သူ့ကိုသိမ်းဆည်းခိုင်းထားတဲ့ လက်ထပ်လက်စွပ် အခိုးခံရလို့ အပြစ်ပေးခံရမှာကြောက်ပြီး ပြန်လိုက်ရှာရင်း နှစ်ယောက်လုံး လူသားကမ္ဘာထဲကို ရောက်လာပါတော့တယ်။ မံမီတွေ လူသားကမ္ဘာထဲမှာ ဘာတွေတလွဲလုပ်ပြီး ဘာတွေရင်ဆိုင်ရမလဲဆိုတာ

t.me/cartoonmoviesmms/1254

ဆုတောင်းပြည့်နဂါးမင်း (၂၀၂၁)

အာလာဒင်မီးခွက်စောင့်နတ်ကို အရှေ့တိုင်းပုံစံဖန်တီးထားတာပါ။ မတူတာကတော့ အာရှတို့ရဲ့ထုံးစံအတိုင်း မေတ္တာတရားကို အဓိကချပြထားတဲ့ ကာတွန်းကားလေးမို့ မိသားစုနဲ့ကြည့်လို့ကောင်းမယ့်ကားလေး လို့ညွှန်းချင်ပါတယ်ခင်ဗျာ။ဟ စိတ်ထားကောင်း သဘောကောင်းတဲ့ တင်းစီးကျီး တစ်ယောက်မမျှော်လင့်ဘဲ တရုတ်ရေနွေးခရားလေးတစ်လုံး ရရှိခဲ့ပါတယ်။ ခရားလေးထဲကနေ ထွက်လာတာက သူ့ရဲ့မိုက်ပြစ်ကြောင့် အပြစ်ဒဏ်ခံနေရတဲ့ မင်းသားကြီး ဂျက်လီ သရုပ်ဆောင်ထားတဲ့ နဂါးကိုယ်တော်လေး။ ကောင်းကင်ပေါ်ကိုပြန်တက်ဖို့ သခင်ဆယ်ပါးရဲ့ အလိုဆန္ဒကိုဖြည့်ဆည်းပေးရမယ်တဲ့။ ရွှေတွေငွေတွေအများကြီး ဆုတောင်းလို့ရပေမဲ့ တင်းစီးကျီး လေးကတော့ လင်း လို့ခေါ်တဲ့ မိန်းကလေးသူငယ်ချင်းတစ်ယောက်ကို ဆုတောင်းခဲ့ပါတယ်။ ကျန်တာတောင်း သူငယ်ချင်းဆုတောင်းတော့ မဖြည့်ပေးနိုင်ဘူးလို့ဆိုပြီး တင်းစီးကျီး နဲ့စကားများကြပါတော့တယ်။ လူ့သဘာဝကိုနားမလည်နိုင်တဲ့ နဂါးကိုယ်တော်။ လူသားတွေရဲ့လောဘအကြောင်းကိုနားမလည်တဲ့ တင်းစီးကျီး။ အဖေ့အလိုကျ နေပေးနေရတဲ့ ရွှေသမီးလေး လင်း။ လောဘဇောတက်ပြီး မကောင်းမှုလုပ်နေတဲ့ လူဆိုးတစ်သိုက်တွေနဲ့ အရှေ့တိုင်းဆန်ဆန် ဆုတောင်းပြည့်နဂါးမင်းကြီး ဘယ်လိုစခန်းသွားမလဲ?

t.me/cartoonmoviesmms/1256

ကြောက်စရာမြို့ကြီး (၂၀၁၃)

IMDb Rating - 6.6/10
Genre - Animation, Family, Adventure

2013 ခုနှစ်တွင် ထွက်ရှိခဲ့တဲ့ အန်မေးရှင်းဇာတ်လမ်းဖြစ်ပြီး ဖက်ရှင်ဒီဇိုင်နာတွေနဲ့ ပတ်သက်တဲ့ စိတ်ဝင်စားဖွယ် အကြောင်းအရာတစ်ခုကို ရိုက်ကူးထားပါတယ်။ ဇာတ်လမ်းအကျဉ်းကတော့ ဖက်ရှင်ဒီဇိုင်နာ ကောင်မလေးတွေက ဖက်ရှင်လောကထိပ်ခေါင် ဒီဇိုင်းနာ ဆီမှာ ပညာသင်ခွင့်ရခဲ့ပြီး အဲဒီ ဒီဇိုင်းနာကြီး က အကောင်းဆုံး ဒီဇိုင်းနာတွေကို ယူပြီး မြေအောက်ခန်းမှာ ချူပ်နှောင်ထားတဲ့အကြောင်းပါ။ အဲ့ဒါကို ဖက်ရှင်ဒီဇိုင်နာ ကောင်မလေး က သိပြီး ဖက်ရှင်ပြိုင်ပွဲမှာ အနိုင်ယူတဲ့ အကြောင်းကို ရိုက်ကူးထားပါတယ်။ အန်မေးရှင်း ဇာတ်လမ်းကောင်းတွေကို ကြိုက်နှစ်သက်သူတွေအတွက် အလွန်ကြည့်ရလွယ်ကူပြီး စိတ်အပန်းပြေစေမယ့် ဇာတ်ကားပါ။

t.me/cartoonmoviesmms/1260

အမွှေစိန် ဘဲကလေး (၂၀၁၈)

IMDb - 5.7/10
Genre - Animation, Adventure, Family

ဒီကားလေးက ၂၀၁၈ ခုနှစ်တွင် ထွက်ရှိခဲ့သော အိပ်ရှင်ကားဖြစ်ပြီးကလေးများအတွက်လည်း သင်ကြားရရှိသော ဇာတ်လမ်းတစ်ပုဒ်ဖြစ်ပါတယ်။ ဇာတ်လမ်းတွင် ပန်တစ်ကောင်၏ အက်ရှင်နှင့် ရဲရဲလေး ပျော်ပျော်နေသော ကွတ်ကွတ်တွေ့ကြုံရာက စတင်ပြီး ရင်းနှီးသည့် ပန်းတစ်ကောင်ကို စဉ်ဆက်မပြတ် စိန်ခေါ်မှုတွေရှိတဲ့အချိန်မှာဘဲလေး နှစ်ကောင်ကို မျက်စိကြည့်ပေးနေတဲ့ ဟာသ၊ ချစ်စရာပုံရိပ်တွေရှိပါတယ်။ ပန် သည် ငန်းအုပ်၏ သမီး ဂျင်ဂျင်း ကို အလွန်ကိုလိုက်ပါလာပြီး ဒါကြောင့် ပျော်ပျက်သောသူ၏ စိတ်အားထုတ်မှုကြောင့် ဘဲလေးတွေကို ကယ်တင်ရန်ကူညီပြီးကြားလာတဲ့ ပေးဆောင်မှုများနဲ့ကြုံတွေ့ဖို့အကြောင်းကို ဆက်စပ်ခဲ့ပါတယ်။ တစ်အပတ်လျှင် လူ့တိရစ္ဆာန်များပေါ်ကို နှစ်ရက်သားအောင်စွာဆောင်ရွက်ရာတွင်လည်း ပရိတ်သတ်များကို ဝယ်ယူခြင်းနှင့် အံ့ဖွယ်ကြည့်ရှုစရာများလည်း ရှိသောပုံစံကို ရှာတွေ့ရမည်ဖြစ်ပါသည်။

t.me/cartoonmoviesmms/1262

မှော်ဆရာ၏ဆင် (၂၀၂၃)

IMDb - 6.5/10
Genre - Animation, Adventure, Family

ဒီဇာတ်လမ်းက, စစ်ပွဲပြီးပြီးတဲ့နောက် ဘောလ်တိစ်မြို့မှာ လူတွေဟာ မျှော်လင့်ချက်နဲ့ ယုံကြည်မှုတွေကိုဆုံးရှုံးပြီး နေထိုင်ကြရတဲ့ အချိန်တွင် ဖြစ်ပေါ်လာသော အံ့ဖွယ်ရာ ဇာတ်လမ်းတစ်ပုဒ်ဖြစ်ပါတယ်။ ဇာတ်လမ်းအကျဉ်းမှာ မျက်လှည့်ဆရာကြီးက မျှော်လင့်ချက်များကို ပြန်လည်ဆက်လက်စေဖို့ ကြိုးစားတဲ့အခါတွင် ဆင်ကြီးတစ်ကောင်က ပြုတ်ကျလာပြီး စိတ်ကူးမရှိသော အဖြစ်အပျက်တွေနဲ့ အံ့ဖွယ်ကောင်းသော လမ်းကြောင်းတွေ စတင်ဖြစ်ပေါ်လာပါတယ်။ အဆိုပါဆင်ကြီးဟာ ဇာတ်လမ်းလေးရဲ့ ဇာတ်လမ်းလမ်းခရီးမှာ အရေးပါသော မိသားစုတစ်ခုကိုရှာဖွေနိုင်သော၊ ယုံကြည်မှုများကိုပြန်လည်အသက်သွင်းပေးမည့်အခြေခံအရာများဖြစ်ပြီးဇာတ်လမ်းလေးဟာ မျှော်လင့်ချက်နှင့်စိတ်ဓာတ်အနေဖြင့် အဖွဲ့အစည်းတစ်ခုကို ပြန်လည်ထူထောင်ရေးနှင့် အမျိုးမျိုးသောအဖြစ်အပျက်တွေကို ရင်ဆိုင်ပြီး ဆက်လက်ပြီးအပြီးသတ်လေ့လာရန်ပါသည်။Animation lovers အတွက် စိတ်အားထက်သန်စွာကြည့်ရှုရမည့် ဇာတ်လမ်းဖြစ်ပါသည်။

t.me/cartoonmoviesmms/1264

ဆူညံသောအိမ် (၂၀၂၄)

လင်ကွန်း ဆိုတဲ့ ကောင်ကလေးက စပိုင်ကာတွန်းတွေကို ကြိုက်တဲ့သူဖြစ်ပြီး, စပိုင်တစ်ယောက်ဖြစ်ချင်နေတဲ့ ကောင်လေးပါ။ လင်ကွန်း ရဲ့ အဖိုးက စပိုင်အေးဂျင့်တစ်ဦးဖြစ်တဲ့ မာတယ်လ် ဆိုတဲ့ အမျိုးသမီးကြီးနဲ့ ကျွန်းလေးတစ်ခုပေါ်မှာ မင်္ဂလာပွဲသွားလုပ်ဖို့ရှိနေပါတယ်။ ဒီလိုနဲ့ လင်ကွန်း နဲ့ အမျိုးအဆွေ ကလေးတစ်သိုက်လည်း အဖိုးအဖွားနှစ်ယောက်နဲ့အတူ မင်္ဂလာပွဲခရီးစဉ်ကိုလိုက်ပါလာခဲ့ပါတယ်။ ဒါပေမယ့် ခရီးစဉ်မှာ မထင်မှတ်ထားခဲ့တဲ့အရာတစ်ခုဖြစ်လာပါတယ်။ ဒါကတော့ လင်ကွန်း ရဲ့ အဖွားတော်စပ်လာတော့မယ့် မာတယ်လ် ရဲ့ ဟိုးအရင်က ရန်သူဟောင်းကြီးတစ်ယောက်ဟာ လက်စားချေဖို့ရာ ပြန်ရောက်လာခဲ့တာပါ။ ဒီလိုနဲ့ စပိုင်ဖြစ်ချင်တဲ့ လင်ကွန်း နဲ့ အဖွားဖြစ်သူ မာတယ်လ် တို့ဟာ ဗီလိန်ကြီးကို အားလုံးရဲ့ အကူအညီနဲ့ အတူ လက်တွဲနှိမ်နင်းဖို့ရာ အကြောင်းဖန်လာပါတော့တယ်။ ကာတွန်းကားပေမယ့် ဇာတ်လမ်းဇာတ်ကွက်တွေက စပိုင်ရုပ်ရှင်တွေထဲကလိုဖြစ်ပြီး, စိတ်ဝင်စားစရာလည်းကောင်း, ရယ်စရာလည်းကောင်းတာကြောင့်, ကာတွန်းကားကြည့်ပြီး အပန်းဖြေချင်နေတဲ့သူတွေအတွက်ကတော့ ကွက်တိပါပဲ။

t.me/cartoonmoviesmms/1268

အိမ်မက်မက်သူများ (၂၀၂၄)

မီနာ ဟာ ကျေးလက်ဒေသလေးမှာ ဖခင်နဲ့အတူ ဘဝကို အေးအေးချမ်းချမ်း ဖြတ်သန်းနေတဲ့ ကောင်မလေးတစ်ဦးပါ။ မီနာ ရဲ့ မိခင်ကတော့ မြို့ကြီးပြကြီးမှာ အဆိုတော်ဖြစ်ချင်တဲ့ အိပ်မက်ကြောင့် တောရွာက သူတို့သားအဖ ၂ ဦးကို ထားရစ်ခဲ့ပါတယ်။ မိခင်ထားခဲ့ပေမယ့်, ဖခင်နဲ့အတူနေထိုင်ရင်း ပျော်ရွှင်နေတဲ့ မီနာ ဘဝထဲကို မိထွေးဖြစ်သူ ဟယ်လီနာ နဲ့ မိထွေးရဲ့ သမီးဖြစ်သူ ဂျင်နီ တို့ ဝင်လာခဲ့ပါတယ်။ သူတို့သားအဖရဲ့ အိမ်လေးကို မြို့ကြီးသူပီပီ မီနာ တို့ဘဝကို အထင်မကြီးတဲ့ ဂျင်နီ ရောက်လာချိန်မှာတော့ မီနာ ဘဝဟာ စိတ်အနှောင့်အယှက်ဖြစ်စရာတွေ တစ်ခုပြီးတစ်ခုကြုံတွေ့ရပါတော့တယ်။ အဲ့ဒီနောက် မီနာ ရဲ့ဆီကို ထူးဆန်းအိပ်မက်စက်ရုပ်လေးရောက်လာတယ်။ ဒီစက်ရုပ်လေး အိပ်မက်တွေကို လှပအောင် ဖန်တီးပေးတဲ့သူလေးပေါ့။ အိပ်မက်တွေက တစ်ဆင့် လက်တွေ့ဘဝက ခံစားချက်တွေကို လွှမ်းမိုးရှိလေတော့ မီနာ အိပ်မက်စက်ရုပ်လေးကို အသုံးချပြီး သူရင်ဆိုင်နေရတဲ့ ဆိုးဝါးတဲ့အခက်အခဲတွေကို ပြောင်းလဲဖို့ အသုံးချပါတော့တယ်။ ဘာတွေဆက်ဖြစ်မလဲဆိုတာကိုတော့

t.me/cartoonmoviesmms/1270

ကိုကို (၂၀၁၇)

ဂီတကို ရူးသွပ်တဲ့ မစ်ဂဲလ်ရစ်ဗာရာ ဆိုတဲ့ (၁၂) နှစ်အရွယ်ကောင်လေးဟာ ဂီတနဲ့ပတ်သက်ပြီး မိသားစုရဲ့ တားမြစ်ချက်ကို ဆန့်ကျင်ကာ ဝါသနာပါရာ ဂီတအတွက် စွန့်စားခဲ့တဲ့ ဇာတ်လမ်းဖြစ်ပါတယ်။ အင်မယ်ဒါရစ်ဗာရာ ဟာ ဂီတပညာရှင်တစ်ယောက်ရဲ့ ဇနီးဖြစ်ပြီး ခင်ပွန်းက မိသားစုထက် ဂီတကိုရွေးချယ်ခဲ့တာကြောင့် အင်မယ်ဒါ သမီးဖြစ်သူကိုလည်း ဂီတနှင့် ခပ်ကင်းကင်းနေဖို့တားမြစ်ထားခဲ့ပါတယ်။ အဲဒီနောက် အင်မယ်ဒါ က မိသားစုစီးပွားရေးအဖြစ် ဖိနပ်လုပ်ငန်းလုပ်ပြီး နေထိုင်ခဲ့ပါတယ်။ သူ့မျိုးရိုးဆက်တစ်လျှောက် ဂီတကို တားမြစ်ထားပေမယ့် ဂီတပိုးကသူ့ရဲ့ မြစ်ဖြစ်တဲ့ မစ်ဂဲလ်ရစ်ဗာရာ ဆီမှာ ပေါ်လာခဲ့ပါတယ်။ မစ်ဂဲလ် ဟာ ဟိုးတုန်းက နာမည်ကျော်ဂီတပညာရှင် အာနက်စ်တိုဒီလာခရုဇ် ကို လေးစားအားကျပြီး သူ့လိုမျိုး ဖြစ်ချင်တဲ့ စိတ်ကူးအိပ်မက်တွေနဲ့ပါ ရှိခဲ့ပါတယ်။ ဂီတပိုးရှိနေတဲ့ မစ်ဂဲလ် ဟာ သူ့အဘွားရဲ့ မိသားစုဓာတ်ပုံကို ရှာတွေ့ပြီးနောက် ဂီတနဲ့ သူ့မိသားစုကြား ကြီးမားတဲ့ ဆက်စပ်မှုတစ်ခုရှိတယ်ဆိုတာ သိသွားခဲ့ပါတယ်။ တစ်ရက်မှာ မက္ကဆီကန်အထိမ်းအမှတ်ပွဲတစ်ခုမှာ မိသားစုဝင်တွေ ရည်မှန်းဆုတောင်းနေစဉ် မစ်ဂဲလ် ဟာ ဂီတာစွမ်းရည်ပြသဖို့ ကြိုးစားခဲ့ပေမယ့် သူ့အဘိုးက ဂီတာကို ဖျက်ဆီးပြီး တားဆီးခဲ့ပါတယ်။ အဲဒီနောက် မစ်ဂဲလ် က အာနက်စ်တိုရဲ့ မျိုးဆက်ဆိုတာ သိပြီး သူ့အဘိုး အာနက်စ်တို ရဲ့ ဂီတာနဲ့ ပြိုင်ပွဲဝင်ဖို့ဆုံးဖြတ်ခဲ့ပြီး အာနက်စ်တိုရဲ့ ဂူမှ ဂီတာယူကာ တီးသွားခဲ့ပါတယ်။ ဂီတာကို တီးပြီးနောက် မစ်ဂဲလ် ဟာ သက်ရှိ လူသားတွေကို မတွေ့ရတော့ဘဲ သေပြီး သားလူတွေကိုပဲ တွေ့ရတဲ့ပုံစံဖြစ်သွားခဲ့ပါတယ်။ သေသူတွေ နေတဲ့ မြို မှာ မစ်ဂဲလ် သေသူ ဖြစ်သူ့မိသားစုဝင်တွေနဲ့ ဆုံခဲ့ပြီး ဒန်တီ ဆိုတဲ့ ခွေးကလေးနဲ့အတူ သူ့အဘိုး အာနက်စ်တို ကို လိုက်ရှာပြီး သက်ရှိ လူသားတစ်ယောက် ပြန်ဖြစ်ဖို့ ကြိုးပမ်းခဲ့ပါတယ်။ မစ်ဂဲလ် သေသူတွေနေတဲ့ မြို့မှာ ဘာတွေကြုံရမလဲ၊ သူအားကျနေရတဲ့ အဘိုးရဲ့ လျှို့ဝှက်ချက်ကို သိသွားပြီးနောက် ဘာတွေဖြစ်မလဲဆိုတာကို ဇာတ်လမ်းလေးမှာ စိတ်ဝင်စားဖွယ် ကြည့်ရှုနိုင်ပါသည်။

t.me/cartoonmoviesmms/1272