‍ ‍ #የኋላው_ደጀን

✅ ሰውነቱ የሰማይ ሰባሪ አያክልም ነገር ግን ማንም አይገፋውም ፣ እግር ኳስን አቅልሎ ነው የሚጫወተው አጥቂ ደረሰብኝ ብሎ ጥፍሮቹ እስኪነቀሉ እና የአዲስ አበባ ቀላል ባቡር መስታወት እስኪሰበር ድረስ ኳስን አይጠልዝም ፤ በቃ እሱ መከላከል የማጥቃት አንዱ መንገድ እንደሆነ በሚገባ ገብቶታል ።

➡️ ኳስን ከማደራጀት ጀምሮ እስከ መቀማት እንዲሁም ወደፊት ኳስን ይዞ በመሄድ ለአማካይ ክፍሉ አቅም ከመፍጠር ጀምሮ እራሱን ነጻ አድርጎ ኳስ ከበረኛ ሲቀበል ፍፁም በራስ መተማመኑ ይገርማል፤ ብዙ ሰው ቁመቱን ፣ወኔውን ፣የኳስ ችሎታውን እና ጊዜ ጠብቆ የሚወርደውን ሸርተቴ በማየት አንዳርጋቸው ሰለሞን ( #ሸበለው ) ሲያስታውሳቸው ፤የማልያ ቁጥሩን እና የልጁን ብቃት በማሰብ ደግሞ ሳሙኤል ደምሴን ( #ኩኩሻን ) ይመስላል የሚሉት ደግሞ ጥቂቶች አይደሉም ይህ የኋላው ደጀን በካሳዬ አራጌ ተመልምሎ ዘንድሮ ቡናን የተቀላቀለው እና በድንቅ ብቃት ላይ የሚገኘው ወንድሜነህ ደረጄ ይባላል።

☕️ የቡና ደጋፊ ለማልያው ፍቅር ኖሮት ደጋፊውን የሚያከብር ተጫዋች ማንገስ እና ማክበር ያውቅበታል ስለዚህ በዚህ ደጋፊ ልብ ውስጥ ለመንገስ እራስህን ጠብቀህ ጭብጨባ እና ሙገሳ ሳያሞቅህ ፤ ትችትና ነቀፌታ ሳያስደነግጥህ ብቃትህን ጠብቀህ ከዚህ በተሻለ መልኩ ክለብህን እንደምታገለግል ተስፋ እናደርጋለን እናም በርታልን ።


#ከቡና_ሰማይ_ስር

👆አረንጓዴ ወርቅ ኢትዮጵያ ቡና- አደገኞቹ 👆
👉👉 @coffeefc 👈👈
👉👉 @bunnafc 👈👈

መስከረም 29 የሚደረገውን 6ተኛውን ዙር #የኢትዮጵያ_ቡና የመሮጫ ትኬቶች #ከቡና ባንክ በተጨማሪ #በየሰፈራቹ ከሚቀርባቹ ቦታ እየደወላቹ መግዛት ትችላላ።