እንኳን ደስ አላቹ እንኳን ደስ አለን!!!

ለአዲስ አበባ ከተማ አስተዳደር ደንብ ማስከበር ባለስልጣን ከጠቅላይ ሚኒስቴር ዶ/ር አብይ አህመድ እውቅና ተሰጠው

            ነሐሴ 25/2016 ዓ.ም
            **አዲስ አበባ**

የአዲስ አበባ ከተማ አስተዳደር ደንብ ማስከበር ባለስልጣን በአዲስ አበባ ከተማ በተሰራው የልማት ኮሪደር ስራዎች ላደረገው ከፍተኛ አስተዋጽኦ ከኢትትዮጵያ ጠቅላይ ሚኒስቴር ዶ/ር አብይ አህመድ የፌደራልና እና የከተማው ከፍተኛ አመራሮች በተገኙበት እውቅና እና የወርቅ ሰርተፊኬት ተሸላሚ ሆነ፡፡

የአዲስ አበባ ከተማ አስተዳደር ደንብ ማስከበር ባለስልጣን ዋና ስራ-አስኪያጁ ሻለቃ ዘሪሁን ተፈራ ባለስልጣኑ በከተማው የልማት ኮሪደር ስራዎች ከተጀመረባቸው ጊዜ አንስቶ እስከ ዛሬ ድረስ በ7/24 እየሰራ በከተማ አስተዳደሩ በተያዘው እቅድ መሰረት እንዲጠናቀቅ ከፍተኛ አስተዋጽኦ ማበርከቱ ተናግረዋል፡፡

ባለስልጣኑ በተለይ በተሰራው የኮሪደር ልማቶች ላይ ጉዳት እንዳይደርስ እና ውበቱና ጽዳቱ ለማስጠበቅ ለማህበረሰቡ ግንዛቤ በመፍጠር እና በደንቡ መሰረት አስተማሪ ቅጣት በመቅጣት ደንብ እያስከበረ መሆኑ ገልጸዋል፡፡

ዋና ስራ-አስኪያጁ ለተቋማቸው በተሰጠው እውቅና አመስግነው በለቀጣይ የበለጠ ስራ ለመስራት ትልቅ መነቃቃትን አንደሚፈጥር ገልጸዋል፡፡

ዋና ስራ-አስኪያጁ ባለስልጣኑ በተሰጠው እውቅና እና የወርቅ ሰርተፊኬት የደንብ ማስከበር ባለስልጣን አመራሮች፣ኦፊሮች፣መላው የጠቋሙ ሰራተኞች እና ባለድርሻ አካሎቻችን ለስራችሁ ውጤት አግኝታችኋልና እንኳን ደስ አላችሁ ብለዋል፡፡

ዘገባው ፦ የአዲስ አበባ ከተማ አስተዳደር የደንብ ማስከበር ባለስልጣን ኮሙዩኒኬሽን ዳይሬክቶሬት ነው።

የለሚ ኩራ ክ/ከተማ ወረዳ 06 ደንብ ማስከበር ጽ/ቤት ያስገነባውን አዲስ ቢሮ አስመረቀ

የለሚ ኩራ ክ/ከተማ ወረዳ 06 ደንብ ማስከበር ጽ/ቤት ከነበረበት የቢሮ ጥበትና እጥረት ምክንያት ወረዳውንና ሌሎች በጎ ፍቃደኞችን በማስተባበር ያስገነባውን ምቹና ያማረ የስራ ቦታ(ቢሮ) በቀን 25/12/16ዓ/ም ያስመረቀ ሲሆን በምረቃ ስነስርአቱ የተገኙት የወረዳው ዋና ስራ አስፈፃሚ ሲ/ር ግሩም ንጉሴ እንደገለፁት የወረዳው ደንብ ማስከበር ጽ/ቤት 7/24በመስራት አናፂም ግምበኛም እራሳቸው በመሆንይህን የመሠለ የስራ ቦታ በመገንባት ለተገልጋይ ክፍት እንዲሆን አስችለዋል ።

ስራ አስፈፃሚዋ አያይዘው እንደገለፁት የተሰራው ስራ ለሌሎች ምሳሌ እንደሆነ አስቀምጠው መልካም የስራጊዜ እንዲሆን ተመኝተዋል።

የለሚ ኩራ ክ/ከተማ  ደንብ ማስከበር ጽ/ቤት ሃላፊ አቶ አየለ ተስፋዬ እንዳስቀመጡት ጽ/ቤቱ ሰፊ ተልእኮ ተሰቶት እየሰራ መሆኑ የሚታወቅ ነው በተጨማሪ ከልማት ኮሪደር ጋር በተያያዘ ሰፊ ስራዎች እየተሰሩ መሆናቸውን ገልፀው የወረዳው ደንብ ማስከበር ጽ/ቤት የነበረበትን የቢሮ ጥበት ለመቅረፍ የተሰራውን ስራ እንደተቋም እየደገፍን በዚህ ያማረ የስራ ቦታ ከብልሹ አሰራር  ነፃ የሆነ የህዝብ አገልጋይ እንደምትሆኑ ተስፋ አደርጋለው በማለት ሀሳባቸውን ገልፀዋል።

የወረዳው ደንብ ማስከበር ጽ/ቤት ሃላፊ አቶ ፍቃዱ በቀለ በወረዳዉ እንደጽ/ቤት ከነበረብን የቢሮ ጥበት የተነሳ በተገልጋይ ላይ ችግር ሲፈጥርብን ነበር ነገርግን ከወረዳው አመራርና በጎ ፈቃደኞች ጋር በመነጋገርና በመግባባት ሁሉም የጽ/ቤቱ አመራርና ሰራተኞች ለስራው ግምባር ቀደም ሆናችሁ ለሰራቹት ስራ ምስጋና ይገባቹሃል በማለት ።

መረጃው፡-የለሚ ኩራ ክ/ከተማ ደንብ ማስከበር ፅ/ቤት ነው።