🔥 YENİ VİDEO!
⠀
Bu gün yeraltı və yerüstü keçidlər haqqında ətraflı danışacağıq. Bu mövzunu səhifədə dəfələrlə qabartmışıq, lakin yenə də məsələyə aydınlıq gətirməyə ehtiyac qalır.
⠀
Urbanist İlkin Babayevlə Ukrayna dairəsindəki məşhur keçidə və ətrafına baxdıq, mövcud vəziyyətdən və çıxış yollarından danışdıq. Və bir daha əmin olduq ki, bu keçidə xərclənən maliyyəni daha effektiv istifadə etmək olardı.
⠀
🔹 https://youtu.be/yoQvBRxSzUY

#piyadakeçidləri #vloq #İlkinBabayev

Piyadalar yolda, maşınlar səkidə - yeni vloqda Bakıdan daha bir nümunə və araşdırma.
⠀
📍 Bugünki videoda "28 May" və Dəmiryolu Vağzalı adlandırdığımız ərazini piyada gəzəcəyik və buradakı infrastruktura və piyadalar üçün yaradılan şəraitə yaxından baxacağıq.

Vloqa baxıb bir daha başa düşəcəksiniz ki, piyadaların yol ilə gəzməsi niyə insanların vərdişinə çevrilib.
⠀
https://youtu.be/CyYBkFchMvU
⠀
🔹 Kanalın davamlı fəaliyyətinə dəstək göstərmək sizi Patreon-da gözləyirəm. İzləyicilərin xahişi ilə artıq ən minimal $1-lıq abunəlik də mövcuddur. Digər üsullar bu postda.

Dəstək göstərən hər kəsə təşəkkür!

#vloq

🇦🇿 Yaxşı urbanistik həllər insanları daha xoşbəxt edir. İnsan yönümlü Balaxanı bunun bariz nümunəsidir.
⠀
Tanınmış qəsəbənin transformasiyası, tarixi və yanaşması - daimi qonağım memar Dilqəm İsmayılovla Balaxanı qəsəbəsi haqqında urbanistik icmalını hazırladıq. Digər videolarda görmədiyiniz və eşitmədiyiniz nüansları məhz bizim vloqda izləyə biləcəksiniz.
⠀
https://youtu.be/4Ut2wIbGtz4
⠀
🔹 İşimizə dəstək göstərən hər kəsə təşəkkür edirəm. Dəstəkçilər arasında qoşulsanız, bizə daha da böyük layihələrin hazırlanmasında çox kömək edəcəksiniz. Patreon-da bizə daimi dəstək göstərənlər isə əlavə bonuslar əldə edəcək və videoların geniş versiyalarını izləyə biləcəklər.


#vloq

🇦🇿 Bakının mərkəzindən tarixi küçələr necə dəyişə bilər və niyə bu vacibdir?
⠀
Memar Dilqəm İsmayılov ilə “Tarqovı”nın qonşuluğunda olan əraziləri gəzişdik, mövcud vəziyyəti və yeni vizyon haqqında danışdıq.
⠀
https://youtu.be/L4Gr-D1zlkA?si=_-zhvO2RSZNCHSff
⠀
🔸 Bu cür reportajların davamlı çəkilişini önəmli sayırsınız, bizə Patreon-da dəstək göstərənlərin sırasına qoşula bilərsiniz.

#vloq #mərkəziküçələr

Adətən hansısa inkişaf etmiş ölkə ilə Azərbaycanı müqayisə edəndə, mütləq kimsə gəlib yazacaq, "Siz ümumiyyətlə nə danışırsınız?! Onlarda olan pul, maaşlar, imkanlar bizimlə bir tutmaq olmaz".
⠀
Lakin bu gün biz Bakını heç də varlı olmayan 🇷🇸 Serbiya paytaxtı ilə müqayisə edəcəyik.
⠀
Yeni vloqda Belqradın küçələrinə, ictimai nəqliyyatına (burada tramvay var!) və Bakı ilə oxşar problemlərinə baxırıq:
⠀
https://youtu.be/WLgvjOxhs48
⠀
🔹 Kanala dəstək olan patronlar isə bu şəhərdən daha ətraflı videonu izləyə və növbəti vloqların mövzusunu müzakirə edə bilər.

#vloq #belqrad

Urbanistik islahatlar şəhəri stresdən necə azad edir?

Şəhərdə düzgün urbanistik islahatlar aparanda, o nəyinki yol iştirakçılarına daha münasib olur, eyni zamanda insanlarda stresi azaldır. Çünki belə şəhərdə gəzmək daha təhlükəsizdir, velosiped sürmək daha rahat olur, ictimai nəqliyyat isə gecikmir.
⠀
🇭🇺 Macarıstanda yaşayan həmyerlimiz Tarıqulu Xasizadə ilə Budapeştin misalında bu nüanslar haqqında danışdıq.
⠀
➡️ https://youtu.be/NbRa2UwoJrY

🔹 Vloq üçün mövzunun seçilməsinə iştirak etmək, əsas videolara düşməyən hissələri izləmək üçün bizə dəstək olanların sıralarına qoşula bilərsiniz.

#vloq #Budapeşt

🇬🇪 Tbilisi sürətlə transformasiya etməyə davam edir.
⠀
Burada iki zolaqdan birini avtobuslara verirlər, yeraltı piyada keçidlərini isə “zebra”larla əvəz edirlər.
⠀
Bugünki ətraflı reportajda Tiflis şəhərinin urbanistik islahatlarına yaxından baxırıq:
⠀
➡️ https://youtu.be/K8iri3EvNHk

🔹 Tbilisidən daha bir vloq olacaq növbəti həftədə. Kanala dəstək olan sadiq izləyicilərimiz onu daha öncədən görə biləcək.

Həmçinin Patronlar bu və digər videoların daha geniş versiyalarını izləyə bilir.

#vloq #Tbilisi

🚍🇬🇪 İctimai nəqliyyat islahatından danışsaq, yenə də Tiflisi misal gətirməli olacam.
⠀
Burada 6 zolaqları prospekti "daraldaraq", maşınlar üçün cəmi 2 zolaq saxladılar. Qalanı verdilər ictimai nəqliyyata, velosiped yollarına və piyadalara. Bəli, tıxaclarla düzgün mübarizə üsulu məhz budur.
⠀
❓ Bəs bu cür sərt qərarlar necə verildi, ictimaiyyətin reaksiyası necə oldu və Bakı nə etməlidir? Bu suallara həmçinin vloqun qonağı, Tbilisidən nəqliyyat mütəxəssisi ilə söhbət etdik.
⠀
Yeni videoda Tbilisinin ictimai nəqliyyatına baxırıq və özümüz üçün nəticələr çıxarırıq.
⠀
➡️ https://youtu.be/xIASZ0aqST0
⠀
❗️ Dostlar, kanala dəstək olanların sayı, təəssüf ki, uzun müddətdir artmır. Xatırladım ki, vloqların çəkilişi və bu cür maarifləndirmə işlərinin aparılması maddi dəstək tələb edir. Patreon-da sizə uyğun olan məbləğdə bizə daimi şəkildə dəstək göstərsiniz belə, videoların davamlı olmasında böyük bir tövhəniz olacaq. Digər üsuallar burada.

#vloq #Tbilisi

🚇🇬🇪 Metrodan danışarkən, Tiflisdən də xəbər var.
⠀
Dövlət büdcəsindən Tbilisi metrosunda 475 milyon avro ayrıldı ki, şəhər meriyası qatarları yeniləsin.
⠀
Son videoda artıq sizə göstərmişdim ki, Tbilisidə köhnə, SSRİ vaxtından qalan köhnə qatarlar hərəkət edir (81-717). Kosmetik təmirdən keçsə də, qatarlar heç bir müasir standartlara cavab vermir. Nə kondisionerləri var, səs səviyyəsi çox yüksəkdir, vaqonlar arası keçid yoxdur, bir sözlə Bakıda da belələrini hələ də görürük.
⠀
🔹 Əksər post-sovet ölkələri (Azərbaycan daxil olmaqla) qatarları Rusiyadan alır. Lakin Gürcüstanın siyasətini nəzərə alaraq, düşünürəm ki, qonşularımız bu səfər ruslara üz tutmayacaq. Misal üçün, 🇰🇿 Almatı şəhəri "Hyundai" şirkətindən metro qatarları alıblar (sağ fotoda). Tiflis də bu yol ilə gedə bilər. Və yaxud 🇪🇺 Avropadan danışıqlar apara bilər. Hələ dəqiq məlumat verilmir.
⠀
🔹 Gürcüstanın sosial mediyasında şərhlər oxudum ki, vətəndaşlar daha çox xətlərin və stansiyaların inkişafına yatırım etməsini tələb edir. Sözlərində həqiqət var, lakin unutmayaq ki, bu şəhər eyni zamanda yerüstü nəqliyyatını sürətlə inkişaf etdirir, avtobuslar demək olar ki, metro kimi fasiləsiz və cədvəl üzrə işləyir.

Odur ki, vəziyyət Bakıdakı kimi kritik deyil, baxmayaraq ki, bizdə də metroya güclü investisiyalara ehtiyac var.

#Tbilisi #metro