🆘 Bayıl sakinləri şikayət edir ki, hər gün AzNeft dairəsini bağlayıb, M. Üseynov küçəsini saatlarla tıxaca qoyurlar.

Bir küçəni bağlayıb digərinə üstünlük vermək çıxış yolu deyil.

Ən acınacaqlı isə odur ki, heç avtobusları da buraxmırlar bu yoldan keçsinlər. İnsanlarda ictimai nəqliyyat kimi alternativi də yoxdur.

🔸 Tıxaclara qalib gəlmək üçün ilk növbədə şəhərdə düzgün prioritetlər qurmaq lazımdır.

#tıxaclar

🇪🇬 Misirdə güya tıxacları azaldmaq üçün şəhərin ən dəyərli məkanını - dəniz qırağını asfalta döşəyib 10 zolaqlı yol çəkiblər.

Təəsüf ki, belə bəsit düşüncəyə məxsus insanlar hələ də bizim qərarverən məmurlar arasında mövcuddur.

Daimi izləyicilər bikir ki, yolların genişləndirilməsi dünyanın heç vaxt tıxac problemini həll etmir. Təzə qoşulanlar isə bu haqda buradan oxuya bilər.

#tıxaclar

🚨 Tıxac tək vaxt itirmək deyil, həyat məsələsidir.
⠀
🚑 Yüzlərlə təcili tibbi yardım avtomobilləri hər gün tıxacda ilişib qalır və kim bilir nə qədər insan vaxtında təcili yardım göstərilməməsi üçün həyatını itirir.
⠀
Nəzərə alsaq ki, bizdə tıxacda sürücülər heç bir ara məsafəsi saxlamır, bu çox ciddi sosial problemdir.
⠀
📸: Rəvan Bağırov

#tıxaclar

🇰🇿 Qazaxıstanın Almatı şəhərində yeni tikilən yol qovşağı daha pis tıxaclara gətirib çıxardı.
⠀
Tikintisi 2019-cu ildə başlamış bu körpü və tunnellərin məqsədi tıxacların qarşısnı almaq idi. Amma cəmi 2 ay əvvəl açılmış bu qovşaqdan sürücülər artıq şikayət edir.
⠀
💰 Yol qovşağında 43 milyon dollar xərcləndi.
⠀
Bu xəbərdə təəccüblü heçnə yoxdur, yolların genişləndirilməsi və şəhər daxilində qovşaqların tikintisi tıxaclarla mübarizədə heç bir halda kömək etmir, daha pis vəziyyətə gətirib çıxarır.
⠀
🔹 Maraqlıdır ki, eyni zamanda Almatı şəhərində digər urbanistik islahatlar gedir, burada BRT-tipli ayrılmış avtobus zolaqları və velosiped yolları salınır.
⠀
Lakin əgər bu qovşaqlar nəticədə yenə də dar şəhər küçələrinə dirəşəcəksə, onlar heç vaxt effekt verməyəcək.

Prinsipcə, Bakı bunu öz nümunəsində artıq sübut edib.

#tıxaclar

Bakı küçələrinin öz "Black Friday"-i var.
⠀
🛑 Mikayıl Üseynov küçəsində yenə avtobuslar dalbadal tıxacda ilişib qalıb.

Minlərlə insan hər gün bu küçədə əziyyət çəkir.

#tıxaclar #ictimainəqliyyat

⬆️ Gözəl mənzərədir! Sən demə, belə də mümkün imiş.

İstiqlaliyyət küçəsində tıxaca baxmayaraq sürücülər velosiped zolağına hamı bir nəfər kimi riayət edir.


#velosipedzolaqları #tıxaclar

Sosial şəbəkələrdə şərhlər: “Geniş yollar bizi tıxaclardan xilas edəcək!!🤩”

Həmin an geniş yollar: …

#tıxaclar #yollarıngenişləndirilməsi

❌ Tıxacların şəhərə gətirdiyi ziyanı:
⠀
☑️ İqtisadi ziyan - insan resursları düzgün isftifadə oluna bilmir.

☑️ İnsanlarda stres səviyyəsin artırılması, əhalinin sağlamlığına birbaşa təsiri.

☑️ Havanın çirkləndirilməsi (nəzərə alın ki, ölkədə 80% avtomobillərinin yaşı 10 ildən çoxdur).

☑️ Səs kirliyi, siqnallar heç də əhvali-ruhiyyəmizə yaxşı təsir etmir.

☑️ Küçələrin normadan artıq yüklənməsi, ictimai nəqliyyatın qrafiklərin pozulması.
⠀
🔸 Bakı şəhərində nəqliyyat islahatları çox zəif templə gedir, maliyyə və subsidiyaların ayrılmasına (metro, avtobus, tramvay) hava-su kimi ehtiyac var. Bu niyə edilmir, mən bilmirəm.
⠀
Video: Tural Yusifov.

#tıxaclar

❌ "COP-dan sonra avtobus və velosiped zolaqları ləğv olunacaq".
⠀
💡 Tutaq ki, belə oldu. Və siz bu xəbərə sevinirsiniz, COP29-un bitməsini səbirsizliklə gözləyirsiniz. Açığı mən heç bunu tam istisna etmirəm, bu şəhərdə nə desən baş verə bilər.
⠀
🤩 Sürücülərimiz ciddi bir xəyal yaşayırlar ki, avtobus zolağı olmasa, tıxac olmaz? "Nə yaxşı olar, maşınla artıq hər yerə çatmaq mümkün olacaq".
⠀
❗️İndi bir dəqiqəlik təsəvvür edin ki, bu zolaqlar ləğv olundu (ya da ki nəzarət dayandırıldı). Nə baş verəcək?
⠀
☑️ Son zamanlar avtomobildən imtina edib ictimai nəqliyyata üz tutan bəzi sakinlər yenə də yollara qayıdacaq, maşın çoxalacaq, tıxac daha da bərbad olacaq.
⠀
☑️ Avtobusda son aylar ərzində daha tez çata bilən yüz minlərlə sərnişin indi yenə də tıxacda qalacaq, çünki zolaqlar işləməyəcək. 20 dəqiqə gedə biləcəyi yolu indi yenə də 40-50 dəqiqəyə gedəcək. Hələ, 20 dəqiqə dayanacaqda qış havasında gözləməli olacaq.
⠀
☑️ Avtobusa minmək istəməyənlər taksi sifariş verəcək, tələbat çoxalacaq, Uber/Bolt-un hətta ekonom taksiləri minimum 4-5 manat olacaq (pik saatlarında bundan da baha).
⠀
☑️ Yolların acınacaqlı vəziyyəti görən insanlar metroya üz tutacaq. Yeraltı nəqliyyatda sıxlıq və vəziyyət daha da bərbad olacaq.
⠀
☑️ Əvvəllər qısa səfərlər üçün velosiped ya da skuter istifadə edənlər zəbt olunmuş velozolaqları görəndən sonra yenə də ya avtomobilə/taksiyə üz tutacaq (tıxac çoxalacaq). Və yaxud onsuzda həddinən artıq yüklənmiş ictimai nəqliyyata əlavə yük verəcək.
⠀
❓ İndi sual: Siz həqiqətən düşünürsünüz ki, ayrılmış zolaqların ləğvi ilə xoşbəxt olacaqsınız? Tıxacda daha az vaxt keçirəcəksiniz? Ciddisiniz?
⠀
#tıxaclar