Чӗрене касать ку сӑвӑ. Вуласа пӑхӑр-ха, вӑл пирӗн юратнӑ чӑваш чӗлхи ҫинчен, пирӗн халӑхӑн инкекӗ ҫинчен
💔

Амăшĕн чунĕ

Хăй килне пырса пăхрĕ тет амăшĕн чунĕ.
Мăрьере тĕтĕм çук, кантăкра çутă çук.
Хулана ларса кайрĕ тет амăшĕн чунĕ
Каçхине, пуйăсра вырăнсем пушă чух.

Ачисем патне çитрĕ тет амăшĕн чунĕ,
Итлесе тăчĕ тет пĕр кана алăкран.
Куççульпех йĕрсе ячĕ тет амăшĕн чунĕ
Хваттерте ун чĕлхи, ун сăмахĕ çукран.

©Юрий Сементер

#сӑвӑ

Эмине -- Ман аллӑмра икӗ шурӑ тутӑр

Ку кӗнеке каналта упранса юлтӑр тетӗп.
@arsayaslan сканерлесе пайлашнӑшӑн тав!

#сӑвӑ

«A plague on both your houses» -- оригиналта.
"Чума возьми семейства ваши оба" Б.Л. Пастернак куҫарӑвӗнче.

Чӑвашла ылхану тата мӗнле пулма пултарӗччӗ:
"Вӗлтрен пустӑр сан ҫуртна!"

Е, ритмпа размер пӑсмасан:
"Пустӑр вӗлтӗрен ҫуртна, иксӗрӗнне те!"

#сӑвӑ

Навигаци валли тег пуххи:

#опыт

#нумай_чӗлхелӗх

#longread

#рецепт

#сӑвӑ

#сӑмах

#юрӑ

#халлап

#юмах

#каларӑш

#уйăх

#кун

#пултаруллӑ_ҫынсем

#ачалӑх

#Путешествие в историю чуваш

Ҫав Ваҫанкка кам-ши вӑл? "Кулак" пулнӑ пулӗ?
"Ҫилпе шыв ӗҫлеҫҫӗ" пулсан вӑл арман тытнӑ пулмалла.
(Шелепи сӑвви)

#сӑвӑ

Ак кунта:
Юмӑҫ карчӑк хӑни хан пулнине мӗнле майпа пӗлни.

#сӑвӑ

Йӑваш пулсан -- таптаяҫҫӗ,
Хастар пулсан -- хупаяҫҫӗ,
Ӑса текех -- ӑнланмаҫҫӗ,
Ырра текех -- ырламаҫҫӗ,
Ҫылӑх пулсан -- ҫыхаяҫҫӗ,
Чечекленсен -- татаяҫҫӗ,
Таса пулсан -- таканлаҫҫӗ,
Усал пулсан -- тыллаяҫҫӗ,
Мӗнле пулас -- ӑнланмастӑп...
Шӑпапала вӑй вылятӑп,
Хама хам лӑплантаратӑп:
"Хам телейпе хам пурнатӑп..."

Игорь Тальков (?) сӑввине чӑвашла Владимир Алексеев куҫарнӑ, 28.03.2023

Ҫӑлкуҫсем:
https://vk.com/wall208805031_1856
https://www.inpearls.ru/187101

#сӑвӑ

Салтак юрри

Хире тухрӑм эп ҫывӑрма,
Пуҫма хутӑм эп тумхаха.
Алла чиксе кумӗр илтӗм *,
Ҫамрӑк пуҫма инкеке.

Приюмӑн ** крильцисем, тӑвӑр икӗ алӑкӗсем,
Приюмӑн ӑшӗнче чун илекен пур иккен,
Приюмӑн алӑкӗсем кӗленче иккен,
Хӗвел пӑхсан, ҫуталать,
Ҫуталманни вутпа ҫунтӑр,
Ҫамрӑк пуҫӑм манӑн ҫухалать.

Кӑҫал каснӑ пӗрмесем ***
Шурӑ Атӑлта сул пулать.
Ҫухалнӑ пуҫ ҫухалать,
Ман ылханӑм ҫав пултӑр.

Тӑваттӑлла явнӑ сӳс кутлӑх,
Мӗншӗн часах татӑлать-ши,
Сӳсӗ начартан-и-мӗн?
Ҫук, сӳсӗ те начартан мар,
Лаша ҫинчен пӗртех хывӑнманран.

Мӗншӗн та маттурах салтака кайнӑ ачасем
Тӳсӗмсӗр те халь пулаҫҫӗ,
Хуйхӑран-ши вӑл вара?
Ҫук, хуйхӑран мар, мӗн те мар,
Кунӗн-ҫӗрӗн ҫӗмӗрӗлсе ҫӳренӗрен.

#юрӑ #сӑвӑ

* Алла чиксе кумӗр илтӗм - шӑпа туртса (жеребьёвкӑра) салтака каймаллине туртса кӑларни (кумӗр = кӑмрӑк)

** Приюм - приём, "военкомат"

*** Пӗрме = пӗрене, сулӑ (плот) валли каснӑ йывӑҫ

Мир пурнӑҫа! Вилӗм вӑрҫа!

Вӑрҫӑ пире хӑратман, хӑратмасть,
Вӑйлӑ эпир вӑрҫӑран.
Вилӗме пурнӑҫ чӑтма пултармасть,
Тулӗ шӑпу сан, тӑшман!

Пӗтӗм тӗнче янратать, кӑшкӑрать:
Мир пурнӑҫа! Мир пурнӑҫа!
Пӗтӗм тӗнче кӑшкӑрать:
Вилӗм вӑрҫа! Вилӗм вӑрҫа!
Мир пурнӑҫа!

Мул хуҫисемшӗн тӑван ачине
Амӑш вӑрҫа парас ҫук,
Халӑх тӑхлан сапакан пӑшалне
Хӑй ҫинелле йӑтас ҫук.

Пӗтӗм тӗнче янратать, кӑшкӑрать:
Мир пурнӑҫа! Мир пурнӑҫа!
Пӗтӗм тӗнче кӑшкӑрать:
Вилӗм вӑрҫа! Вилӗм вӑрҫа!
Мир пурнӑҫа!

Сарӑ хӗвел выляса ҫӗкленет
Ылтӑн шевле сапалать.
Пирӗн тӑван ҫӗршыв ҫутӑ кӳрет,
Пӗр тӗрӗс ҫул кӑтартать.

Пӗтӗм тӗнче янратать, кӑшкӑрать:
Мир пурнӑҫа! Мир пурнӑҫа!
Пӗтӗм тӗнче кӑшкӑрать:
Вилӗм вӑрҫа! Вилӗм вӑрҫа!
Мир пурнӑҫа!
© Стихван Шавли

#сӑвӑ #юрӑ