«Аваллăхсăр малашлăх çук» фестивале хутшăнма йыхравлатпăр!

Фестивале Чăваш Республикин вĕренÿ институчĕпе Хĕрлĕ Чутай шкулĕ Тăван чĕлхе кунне тата Телейлĕ ачалăх çулталăкне халалласа ирттереççĕ.

📅Фестиваль нарăс уйăхĕн 18-мĕшĕнче Хĕрлĕ Чутай шкулĕнче иртет, 9:00 сехетре пуçланать.

Фестиваль ăмăртăвĕсем:
🔸«Атьăр вăййа тухар-и?» (шкулчченхи вĕренÿ организацийĕсенче тата кĕçĕн классенче вĕренекенсем чăваш ача-пăча вăййисене кăтартса пани);
🔸«Халăх хитре – йăлипе» (вăтам классенче вĕренекенсен фольклор ушкăнĕ чăваш халăхĕн хăй тăрăхĕнчи пĕр йăли-йĕркине кăтартса пани);
🔸«Халăх юрри – чунăм уççи» (вăтам е аслă классенче вĕренекенсем чăваш халăх юррине юрлани);
🔸«Ай, ташлар-и ташшине…» (шкулчченхи вĕренÿ организацийĕсенче тата 1-11-мĕш классенче вĕренекенсем чăваш ташшине ташлани);
🔸«Çĕнĕ варкăш» (2-11-мĕш классенче вĕренекенсем хăйсем çырнă сăвăсене пăхмасăр пултаруллă каласа пани);
🔸«Халăх йăли – пурнăç йĕрки» (вĕрентекенсем чăваш халăх йăли-йĕркине тĕпе хурса ирттернĕ уроксемпе урок тулашĕнчи ĕçсене ирттерни);
🔸«Ачалăхри асамат кĕперĕ» (5-11-мĕш классенче вĕренекенсен ÿкерчĕкĕсен куравĕ);
🔸«Пирĕн çемьен юратнă чăваш апачĕ» (проекта 1-11-мĕш классенче вĕренекен çемьепе хутшăнса хÿтĕлени).

Тĕплĕнрех: https://chrio.rchuv.ru/news/2023/01/13/avallhsr-malashlh-uk-festivale-hutshnma-jihravlatp


#чăвашчĕлхи #тăванчĕлхе #тăванчĕлхекунĕ #аваллăхсăрмалашлăхçук #минобразованиячувашии