大忌！門口忌有鏡送財走？教3招擺生仔風水陣 擇埋日子時辰！
去片👉https://youtu.be/kb1vgpSnapA

《玄機解樓》第三集：唐碧霞（碧霞老師） 去到屯門倚嶺南庭，教想升職做爸爸嘅張生３招，擺強勁嘅生仔風水局！各位想生B嘅觀眾，都可以喺自己屋企嘅伏位跟住擺陣！另外，張生屋企竟然犯咗大忌喺門口裝鏡，要點化解？
去片👉https://youtu.be/kb1vgpSnapA

如果想碧霞老師幫你解決煩惱，歡迎inbox或send電郵info@channelchk.com嚟寫底訴求，等碧霞老師免費上門為你《玄機解樓》！

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #玄機解樓 #唐碧霞 #碧霞老師 #懷孕 #生B #風水 #風水陣 #財運 #鏡

MIRROR成軍3周年 新團歌《All in One》MV公開
12子輪流扮醜 姜濤、Ian久違派糖

喺MIRROR成軍3周年，各位鏡粉又一首團歌可以無限Loop啦！《All in One》MV今日準時晏晝1點喺YouTube公開，喺MV入面，12子除咗勁歌熱舞之外，仲由MIRROR變身「ERROR」，全部拋低晒偶像包伏，整咗唔同鬼臉博君一笑，真係但Channel絲真係要投訴Frankie，點解扮完仲係咁靚仔㗎！12子喺MV入面亦都有好多好有愛嘅互動，例如姜B一嘢攬住Ian、「死神CP」久違派糖，Jer趁Edan畀姜B、Anson Lo箍頸嗰陣去趁熱鬧等等～官方喺MV簡介度話，「MIRROR成軍3週年，為大家帶黎更多正能量，誓要令大家超級興奮！」，之前好多Fans都擔心12子因為忙碌嘅行程而太攰，相信各位Fans見到喺MV笑得咁開心嘅12子，應該都會正能量爆棚！

而鏡嘅官方IG噚晚都Upload咗一張12子嘅舊相，仲寫低咗段感言，「兩年前，迷茫的《一秒間》，到We are《One And All》，今日的《All In One》。有一種態度叫MIRROR！！鏡子不單反映出無限可能性，同時帶來新氣象！！」，佢哋話希望各位鏡粉可以同MIRROR一齊走下去，仲用兩首團歌嘅歌詞同鏡粉約定，「勾手指尾應承你」、「沿途高低伴我走過」。

成軍3周年咁重要嘅大日子，除咗MV之外，官方今日都喺九展舉行三場專屬答謝會，MIRROR喺會上分享咗3年嚟嘅難忘經歷同感受，更加首次公開獻唱新歌《All In One》。場館仲特別設置咗展覽區，除咗佢哋呢3年嚟拎過嘅獎、劇照、紀念品等，仲有12位成員的中學相，睇呢個展覽就好似睇住MIRROR成長一樣，見證佢哋一路以嚟付出過嘅汗水。由2018年到2021年、《全民造星》到MIRROR、《Mirror Go》到《調教你MIRROR》、由當日唔戴口罩喺街行都未必有人認得、車費都未必負擔得起，到今日變成全城焦點，MIRROR同香港人一樣捱過好多低潮，希望MIRROR可以繼續帶住呢股正能量，陪香港人行多無數個三年！

#channelchk #MIRROR #鏡 #鏡粉 #AllinOne #一秒間 #OneandALL #調教你MIRROR #Mirror Go #全民造星

MIRROR新團歌《All in One》MV首播一日 登發燒影片第2位
加拿大英國亦上榜

MIRROR噚日（3日）成軍3周年大日子推出新團歌《All In One》，MV同日亦都喺YouTube頻道首播。簡介提到「MIRROR集合12份力量，銳變萬能!! 集合各人嘅強，育成無比力量」，可能就係呢股力量，MV播出短短一日，點擊率已錄得逾36萬人次，登上音樂發燒影片第2位。而且唔單止香港走勢凌厲，喺海外都好強勁，喺加拿大同英國亦分別排第19同21，證明海外鏡粉嘅應援勢力都相當驚人！

海外鏡粉仲用唔同方式，遠距離同鏡分享佢哋呢份喜悅。其中喺加拿大溫哥華嘅姜糖嚟緊今個月13至14日，將會喺列治文時代坊中庭舉行「姜濤出道3周年」展覽，係第一個加拿大大型公開應援活動，場內有大量打卡位之外，仲會有未開公嘅姜靚相，喺加拿大嘅姜糖們唔好錯過。

#channelchk #MIRROR #鏡 #鏡粉 #AllinOne #應援 #海外鏡粉