MIRROR新團歌《All in One》MV首播一日 登發燒影片第2位
加拿大英國亦上榜

MIRROR噚日（3日）成軍3周年大日子推出新團歌《All In One》，MV同日亦都喺YouTube頻道首播。簡介提到「MIRROR集合12份力量，銳變萬能!! 集合各人嘅強，育成無比力量」，可能就係呢股力量，MV播出短短一日，點擊率已錄得逾36萬人次，登上音樂發燒影片第2位。而且唔單止香港走勢凌厲，喺海外都好強勁，喺加拿大同英國亦分別排第19同21，證明海外鏡粉嘅應援勢力都相當驚人！

海外鏡粉仲用唔同方式，遠距離同鏡分享佢哋呢份喜悅。其中喺加拿大溫哥華嘅姜糖嚟緊今個月13至14日，將會喺列治文時代坊中庭舉行「姜濤出道3周年」展覽，係第一個加拿大大型公開應援活動，場內有大量打卡位之外，仲會有未開公嘅姜靚相，喺加拿大嘅姜糖們唔好錯過。

#channelchk #MIRROR #鏡 #鏡粉 #AllinOne #應援 #海外鏡粉