顏值直迫姜濤？
《聲夢》Hugo「天生的IDOL」應援海報 亞視味濃

「九展天團」Mirror由一班被批MK仔到變成人氣天團，條formula人人都想學。就連大台20歲《聲夢》學員 黃奕斌（Hugo），都走類似風格，包括其韓仔look同應援，都令人錯覺以為自己睇緊Mirror。但Hugo嘅應援燈箱海報，嗰句「天生的IDOL」、嗰個握拳但又欠力水嘅pose、嗰隻字款、嗰種將有design融入冇design嘅化境，一拍埋AK@Mirror生日應援廣告，就好似當年嘅亞視VS無綫咁。

香港出世嘅Hugo，參賽時已被稱為大熱，佢喺新加坡讀完中學後，考入北京中央戲劇學院（真心勁），尚有一年先完成課程，但為參加《聲夢傳奇》延期畢業。唔知邊個形容Hugo係「顏值直迫姜濤嘅花美男」，讚佢唱得跳得又靚仔，「成為女參賽者中的甜心男」，佢都話自已成日俾女仔追。即係咁，Channel絲比較少涉足大台節目，好奇睇睇Hugo有幾靚仔，咦……

不過審美眼光嘅嘢，標準不一。正如內地網民大彈Mirror「這麼醜」、「當愛豆（Idol）門檻這麼低嗎」…Channel絲覺得，「天生的IDOL」Hugo絕對啱內地fans胃口，佢個look係堅係內地男團style。尤其係佢初段嘅金毛白恤衫打黑呔look，真係姜濤都carry唔到。

早幾日Hugo已經返番內地，繼續學業。人走咗應援繼續，行過巴士站可能會遇到佢嘅海報燈箱，總共有20個。唔明點解港島一個都冇﹐集中晒九龍新界如沙田、將軍澳、旺角、九龍城、長沙灣、觀塘、馬鞍山…唔通「天生的IDOL」喺港島冇fans？

燈箱海報共有兩款，一款係身穿冬裝合埋眼揸咪投入獻唱，背景黑沉沉好低調，支咪遮晒個嘴，難以欣賞花美男高顏值；另一款陽光氣息好重，仲著住件無綫播東京奧運嘅官方tee，握拳擺出有power pose，但力度真係唔夠，立下眼望落去，仲有啲似楊怡。

應援模式其實個個差唔多，鏡粉同404都係向韓國取經再發揚光大，用愛同創意add value，令應援更有溫度更甜。Hugo尚在起步，應援海報design尚待改進好正常，而佢個應援公仔，同鏡粉為Mirror設計嘅應援公仔都係重視細節位，款式都幾似。Channel絲冇睇開Hugo，所以冇咩feel…

#天生的IDOL #Hugo #九展天團 #黃奕斌 #聲夢 #Mirror #應援 #channelchk

車Cam直擊｜天水圍貨櫃車翻側撞壆冒白煙
司機被困送院搶救不治

天水圍洪天路昨（12日）發生致命交通車禍！一輛貨櫃車沿元朗公路往屯門方向行駛至一個彎位時，疑失控翻側撞壆，翻向山坡。57歲貨櫃車司機被困，其後由消防救出，惟他頭部和四肢重創，陷入昏迷，送往屯門醫院搶救，惜最終不治。

網上流傳事發時的車Cam片段，可見當時貨櫃車駛至一個左彎位時，突然逐漸右傾，貨櫃車隨後整架向右翻側，撞向右邊石壆，翻向路邊山坡。貨櫃車隨即冒出大量白煙。

事發昨午3時許，肇事57歲貨櫃車由天水圍洪天路駛上元朗公路往屯門方向，駛至天水圍西交匯處左彎時，貨櫃車失控翻側，撞向路中石壆，再撞毀燈柱。司機被困，多名駕駛人士見狀即報警求助，司機其後由消防救出，但他的頭部及四肢嚴重受傷，昏迷被送往屯門醫院搶救，至下午5時32分被證實死亡。

新界北總區交通部特別調查隊正跟進調查案件，呼籲任何人如目睹意外發生或有資料提供，請致電3661 3800與調查人員聯絡。

#channelchk #交通意外 #車禍 #貨櫃車 #洪天路 #天水圍 #元朗公路

天文台：短期內取消8號波

【一文睇清】落波交通消息

👉巴士：
新巴及城巴大部分日間路線將於下午5時起陸續恢復有限度服務。
九巴及龍運巴士宣佈，所有巴士路線於下午5時起陸續恢復，而部份特別路線及班次會有暫停或改道安排，乘客可留意九巴app。

👉港鐵：
維持有限度服務。港鐵巴士服務則仍然暫停。
荃灣綫10 分鐘一班
觀塘綫10 分鐘一班
港島綫10 分鐘一班
南港島綫10 分鐘一班

將軍澳綫
北角站—寶琳站：10 分鐘一班
調景嶺站—康城站：10 分鐘一班
東涌綫：10 分鐘一班
迪士尼綫：20 分鐘一班
機場快綫：30 分鐘一班
東鐵綫紅磡站—羅湖站：8 -10 分鐘一班
屯馬綫：8 -10 分鐘一班
輕鐵：15 -20 分鐘一班

👉渡輪：
新渡輪離島航線及港內航線渡輪服務下午6時開始逐步恢復，但橫水渡服務今日續停，明日恢復。

珊瑚海船務有限公司亦宣佈最新船期安排：
觀塘去西灣河：首班17:18
西灣河去觀塘：首班17:33
三家村去西灣河：首班 17:30
西灣河去三家村：首班17:45

詳情請參閱運輸署網頁： https://bit.ly/3lzqclX

#圓規 #風暴潮 #天文台 #8號風球 #烈風 #channelchk #天氣 #氣象 #颱風 #風暴 #熱帶氣旋 #強風信號 #3號風球

圓規不虧！扯逾23小時8號波 始轉3號
東北信號歷來第五長 放全日風假

【天氣師李鈺廷提提你】
天文台在下午4時40分改發3號波，取代8號東北信號。颱風圓規，其實一點也不虧。雖然它移速快，但環流大，加上東北季候風加持，即使在香港以南360公里掠過，8號東北信號都維持23小時20分鐘，是歷來第五長。雖然打工仔少有放足全日風假，不過圓規至少釀成香港1死20傷、72宗塌樹和10宗水浸。

【圓規紀錄一覽】

👉天文台罕有高調預告8號波
正因圓規環流大、移速快；不消30小時便由距港800公里，逼近至掠過香港以南，加上氣象超級電腦有信心預測香港吹烈風，所以天文台繼強颱風山竹襲港後，再次未待發出任何風球，已罕有高調在記招預告，會改發8號波。

👉同年兩度直上3號波 64年首次
天文台僅相隔4日，再次由強烈季候風信號直接改發3號風球，是1957年以來首次在同年兩度直接改發3號波。

👉34年最遠3號波
圓規進入南海前，強風圈半徑闊830公里。當它逼近至本港770公里，已需發出3號波，是34年來最遠的3號波。

👉龐大風圈 2,000公里強風
當圓規進入南海後，強風圈半徑擴至1,000公里；北面烈風圈半徑亦擴至440公里。至圓規登陸海南島，兩個風圈仍維持原有大小。

👉相隔時間最短8號波
圓規接緊南海風暴獅子山襲港，2次8號波僅相距60小時40分鐘，遠遠拋離1966年風暴露娜和瑪媚所創下的75小時30分舊紀錄，成為與上次8號波相距時間最短的8號風球。

👉強勁風尾 長洲颶陣
多個地區在圓規清晨掠過後，風力才飆升至烈風程度；強勁的風尾令長洲風速顯著回升，陣風更錄得颶風級。

👉風暴加天文潮 西貢水位勁過天鴿
圓規的風暴潮加天文潮，令沙田城門河邊等多處被浸；行人隧道更淹至1米深。西貢大廟灣潮高3.48米，超越超強颱風天鴿襲港時的3.14米，成為1996年設站以來第二高紀錄。

👉歷來第五長8號東北
圓規的8號東北信號維持23小時20分鐘，是歷來第五長。以往不少西進型颱風掠過香港以南時，風向都由偏北轉為偏南；8號信號亦相應由東北轉為東南。但由於圓規的東南風，部份向量被東北季風抵銷，令香港未能吹起東南烈風，未能改發8號東南信號，便降至3號。

#圓規 #8號風球 #3號風球 #天文台 #channelchk #天氣 #氣象 #颱風 #風暴 #熱帶氣旋 #cyclone #storm #typhoon #weather #李鈺廷

3號風球料維持一段時間
東北季候風周末殺到 下周一最低20 °C

天文台下午4時40分改發3號風球，取代8號東北烈風或暴風信號，預料3號風球會維持一段時間。而黃色暴雨警告下午5時10分已取消。

天文台預料本港平均風速每小時41至62公里，本港部份地區吹強風，高地間中吹烈風；預料「圓規」向西移動，時速約22公里，橫過海南島。受圓規外圍雨帶影響，廣東沿岸今明兩日仍有驟雨；預料一個低壓區會在接近周末至下周初為南海中北部帶來不穩定天氣。而一股乾燥的東北季候風會在周末期間抵達華南沿岸，下周初該區天色好轉及稍涼。

據天文台9天天氣預測，明日（14日）重陽間中有狂風驟雨，多雲，日間短暫時間有陽光；周五(15日)大致多雲，間中有驟雨及雷暴。至周末及周日部份時間有陽光，周日早上稍涼，氣溫22至26 °C，開始乾燥，下周一（18日）氣溫更降至最低20 °C。

教育局表示，由於8號風球已取消，夜校今日恢復上課。衞生署亦宣佈，政府牙科診所夜診服務將按照正常服務時間開放，美沙酮診所亦繼續按正常服務時間開放。

#channelchk #3號風球 #圓規 #打風

加拿大姜糖賀《蒙著嘴說愛你》破千萬views
籌近四萬港元捐SickKids病童醫院

姜濤@MIRROR嘅《蒙著嘴說愛你》，除咗個歌名夠晒Sweet，歌詞亦都充滿正能量，好似「天給我貧病困苦 笑著去吃苦」、「生活在劫難裡 心靈從未給沾污」呢幾句，相信唔少生活喺病痛折磨之中嘅人，都會對此別有一番感受。而出歌嗰陣，姜B都曾經話過「冇咩係解決唔到，包括疫情」，希望首歌可以鼓勵到其他人。

成日都話「有咩偶像就有咩Fans」，其實呢句說話都唔一定係負面嘅。就好似一班加拿大姜糖為咗慶祝《蒙着嘴說愛你》MV破千萬views，決定要同首歌一樣為大家帶嚟正能量，集體為SickKids病童醫院發起捐款行動，將愛帶畀一班小朋友。

「姜濤Keung To加拿大應援團」本身計劃於五日內籌得$5,200加幣（約32,518港元），但除咗一班齊心嘅姜糖同鏡粉，活動仲感染咗其他好心人一齊捐款，所以目標最後超額完成，一共籌$6,280加幣（約$39,212港元） ，真係「愛接愛 人連人 可以一拼」。應援團事後喺IG公佈籌款總金額同捐款支票，再次成功感動咗唔少Fans同網民留言，「謝謝你們，這是一件很有意義的事」、「好有意義， 呢首歌本身都係疫情人帶來鼓勵」，有人仲話為自己係姜糖而自豪添。

正所謂「全憑愛令人堅持 還有各位的照顧」，有一班咁有愛嘅姜糖，真係唔怪得姜B一路以嚟咁有毅力呀！

#channelchk #姜濤 #MIRROR #蒙著嘴說愛你 #姜糖 #SickKids #病童醫院

陳同佳3個月前搬入深山 回復自由身
警收回安全屋 保護人員全撤

觸發政府修訂《逃犯條例》的台灣殺人案疑犯陳同佳，前年10月23日因洗黑錢案出獄後，曾表明願意赴台自首，但至今仍未成行。今日有報道指，出獄近兩年的陳同佳，本來後一直居於警方提供的安全屋，接受警方保護，惟3個月前已搬離，警亦已撤走保護陳的警員，意味陳同佳已「回復自由身」。至於赴台自首時間表，仍然未有。

「香港01」指，陳同佳3個月前已搬往遠離市區地方暫住。報道指陳居於「偏遠深山」，與母親間中同住，一日三餐獲安排，還可上網，生活不再受限。報道又引述消息指，陳同佳身型較出獄時圓潤不少。

另一報道亦引述政府消息人士承認，本港警方已不再為陳提供安全屋，負責人身保護陳的警員亦已撤走。

死者潘曉穎母親上月中秋節（21日）透過香港網媒「MIHK TV」播出錄音帶，再公開呼籲陳自首，又指今年是第四個沒有女兒的中秋節，每日仍感到痛心難過，質疑警方向陳同佳提供「安全屋」保護的做法，追問為何至今「仲保住呢個殺人犯」。

潘母又向協助陳同佳的香港聖公會教省秘書長管浩鳴表示：「管牧師如果你真係有心幫阿女（潘曉穎）嘅話，我希望你盡快解開呢個死結。」管牧當時回覆傳媒稱，要視乎有關入台手續何時獲批，才能決定赴台時間。

#陳同佳 #赴台自首 #潘曉穎 #管浩鳴 #安全屋 #香港警察 #自首 #逃犯條例 #channelchk

《魷魚遊戲》收視破1.1億　
成Netflix史上最受歡迎劇集

Netflix原創韓劇《魷魚遊戲》上月17日首播後，喺全球大受歡迎，就連劇中參賽者所着嘅運動衫，甚至傳統小食椪糖，都掀起一輪熱潮。Netflix今日喺官方twitter就公佈，《魷魚遊戲》全球觀看用戶人次已突破1.1億，打敗《柏捷頓家族：名門韻事》、《怪奇物語》等，成為Netflix創立以來最受歡迎劇集。

《魷魚遊戲》播映未夠一個月，已經有1.11億用戶人次收看，佔Netflix全球2.09億用戶一半以上，而且超越《柏捷頓家族：名門韻事》播映28日創8,200萬用戶人次收看嘅最高紀錄。據CNN報道，《魷魚遊戲》喺 Netflix全球94個國家/ 地區嘅Top 10節目中排第一，亦成為美國首個排Top 1嘅韓國節目。

雖然打破咗1.1億紀錄好驚人，不過未必代表每次都係由頭到尾睇晒成個劇集，因為Netflix嘅收視指標係指觀眾睇咗2分鐘就算！但Netflix其他劇集都係用呢個指標嚟計算收視嘅。

睇返資料，Netflix喺2016年起，投放7,700億韓圜（折合約6.45億美元），投資製作南韓電影及電視劇，仲收購製片廠及培訓人才等，至目前已製作約80個原創作品。到今年2月，Netflix宣佈計劃再投放5億美元，喺南韓製作原創內容。

#channelchk #魷魚遊戲 #Netflix #韓劇

空姐成日周圍走，又要拎住喼行上行落，日日着裙同黑絲又真係幾唔方便嘅。想知呢間烏克蘭廉航有咩新dress code就入去睇片啦～！
去片👉 https://www.youtube.com/watch?v=mYQktSbwcUU
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #空姐 #黑絲 #制服 #烏克蘭 #廉航
＝＝＝＝＝＝＝＝＝＝=＝＝＝＝

西環的士司機謀殺案 疑兇南丫島落網
嘮動新聞： https://youtu.be/GMHiLucHwhw