圓規未到貨架先空
錢大媽「肉山」失蹤 街市平菜變「上菜」
「不賣隔夜肉」嘅錢大媽，圓規8號波未掛，灣仔街市分店未到中午，已經連「今日肉」都冇埋。賣晒。街市菜價加咗是常識，平時買開嘅平菜，$15蚊兩紮，而家升呢變廿幾蚊；舖仔賣$25一斤生菜，阿姐見靚太猶疑嫌貴，即使出心理戰：「無㗎喇！好快賣晒！」
天文台預告今日下午4點至6點考慮改掛8號風球。經過日前獅子山8號波「扭扭擰擰」嘅教訓，市民都知天文台係「有遲冇早」；但掃貨儲糧呢，要趁早。噚日（周一）下晝圓規都未進入香港 800 公里範圍，超市日用品貨架幾乎掃清，街市更加唔使講，生意旺過年卅晚。收工先去買菜？你得到嘅只係霉菜。
由於天文台預測圓規威力勁過獅子山，市民嚴陣以待。噚日掃唔到貨嘅，今日再出動。每日中午貨架仍然堆積肉山嘅灣仔錢大媽，今朝十點左右全店八成清空。
菜價提高，街市大排長龍。學斗平時$13斤，而家賣$20斤，$35兩斤，一樣爭住俾錢。食少一兩日菜啫，又唔係急住靠食菜進行光合作用，點解大家都咁肉緊呢？
中午時段，葵興惠康都人頭湧湧，靚太排晒長龍掃貨，交流心得。貨架反映菜係最受歡迎嘅，凍肉就兩三排貨架吉咗；米供應正常，廁紙正常。食菜通便嘅朋友唔使擔心。
記緊入貨之餘要做好家居防風措施，勿停留當風地方呀！
#圓規 #8號波 #天文台 #街市 #錢大媽 #掃貨 #學斗 #惠康 #channelchk
錢大媽「肉山」失蹤 街市平菜變「上菜」
「不賣隔夜肉」嘅錢大媽，圓規8號波未掛，灣仔街市分店未到中午，已經連「今日肉」都冇埋。賣晒。街市菜價加咗是常識，平時買開嘅平菜，$15蚊兩紮，而家升呢變廿幾蚊；舖仔賣$25一斤生菜，阿姐見靚太猶疑嫌貴，即使出心理戰：「無㗎喇！好快賣晒！」
天文台預告今日下午4點至6點考慮改掛8號風球。經過日前獅子山8號波「扭扭擰擰」嘅教訓，市民都知天文台係「有遲冇早」；但掃貨儲糧呢，要趁早。噚日（周一）下晝圓規都未進入香港 800 公里範圍，超市日用品貨架幾乎掃清，街市更加唔使講，生意旺過年卅晚。收工先去買菜？你得到嘅只係霉菜。
由於天文台預測圓規威力勁過獅子山，市民嚴陣以待。噚日掃唔到貨嘅，今日再出動。每日中午貨架仍然堆積肉山嘅灣仔錢大媽，今朝十點左右全店八成清空。
菜價提高，街市大排長龍。學斗平時$13斤，而家賣$20斤，$35兩斤，一樣爭住俾錢。食少一兩日菜啫，又唔係急住靠食菜進行光合作用，點解大家都咁肉緊呢？
中午時段，葵興惠康都人頭湧湧，靚太排晒長龍掃貨，交流心得。貨架反映菜係最受歡迎嘅，凍肉就兩三排貨架吉咗；米供應正常，廁紙正常。食菜通便嘅朋友唔使擔心。
記緊入貨之餘要做好家居防風措施，勿停留當風地方呀！
#圓規 #8號波 #天文台 #街市 #錢大媽 #掃貨 #學斗 #惠康 #channelchk
燒賣關注組成功爭取？
大快活推燒賣主菜早餐 陳記出品…
Channel絲都幾鍾意食燒賣，但有關燒賣嘅知識水平偏低，好彩有 #香港燒賣關注組 ，大大擴闊Channel絲對品味燒賣嘅高度、深度，同濕度。今日燒賣關注組成員同網民不約而同捕捉到大快活「燒賣早餐」餐牌，主菜分別係牛肉燒賣同魚肉燒賣，反而唔見香菇豬肉燒賣，可能要幸運分店先有。
其實大快活之前已經有燒賣食，但只屬配菜，兩蚊加兩粒、或者唔要蘿蔔糕可轉燒賣可有可無嗰種。而家燒賣自己做boss，燒賣關注組喺po寫道：「香港飲食口味相信可以由快餐店直接反映出，觀察所得！進展如下：由無>蘿蔔糕可轉燒賣>燒賣主打menu」。
睇番餐牌，牛肉燒賣+粥+菜肉包+蘿蔔糕配飲品盛惠$36；唔要粥就$26。
魚肉燒賣+雞扒+炒滑蛋同多士配飲品，都係$36；但魚肉燒賣+菜肉包+蘿蔔糕配飲品就要$27，比牛肉燒賣貴1蚊。
無論牛肉定魚肉，燒賣早餐都係得3粒，比之前當做配菜嗰陣只係多一粒。如果你好鍾意食燒賣，可以俾多$4.5，有多3粒。
想平啲嘅，可揀牛肉燒賣+撈米粉配飲品，$30；魚肉燒賣就定咗要食撈米粉要加菜肉包，$32。
Recall大家嘅記憶，今年4月，關注組出po話：「做咗咁多年人，我都未見過大快活呢類快餐店下午茶有燒賣」。香菇燒賣+咖哩魚蛋+碗仔翅配飲品$31，得2粒燒賣咋。當時組員仲講笑咁話「遲啲結婚擺酒都有一味係燒賣」。估唔到半年之後，燒賣可以「當家作主」。難怪有組員留言：「我所知呢間公司長期有人係social media mon post。」
睇番4月個po，組員普遍對香菇燒賣食評都係麻麻，有人話「蒸到爛晒」、「似公仔點心」。有人就考古，話早餐配燒賣之前都有，不過係牛肉燒賣，可以加錢食燒賣，2蚊粒。
咁大家對今次推牛肉同魚肉燒賣點睇呢？成員表示「圓底嘅感覺會唔好食又粉」、「圓底，不了啦」、「佢入啲燒賣成本分分鐘平過塊火腿」、「$27食呢啲，我去小食店買燒賣好過。」
有人留言指「快餐店d燒賣同食嚿膠無分別」，關注組admin就回覆：「反映香港人喜愛食膠。」至於燒賣「產地」，據成員調查後發現係陳記。如果自己買，5包陳記$88，每粒約$0.5，平過大快活$4.5得3粒。嗰啲係租金人工嚟嘅…
至於陳記好唔好食，歡迎留言分享……
#大快活 #早餐 #燒賣關注組 #魚肉燒賣 #牛肉燒賣 #香菇豬肉燒賣 #陳記燒賣 #channelchk
大快活推燒賣主菜早餐 陳記出品…
Channel絲都幾鍾意食燒賣，但有關燒賣嘅知識水平偏低，好彩有 #香港燒賣關注組 ，大大擴闊Channel絲對品味燒賣嘅高度、深度，同濕度。今日燒賣關注組成員同網民不約而同捕捉到大快活「燒賣早餐」餐牌，主菜分別係牛肉燒賣同魚肉燒賣，反而唔見香菇豬肉燒賣，可能要幸運分店先有。
其實大快活之前已經有燒賣食，但只屬配菜，兩蚊加兩粒、或者唔要蘿蔔糕可轉燒賣可有可無嗰種。而家燒賣自己做boss，燒賣關注組喺po寫道：「香港飲食口味相信可以由快餐店直接反映出，觀察所得！進展如下：由無>蘿蔔糕可轉燒賣>燒賣主打menu」。
睇番餐牌，牛肉燒賣+粥+菜肉包+蘿蔔糕配飲品盛惠$36；唔要粥就$26。
魚肉燒賣+雞扒+炒滑蛋同多士配飲品，都係$36；但魚肉燒賣+菜肉包+蘿蔔糕配飲品就要$27，比牛肉燒賣貴1蚊。
無論牛肉定魚肉，燒賣早餐都係得3粒，比之前當做配菜嗰陣只係多一粒。如果你好鍾意食燒賣，可以俾多$4.5，有多3粒。
想平啲嘅，可揀牛肉燒賣+撈米粉配飲品，$30；魚肉燒賣就定咗要食撈米粉要加菜肉包，$32。
Recall大家嘅記憶，今年4月，關注組出po話：「做咗咁多年人，我都未見過大快活呢類快餐店下午茶有燒賣」。香菇燒賣+咖哩魚蛋+碗仔翅配飲品$31，得2粒燒賣咋。當時組員仲講笑咁話「遲啲結婚擺酒都有一味係燒賣」。估唔到半年之後，燒賣可以「當家作主」。難怪有組員留言：「我所知呢間公司長期有人係social media mon post。」
睇番4月個po，組員普遍對香菇燒賣食評都係麻麻，有人話「蒸到爛晒」、「似公仔點心」。有人就考古，話早餐配燒賣之前都有，不過係牛肉燒賣，可以加錢食燒賣，2蚊粒。
咁大家對今次推牛肉同魚肉燒賣點睇呢？成員表示「圓底嘅感覺會唔好食又粉」、「圓底，不了啦」、「佢入啲燒賣成本分分鐘平過塊火腿」、「$27食呢啲，我去小食店買燒賣好過。」
有人留言指「快餐店d燒賣同食嚿膠無分別」，關注組admin就回覆：「反映香港人喜愛食膠。」至於燒賣「產地」，據成員調查後發現係陳記。如果自己買，5包陳記$88，每粒約$0.5，平過大快活$4.5得3粒。嗰啲係租金人工嚟嘅…
至於陳記好唔好食，歡迎留言分享……
#大快活 #早餐 #燒賣關注組 #魚肉燒賣 #牛肉燒賣 #香菇豬肉燒賣 #陳記燒賣 #channelchk
圓規襲港︱最新交通消息 港鐵巴士暫仍維持服務
天文台預告，將於5時20分或以前改發八號信號，上班族急急「疏散」，巴士站開始現人龍，秩序大致良好。市民對於天文台預早通知掛波時間都俾讚，好過空泛咁講「下午中段」、「黃昏稍後」、「午夜之前」咁空泛。【附運輸署特別交通消息（不斷更新）： https://www.td.gov.hk/tc/special_news/spnews.htm 】
受圓規影響，公共運輸服務安排如下：
港鐵：鐵路及港鐵巴士服務班次正逐步加密，乘客請預留額外乘車時間。在八號烈風或暴風信號發出三小時後，港鐵巴士將會暫停服務。
輕鐵：4-12 分鐘一班
港鐵巴士：4-12分鐘一班
電車：
因應客量加強服務。
巴士：
九巴91P號線將更改開出時間，其他路線會因應客量加強服務。另九巴及龍運巴士宣布為疏導乘客，日間巴士服務仍然會維持正常，直至另行通知。
新巴城巴980X、981P、982X、985、686、933、989、962C及969C號線將更改開出時間，分別在金鐘、西灣河及鰂魚涌，由下午4時許至傍晚約6時半開出。其他路線會因應客量加強服務。其他路線會因應客量加強服務。
新巴X15號線已暫停服務。
珀麗灣客運因應客量加強服務。
渡輪服務：
以下服務將暫停：
．索罟灣（經模達）至香港仔 （尾班船：下午5時20分）
．香港仔至榕樹灣（經北角村）（尾班船：下午5時50分）
．榕樹灣（經北角村）至香港仔 （尾班船：黃昏6時35分）
．中環至紅磡 （尾班船：黃昏6時50分）
．紅磡至中環 （尾班船：黃昏6時30分）
．北角-觀塘-啟德 （尾班船：黃昏6時30分）
．啟德-觀塘-北角 （尾班船：黃昏6時45分）
．中環至長洲 （尾班船：黃昏6時45分）
．長洲至中環 （尾班船：黃昏6時20分）
．中環至梅窩 （尾班船：黃昏6時30分）
．梅窩至中環 （尾班船：黃昏6時40分）
．中環至愉景灣 （尾班船：晚上8時00分）
．愉景灣至中環 （尾班船：晚上7時30分）
#channelchk #圓規 #打風 #交通 #港鐵 #九巴 #新巴 #城巴 #渡輪
天文台預告，將於5時20分或以前改發八號信號，上班族急急「疏散」，巴士站開始現人龍，秩序大致良好。市民對於天文台預早通知掛波時間都俾讚，好過空泛咁講「下午中段」、「黃昏稍後」、「午夜之前」咁空泛。【附運輸署特別交通消息（不斷更新）： https://www.td.gov.hk/tc/special_news/spnews.htm 】
受圓規影響，公共運輸服務安排如下：
港鐵：鐵路及港鐵巴士服務班次正逐步加密，乘客請預留額外乘車時間。在八號烈風或暴風信號發出三小時後，港鐵巴士將會暫停服務。
輕鐵：4-12 分鐘一班
港鐵巴士：4-12分鐘一班
電車：
因應客量加強服務。
巴士：
九巴91P號線將更改開出時間，其他路線會因應客量加強服務。另九巴及龍運巴士宣布為疏導乘客，日間巴士服務仍然會維持正常，直至另行通知。
新巴城巴980X、981P、982X、985、686、933、989、962C及969C號線將更改開出時間，分別在金鐘、西灣河及鰂魚涌，由下午4時許至傍晚約6時半開出。其他路線會因應客量加強服務。其他路線會因應客量加強服務。
新巴X15號線已暫停服務。
珀麗灣客運因應客量加強服務。
渡輪服務：
以下服務將暫停：
．索罟灣（經模達）至香港仔 （尾班船：下午5時20分）
．香港仔至榕樹灣（經北角村）（尾班船：下午5時50分）
．榕樹灣（經北角村）至香港仔 （尾班船：黃昏6時35分）
．中環至紅磡 （尾班船：黃昏6時50分）
．紅磡至中環 （尾班船：黃昏6時30分）
．北角-觀塘-啟德 （尾班船：黃昏6時30分）
．啟德-觀塘-北角 （尾班船：黃昏6時45分）
．中環至長洲 （尾班船：黃昏6時45分）
．長洲至中環 （尾班船：黃昏6時20分）
．中環至梅窩 （尾班船：黃昏6時30分）
．梅窩至中環 （尾班船：黃昏6時40分）
．中環至愉景灣 （尾班船：晚上8時00分）
．愉景灣至中環 （尾班船：晚上7時30分）
#channelchk #圓規 #打風 #交通 #港鐵 #九巴 #新巴 #城巴 #渡輪
老新「將軍豬」門生交收毒品被童黨打劫 第一時間報警求助
前晚（10日）打8號風球期間發生一宗毒品交收自爆案！當晚警方接報發生一宗搶劫案，報案人是將軍澳老新「將軍豬」的門生，報稱在將軍澳醫院附近被兩名青少年打劫，期間被箍頸並搶走袋、銀包及金錢，於是第一時間選擇報警。
當時將軍澳醫院警崗有警察當值，立即衝出去追到其中一名青年疑犯，將其按在地上，起獲「將軍豬」門生的袋。
警方問報案人：「個袋係咪你嘅？」報案人答「係。」警察打開個袋發現有23包包裝好的毒品，俗稱「滴滴」，每包價值$500，總值$11,500，即場以涉嫌販毒將其拘捕。
原來事發時「將軍豬」門生正攜毒品到將軍澳醫院對出，打算與買家進行交收，被搶劫後選擇馬上報警。
被捕青年被帶回警察後和盤托出，警方迅速拘捕其同黨。據報兩名青年只是13、14歲，經常在將軍澳遊蕩，疑不夠錢犯案，並不知道袋中是毒品。警方以行劫罪拘捕兩人。
#channelchk #將軍豬 #毒品 #警察 #將軍澳醫院 #將軍澳 #TKO
前晚（10日）打8號風球期間發生一宗毒品交收自爆案！當晚警方接報發生一宗搶劫案，報案人是將軍澳老新「將軍豬」的門生，報稱在將軍澳醫院附近被兩名青少年打劫，期間被箍頸並搶走袋、銀包及金錢，於是第一時間選擇報警。
當時將軍澳醫院警崗有警察當值，立即衝出去追到其中一名青年疑犯，將其按在地上，起獲「將軍豬」門生的袋。
警方問報案人：「個袋係咪你嘅？」報案人答「係。」警察打開個袋發現有23包包裝好的毒品，俗稱「滴滴」，每包價值$500，總值$11,500，即場以涉嫌販毒將其拘捕。
原來事發時「將軍豬」門生正攜毒品到將軍澳醫院對出，打算與買家進行交收，被搶劫後選擇馬上報警。
被捕青年被帶回警察後和盤托出，警方迅速拘捕其同黨。據報兩名青年只是13、14歲，經常在將軍澳遊蕩，疑不夠錢犯案，並不知道袋中是毒品。警方以行劫罪拘捕兩人。
#channelchk #將軍豬 #毒品 #警察 #將軍澳醫院 #將軍澳 #TKO
八號波？打風梗係打麻雀啦！Channel C 仝人今日唔做黎生，挑戰做雀聖，陪大家度過呢場暴風雨😎今晚7pm記得鎖定我哋YouTube Live，一齊做旁觀者「依牙鬆鋼」啦～
Youtube Channel👉： https://www.youtube.com/ChannelCHK
#channelchk #圓規 #打風 #八號風球 #麻雀 #打牌
Youtube Channel👉： https://www.youtube.com/ChannelCHK
#channelchk #圓規 #打風 #八號風球 #麻雀 #打牌
的士司機謀殺案新進展 警方鎖定混血男通緝
嘮動新聞： https://youtu.be/JXOcCQQ3muU
今日（12日）凌晨，西區發生一宗謀殺案。港島總區重案組調查後，鎖定一名年約30-35歲、1.8米高、混血男子涉案，現正通緝他！警方相信疑犯極度危險，不排除有暴力傾向，呼籲任何人士目擊案件或有相關資料提供，請即致電 28607817 或 97091695 與警方聯絡。
事發在今日（12日）凌晨4時54分，警方接報在西環皇后大道西與東邊街交界，有一名男子在一架的士上懷疑被襲擊。醫護到現場發現，該男子昏迷卧地，頸部嚴重受傷，送往瑪麗醫院後，於早上6時17分證實死亡。
警方初步調查指，死者是一名48歲的士司機，懷疑被一名男子用利器襲擊。涉案男子事後逃去。警方在現場撿獲一把菜刀，疑與案件有關。
#的士司機 #的士 #西環 #皇后大道西 #東邊街 #謀殺 #混血 #極度危險 #暴力傾向 #通緝 #channelchk
嘮動新聞： https://youtu.be/JXOcCQQ3muU
今日（12日）凌晨，西區發生一宗謀殺案。港島總區重案組調查後，鎖定一名年約30-35歲、1.8米高、混血男子涉案，現正通緝他！警方相信疑犯極度危險，不排除有暴力傾向，呼籲任何人士目擊案件或有相關資料提供，請即致電 28607817 或 97091695 與警方聯絡。
事發在今日（12日）凌晨4時54分，警方接報在西環皇后大道西與東邊街交界，有一名男子在一架的士上懷疑被襲擊。醫護到現場發現，該男子昏迷卧地，頸部嚴重受傷，送往瑪麗醫院後，於早上6時17分證實死亡。
警方初步調查指，死者是一名48歲的士司機，懷疑被一名男子用利器襲擊。涉案男子事後逃去。警方在現場撿獲一把菜刀，疑與案件有關。
#的士司機 #的士 #西環 #皇后大道西 #東邊街 #謀殺 #混血 #極度危險 #暴力傾向 #通緝 #channelchk