中秋追月追到落海！巨月彷彿同大家講：「走先嘞～係咁先嘞～下次再玩啦～」現在由旁白師和Channel絲，為大家改詞聲演： https://youtu.be/xJbVDoQOJKE

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #巨型月亮 #中秋 #月亮 #觀塘 #觀塘海濱 #全民燈月 #賞月 #月球 #天文台 #試當真 #係咁先啦 #嘮動新聞 #改歌

譚仔「宜食不宜抽」？Channel C搵財經專家為大家分析！
https://youtu.be/ySz7_og6WzA

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #嘮動新聞 #譚仔 #IPO #新股 #試當真 #IanChan #阿冰 #七仙羽 #花姐 #正大師 #財經 #陳卓賢

麥當勞用《跌咗嘢試下唔好搵》sell優惠
抽錯水撞正女警屍體發現 被批涼薄

「跌咗嘢 就係咁X出奇～唔搵佢 就會走返出嚟」，「試當真」豪哥同許賢a.k.a MC $oho & KidNey首Rap歌《跌咗嘢試下唔好搵》發表之後，已有人日播夜播，亦有人用佢啲詞嚟抽水；而首歌近日推出MV，再掀起話題。麥當勞今早就用呢句歌詞呢sell新一輪優惠，結果被大批網民在麥記fb專頁留言鬧爆「啱啱有女警失蹤之後揾返個屍體，咁啱你地又出呢個post，有啲敏感，你哋會唔會出嚟交代返？」、「真係好過份喎，咁大間公司喺咁敏感嘅時候講埋啲咁涼薄嘅說話」，有唔少人就要求麥當勞交代。

不過，亦有唔少網民反駁「咁樣都叫串女警？就快乜嘢都係敏感字」、「跌嘢都唔比？笑死」、「明明係講首歌」；有網民亦指麥當勞啲post都經常出現MIRROR同林家謙、Serrini啲歌。

事實上，除咗歌詞外，麥當勞過去都有用唔少爆紅金句，例如之前港鐵屯馬線開通時，有粉絲受訪時將《綠袖子》改詞，唱出「屯馬開通真的很興奮」，麥當勞隨後嘅post就寫咗「真的很興奮」；港隊羽毛球代表謝映雪早前被問到想親近邊位MIRROR成員時，話「小朋友先做選擇㗎！」麥當勞之後亦有用「小朋友先做選擇」嚟出post。

#channelchk #麥當勞 #跌咗嘢試下唔好搵 #試當真 #許賢 #豪哥 #女警 #屍體 #失蹤

搭長途巴忍到瀨屎 巴打真身貼圖剖白
九巴仔教忍屎屙屎3攻略

搭長途巴士，人有三急，當中的「堅忍」實在不足為外人道。有巴打昨（28日）下午以真身在Facebook群組出po，圖文並茂剖白忍到瀨屎的心路歷程。九巴其後出po回應，教網民忍屎屙屎3攻略，相當貼地。

「急到瀨～試吓唔好忟～唔好急～做個深呼吸～」九巴仔的忍屎屙屎攻略，亦離不開這個道理：若乘車時急屎急尿，可先用Google地圖或九巴app，搜尋路線附近的廁所；亦可大力按壓手掌虎門穴道，以及盡量放空，分散注意力。

#KMB #九巴 #忍屎 #屙屎 #廁所 #巴打 #瀨屎 #虎口 #穴位 #跌嘢唔好搵 #channelchk #試當真 #試吓唔好急 #試吓唔好忟 #做個深呼吸 #長途巴士 #squidgame #魷魚遊戲 #netflix #韓劇 #dalgona #honeycomb #cookie #椪糖

22小時8號波走先喇～天文台改發3號
破1978年紀錄 史上最長8號東南風球

22小時8號波走先喇～天文台改發3號
破1978年紀錄 史上最長8號東南風球

「走先喇～係咁先喇～下次再玩啦～」如果8號風球識唱歌，佢應該都係唱呢首。隨着風暴獅子山進一步遠離香港和減弱，天文台凌晨4時40分改發3號強風信號。被取代的8號東南烈風或暴風信號生效22小時，打破1978年強烈熱帶風暴愛娜絲所創下的21小時45分鐘紀錄，成為史上最長的8號東南風球。

#走先啦係咁先啦下次再玩啦 #係咁先啦 #試當真 #3號風球 #8號風球 #獅子山 #天文台 #李鈺廷 #天氣 #氣象 #颱風 #風暴 #熱帶氣旋 #cyclone #storm #typhoon #weather #forecast

「試當真」九展開騷 附近反車封路大塞車
警員派駐場外及巴士站截查市民

跌咗嘢試吓唔好搵 跌咗嘢試吓唔好炆 跌咗嘢 試吓唔好急 跌咗嘢 試吓唔好執…跌咗張飛，唔好唔搵。

YouTuber「 試當真 Trial & Error」今日成軍一周年，同日九展舉行Live Show，分3pm同8pm兩場。之前佢哋推$10,000門票降價實驗，有13位幸運兒成功出價仲買到$10,000飛；降價至$1,000後，門票賣出1,550張。$10飛係完全冇機會出現。

一票難求，無論你係用一皮嘢定係$5,000買飛，都係想enjoy the show，不過，有啲意外，發生咗，例如，有觀眾係又嗌唔係又嗌，黃昏時份九展附近突然多警察截查途人，仲要九展出面啟祥道反車，一波三折。

首先係交通消息。九龍灣啟祥道往啟德隧道方向、近九展部份反車，行車線受阻，至下午5時18分左右，龍尾排到啟歷學校；而因為路面油污，啟德隧道往尖沙嘴方向管道內慢線曾封。至一個鐘之後，啟祥道先至完成清場，但往啟德隧道方向近九展一帶仍然多車。

睇個騷啫，唔使咁齊心嘛？有網民表示：「冇飛睇『試當真』都唔使攬炒啫！」有冇聽過 物理學嘅雙縫實驗？實情係 愛因斯坦都搞佢唔掂……

現場除咗多車，亦都多警。有觀眾發現，九展外有大批警員戒備，有警員截查途人，包括部份入場睇騷觀眾。下午4點左右，德福二期九展穿梭巴士站附近一帶，已有一豬一衝同多名警員，截查途人。有認真毛表示，每個入九展門口嘅人都會俾警員「眼望望」。也有人表示：「佢哋係保護演出成員同入場市民。」

另有苦主表示，佢睇3點場，觀眾興奮到係咁嗌——正確嚟講係「係又嗌唔係又嗌」。苦主話：「呢個舞台show嚟㗎，無字幕㗎。係咁嗌！係咁嗌！我同我朋友經常聽唔到台上表演者講咩囉。我唔係俾錢入嚟聽人嗌，我入場睇show㗎，唔該！」有人問呢位苦住係咪俾一皮嘢嗰位……

#試當真 #九展 #香港警察 #截查 #認真毛 #試當真一周年 #StarHall #channelchk

曾拒評《星夢》學員 古天樂撐試當真
公開點名最欣賞《係咁先啦》女神吳家忻

YouTube頻道「試當真」開台一年人氣高企，周二（26日）連開兩場騷吸引咗唔少藝人捧場。向來支持後輩嘅古天樂就擔任當晚嘅神秘嘉賓，佢似乎仲係一位星級「認真毛」，最鍾意短片《咁大件事冇人講》之外，仲話「最欣賞Locker條女（即係Jeannie吳家忻），嗰條片仲係最多人睇。」

「試當真」主創之一嘅游學修係古老闆旗下藝人，所以古仔都一直支持「試當真」。嗰晚開騷佢就喺《Channel需要仔》環節上扮見工，一嚟仲講笑話：「『試當真』一周年開騷咁大件事冇人講嘅？」佢又笑游學修平時見到佢都唔稱呼佢，「個人好冇禮貌」，又稱呼游學修、蘇致豪同許賢做「修哥」、「豪哥」及「賢哥」，搞到3人即刻耍手擰頭。

談到最欣賞短片，古仔就話係《咁大件事冇人講》，大讚「特技、火燭之類做得好好！」至於最欣賞邊位女網紅時，佢仲諗都唔諗就「最欣賞Locker條女，嗰條片仲係最多人睇。」

睇返古仔之前被記者問對無綫《聲夢傳奇》學員有咩評價時，佢嗰刻即話「《聲夢》就唔講喇，完！」，同今次喺台上毫無懸念咁答最欣賞Jeannie，都幾大對比。

Jeannie因為「試當真」短片而出名，近月就同許賢和蘇致豪合作演出《係咁先啦》，但其實早喺去年《唔通佢有男朋友》播出後已人氣急升，被網民封為「港版周子瑜」。《唔》播出至今約10個月，已有118萬人次觀看，係頻道入面最多人觀看嘅短片。佢嘅社交平台Instagram至今已有逾20萬人追蹤。

23歲嘅Jeannie雖然已成為網民新一代女神，但佢曾接受傳媒訪問時就話唔覺自己係靚女，五官分開睇唔係特別精緻，而且個鼻幾大，「但照鏡又覺得OK，都match到我個樣」。佢當時仲自爆話大學時因為壓力爆煲，所以體重直線上升，係肥妹仔一名，後來試斷食及唔同方法減肥，要半年後先瘦返。人靚又謙虛嘅Jeannie今次得到古老闆加持，睇嚟會再人氣飈升啦！

#channelchk #試當真 #古天樂 #吳家忻 #Jeannie #聲夢傳奇