Channel C TG頻道 🎞
27.1K subscribers
15.2K photos
724 videos
49 files
17K links
Channel C stands for City, Crime, Culture,主打即時熱話、突發奇聞、文化生活!

YT: https://youtube.com/ChannelCHK
IG: https://instagram.com/ChannelCHK
FB: https://facebook.com/ChannelCHK
FB 2.0:https://www.facebook.com/channelchk2.0

查詢/廣告接洽可PM或電郵:
info@channelchk.com
Download Telegram
譚仔上市集資11億 大陸設新中央廚房
股評人正大師唔敢睇好:炒賣小注無妨

分別請得動七師傅七仙羽同花姐拍廣告嘅「譚仔雲南米線」同「譚仔三哥米線」,早於4月已經話要上市,到今日終於公佈,營運商譚仔國際(02217.HK)本月23日起至下周二(28日)公開招股,計劃發售3.35億股份。當中90%將作國際發售,10%香港公開發售,將於10月7日掛牌,每手1,000股計入場費約$4,212。

「譚仔國際」喺香港有150間餐廳。今次招股,每股招股價範圍介乎3.33至4.17元,涉集資約11.16億至13.97億。集資所得,其中約57.4%將用於擴大香港、內地、新加坡、日本及澳洲的餐廳網絡;約10.5%用於翻新餐廳及提升經營設備;約9.8%用於一般企業用途及營運資金;約9.4%擴充香港的中央廚房,及在內地、新加坡及澳洲設立新的中央廚房;約7.8%用於國際品版建設及新市場進入推廣;約5.1%提升資訊科技基礎設施。

《港股策略王》節目主持、股評人正大師接受Channel C訪問,表示對「譚仔國際」招股保持觀望態度,建議如股民如想作長線投資,可以等其公佈上市業績後,再比對招股書藍圖才作決定:「如果炒賣嘅話,小注無妨,你唔會預佢有好吸引嘅升幅;如果你想落飛賺番餐米線嘅話,我寧願你唔好抽,攞啲錢去抽其他嘢,慳慳地去食米線仲好。」

正大師解釋,「譚仔國際」招股書提到,很大部份集資用途為拓展海外市場、及於內地設新中央廚房打大灣區。「大灣區固然係一個幾吸引嘅投資主題,但係你將內地發明嘅麻辣米線打返上大陸,個比喻就好似,用美國嘅漢堡包打返美國市場,係咪咁易呢?」他擔心,香港跟內地人口味不同,易「水土不服」:「你用一個香港品牌打返上大陸,唔係想像中咁簡單。」

他指,「譚仔國際」最大問題是產品單寡,且餐飲股亦非新鮮事,吸引力有限。「你睇吓香港其他上市嘅股票,例如大家樂、大快活、太興,佢哋除咗做快餐同燒味,都會出好多副線餐廳;譚仔嘅技術只停留喺淥麻辣米線、湯底加好多好索味嘅料,擴展空間有幾大呢?」

正大師以「奈雪之茶」為例,指兩品牌均屬熱門餐飲項目,惟「奈雪之茶」上市至今,股價仍停滯,「好似冇乜好過,而家甚至冇乜人睇,譚仔會唔會雷聲大雨點小,要睇吓市場反應。」


#譚仔國際 #譚仔 #譚仔三哥 #新股 #IPO #正大師
跳唱女王七仙羽「乜七師傅都話骨」
譚仔上市入手100萬股

啲人成日講,樂壇欠七師傅七仙羽(7cfu)一個膠袋。其實7cfu先至唔care。

7cfu幫譚仔賣個廣告,譚仔仲上埋市。cfu最新力作,係為Pricerite實惠唸經RAP打救,話要保你一家和睦。

條片唔長,2分22秒,鍾意條片嘅人會覺得時間太快,追字幕嘅人會覺得時間過得仲快。你顧得欣賞跳唱女王嘅舞姿,又顧唔切聽歌詞。一條兩分鐘片起碼睇3次。

唔記得講,今次廣告MV填詞跳唱監製混音由7cfu一手包辦,仲分飾售貨員、rapper、唸經師傅、排舞師同舞蹈員。就連廣告創意總監都係佢。cfu你嘅覆蓋範圍都幾廣。

「老豆老母 家姐細佬
俾氣你受 粗口問候
怨氣積聚 關係倒退
越住越頹一家互隊
嗌交理由 空間唔夠
一家七口 難以聚首
師傅今勻 天使下凡
打救凡間 變出空間」
……呢啲碎料。

「衣櫃 書枱 電視櫃
下層配乜七師傅都話骨」

聽到呢度,Channel絲大膽假設係無打錯歌詞嘅……

7cfu同Channel絲講,成個廣告冇乜點NG,因為喺舖頭拍,要爭分奪秒:「面對鏡頭要唱要跳同埋可以記晒咁多嘢,都幾難,所以要練好多。不過我唔論拍電視拍電影拍廣告都好少NG,我都係跳下唱下,冇人教,一面對鏡頭自己諗做啲乜嘢動作。」鏡仔都冇cfu你咁勁。

「譚仔國際」上市集資,cfu都話有興趣,諗住買100萬股。「我會睇吓市場嘅反應點樣,如果好好嘅話我會買多啲。」

cfu話對譚仔咁有信心,因為譚仔行緊運呀!「所以佢啲廣告好受歡迎,佢又搵啱人選。當旺嘅公司,佢搵嘅人選都係啲比較旺嘅人,所以幸運嘅人會同幸運嘅人一齊,生意就會越嚟越好。」又啱喎!譚仔同譚仔三哥兩個譚仔阿姐,分別由7cfu同花姐飾演,一個天使下凡一個係至高無上監製。7cfu仲話,個廣告一出街,業績提升咗30%,全線生意都好好。

有神快拜!

#七仙羽 #七師傅 #實惠 #譚仔 #譚仔上市 #channelchk

===============
🔥出氣師登場!「谷鬼氣、搵我哋」🔥
如果大家有咩疑難「谷鬼氣」,不妨搵我哋「出氣師」,等我哋幫手出返口氣!
出氣WhatsApp: https://wa.me/85263544742
Media is too big
VIEW IN TELEGRAM
媚姨處女catwalk!譚仔×HKDI學生時裝騷
沈殷怡高衩裙曬美腿曲線 Jessica C.制服誘惑

媚姨俾ViuTV《阿女又戀嚟》捧紅咗,原來佢除咗有喜劇細胞、口才了得,仲有行catwalk嘅潛質!話說譚仔搵HKDI知專生,搞咗個「2046未來制服」時裝騷,慶祝嚟緊開業25周年,唔止搵嚟名模馬詩慧Janet同Jessica C.,以及Viu TV女神沈殷怡Shirley同劉沛蘅Hillary,一齊扮譚仔姐姐,以「制服誘惑」上陣,仲搵埋媚姨行天橋。媚姨經馬詩慧指導之後,可謂驚艷全場!

譚仔拍低咗呢場時裝騷,放上網畀大家睇。名模Janet着住生菜造型上衣同貼身剪裁長褲,率先登場。設計靈感係同大自然融為一體,將生菜融入設計,寓意譚仔嘢食新鮮,即叫即製,配合埋譚仔綠黃主色調。Janet大讚個騷好過癮:「製作十分認真,大家當正是真正的時裝騷去做,非常好玩!以前行騷真是當吃生菜,今次真是一棵生菜放在身上,十分新鮮呢!」Janet仲身兼時裝騷嘅編排總監同模特兒導師,教佢哋行騷秘訣。

至於Shirley着嘅係富有現代東方美學嘅新派旗袍,將經典嘅譚仔話展示喺旗袍;高衩裙獨特剪栽讓佢大騷美腿。喺台上充滿自信嘅Shirley話:「譚仔吃得多,但穿上身又是甚麼玩法呢?哈哈……不過我向來都有積極操fit,這副身形穿甚麼也carry得到呢!」

Hillary就以一身宮廷look現身,行可愛路線。負責設計嘅學生希望套衫帶出譚仔姐姐除咗親切同富人情味,亦可展現氣質同可愛。Hillary話同家人經常食譚仔,「今次穿上設計學生為譚仔姐姐設計的作品,感覺特別又有趣,同台還有不少知名模特兒,當然要向Janet偷師」。而以「譚仔遮遮」cyber造型示人嘅Jessica C.,就以美式口音嘅譚仔話講咗句「我係譚仔姐姐」,令全場爆笑!

媚姨雖然首次行天橋,但備受矚目!佢着上素食主義制服;芽菜設計嘅上衣配生菜長裙,喺片入面爆出不少搞笑對白:「真是亂來的,找我來行時裝騷,又不是要我做譚仔姐姐,又沒有男生給我挑選,真的不知道找我來做甚麼!」當譚仔國際集團主席兼行政總裁Daren以「時尚教主」造型壓軸出場後,媚姨再爆金句:「嘩,呢個男仔幾型喎,返去介紹畀阿女識先!」

#媚姨 #ViuTV #阿女又戀嚟 #catwalk #譚仔 #HKDI #知專 #時裝 #名模 #馬詩慧 #JessicaC #沈殷怡 #劉沛蘅 #channelchk
Media is too big
VIEW IN TELEGRAM
真・譚仔姐姐着潮爆制服行Catwalk
譚仔CEO戴黑超驚喜出場

之前報道咗譚仔同香港知專設計學院(「HKDI」)合作嘅「譚仔姐姐2046未來制服」Phygital 時裝騷,見到名模Jessica.C 、藝人沈殷怡(Shirley) 等等靚爆舞台,其實個Show仲有幾位真・譚仔姐姐行Catwalk,仲一啲都唔輸蝕㗎~

参加嘅有「譚仔姐姐首席KOL」紅梅姐、「葵芳店店長」菊姐、「彩明店店長」進姐、「東涌店店員」珍姐與「樂富店店員」鈴姐,佢哋着上HKDI學生的設計作品行上天橋,好似平時做嘢一樣咁專業!Channel絲私心最鍾意「葵芳店店長」菊姐嘅裝扮,改良過嘅旗袍除咗完美襯托出譚仔姐姐嘅氣質,湖綠色嘅線條更令人諗起二次元偶像初音未來,夠哂「2046未來制服」!

有一班型爆嘅譚仔姐姐,又點少得譚仔哥哥呢?譚仔國際集團主席兼CEO劉達民(Daren),戴住副黑超以「時尚教主」造型壓軸出場,引嚟全場歡呼。親民有嘅佢未埋位嗰陣已經逐一向各模特兒問好,仲同鋪排、指導場騷嘅Janet Ma有講有笑,跳吓舞咁。

今次制服設計比賽嘅勝出學生,將會為譚仔設計2021年全新制服,並獲得獎學金,以繼續修讀與藝術創作有關的課程,而部分表現優異的學生都會獲得廣告公司的實習機會。Daren話,譚仔除咗專心做好每一碗米線之外,都希望可以回饋社會,推動本地設計及文化產業的教育發展,而今次比賽畀學生們發揮創意思維,其實都寓意譚仔會繼續有創意、努力地發展,繼續成為最受歡迎的米線專門店。

#channelchk #譚仔 #譚仔姐姐 #HKDI #知專 #時裝 #設計 #譚仔姐姐2046未來制服
Media is too big
VIEW IN TELEGRAM
林家謙《二十五小》啖啖譚仔味 姐姐和唱勁pro
七師傅新制服行catwalk 賀25周年

「諗唔到食乜就食譚仔」,唔知大家係咪同Channel絲一樣都有呢個習慣呢?不過唔講都唔知,原來譚仔大過Channel絲㗎!譚仔25歲生日,梗係要做返啲嘢賀賀佢,就係「譚仔廿五載情如初見」活動啦!有啓動禮啦、廿五周年主題曲啦、慈善義賣啦、《譚仔.姐.遮》藝術展覽啦,仲有之前嘅「譚仔姐姐2046未來制服設計比賽」等。

首先聽下由人氣創作歌手林家謙作曲作詞同主唱、譚仔姐姐女聲合唱團和唱嘅主題曲《二十五小》先啦,淨係睇歌名都知啖啖「譚仔」味呀!呢首歌嘅MV取景於譚仔嘅「根」——深水埗。個MV嘅內容簡單啲講,就係家謙細個食完米線唔夠錢畀,譚仔姐姐見到就笑住收埋佢張單;到家謙大個仔,佢就學個姐姐幫個學生哥埋單。途中家謙仲途經咗好多個深水埗而家嘅地標,即使而家深水埗唔同咗好多、多咗好多文青Cafe,但譚仔同譚仔姐姐都係唔會變㗎~睇完個MV,除咗彷彿聞到譚仔陣味之外,Channel絲想講,睇開Channel C嘅人都知我好窮,如果家謙都可以幫我埋單就好啦~

譚仔國際集團CEO劉達民喺啓動禮到話,慶祝活動融合咗譚仔一貫「取諸社會,用諸社會」嘅經營理念,希望譚仔未來能夠繼續發揮創意,喺努力發展業務嘅同時,都可以積極回饋社會。CEO呢番話唔係講假㗎,譚仔今次搵咗6位本地插畫家:CHEAP CENTURY的蘇泳康、謝曬皮、PLASTIC THING、奶茶通俗學的崔氏兄弟、包川田和羅浩光,參與創作又靚又特別嘅「譚仔遮遮」,亦宣佈將透過協康會向有特殊教育需要嘅低收入家庭送出2,500套米線餐飲禮券。幫到人之餘,又推動到本地創作,好滾動呀~

喺啓動禮上,「星級譚仔姐姐」的七師傅仲聯同ViuTV藝人沈殷怡同劉沛蘅,一齊着住由HKDI學生設計嘅2021全新譚仔制服行catwalk。七師傅話,淨係佢流利嘅「譚仔話」,已經足以令佢勝任譚仔姐姐呢個角色,仲讚自己人生第一次喺公開活動行catwalk都表現得好好。

#channelchk #譚仔 #譚仔遮遮 #林家謙 #二十五小 #七師傅 #沈殷怡 #劉沛蘅 #制服誘惑 #catwalk #謝晒皮 #插畫 #plasticthing #cheapcentury #賤人新世紀
譚詠麟疑「偷食粉絲」引抽水大戰
譚仔覆PokeGuide惡搞:湯底配米線先係世一

71歲歌王譚詠麟疑偷食粉絲一事,除咗搞到眾說紛紜,仲搞到全城抽水抽到「SuperDry」添呀!先有網民改歌「我直入微博 你背面極強壯」、餐廳出「愛呈陷阱套餐」,網媒 Pokeguide 亦都整咗張「譚伯上海粉絲」海報惡搞譚仔雲南米線 ,話出咩「臭茜鹹豬手配操上海粉絲」喎,加$20仲可以追加「悲傷牛肉麵」,加$300就可以換購埋Kimochi波鞋⋯⋯連埋句「譚伯對食粉絲的一份堅持」,真係吸濕大笨象都唔夠佢抽啊~

好多網民都喺個post到tag返譚仔,而被惡搞嘅譚仔今日就出返個post「導人向善」,話米線可以日日食,但「粉絲就唔可以亂咁食」。譚仔話,佢哋嘅湯底配米線先係世一,但就唔會出豬手,可以試咗牛柏葉先,叫大家無波鞋可以換住「譚仔遮遮」先,不過就點都「遮唔到醜」~

抽水嘅其實仲有 Pricerite實惠 同 新巴城巴 NWFB and Citybus,實惠除咗叫大家「食粉絲要食得精明啲」,仲趁機宣傳佢哋唔知悲唔悲傷嘅牛肉麵;而新巴城巴就惡搞咗對出晒名嘅「K」字波鞋,將佢哋改咗做eShop嘅產品,仲話「城巴新巴及小編對此證實了這個消息」。

食粉絲搞到咁大件事,譚校長今次真係「PokeGuide」啦~唔知PokeGuide會唔會喺佢地個App到加埋偷食逃生路線呢?失德藝人名單,呢次「麟到你了」!

#channelchk #譚仔 #PokeGuide #譚詠麟 #實惠 #新巴城巴 #悲傷牛肉麵
Media is too big
VIEW IN TELEGRAM
《膠戰》阿正譚仔廣告演痴女勁惹笑
幫七師傅配少女腔
獲黃德斌讚吳君如mix詹瑞文

近排因《膠戰2》急速彈起嘅阿正,喺最新嘅譚仔廣告入面飾演痴女「八師傅」八仙,即係七師傅嘅孖生姊妹,而喺廣告入面,阿正就睇中咗做戶戶送送餐專員嘅黃德斌。

除咗扮痴女,阿正仲要幫七師傅配音,幫佢加返把少女聲,喜感十足。阿正話佢為咗呢個廣告,睇咗佢嘅節目幾次,又要學埋「仙氣打扮,同模仿『譚仔話』」,連自己都忍唔住笑。

而黃德斌就話「今次拍呢個廣告好有艷福」,既可以同七師傅談情,又俾八師傅搭訕。而對住阿正做嘅八師傅,黃德斌就話阿正嘅「誇張演繹」,有啲似吳君如加詹瑞文嘅混合體,好搞笑咁喎。

#channelchk #阿正 #膠戰 #viutv #黃德斌 #七師傅 #七仙羽 #譚仔
譚仔三哥至少26分店停業 大快活停58間 一文睇曬各大食肆營業情況
👉https://bit.ly/35v6hQ7

疫情嚴峻,多間食肆營業時間受影響,其中譚仔三哥米線今(4日)至少有26間分店停業,遍及慈雲山、深水埗、元朗、銅鑼灣等地,暫未知明日安排。其他食肆如譚仔、大快活、M記等都有停業安排,即刻click入嚟睇睇。

#譚仔三哥米線 #譚仔三哥 #譚仔 #大快活 #大家樂 #美心 #麥當勞 #KFC #MOSBurger #壽司郎 #疫情 #飲食寒冬
食肆寒冬|譚仔50間分店只做外賣 另有4間停業

呢到睇全文👉https://bit.ly/3hSFTlP
ChannelC幫你整合各大食肆營業情況
👉https://bit.ly/35v6hQ7

疫情反覆,每日都有食肆調整營業安排,譚仔雲南米線今(8日)在FB出post,乘上#25年唔改電話 風潮,提到可隨時致電譚仔叫外賣,又提醒顧客,分店營業時間有機會更改。

截至8日,譚仔有50間分店只提供外賣自取,另有4間分店暫停營業。

#譚仔 #譚仔雲南米線 #米線 #食肆 #停業 #提早關門 #營業安排 #食肆寒冬
Media is too big
VIEW IN TELEGRAM
「譚仔女團」 學BLACKPINK Lisa Rap出疫下人生 新作獲《Megahit》班底操刀

全文👉https://bit.ly/3LZoqVL

由五位「譚仔姐姐」組成嘅的「譚仔姐姐合唱團」(譚仔女團)上年出道,同林家謙合唱「譚仔廿五周年」主題曲《二十五小》後,決定繼續以音樂衝擊全球樂壇!她們的新作將於周四(14日)派台,走hip-hop風格,口味特辣,rap盡疫情下的人生百態,為港人打氣。

#channelchk #譚仔 #譚仔姐姐 #譚仔女團 #林家謙 #Megahit #COLLAR #游學修 #試當真 #係咁先啦 #跌嘢唔好搵
譚仔同三哥破天荒合作 原來係進駐元宇宙出NFT

全文👉https://bit.ly/3wFAiq4

早幾日「譚仔雲南米線」同「譚仔三哥」預告首次合作,令唔少人好奇到底搞邊科。答案終於喺今日揭盅,譚仔國際將會推出首個慈善NFT項目「Souper Hero」,並於6.19正式公開發售。每個NFT售價為港幣500元,收益將會捐贈香港藝術中心,以支持及推動本土藝術發展。

#譚仔 #三哥 #元宇宙 #NFT #SouperHero #黃照達 #甘小文 #BigY #周小某 #Channelchk
==============
新聞有價 記者有格 $128保就業計劃
立即訂閱:
https://bit.ly/3wEkVhz
撐Channel C請記者
一齊為民請命 抱打不平
==============
🔥「爆片爆相」返嚟喇!🔥
一經獨家採用將會獲得由網上零食店易買
送出$200元電子禮券!
報料:https://bit.ly/38XUGu7
【蔡天鳳碎屍案|前夫兩兄弟曾與鄧炳強一同出席電影包場 鄭中基前助手涉協助罪犯逃離香港被捕】
睇片👉https://channelchk.com/a/7819

名媛蔡天鳳(Abby)遭肢解一案轟動全城。今日有傳媒報道,蔡天鳳一月曾為《天龍八部之喬峰傳》包場,其好友周英杰見到前夫鄺港智及前大伯鄺港傑出現,當時同場有保安局局長鄧炳強及文化體育及旅遊局局長楊潤雄。周英杰指譚家知道鄺廣智被通緝,但見他經常中港兩邊走,所以以為事件已經解決。

#蔡天鳳碎屍案 #譚仔 #五姐 #chris #鄭中基 #Channelchk
==============
新一輪2023年會員優惠大招募又返嚟啦!
誠邀各商戶提供優惠畀Channel C 花生友 同 自己友;
有意請電郵至:marketing@channelchk.com
=================================
新聞有價 記者有格 Channel C成長計劃
立即訂閱:https://channelchk.com/plan
撐Channel C請記者
一齊為民請命 抱打不平
=================================
報料:https://bit.ly/3S3zjZy
譚仔全年賺少3成得1.4億元 「阿姐」成本增近15%至8.28億元
https://channelchk.com/a/9875

譚仔國際(02217,「譚仔雲南米線」及「譚仔三哥米線」)公布截至3月31日底的全年業績。譚仔國際全年少賺30.6%,至1.4億元,利潤率由8.9%跌至5.4%;末期息減7.9%至10.5仙,去年為11.4仙。收入升14%,不過經營利潤率下跌,由20.9%減至17.2%,下降6.6個百分點。

#譚仔 #全年業績 #顧客人均消費 #員工成本 #開店目標 #channelchk
==============
新聞有價 記者有格 $128成長計劃
立即訂閱: https://channelchk.com/plan
撐Channel C請記者
一齊為民請命 抱打不平
==============
😎Channel C 廣告推廣和媒體合作​!🤝
誠邀各商戶傾談廣告宣傳和合作推廣;
有意請電郵至: marketing@channelchk.com
==============
🔥「爆片爆相」返嚟喇!🔥
一經獨家採用將會獲得由
齊柏林熱狗店送出$50元 禮券乙張!
報料:https://wa.me/85264691456
葵芳譚仔食客疑吞「爆汁小強頭」 譚仔雲南米線指已檢視廚房生產過程:已即晚進行清潔消毒
https://channelchk.com/a/17943

本台早前獨家報道葵芳譚仔好爵中心分店現「爆汁小強頭」,有女食客用餐時疑咬中「小強頭」,險成心理創傷。譚仔雲南米線回覆本台查詢指,集團知悉事件後,已即時檢視整個廚房生產過程,以及安排相關店鋪即晚進行清潔及消毒。集團又承諾加強食品處理流程、員工培訓,以確保良好的食品質素及顧客體驗。

快啲Follow我哋後備IG啦
https://www.instagram.com/channelc_hk/

#葵芳 #譚仔 #食客 #好爵中心 #爆汁小強頭 #譚仔雲南米線 #即晚清潔 #消毒 #心理創傷 #channelchk
==============
新聞有價 記者有格 $128成長計劃
立即訂閱:https://channelchk.com/plan
撐Channel C請記者
一齊為民請命 抱打不平
==============
😎Channel C 廣告推廣和媒體合作!🤝
誠邀各商戶傾談廣告宣傳和合作推廣;
有意請電郵至:marketing@channelchk.com
==============
🔥「爆片爆相」返嚟喇!🔥
一經獨家採用將會獲得由
齊柏林熱狗店送出$50元 禮券乙張!
報料:https://wa.me/85264691456