拖欠2新樓4,345萬銷售佣金 遭美聯入稟追數
陷財困中國恒大仍停牌 多隻內房股挫逾10%

被指陷入財困的中國恒大（3333），有傳子公司恒大物業（6666）以逾400億元出售51%股權之際，母企近日亦遭地產代理美聯物業入稟追討欠交的銷售佣金，涉及2個恒大新盤，金額逾4,345萬元！除恒大外，再有內房同業陷入財困，多隻知名內房股周二（5日）被拋售，股價跌逾10%。

早前推售的屯門恒大·珺瓏灣及長沙灣恒大·睿峰，分別由恒大旗下2間發展商Fortune Choice Development和Twin City Holdings持有。美聯物業近日入稟高等法院，向上述2間公司追討逾4,345萬元被拖欠的銷售佣金，兼須付利息及訟費。

繼恒大陷入債務危機後，正在停牌的花樣年（1777）也公佈有2.06億美元已到期票據未能兌付，更直認流動資金緊張。惠譽將花樣年的信貸評級，由「B」降至「CCC-」。多隻內房股周二沽壓沉重，中國奧園（3883）股價瀉12%；富力地產（2777）和時代中國（1233）齊挫11%，其中富力連跌第2天；融創中國（1918）和佳兆業（1638）亦跌逾10%。中國恒大和旗下的恒大物業仍停牌。

#佣金 #入稟 #美聯 #追數 #財困 #恒大 #停牌 #內房 #財經 #股票 #地產 #債務危機 #哪有錢你老母 #channelchk #佳兆業 #融創中國 #富力地產 #時代中國 #奧園 #中國 #珺瓏灣 #睿峰 #FortuneChoiceDevelopment #TwinCityHoldings #高等法院 #花樣年 #惠譽 #信貸評級

電視大戰前奏
邱達昌傳退出有線 鄭家純接收股份
ViuTV任杜之克掌黃Viu煲劇平台

今日市場傳出，噚日開市前停牌嘅有線寬頻（1097），大股東永升（亞洲）或出現股權變動，遠東發展（035）主席邱達昌或會退出，由新世界（017）主席鄭家純接收其股份。留意番，係純官鄭家純，唔係雞排妹鄭家純。

其實電盈（008）噚日都有驚人公佈，擬成立新公司，管理ViuTV現時嘅節目同藝人業務，並由魯庭暉出任行政總裁。新公司以自負盈虧模式營運，並開拓香港以外市場。任命名單上，有無綫舊將，包括好重用余詠珊嘅前副總經理（戲劇及節目）杜之克。

根據報道，原來曾為now打過工嘅杜之克，早於上月2日離開TVB後，第二日已經去咗電盈旗下「黃Viu煲劇平台」返工；另一前無綫高層鄭善強亦獲任為ViuTV「高級顧問」，擔任HKTVE董事會副主席。

講番鄭家純傳增持有線寬頻股份，《信報》引述消息報道，邱達昌有意退出有線寬頻大股東永升亞洲財團，將其持股易手予新世界主席鄭家純，令鄭家純喺永升嘅股權，由45.5%增至70%。至於永升另外兩大股東會否轉讓持股仍是未知。

永升於17年9月入主有線寬頻，目前持有43.22%股權（30.84億股）。財團當中，新世界主席鄭家純及鄭氏家族佔股有線寬頻最多股權，惟在永升入主後，有線主導權一直在邱達昌手上；另《明報》今日亦有報道，永升亞洲醞釀變動，股東之一邱達昌有意退出。

《港股策略王》節目主持、股評人正大師接受Channel C訪問表示，純官掌有線寬頻其實只屬「小生意」，「唔會蝕死佢，反而對有線利好，新世界輕輕力俾多少少錢，已經夠養有線。同埋新世界（執行副主席兼行政總裁）鄭志剛K11品牌喺內地大搞，如果喺大灣區有個media，有助提升其形象。」

今年6月，邱達昌在股東大會上指出要開發「老人台」，正大師認為證明唔work，故有線未來或會主力打年輕人市場，但要搶佔ViuTV市場則不易：「ViuTV都要用幾年搞《全民造星》、當日又打MMA、靈探，我又唔信新世界一接手就令有線起死回生。有線之前最出名都係播波同新聞台，播波個個都有，搞綜藝娛樂嘅話喺可見嘅將來冇可能夠ViuTV鬥。」

#有線寬頻 #鄭家純 #邱達昌 #正大師 #ViuTV #杜之克 #鄭善強 #魯庭暉 #channelchk

好多人話寧願唔收錢都要畀西裝男孔劉打，Channel絲想講：唔好同我爭！😮‍💨

去片👉 https://youtu.be/CrEVO1GUTxM
＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！
👉YT：https://youtube.com/channel/UCQRdJCdUVkXYPvWZ6_Omkag
👉FB：https://facebook.com/channelchk
👉IG：https://instagram.com/channelchk
報料／廣告接洽：
info@channelchk.com
#channelchk #嘮動新聞 #魷魚遊戲 #squidgame #netflix #孔劉 #李政宰 #鄭浩妍 #李瑜美

揀樓前一定要睇吓碧霞老師點講😎行足廿年運就唔怕水星逆行啦✌🏻

去片👉 https://youtu.be/dOn1sRaEVRI
＝＝＝＝＝＝＝＝＝＝＝＝＝＝＝＝＝
碧霞老師免費上門睇風水👀
全新節目《玄機解樓》個案大招募👋

🧧玄學家兼風水師唐碧霞（碧霞老師），為宣揚我國偉大傳統文化——風水學，與Channel C合作開拍《玄機解樓》。

💬如果你想間屋旺丁旺財旺到金，催旺桃花脫單身，即刻inbox或send email嚟 info@channelchk.com 寫低訴求，碧霞老師免費上門為你《玄機解樓》！
＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！
👉YT：https://youtube.com/channel/UCQRdJCdUVkXYPvWZ6_Omkag
👉FB：https://facebook.com/channelchk
👉IG：https://instagram.com/channelchk
報料／廣告接洽：
info@channelchk.com
#channelchk #玄機解樓 #藍田 #KOKORESERVE #風水 #碧霞老師

傳國安法官蘇惠德心臟病入ICU等換心
司法機構拒評其健康 僅稱病假中

多間傳媒引述消息，指國安法指定法官、總裁判官蘇惠德近日因心臟病，入住瑪麗醫院深切治療部，等候接受心臟移植手術。司法機構回應指，蘇惠德正放病假，由主任裁判官羅德泉署理其職務。基於私隱理由，司法機構不評論個別法官的健康狀況。蘇惠德對上一次處理國安法案件，已是今年8月26日。

《立場新聞》報道，蘇惠德留醫瑪麗醫院深切治療部。有線新聞指蘇官因心臟病入院。Now新聞則指蘇入院，等候接受心臟移植手術。蘇惠德對上一次處理國安法案件，已是8月26日。本身由他處理的民主派初選47人案和《蘋果日報》高層案在9月提堂時，已改由羅德泉處理。

現年49歲的蘇惠德，是首名獲委任為國安法指定法官的司法人員，曾處理多宗受關注案件，包括唐英傑案、第二代美國隊長案、民主派初選47人案、《蘋果日報》高層案等。他亦曾於去年12月拒絕當時被控欺詐罪的壹傳媒創辦人黎智英保釋。

#蘇惠德 #國安法 #司法機構 #病假 #法官 #國安法指定法官 #channelchk #換心 #器官移植 #手術 #瑪麗醫院 #心臟病 #深切治療部 #ICU #羅德泉 #裁判官

Instagram連續第二晚疑跪低！礙訊息傳播
多人匯報死圖死片死story 發帖突然被消失

Facebook及旗下的Instagram和WhatsApp在本港時間前晚（4日）11時許起，全球癱瘓6小時，是近年最大規模的網絡故障；不少人更一度錯怪家中router的Wi-fi出事。怎料Instagram連續第二晚疑跪低！多人未能正常瀏覽新發帖和story，估計持續數小時。

多個用戶均匯報Instagram發帖死圖或死片、死story，甚至有發帖突然被消失，時有時無，嚴重妨礙訊息傳播，尤以iPhone用戶最受影響。亦有懷疑在IG死機期間的留言，不能被其他人讚好。不過Instagram暫未在Twitter或Facebook承認再度死機。

（原圖取自Mizter Blitz專頁）

#故障 #死機 #Instagram #channelchk

施政報告｜倡建東鐵綫科學園╱白石角站 被質疑用公帑幫豪宅升值
大埔沙田居民憂難迫上車

豪宅林立的大埔白石角區將建港鐵站！特首林鄭月娥公佈任內最後一份《施政報告》，擬以香港教育大學（教大）運動中心用地為基礎，興建東鐵綫科學園╱白石角車站，改善科學園一帶交通。不少市民質疑日後「點迫上車」；亦有人批評建議是「用公帑幫人哋樓升值」。

林鄭稱，建議為科學園擴容（註：據漢語詞典解作擴大規模、範圍），重新啟動馬料水填海計劃，加上沙田污水處理廠遷入岩洞騰出現址，共提供88公頃新土地。但有別於原先建議的住宅用途，建議新增土地主要用作創科發展。而為改善白石角和科學園一帶的公共交通接駁，政府會邀請港鐵研究以現時位處白石角的教大運動中心用地為基礎，興建新的東鐵綫科學園╱白石角車站，並按教大早前要求重置運動中心到大學本部附近的地點，方便同學使用。

政府亦會善用車站用地與毗鄰土地的發展潛力，提供更多房屋及區內居民需要的泊車位、商舖和公共設施。林鄭稱已指示發展局、運房局和教育局聯同港鐵公司及教大，全力推展有關項目。

增設白石角車站消息傳出後，引來不少網民留言批評，「由12卡車改用9卡車，再加多兩個站後點迫上車」、「大埔以北仲上到車，得9卡去到火炭上條毛」、「大學坐小巴或巴士過白石不用十分鐘，起個站把X」；另有人該區人口少，炮轟建議嘥錢；亦有人相信有關建議將推高樓價，「X你老母，用公帑幫人哋樓升值。」

#channelchk #白石角 #科學園 #施政報告 #林鄭 #東鐵綫 #港鐵 #9卡列車 #豪宅

天文台料南海潛在風暴 不闖港500km
但仍與季風夾擊 港周五六日狂風大驟雨

【天氣師李鈺廷提提你】
中國內地中央氣象台和澳門氣象局今早率先評定南海的低壓區為熱帶低氣壓（熱帶氣旋最低級別），但香港天文台至中午仍未將其升格，僅稱它「正逐漸增強」；並預料它雖不會闖進本港500公里範圍，但仍會與東北季候風夾擊，令香港周五六日狂風大驟雨、頗大風兼有湧浪，影響戶外活動。

天文台中午發出特別天氣提示，指南海中南部的低壓區今明兩日可能增強為熱帶氣旋，隨後移向海南島至北部灣一帶，與香港維持超過500公里距離。「若低壓系統顯著增強或更靠近本港，天文台才需要考慮發出熱帶氣旋警告信號。」

不過天文台維持本港天氣轉差的預測。由於這股潛在風暴將與東北季候風引發「共同效應」，天文台仍預計本港周五及周末期間「風勢頗大，有狂風大驟雨，海有湧浪」，並坦言「戶外活動會受到影響」，呼籲市民留意天氣變化及官方最新天氣消息。

由於預計未來數日，該潛在風暴應不會闖進本港500公里範圍，且弱度偏弱，本港天氣主要受強風程度的東北季候風支配，而非該潛在風暴，天文台表明視乎本港風力變化，考慮發出俗稱「黑球」的強烈季候風信號。

歐洲氣象超級電腦（ECMWF）預計，這股低壓系統有70%機會，增強至「熱帶風暴」級別（比「熱帶低氣壓」再高一級），吹襲海南島一帶；但能進一步增強為「颱風」的機會低至0%，反映其發展空間有限。由於這股潛在風暴，是由季風低壓（由季候風捲成的低壓區）發展出來，組織較為鬆散，故須花更多時間整合增強。

#天氣 #天文台 #強烈季候風信號 #氣象 #季候風 #強風 #黑球 #打風 #風暴 #熱帶氣旋 #颱風 #低壓區 #monsoon #weather #forecast #typhoon #wind #gale #storm #李鈺廷 #cyclone #掛波 #風球 #熱帶氣旋警告信號 #狂風驟雨 #ECMWF

睇大局！林鄭開方便之門 鬆綁新界鄉紳賣阿公地

行政長官林鄭月娥在任期間最後一份施政報告終於出爐，一個字——睇大局，向北望。大局係融入國家發展大局，《文匯》有個term係非常「到位」——新界北釋潛力。學林鄭話齋，管治需要新思維。

林鄭話，為加快土地供應，同意可考慮修訂《新界條例》，在尊重祖堂傳統同保障祖堂成員合理權益大前提下，處理目前祖堂地難以發展嘅困局。第一步就係，由民政事務局局長同鄉議局成立工作小組，聯同發展局和其他部門，一年內完成檢討、制訂具體修訂建議。

祖堂地，俗稱「阿公地」，泛指由家族或堂而非個人擁有嘅新界鄉村土地。要賣，唔易㗎葉師傅，門檻好高，祖堂嘅註冊司理須取得民政事務局局長同意書，而大前提仲要係所有持分者同意下，先獲發同意書。

鄉議局一直都想鬆綁，18年仲同民政事務總署成立工作小組，研究點樣「便利」賣阿公地，以促進新界發展及增加香港整體可供發展用地的供應。

翻查資料，《新界條例》第15條係無訂明出售祖堂地門檻，就連政府處理同意出售祖堂地申請程序都係無列明；但又得意喎，前任民政事務局局長劉江華去年回覆議員查詢時話過，雖然民政專員有法定權力就出售祖堂地發同意書，但因為祖堂地係私人地，所以專員喺議決過程中係冇任何角色。劉江華仲話，政府係唔知全港有幾多祖堂地；就算同意賣地，政府亦唔知有關申請涉及嘅土地面積同售後用途。

事隔一年，林鄭今日話，仲係「未掌握」阿公地正式數字。

靜靜雞講吖，其實鄉議局早兩個月，已經見咗林鄭，交咗份建議書，要求政府鬆綁賣祖堂地。鄉議局提出建議，希望政府准祖堂（即新界宗氏族群）同私人機構合作開發土地；如政府要收番阿公地發展，就要提供現金以外嘅補償，例如，將部份單位預留俾祖堂。

新界鄉議局主席劉業強當時話，香港落實《國安法》同完善選舉制度後，行政立法關係轉趨理性，相信鄉議局所提交嘅建議係「適時」、有助香港處理「老大難」問題。份建議書主題叫做「完善祖堂制度 活用新界土地」。班鄉紳真係偉大，為解決香港土地缺乏嘅問題，連阿公地都可以犧牲，起來！讓我哋一齊共同富裕吧！

#施政報告 #阿公地 #祖堂地 #林鄭 #睇大局 #鄉議局 #channelC

新界北變身大都會 起捷運通白泥 鐵路貫穿深港

新一份《施政報告》出爐，特首林鄭月娥繼「明日大嶼」後，今提出興建面積達300平方公里、涵蓋元朗和北區嘅「北部都會區」；交通方面就大力發展穿越深港兩地之間的運輸網絡，包括建造連接洪水橋／廈村至深圳前海的港深西部鐵路，仲會「探討」興建尖鼻咀至白泥捷運，總之有好多嘢要起。

林鄭任內最後一份《施政報告》好似玩Sim City（虛擬城市）咁提出多項長遠規劃，包括構建佔地面積約300平方公里、涵蓋元朗和北區的北部都會區，即包括天水圍、元朗及粉嶺／上水等已發展新市鎮，及古洞北／粉嶺北、洪水橋／厦村、元朗南、新田／落馬州、文錦渡等新發展項目，預料可以最多提供92.6萬個住宅單位，足以容納250萬人居住；擁有7個跨境陸路口岸。林鄭就形容係促進港深融合發展和連繫大灣區最重要地區。

日後呢個新界北大都會將以鐵路運輸為主要骨幹，包括建造連接洪水橋／廈村至深圳前海嘅港深西部鐵路；北環線鐵路就向北延伸，經落馬洲河套港深創科園進入深圳新皇崗口岸；又探討東鐵線延伸至深圳羅湖，喺深方設一地兩檢口岸，喺現有嘅羅湖上水站中間設非過境鐵路站；又將北環線鐵路由古洞向東延伸，接駁羅湖文錦渡香園圍，再南下經打鼓嶺、皇后山至粉嶺。

不過似乎都未算勁，林鄭其中一項大計，係「探討」興建尖鼻咀至白泥捷運，話可以帶動該區同流浮山發展。流浮山喎大佬！捷運喎！想像下一邊坐捷運一邊欣賞白泥日落，全港九新界鐵路沿線車站仲多過台灣，真係好似玩緊Sim City咁，相信亦能夠方便流浮山班刀手出市區！

此外，政府建議將洪水橋╱厦村升格為新界北現代服務業中心，喺流浮山建設規模媲美數碼港嘅地標性創科設施；將正在興建、位於河套地區嘅港深創科園，與落馬洲／新田一帶整合做「新田科技城」，當中與創科相關土地料佔240公頃，又喺港深創科園設立「生命健康創新科研中心」。

林鄭喺運輸基建等方面提出多項長遠計劃，有網民就話旺角行人天橋需時23年才落成，相信今次「世界末日前都未起好」，甚至「以為玩緊Sim City（虛擬城市）」。

另有網民慨嘆「今日講咁多嘢好似全部唔關我事」。而由於政府着力發長北部鐵路發展，有人則稱「人人住地鐵上蓋......發達啦」。

#channelchk #施政報告 #林鄭 #林鄭月娥 #虛擬城市 #simcity #北部都會區 #美麗新北區 #港深融合 #新田科技城 #數碼港 #鐵路

新巴城巴「鬼車」活動疑被取消 預約網頁留神秘數字

大台劇《降魔的2》有一場戲係講，班的士司機搞靈探團，坐的士摸黑帶你去香港猛鬼熱點撞鬼，司機哥哥仲會同你講鬼故。
你咪話大台離地，呢條橋真係掂，新巴城巴都抄考呢條橋，搞個巴士靈探團，叫「鬼車-異靈21特別班次」。唔係搭「鬼車」（例如架車喺總站附近嘅中途站開出，直接駛返總站，但就當一班車計計算），而係架車真係有鬼⋯⋯裝飾嗰隻。不過，呢架鬼巴士邪就邪在佢未出發，就已經被消失咗喇⋯⋯

活動喺大約一個禮拜前先公佈同開放KLOOK報名，費用為每位328元，最少15人成團，會喺8號至23號入面嘅周五同周六舉行，仲有一定要嘟「安心出行」。「異靈21」巴士原定夜晚8點半會開出、穿梭港島區嘅大街小巷，乘客可以落車行，車上面仲有導遊會講吓鬼故呀咁，嚇足兩個半鐘後就會放乘客返銅鑼灣食飯。

可能係香港無乜鬼屋，又或者未舉行過類似嘅鬼巴士團，Channel絲追返Post發現，活動當初好快已經Full-Booking，仲有好多人係fb留言話想Book都book唔到。之但係，「鬼車-異靈21特別班次」今日突然間喺網上神秘消失，城巴嘅官方宣傳片唔見咗，就連KLOOK嘅預約網頁，都得返串神秘號碼——「62543」。「鬼車」本身仲有幾日就出發，唔知各位預約咗嘅團友，而家會唔會「未出發，先驚嚇」呢？

#channelchk #klook #鬼車 #異靈21特別班次 #KLOOK #鬼巴士 #新巴城巴