🇺🇦🇺🇸🇹🇷🇷🇺 Украина президенти Россия билан музокаралар ўтказиш учун Туркияга боришини тасдиқлади

Зеленский АҚШ президенти Трамп ҳам музокараларда бевосита қатнашиш учун Истанбулга бориши ҳақида  фикр билдириш давомида ўт очишни тўхтатиш шартлари ҳақида гапирмади.

"Президент Трампнинг баёнотини эшитдим. Жуда муҳим сўзлар. Мен президент Трампнинг Путин билан тўғридан-тўғри музокаралар ўтказиш ғоясини қўллаб-қувватладим. Мен учрашувга тайёрлигимни очиқ айтдим. Мен 15 май куни Туркияда бўламан. Умид қиламанки, россияликлар бу учрашувдан қочишмайди. Албатта, биз, бутун Украина халқи президент Трамп ҳам Туркиядаги учрашувда биз билан бирга бўлишини хоҳлаймиз", – деб ёзди Зеленский Теlegram-каналида.

Аввалроқ Трамп Истанбулдаги музокараларда иштирок этиши мумкинлигини айтган эди. Шу билан бирга, Путин бу музокараларда шахсан иштирок этишини ҳозирча тасдиқламаган.

🔥 @burchakostida

ҲАМАС гаровга олинган америкалик Эден Александрни озод қилди, у Халқаро Қизил Хоч вакилларига топширилди — ЦАХАЛ.

🔥 @burchakostida

🇮🇳🇵🇰 Ҳиндистон ҳозирча Покистонга зарбаларни тўхтатди

Бу ҳақда Ҳиндистон бош вазири Нарендра Моди ўзининг мамлакат халқига мурожаатида маълум қилди.

Модининг сўзларига кўра, Нью-Деҳлининг кейинги ҳаракатлари Исломободнинг қадамларига боғлиқ бўлади.

Шу билан бирга, АNI агентлиги Ҳиндистон ва Покистон чегаралардаги қўшинларни қайтариш масаласини кўриб чиқаётгани ҳақида хабар берди.

🔥 @burchakostida

Ғазода 21 кунлик вақтинчалик оташкесим бўйича келишув яқин кунларда имзоланиши мумкин – Тhe National

"ҲАМАС ва АҚШ воситачилари ўртасидаги тўғридан-тўғри музокаралар давомида келишувга эришиш борасида катта силжиш кузатилди", — дея маълум қилди нашр манбаларидан бири.

Келишув нафақат ўт очишни тўхтатиш, балки секторгa гуманитар ёрдам етказиб беришни қайта тиклаш ва ҲАМАС томонидан олти нафаргача гаровдагиларни озод қилиш, эвазига бир нечта фаластинлик маҳкумларни озод этишни ҳам назарда тутади. Бу келишув ҳақида расман яқин соатларда эълон қилиниши мумкин.

Аввалроқ оммавий ахборот воситаларида АҚШ президенти Доналд Трамп Саудия Арабистонидаги саммитда Қўшма Штатлар Фаластин давлатини тан олишини эълон қилиши мумкинлиги ҳақида хабарлар тарқалган эди.

🔥 @burchakostida

🇳🇱🇦🇺🇲🇾🇺🇦🇷🇺 Халқаро фуқаро авиацияси ташкилоти Россияни МH17 рейси самолётининг ҳалокатида айбдор деб топди

Нидерландия Ташқи ишлар вазирлигининг маълум қилишича, Халқаро фуқаро авиацияси ташкилоти кенгаши Россия халқаро фуқаро авиацияси тўғрисидаги Чикаго конвенциясининг фуқаролик ҳаво кемаларига нисбатан қурол ишлатишни тақиқловчи моддасини бузган, деган хулосага келган. Ташкилот матбуот релизида қайд этилишича, яқин ҳафталарда Халқаро фуқаро авиацияси ташкилоти Россиянинг етказилган зарарни қандай қоплаши масаласини кўриб чиқади.

2014 йил 17 июл куни Донбасс устида Malaysian Airlines авиакомпаниясининг МH17 рейси билан парвоз қилаётган Boeing самолёти уриб туширилган эди. Ҳалокат натижасида самолёт бортидаги барча, 298 нафар инсон қурбон бўлган. Уларнинг аксарияти Нидерландия ва Австралия фуқаролари бўлган.

2022 йил март ойида ушбу давлатлар Россияга қарши Халқаро фуқаро авиацияси ташкилотига шикоят киритганди. 2024 йил июн ойида Россия ташкилотнинг бу иш бўйича ваколатини тан олмаслигини эълон қилиб, тергов жараёнида ҳамкорлик қилишдан бош тортди.

2022 йил ноябр ойида Гаага суди "Малайзия самолёти хатолик билан уриб туширилган, чунки уни ҳарбий самолёт деб ўйлашган", деган қарорга келди. Суд тан олинмаган Донецк Халқ Республикасининг ўша пайтдаги мудофаа вазири бўлган россиялик Игор Гиркин (Стрелков), генерал-майор Сергей Дубинский ҳамда украиналик Леонид Харченкони ҳалокатда айбдор деб топди. Уларнинг барчаси сиртдан умрбод қамоқ жазосига ҳукм қилинди ва қурбонларнинг яқинларига 16 миллион евро миқдорида товон тўлаш белгиланди.

🔥 @burchakostida

🇪🇺🇺🇦🇷🇺 ЕИ Россиянинг музлатилган активларидан олинаётган фойда ҳисобидан Украинага мудофаа учун 2 миллиард евро ажратди — Deutsche Welle

"Брюсселда бўлиб ўтган Европа Иттифоқи – Украина мудофаа форумида Киевга яна 900 миллион евро маблағни қуроллар ва ўқ-дорилар хариди учун ажратиш  эълон қилинди", дея хабар бермоқда нашр.

Аввалроқ Евроиттифоқнинг ташқи сиёсат бўйича раҳбари Кая Каллас Украина қурол ишлаб чиқарувчилари билан 1 миллиард еврога тенг шартномалар имзолангани ҳақида маълум қилган эди.

Ушбу маблағлар Евроиттифоқда музлатилган Россия активларидан олинаётган даромадлар ҳисобидан ажратилмоқда. Умуман олганда, Европа Иттифоқи Украина мудофаа саноатини қўллаб-қувватлаш учун аллақачон 3,3 миллиард евро ажратган ва бу йўналишда Украина иқтисодиётининг энг йирик нотижорат хорижий инвестори бўлиб қолмоқда.

Бундан ташқари, Брюсселда ўтган форумда Европа Иттифоқи ва Украина мудофаа соҳасида қўшма мақсадли гуруҳ ташкил этилиши ҳам эълон қилинди. Ушбу гуруҳ Украина мудофаа саноатини Европа Иттифоқининг саноат тизимига интеграция қилиш билан шуғулланади. Бу, жумладан, Украинани Евроиттифоқнинг қайта қуролланиш дастури — ReArm Europe доирасида иштирок эттишини ҳам ўз ичига олади.

🔥 @burchakostida

🇹🇷🇺🇦🇷🇺 Украинада ўт очишни тўхтатиш тинчлик музокараларини бошлаш учун зарур шарт-шароитларни яратади, бу имкониятни қўлдан бой бериб бўлмайди — Туркия президенти Ражаб Тоййиб Эрдўған.

🔥 @burchakostida

🇺🇦🇷🇺 Европа давлатлари санкцияларни кучайтиришдан олдин Зеленский ва Путиннинг Туркиядаги эҳтимолий учрашувини кутишга тайёр — Bloomberg

Агентликнинг манбаларига таяниб хабар беришича, Европа етакчилари Россия ва Украина президентлари Владимир Путин ва Володимир Зеленский ўртасидаги Туркияда бўлиб ўтиши мумкин бўлган учрашувни кутишга тайёр. Улар Қўшма Штатлардан Россияга қарши санкцияларни кучайтиришни сўрашдан олдин ушбу учрашув натижаларини кутмоқчи.

Манбалар берган маълумотга кўра, 12 май куни АҚШ ва Европа мамлакатлари расмийлари ўртасидаги музокаралардан сўнг, Вашингтон томони 15 май куни Россия ва Украина ўртасидаги музокаралар ўтказилишига имкон беришни истаётгани аён бўлган.

"Агар Путин Зеленский билан учрашувдан бош тортса ёки Россия 15 май куни ўтказиладиган музокараларда зудлик билан ва дастлабки шартларсиз ўт очишни тўхтатишга рози бўлмаса, Европа етакчилари АҚШ президенти Доналд Трампни Москвага қарши санкциялар жорий қилиш билан боғлиқ таҳдидини амалга оширишга чақиради", — дея аниқлик киритган Bloomberg манбалари.

Кремл ҳозирча Путин музокараларда иштирок этадими-йўқми, бу ҳақда маълумот бергани йўқ.

🔥 @burchakostida

🇺🇸🇺🇦🇷🇺 Трамп “ултиматум шаклида” Россия ва Украина ўртасида тўғридан-тўғри музокаралар ўтказилишини талаб қилмоқда — АҚШ президентининг махсус вакили

Стив Уиткоффнинг маълум қилишича, агар можаро томонлари тўғридан-тўғри музокаралар ўтказмаса, президент Доналд Трамп Россия–Украина урушини тартибга солиш жараёнидан чиқиш билан таҳдид қилмоқда. Махсус вакилнинг сўзларига кўра, Трамп ушбу талабни “ултиматум шаклида” қўймоқда.

"Путиннинг розилигисиз ҳеч қандай тинчликка эришилмайди. Асосий музокара мавзулари Украина айрим ҳудудлардан воз кечиши, Запороже АЭСидан фойдаланиш, шунингдек, Украинанинг Днепр дарёси ва Қора денгизга чиқиш ҳуқуқи кабилардан иборат", — дея қўшимча қилди Уиткофф.

🔥 @burchakostida

🇪🇺🇭🇺🇺🇦🇷🇺 Евроиттифоқ Венгриянинг Россияга қарши санкциялар бўйича ветосини четлаб ўтиш йўлини тайёрламоқда — Financial Times

Нашр маълумотларига кўра, Брюссел Москвага қарши санкцияларнинг катта қисмини “бошқа ҳуқуқий асосга” ўтказмоқчи. Бу эса, чекловларни узайтириш учун талаб этиладиган якдил қарор қабул қилиш шартини четлаб ўтиш имконини беради.

🔥 @burchakostida

🇺🇸🇸🇦 АҚШ президенти Доналд Трамп Саудия Арабистонига етиб борди — Sky News

Бу Трампнинг президент этиб сайланганидан кейинги илк расмий хорижий ташрифи ҳисобланади. Қўшма Штатлар президентини Саудия Арабистони валиаҳд шаҳзодаси ва бош вазири Муҳаммад бин Салмон Ол Сауднинг шахсан ўзи кутиб олди.

Доналд Трампнинг Яқин Шарқ минтақаси давлатлари бўйлаб ташрифи 13-16 май кунлари ўтказилиши режалаштирилган. Кеча Трамп зарурат туғилса, бу ташрифни тўхтатиб, Украина ва Россия ўрта 15 май куни ўткахиладиган музокараларда қатнашиш учун Истанбулга бориши эҳтимолини айтган эди.

Бироқ ҳозирча Путин Истанбулдаги музокараларда иштирок этишга розилик бергани йўқ.

🔥 @burchakostida

🇺🇦🇹🇷🇷🇺 Президент Володимир Зеленский Истанбулда Путиндан бошқа россиялик расмий билан учрашмайди — Украина президенти девони раҳбари маслаҳатчиси Михаил Подоляк.

🔥 @burchakostida