🇺🇸🇺🇦🇷🇺 Трамп Украинадаги жанговар ҳаракатлар вақтинча эмас, доимий тўхтатилишини истайди — Оқ уй матбуот котиби

Кэролайн Левитт Россия президенти Владимир Путиннинг 8–10 май кунлари “барча жанговар ҳаракатларни тўхтатиш” ҳақидаги баёнотига шундай муносабат билдирди.

Оқ уй вакили, шунингдек, АҚШ президенти Доналд Трамп Путинга ҳам, Зеленскийга ҳам тобора кўпроқ норозилик билдираётганини ва иккала давлат раҳбари музокара столига ўтириши керак, деб ҳисоблаётганини қўшимча қилди.

🔥 @burchakostida

Исроил барча гаровга олинганларни озод қилиш эвазига Ғазо секторида беш йиллик ўт очишни тўхтатиш таклифини рад этди

Бу ҳақда Исроилнинг Каn давлат телеканали расмий манбага таяниб хабар бермоқда.

🔥 @burchakostida

🇦🇲🇷🇺 Арманистон Россия билан муносабатларни ёмонлаштириш ёки узиш ниятида эмас — Арманистон бош вазири Никол Пашинян.

🔥 @burchakostida

🇺🇸🇺🇦 АҚШ ва Украина шу ҳафта табиий ресурслар бўйича келишувни имзолаши мумкин — Financial Times

"Битим барча фойдали қазилмалардан, жумладан нефт ва газдан фойдаланишни, шунингдек, асосий энергетика активларини қамраб олади", дея хабар бермоқда нашр ўз манбаларига таяниб.

FT маълумотига кўра, келишувни имзолаш жараёнидаги муваффақиятга Қўшма Штатларнинг Украинага кўрсатилган ёрдам учун компенсация олиш талабини бекор қилишга розилиги туфайли эришилган.

🔥 @burchakostida

🇮🇷 Эроннинг Шаҳид-Ражаи портидаги ёнғинни ўчириш операцияси якунланди, ҳодиса оқибатида ҳалок бўлганлар сони 65 нафарга етди — ISNA агентлиги

🔥 @burchakostida

🇪🇸🇵🇹 Испания ва Португалияда электр таъминотида кенг кўламли узилиш “кам учрайдиган атмосфера ҳодисаси” сабабли юз берган бўлиши мумкин

Бу ҳақда Португалиянинг REN (Rede Elétrica Nacional) электр тармоқлари оператори маълум қилди, деб хабар бермоқда Sky News.

REN маълумотига кўра, Испанияда ҳаво ҳароратининг кескин ўзгариши туфайли юқори кучланишли линияларда “аномал тебранишлар” юзага келган ва бу бутун Европа бирлашган электр тармоғида носозликларга олиб келган.

REN Испаниянинг бир нечa ҳудудларида, жумладан, Каталония, Астурия, Арагон ва Басконияда электр таъминотини босқичма-босқич тиклаш бошлангани ҳақида эълон қилди. Қаайд этилишича, тармоқни тўлиқ тиклаш учун бир ҳафта вақт кетиши мумкин.

Аввалроқ Португалияда бу ҳодисага киберҳужум сабаб бўлгани эҳтимоли ҳам тилга олинган эди.

🔥 @burchakostida

🇺🇸 АҚШ президенти Доналд Трамп ўз маъмурияти вакилларига Signal мессенжерида ҳарбий режалар муҳокама қилингани сиздирилганидан кейин ундан фойдаланмасликни маслаҳат берди — The Atlantic.

🔥 @burchakostida

🇩🇪 DW: Мерц Германиянинг бўлажак ҳукуматидаги вазирлик лавозимига номзодларни тақдим этди

Германиянинг бўлажак канцлери мамлакат Ташқи ишлар вазири лавозимига Йоҳанн Вадефуллни номзод сифатида кўрсатди. Вадефулл, Киевга Германия қурол-яроғини Россия ҳудудидаги нишонларга зарба бериш учун қўллашга рухсат беришни қўллаб-қувватлаган.

Мамлакат Иқтисодиёт вазири лавозимини Катерина Райхе эгаллаши кутилмоқда. Райхе E.ОN немис энергетика компаниясидаги узоқ йиллик фаолиятидан сўнг сиёсатга қайтмоқда. Рақамлаштириш ва давлатни модернизация қилиш бўйича янги ташкил этиладиган вазирликни эса Ceconomy концерни ва Меdia-Saturn ҳолдинги бошқаруви раиси Карстен Вилдбергер бошқариши режалаштирилмоқда.

Соғлиқни сақлаш вазири лавозимига депутат Нина Варкен, Транспорт вазири лавозимига эса Патрик Шнайдер номзод сифатида кўрсатилган. Карин Прин Таълим вазири бўлиши кутилмоқда. Мерцнинг ҳамфикри Торстен Фрай Федерал канцлер девони раҳбари лавозимига номзод этиб кўрсатилган.

Шунингдек, DPA агентлиги маълумотига кўра, Ички ишлар вазирлигини Христиан-социал иттифоқи партияси вакили, Бундестагдаги ер гуруҳининг раҳбари Александр Добриндт бошқариши кутилмоқда. Ушбу партия ХДИ/ХСИ блокига киради.

🔥 @burchakostida

#бурчакстат

Трамп эффекти? Март ойида АҚШга саёҳат кескин камайди

Халқаро сайёҳлар Қўшма Штатларга бўлган саёҳат режасини қайта кўриб чиқмоқда. The New York Times нашри журналисти Жейлан Йегинсунинг сўзларига кўра, дунё бўйлаб саёҳатчилар Трамп маъмуриятининг сўнгги қарорлари, янги сиёсати ва нутқлари туфайли АҚШга саёҳат қилишдан воз кечмоқда.

Туризм иқтисодиёти тадқиқот фирмаси дастлаб Қўшма Штатларга келувчи халқаро туристлар сони 9 фоизга ўсишини тахмин қилган бўлсада, сўнгги маълумотлар 5 фоизга қисқариш сифатида янгиланган.

Баъзи европаликлар Трампга қарши норозилик сифатида АҚШга бўлган саёҳатларини қайта кўриб чиқмоқда. Миллий саёҳат ва туризм бюросининг 2025 йил биринчи чорагига оид маълумотларига кўра, халқаро ташрифлар сезиларли даражада камайган, бу пасайиш март ойида янада кучайган. 2024 йилнинг шу даври билан таққослаганда, Ғарбий Европадан (сайёҳлар ва бизнес меҳмонлар) келганлар сони ўтган ойда тахминан 17 фоизга камайган, январдан бери эса умумий пасайиш 7 фоизни ташкил этган.

Ушбу тенденция айниқса Германия, Ирландия ва Испания каби давлатларда кучайган, чунки март ойида ташрифлар 20 фоиздан кўпроқ камайган.

🔥 @burchakostida

🇺🇸🇨🇦 Канадаликлар АҚШга қўшилиб, 51-штатга айланиши керак — Доналд Трамп

АҚШ президенти Канададаги парламент сайловлари куни ўзининг Truth Social ижтимоий тармоғида "иккала мамлакат ўртасидаги чегаранинг сунъий" эканини ёзди. У канадаликларга "солиқларни икки баравар камайтириш, ҳарбий қудратни дунёдаги энг юқори даражага текинга кўтариш, нол даражали тариф ва божларга эга компанияларни тўрт баравар кўпайтириш учун куч ва доноликка эга бўлган шахсни" танлашда муваффақият тилади ва бунинг учун Канада Қўшма Штатларнинг 51-штатига айланиши кераклигини қўшимча қилди.

"Энди сунъий чизилган чегаралар бўлмайди... Қаранг, бу кенгликлар қанчалик ажойиб бўлиши мумкин. Чегараларсиз эркин кириш. Фақат ижобий томонлар, ҳеч қандай салбийлик йўқ. Айнан шундай бўлиши керак! Америка энди аввалгидек Канадани ҳар йили юзлаб миллиард доллар билан субсидиялай олмайди. Агар Канада штатларимиздан бирига айланмаса, бундан ҳеч қандай мантиқ йўқ", – деб ёзди Трамп Truth Social ижтимоий тармоғидаги саҳифасида.

🔥 @burchakostida

🇨🇦 Либерал партия Канададаги сайловларда ғалаба қозонмоқда

"Канададаги парламент сайлов натижаларига кўра, мамлакатнинг амалдаги бош вазири Марк Карни етакчилик қилаётган Либерал партия вакиллари Қуйи палатада (Palata of Commons) ҳукумат тузиш учун етарли ўринларга эга бўлиши кутилмоқда", деб хабар бермоқда Канаданинг CBC ва CТV News телеканаллари.

Шу билан бирга, ҳозирча партия парламентда мутлақ кўпчилик ўринни қўлга киритадими-йўқми, аниқ айтиш учун ҳали эрта экани таъкидланмоқда.

"АҚШ президенти Доналд Трампнинг савдо уруши ва Канадани аннекция қилиш ҳақидаги таҳдидлари канадаликларни ғазаблантирди ҳамда Қўшма Штатлар билан муносабатларни сайловолди кампаниясининг асосий мавзуларидан бирига айлантирди", дея қайд этмоқда АFP.

Март ойида Жастин Трюдонинг ўрнига Канада бош вазир лавозимини эгаллаган Марк Карни ўз сайловолди кампаниясини айнан шу асосда ташкиллаштирди. Хусусан, у Қўшма Штатларга қарамликни камайтириш мақсадида халқаро савдони кенгайтиришга ваъда берди ҳамда Трампнинг таҳдидларини рад этди.

60 ёшли Марк Карни илгари ҳеч қачон сайланадиган лавозимда ишламаган. У бош вазир этиб тайинланишидан аввал инвестиция банкири бўлган, шунингдек, Канада ва Буюк Британия Марказий банкларига раҳбарлик қилган.

🔥 @burchakostida

🇷🇺🇫🇮🇪🇪🇳🇴 Россия Финляндия, Норвегия ва Эстония билан чегараларда ҳарбий қисмларни кенгайтирмоқда ҳамда темир йўллар қурмоқда — Тhe Wall Street Journal

"Американинг тижорат сунъий йўлдош тасвирлари билан шуғулланувчи Planet компанияси томонидан тақдим этилган сунъий йўлдош тасвирларига кўра, сўнгги йилларда Россия расмийлари Финляндия ва Норвегия билан чегарадош ҳудудлардаги ҳарбий қисмларни кенгайтирган, шунингдек, Финляндия, Норвегия ва Эстония билан чегаралар бўйлаб янги темир йўл тармоқлари барпо этмоқда. Экспертлар бу ҳаракатларни янги урушга тайёргарлик сифатида талқин қилмоқда", деб ёзади газета.

Европа разведкаси ходими WSJ'га берган изоҳида, Россия NATO'нинг бирлигига шубҳа солиш мақсадида алянсга аъзо кичик бир давлатга, масалан, рус миллатига мансуб аҳоли кўп бўлган Эстонияга бостириб киришга уриниши мумкинлигини айтди.

Карнеги жамғармасининг Россия ва Евроосиё дастури катта илмий ходими Майкл Кофманнинг фикрича, Россия "яқин орада" Болтиқбўйи давлатларига қарши "чекланган ҳарбий операция" ўтказиши мумкин.

🔥 @burchakostida

🇪🇸🇵🇹 Испания ҳудудида электр таъминоти тахминан 50 фоизга тикланди — мамлакат бош вазири Педро Санчес

"Электр тармоқлари оператори маълумотларига кўра, электр таъминотининг деярли 50 фоизи аллақачон тикланган. Олдимиздаги вазифа — яқин соатларда таъминотни тиклашни давом эттиришдир. Ҳозирда мамлакатимизга электр энергияси Франция ва Марокашдан етказиб берилмоқда", — дея маълум қилди Испания ҳукумати раҳбари.

Санчес электр таъминоти қачон тўлиқ тикланишини аниқ айтмади ва айрим ишчилар сешанба куни уйида қолишига тўғри келишини қўшимча қилди.

Испания ва Португалиядаги кенг кўламли электр узилишининг аниқ сабаби ҳануз номаълум. Португалия бош вазири Луис Монтенегро "узилиш манбаи Испанияда" эканини айтганди. Педро Санчес эса Испания ҳукумати ҳодиса сабабларини аниқлаш устида ишлаётганини билдирди.

🔥 @burchakostida

🇷🇺 Россия президенти Владимир Путин мамлакатдаги хорижликларнинг мақомини тартибга солиш муддатини узайтириш ҳақидаги фармонни имзолади

Ҳужжат матни Россия норматив-ҳуқуқий ҳужжатлар порталида эълон қилинди.

Фармон билан “Россия Федерациясида чиқариб юбориш режими қўлланилиши муносабати билан чет эл фуқаролари ва фуқаролиги бўлмаган шахсларнинг айрим тоифаларининг ҳуқуқий ҳолатини тартибга солиш бўйича вақтинчалик чора-тадбирлар тўғрисида”ги қонуннинг айрим қоидаларига ўзгартиришлар киритилди.

Эндиликда Россия ҳудудида ноқонуний бўлиб турган хорижий давлат фуқаролари ўз мақомларини 2025 йил 10 сентябргача қонунийлаштиришлари зарур, акс ҳолда улар депортасия қилинади. Дастлаб бунинг учун 2025 йилнинг 30 апрел санаси белгиланган эди.

🔥 @burchakostida

🇺🇸 BBC: Amnesty International инсон ҳуқуқлари соҳасида кучайиб бораётган глобал инқироз ҳақида огоҳлантирди, бунга сабаб сифатида “Трамп эффекти” келтирилмоқда

Ҳуқуқни ҳимоя қилувчи ташкилот ўзининг “Дунё бўйлаб инсон ҳуқуқлари ҳолати” йиллик ҳисоботида АҚШ маъмуриятининг ҳаракатлари аллақачон мавжуд бўлган зарарли тенденцияларни кучайтираётгани, инсон ҳуқуқларини ҳимоя қилиш бўйича халқаро механизмларни заифлаштираётгани ва сайёрадаги миллиардлаб одамлар ҳаётини хавф остига қўяётганини қайд этди.

"Трамп иккинчи президентлик муддати бошланганидан буён 100 кун ичида инсон ҳуқуқларининг умумбашарий қадриятларига нисбатан тўлиқ беписандлигини кўрсатди. Унинг ҳукумати Қўшма Штатларнинг ва халқаро даражадаги хавфсизлик ҳамда адолатга хизмат қилувчи муҳим институт ва ташаббусларни тезкор ва атайлаб нишонга олди. Унинг хилма-хиллик, бошпана, ирқий ва гендер тенглиги, глобал соғлиқни сақлаш ва иқлим бўйича зарурий чораларга қарши оммавий ҳужуми бу принциплар ва институтларга илгари етказилган зарарларни янада чуқурлаштирмоқда", —деди ташкилот бош котиби Анес Калламар.

Amnesty International'га кўра, инсон ҳуқуқларига босим аввал ҳам мавжуд бўлган, аммо Доналд Трамп бу зарарли тенденцияларнинг “супертезлаткичига” айланган.

Ҳисоботда айтилишича, 2024 йилда Яқин Шарқ, Судан, Украина ва Афғонистондаги можаролар миллионлаб инсонларнинг ҳаётини издан чиқарган. Шу билан бирга, АҚШ, Россия ва Хитой каби дунёнинг энг йирик давлатлари халқаро ҳуқуқ, қашшоқликка қарши кураш ва дискриминацияга қарши ҳаракатларга жиддий путур етказмоқда.

🔥 @burchakostida

🇰🇬🇷🇺 Қирғизистон Россиядан С-300 ҳаво мудофаа тизимларини олди

Бу ҳақда республика Хавфсизлик кенгаши котиби Марат Имонқулов “Известия” нашрига маълум қилди. Хабарда Россия Қирғизистонга нечта тизим жўнатганига аниқлик киритилмаган.

"Бизда ҳаво ҳужумидан қўшма мудофаа тизими ишламоқда. Ҳозир биз ушбу тизимнинг элементларини олдик. С-300 тизимлари аллақачон Қирғизистон ҳудудида", — деди Имонқулов.

С-300 ҳаво мудофаа тизимларини етказиб бериш бўйича келишув 2021 йилда Қирғизистон президенти Садир Жапаровнинг Москвага ташрифи чоғида имзоланган эди. 2023 йил ноябр ойида Қирғизистон билан қўшма минтақавий ҳаво мудофаа тизимини яратиш бўйича келишув кучга кирди.

Ҳужжатга кўра, Россия бирлашган ҳаво мудофаа тизими қўшинларининг коллектив хавфсизлик зонасида ҳаракатларини мувофиқлаштиради, Қирғизистон эса бу ҳаракатларни бошқаради. Қирғизистон ҳукумати қўшин ва техникани жойлаштириш учун Бишкекдан 20 километр узоқликда жойлашган Россиянинг Кант ҳарбий базаси ёнидан 5 гектар майдон ажратди.

🔥 @burchakostida

🇺🇦🇷🇺 Зеленский: "Биз инсонлар ҳаётини қадрлаймиз, парадларни эмас. Шу сабабли 8 майгача кутиш учун ҳеч қандай асос йўқ"

Украина президенти Россия раҳбарининг 8 майдан 10 майгача ўт очишни тўхтатиш режаси ҳақидаги баёнотига жавобан зудлик билан сулҳ келишувига эришишни таклиф қилди.

Зеленский Путиннинг таклифини “навбатдаги манипуляция уринишларидан бири” деб атади ва ўт очишни тўхтатиш учун яна бир ярим ҳафта кутиш зарурлигига ажабланишини билдирди.

"Биз одамлар ҳаётини қадрлаймиз, парадларни эмас. Айнан шунинг учун биз “8 майгача кутишга ҳеч қандай сабаб йўқ” деб ўйлаймиз. Ўт очиш бир неча кунга эмас, камида 30 кунга дарҳол, тўлиқ ва шартларсиз тўхтатилиши керак. Бу ҳақиқий дипломатик музокараларга асос бўла олади", — дея таъкидлади Зеленский.

🔥 @burchakostida

🇺🇸🇺🇦🇷🇺 Агар уруш давом этса, украиналиклар унда ғалаба қозона олмайди — АҚШ вице-президенти

"Агар уруш яна бир неча йил давом этса, Украина ғалаба қозона олмайди. Шунингдек, вақт ўтиши билан бу можаронинг ядровий эскалацияга айланиш хавфи бор", — дея фикр билдирди Жей Ди Вэнс америкалик консерватив подкастер Чарли Керкка берган интервюсида.

Вице-президентнинг сўзларига кўра, матбуотда “агар уруш яна бир неча йил давом этса, Россия мағлуб бўлади, Украина ўз ҳудудларини қайтариб олади ва ҳаммаси урушдан аввалги ҳолатга қайтади” деган ғалати фикр тарқалган.

"Биз гувоҳи бўпаётган ҳақиқий ҳолат бундай эмас", — дея қўшимча қилди Вэнс.

🔥 @burchakostida