How to reduce stress with the 2:1 breathing technique

✍Tazi

#ነገ_የሚባል_ጊዜ_የለም!

🔹 በምድር ላይ ትልቁ ስቃይ ተስፋ ይባላል። ነገ ከዛሬ የተሻለ ይሆናል የሚሉት አመለካከት።

🔹 ነገ የሚታሰብበት ቅጽበት ከዛሬ የተሻለ አጋጣሚ ነው። በተጭበረበረ ስሜት ከሆነ ለዘላለም መኖር ይቻል ይሆናል።

ትምህርትህን ከጨረስክ በኋላ ታላቅ ነገር መስራት ትችላለህ።

ስራ ካገኘህ በኋላ ታላቅ ትሆናለህ።

🔹 ለነገ ማቀድ ትክክል አይደለም ለማለት ሳይሆን፣ እቅድ የህይወት አካል ስለሆነ ነገር ግን በዚህ ህይወት ተስፋ አስፈላጊ ነገር አይደለም። በዚህ ህይወት የሚያስፈልገው  ሁሌም፣ በምንም ሁኔታ ውስጥ የተነቃቃ መንፈስ ነው - ብርታት!!

🔹 አሁንን  በመኖር የሚያስፈልገው ህይወትን ማስተጋባት ነው።  ሁሉንም ነገር ማድረግ የሚቻለው #አሁን በሚባል ጊዜ ውስጥ ነው። ነገ ማድረግ አይቻልም። ነገን መኖር አይቻልም! ሁሌም መኖር የሚቻለው አሁንን ብቻ ነው!

☑️ ስለዚህ በተስፋ ነገ እጀምረዋለሁ። ነገ እሰራዋለሁ፣ ነገ እጠይቃለሁ፣ ነገ እመልሰዋለሁ አትበል። የተነቃቃ መንፈስ ይኑርህ። ነገ የሚባል ጊዜ እንደሌለ እመን። ሁሌም አሁንህን ኑረው።

ምናልባት ቀጠሮ ኖሮህ (ነገ የለም ማለት ትርጉሙ አልገባህ ይሆናል) ቀጠሮህ ላይ ስትደርስ ያለህ ጊዜ አሁን ብቻ መሆኑን ትረዳዋለህ።

#የሕይወት_ኬሚስትሪ መጽሐፍ

✍ታዚ

መጀመሪያ ቀን ሳገኛት እራሱዋን ስትገልፅ

ነብዩ ስነ አእምሮ E-CLINIC

@PSYCHIATRY1

"በሕይወት ያለሁት በእናቴ እና በእህቴ ምክንያት ነው... እራሴን ለማጥፋት ብዙ ጊዜ አስብያለው... እራሴን አልወድም"

አሁን ግን ነገዬ ብርሁ ነው!

እውነተኛ ታሪክ

ለአንድ ሰው ማጋራት አይረሳ🙏

@PSYCHIATRY1

በመጨረሻም

ደስታችሁ ደስታዬ ነው 🙏

ነብዩ ጃግሶ (ስነ አእምሮ ባለሙያ)

@PSYCHIATRY1

የነገው ሰው!

አንድ ሰው ለብዙ አመት ያገለገለው ባለጠጋ አለቃው በድንገት ከዚህ አለም በሞት በተለየበት ወቅት አንድ ሰው እንዲህ ሲል ጠየቀው፡ “ለመሆኑ ይህ ባለጠጋ አሰሪህ ሲሞት ወደ ገነት (ጀነት) የሄደ ይመስላሃል?” አለው፡፡ ይህ አገልጋይ ጊዜ ሳያባክን፣ “ወደ ገነት (ጀነት) የሄደ አይመስለኝም” በማለት መለሰ፡፡ “ለምን እንዲዚያ አሰብክ?” ተብሎ ሲጠየቅ፣ “ወደ ገነት (ጀነት) የሚወስደውን አይነት ዝግጅት ሲያደርግ ስላላየሁት” ብሎ መለሰ ይባላል፡፡

ወደ ገነት (ጀነት) የመግባት ዝግጅቱ አስፈላጊነት የላቀ የመሆኑ እውነታ እንደተጠበቀ ሆኖ፣ ታሪኩን በዚህ ምድር ላይ ስላለው የየእለት ሕይወታችን መለስ አድርገን ስናስበው የሚያስታውሰን አንድ እውነት አለ፡፡ የዛሬ ዝግጅታችን ወደየት አቅጣጫ እንደምንሄድና ነገ የት እንደምንገኝ አመልካች ነው፡፡

የነገው ትልቅና ስኬታማ ሰው በዛሬው ዝግጅቱ ያስታውቃል፡፡

የነገው አስተማሪ በዛሬው ተማሪነቱ ያስታውቃል፡፡

የነገው መልካም የትዳር ሰው ዛሬ ባለው ጨዋ የፍቅር ሕይወት ግንኙነቱ ያስታውቃል፡፡

የነገው ጨዋ መሪ በዛሬ የሚከተለውን ጨዋ መሪ ተጠንቅቆ በመምረጡ ያስታውቃል፡፡

የነገው አዋቂ በዛሬ አንባቢነቱ ያስታውቃል፡፡

የነገው ጨዋ ባለሃብት ዛሬ በገንዘብ ላይ ባለው አመለካከቱ ያስታውቃል . . . ፡፡

ነገ ራስህን የምታገኘው እድል ያመቻቸልህ ነገር ላይ ሳይሆን ዛሬ በቂ ዝግጅት ያደረክበት ነገር ላይ ነው፡፡

Dr Eyob Mamo

✍ታዚ

ሰባቱ የስሜት ቀውስ ምልክቶች

የስሜት ቀውስ ውስጥ በመግባት ላይ የሚገኝ ሰው ከሚያሳቸው ምልክቶች መካከል ዋና ዋናዎቹ፡-

1. ለረጅም ጊዜ የቆየና የተደላደለ የግል ባህሪይ በድንገት መለወጥ

2. የግልን ንጽህናና ውበት ችላ ማለት

3. ቅጥ ያጣ የእንቅልፍ መዛባት (ባልተለመደ ሁኔታ ብዙ መተኛት ወይም በፍጹም መተኛት አለመቻል)

4. የምግብ ፍላጎት መዛባት (ባልተለመደ ሁኔታ ብዙ መብላት ወይም በፍጹም አለመብላት)

5. በትምህርት ቤትና በስራ ያለን ውጤታማነትና ምርታማነት ማሽቆልቆል

6. በቀላሉ የመቆጣት፣ የመበሳጨት፣ የማዘንና የመሳሰሉት የስሜት ቀውሶች

7. ቀድሞ ይጓጉለት ለነበረ መልካም ነገር ፍላጎት ማጣት

ብዙ ሰዎች የሚሩት ስህተት እንደዚህ አይነት ምልክቶች ሲመለከቱ ሁኔታው በራሱ ጊዜ ይሄዳል በማለት ችላ ማለት ነው፡፡ አንዳንድ ቀላል ሁኔታዎች በራሳቸው ጊዜ ሊሄዱ ይችላሉ፡፡ ሆኖም፣ ችግሩ ከሰነባበተ መፍትሄ መፈለጉ መልካም ነው፡፡

መውሰድ የሚገቡን እርምጃዎች

ጸሎት የማድረጋችን ወሳኝነት እንደተጠበቀ ሆኖ . . .

1. ችግሩ እንዳለበን ካረጋገጥን በኋላ እውነታውን መቀበልና ከክህደት ራስን መጠበቅ

2. የችግሩን መንስኤ በሚገባ ፈትሾ መለየት

3. ለችግሩ መፍትሄ ለማግኘት መከፈል ያለበትን ዋጋ ለመክፈል ፈቃደኛ መሆን

4. የባለሞያን ድጋፍ መፈለግ

ነቃ እንበል! አስፈላጊውን መፍትሄ እንፈልግ!

dr eyob mamo
✍ታዚ

ኑር ባታምንም...

ዘሪቱ ፣ አብነትና ጆኒ ያዜማሉ:: ከኤሊያስ መልካ መዝሙር የሚመስሉ ዘፈኖች መሃከል ይህ አንዱ ነው!
     
ብትወድቅ ብትከፋም የያዘችህ ቤትህ አለም፣     
ሳታሰናብት መሰናበት በራስ የለም::    
መች መብቴ ብለህ ወደህ መርጠህ መጣህባት፣    
መብት ነው ብላለች አንተን ማኖር መች ከበዳት::

ይህ ስራ ጥልቅ መልዕክትና ፍልስፍና ያለበት ነው:: የምድርን በውጣ ውረድ የታጀበ  ኑረትን ቃኝተውበታል::
እውነት ነው ስነ-ፍጥረት ይገርማል:: ወደ ምድር መምጣታችን ፈቃድ ተጠይቆበት እንዳልሆነ ያጠይቃሉ:: 
 
🔹 ምድር በGreat Mother Archtype ትመሰላለች:: ሲያሻት እንደ ሩህሩህ እናት አብልታ በድሎት የምታኖር መልካም: አልያም እንደ ክፋ እንጀራ እናት በጠኔ የምታስጨንቅ:: አለም እንግዲህ ፍርቱና ናት:: ጣመም መረረም ታኖረናለች::

ይቀጥላሉ..
           
ድፈር ክረም ኑር በህይወት ለሌሎች አቆያት...           
የዛሬ ህይወትህ ባይሞቅም፣            
ነገም ካንተ ውጭ አይደምቅም::

▫️በዚህ ስንኛቸው Altruismን እና የሚሰብኩ ይመስላል:: ለሌላ መኖር መቻልን (striving for social interest) ያቀነቅናሉ:: በመጠኑ ስለሌሎች መኖር መቻል የህሊና እረፍት ይሰጣል:: የምንኖርለት ነገር ማግኘት እና የኛ መኖርና መሞት በሌሎች ሰዎች ዘንድ ትርጉም እንዳለው መረዳት ትልቅ protective factor ነው::

▫️ከስነልቦና አንጻር: ሰዎች ራሳቸውን ከሚያጠፋበት ምክንያት አንዱ 'እኔ የማልገባ እና የማልፈለግ ሰው ነኝ' ብለው ማሰባቸው ነው:: ይህን Durkheim የሚባል Sociologist 'Egoistic Suicide' ብሎ ያቀርበዋል::
   
#️⃣ (ሌሎች በDurkheim የተጠቀሱና ሰዎች ራሳቸውን ለማጥፋት ገፊ   ምክንያቶች Altruistic (ምሳሌ የጃፓኖችን seppuku መጥቀስ ይቻላል)፤  Anomic (መርህ እና ስርአት አልባነት ጋር ተያይዞ የሚከሰት) Fatalistic (በከፍተኛ ቁጥጥር ምክንያት ለመኖር በመሰላቸት: ለምሳሌ በእስር ቤት)ናቸው::)

▫️በሌላ መልኩ ሸክም የመሆንና (Burdensomeness) እና ያለመፈለግ ስሜት ሲሰማቸው ፣ በከፍተኛ ተስፋ የመቁረጥ ስሜት (Hopelessness) መኖራቸው በራሳቸውም ይሁን በሌሎች ዘንድ ፋይዳ እንደሌለው እንዲያስቡ ሊያረጋቸው ይችላል:: ይህ ስሜት ከባድ ነው መቼም!

ዜመኞቹ ይቀጥላሉ..

          
ግድ ነው ኑሮን መላመድ፣              
የእኛ አጋር ሁነሃል ዘመድ            
ላንተ የሚሆን መቼ አጠን ቦታ            
መሄድክን አናይ በቸልታ::                   
መኖርህን ሌሎች ይሻሉ ይፈልጋሉ:                   
በህይወት እስካለህ ድረስ  ይበረታሉ.......

▫️ከላይ ለሌሎች መኖርን አለብህ ያሉትን ሰው ፤ በዚህ ስንኝ ደግሞ መበርታቱን ሽተው የሱ መኖር እንደሚገዳቸው እና እንደሚያስቡለት ይነግሩታል:: መፈለግን መስማት ያበረታል::

▫️መኖሩን እንደምንሻ ስንናገር ከ empathy ጋር ቢሆን ጥሩ ነው:: ችግርና ህመማቸውን በነሱ ቦታ ሁነው ተረድተው:: ከዚያም ጥንካሬያቸውን ማጉላት እና የመፍትሄ ሃሳቦችን በጋራ መወጠን:: ያኔ የመኖር ተስፋ ይለመልማል:: የሰውን ልጅ የሚያኖረው ዋናው ነገር ተስፋም አይደል?!

መቼም ሙዚቃዎች እንዲህ መካሪ ሲሆኑ ግሩም ነው!

🔹90% ገደማ ራሳቸውን ለማጥፋት የሞከሩና ያጠፋ ሰዎች በተለያየ አዕምሯዊና ስነልቦናዊ ችግሮ የሚሰቃዩ ናቸው::
▫️ለምሳሌ ከድብርት ህመም አበይት ምልክቶች አንዱ ራስን የማጥፋት ሃሳብና ሙከራ ነው::

🔹በህይወት ዘመናችን የሚያጋጥሙን መጥፎ ሁነቶች (ወላጅን ማጣት፣ መገፋት፣ ጾታዊ/ስነልቦናዊ እና አካላዊ ትንኮሳዎች፣ ከወላጅ ጋር በጥሩ Attachment አለማደግ) እንደየሰው የተለያየ ጠባሳን ሊፈጥሩና ለአዕምሮ ህመም መንስኤ ሊሆኑ ይችላሉ::

▪️ታዳጊዎች እና አፍላ ወጣቶች ችግሮችን በተለያየ መንገድ መዝኖ ለመፍታት ተቸግረው: ራስን ማጥፋትን  እንደማምለጫ ሊጠቀሙ ይችላሉ::

▪️ እነዚህ ውጣ ውረዶች በአግባቡ ካልተፈቱ : ይዳፈናሉ እንጂ አይጠፋምና: ወቅት ጠብቀው ወደ ንቃተ ህሊናችን እየተከሰቱ ሊረብሹን ይችላሉ::

🔹ስሜታቸውን መቆጣጠር ተስኗቸው: ራሳቸውን በመጉዳት ጭንቀትና ንዴታቸውን የሚያበርዱም አሉ:: በሌላ መንገድ ራስን ማረጋጋት አይችሉበትም::
▪️ይህ ችግር Non-Suicidal self injury ይባላል::
▪️በ Borderline የስብዕና ችግር ፤ ድህረ አደጋ ሰቀቀን (PTSD) ህመሞች ላይ ሊታይ ይችላል::

▶️ ህክምናውስ?

▫️በመድሃኒት- በተለይም ተጓዳኝ የአዕምሮ ህመሞችን ለማከም
▫️የስነልቦና ህክምና/psychotherapy- እንዳጋጠማቸው ችግር ይለያያል
▫️ማህበራዊ ችግሮችን መፍታት

🖊 እገዛን ፈልገው ሲመጡ ችግራቸውን በነሱ ቦታ ሁኖ መመልከት ያሻል:: እያንዳንዱን ራስን የማጥፋት ምልክቶችን በአንክሮ በመመልከትና: ያለወቀሳ አዳምጦ ወደ ባለሙያ እንዲሄዱ ማድረግ ብልህነት ነው::

🔹ብዙዎቹ የመንግስት እና የግል ሆስፒታሎች የአዕምሮ ህክምና ስለሚሰጡ እንደዚህ አይነት ችግሮች በሚኖሩ ሰዓት ወደህክምና ተቋማት መሄድ ያስፈልጋል::

አሻም!
ዶ/ር እስጢፋኖስ እንዳላማው- የአዕምሮ ህክምና ስፔሻሊስት

✍ታዚ

ኑር ባታምንም

መኖርህን ሌሎች ይሻሉ ይፈልጋሉ
በህይወት እስካለህ ድረስ ይበረታሉ
የኔ መኖር ነው ላንተም መኖር ያንተም ለኔ
ለህይወት አብረን እንዘምር ቁም ከጎኔ

ኑር ባታምንም

እባካችሁ ራሳችሁን አታጥፉ እንደጋገፍ 🙏🙏🙏

✍ታዚ

የስክሪን ብርሃን እና የልጆች አይን ጤንነት

የልጆችን ስክሪን የሚያዩበትን ሰዓት መወሰን እጅግ አስፈላጊ ነው፡፡ 

1.ብዙ ጊዜ በቤት ውስጥ መሆን እና ሩቅ ነገርን ያለማየት ችግር (Near Sightedness)
  አንደኛው ችግር ስክሪን ብዙ ጊዜ መጠቀም ልጆችን ቤት ውስጥ እንዲቆዩ ያደርጋቸዋል፡፡ ጥናቶች እንደሚያሳዩት ከሆነ የፀሐይ ብርሃን ለአይን ጤንነት አስፈላጊ ነው፡፡ ስለዚህ ልጆች ውጪ እንዲጫወቱ ማድረግ ከአካላዊ ጤናቸው ባለፈ ለአይን ጤንነትም ጉልህ ሚና ይጫወታል፡:

2. የአይን መድከም
አይናችን እረፍት ይፈልጋል፡፡ ልጆች ደግሞ አንድ ነግር ሲይዙ ቶሎ ላተዉ ስለሚችሉ ለብዙ ሰዓታት ሊቆዩ ይችላሉ፡፡ ትኩረት የሚፈልግ ነገር በተለይ ከስክሪን የሚወጣው ብርሃን አይንን የበለጠ ያደክማል፡፡

3. የአይን መድረቅ እና መቆጣት
ረጅም ሰዓት ስክሪን ላይ ማሳለፍ የአይን ድርቀት እና መቆጣትን ያስከትላል፡፡

4.የአይን ትኩረትን ለመቀያየር መቸገር
አንድ ነገር ላይ ለገጅም ጊዜ አትኩሮ መቆየት እይታን አስተካክሎ ሌሎች ነገሮችን ለማየት በተለይ የርቀትእይታ ላይ ያስቸግራል፡፡ ይህ ጊዜያዊ ችግር ነው በጥቂት ሰዓታት፣ ቀናት አሊያም ሳምንታት ወደ ቀድሞ እይታ ይመለሳል፡፡

5. ከእይታ በላይ እንቅልፍ ላይ ያለው ችግር
የእንቅልፍ ጊዜን መሻማት ሌላኛው ህፃናት ላይ የሚፈጥረው ችግር ነው፡፡

ምን ማድረግ አለብን?
· ስክሪን የሚጠቀሙበትን ጊዜ መገደብ
- ልጆች በዚህ እቅድ እንደሚመሩ ማረጋገጥ
- ልጅዎ ውጪ እንዲጫወት ማበረታታት
- ስልክ ወይም ታብሌት መጠቀም የማይችሉባቸውን ቦታዎች መለየት
- በተለይ ከመኝታ በፊት መኝታ ቤት ውስጥ ስልክ እንዳይጠቀሙ ማድረግ
- ወላጆች ለልጆች ሞዴል መሆን አለባቸው፤ እነርሱም ቢሆን ስልክ የሚጠቀሙበትን ጊዜ መገደብ አለባቸው

ምንጭ:- ARHB

Share it😔
✍tazi

ስኬትን ቀለል ባለ መንገድ ላብራራላችሁና እንዲህ ብለን እንፍታው።

ስኬት ማለት ትክክለኛ የሆነን ነገር ትክክለኛ በሆነ ሰአት( ጊዜ) እና ሁኔታ(ቦታ )  የመከወን ብቃት ማለት ነው።

ስኬት መንገድ እንጂ መዳረሻ አይደለም። ደግሞ ደስ የሚለውም መንገዱ እንጂ መዳረሻው አይደለም። ሁሌም ከትላንቱ ማንነታችሁ የተሻለ ስብዕናን ስለማዳበራችሁ፣ አንድ STEP ከፍ ስለማለታችሁ በደምብ አስቡበት። ፉክክራችሁ ከራሳችሁ ጋር እንጂ ከሌሎች ጋር አይሁን።

በዛሬ ውስጥ በትክክለኛው ጊዜና ሁኔታ ትክክለኛውን ነገር እያደረጋችሁ ነው? ከሆነ ስኬታማ ሰዎች ናችሁ፣ ካልሆነም ግን በደምብ አስቡበት።

ሀሳባችሁን አጋሩኝ

✍ታዚ

በመሆን ውስጥ አለ_መሆን የሚባል ነገር የለም። አለመሆን ውስጥ ግን መሆን የሚል ብርቱ ቃል ታስሯል። መቻል ውስጥ አለ_መቻል የለም አለመቻል ውስጥ ግን መቻል የሚባል ቃል ይፃፋል። ተስፋ የሌለን በመሰለን ጊዜና ሁኔታ ውስጥ ሁሌም ቢሆን ተስፋ አለ። ከውድቀቶችህ ሁሉ መሀል፤ ከጨለማህም ውስጥ ትንሿን የብርሀን ቅንጣት ፈልጋት። ህልም ካለህ በተስፋ ፣ በእምነትና በፍቅር የእውነት(የፈጣሪን መንገድ)ይዘህ ወደነገ ትሻገራለህ። ጥበበኛ በጥበብ ሀገር የሚሰራ እንጂ መክሊቱን ቀብሮ በዛለ መንፈስ ከነገው የሚቀር አይደለም። ጥበብን ፈልጋት። በትውልድ የሚዘከር፣ የሚፃፍ፣ የሚተረክ፣ የሚነገር ታሪክ ስራ።

ይህ የእኛ የሁላችን የይቻላል ቤት ነው!!!

✍ታዚ

ይቅርታ ጌታዬ ምንም አይነት ሻንጣዎች እዚህ ይዞ መግባት አይፈቀድም😜

መልዓከ ሞት
✍ታዚ

አንድ ቀን ታላቁ እስክንድር እንዲህ አደረገ። ወደ ሞት አፋፍ መቃረቡን ሲያውቅ፣ ባለሟሎቹን ሰብስቦ እንዲህ አላቸው "ስትቀብሩኝ እጄን ወደ ላይ አድርጋችሁ ቅበሩኝ" አለ። ሰዎቹም ግራ ገብቷቸው ምንክንያቱ ምን እንደሆነ ጠየቁት፣ እሱም መልሶ እንዲህ አላቸው "ስሞት ምንም ነገር ይዤ እንደማልሔድ ሰዎች እንዲያዩ ነው" አላቸው።

እንግዲህ ይህንን ያላቸው አለምን ያስገበረው ታላቁ እስክንድር ነው። አንዳንዴ የምንኖረው እስከመቼ ነው ብለን ብንጠይቅ መልሱ አስደንጋጭ ነው። ያለመኖርን ያህል የቀረበ ነውና፣ ማን ነበር ላንድ ህይወት አንድ እድሜ አይበቃም ያለው ብቻ ህይወት ካሰብናትም በላይ በጣም አጭር ናት( በእርግጥ እኛ ሰፈር ያሉት ህይወቶች ቁመታቸው በሚያስገርም ሁኔታ አጫጭር ነው በጣም  ግን ያወራሁት ስለነሱ እንዳይመስላችሁ አፅንዖት መስጠት ፈልጌ ነው)። ልናካብተው ወይም ልናጠራቅመው  የምንሻው ሐብትና የምንጨናነቀው ከምንኖረው በላይ ነው። ከልብ የሆነ ደስታንና ፈገግታን፣ ውሳዊ ሰላምንና ስኬትን ምን እንደሚመስሉ በትክክልም ሳያውቁ የሚሞቱ ብዙዎች ናቸው። በቁማችን የሞትነውም ቁጥራችን ጥቂት አይደለም፣ ምክንያቱም ህይወት ከመንቀሳቀስና መተንፈስ የላቀ ትርጉምና የጠለቀ ስሜት ስላላት። መኖር ማለት ራስን ከአሁኗ ደቂቃ ጋር አጣምሮ፣ ነፍስን ከተፈጥሮ ጋር አዋህዶ፣ ላሉን ነገሮች ተገቢውን ትኩረትና ጊዜ ሰጥቶ የሚያስፈልገንን በሙሉ ያለ ስስት ለቸረን መልካሙን ፈጣሪ እያመሰገንን፣ ያጣነውን ለማግኘት፣ ያሰብነውን ለማሳካት፣ ለጥያቄያችን ምላሽ እስክናገኝ ድረስ ለሁሉም ነገር ጊዜ አለው የሚለውን የጠቢቡን አባባል እያቀነቀኑ ህይወትን መምራት ማለት ነው።

እስኪ ሁላችንም ራሳችንን እንጠይቅ በዚህ ምድር ላይ የተንቆጨቆጭንለት፣ አብዝተን የተጨናነቅንለት ሁሉ ከዚህ አለም ስንሔድ ይዘነው የምንሔደው ካልሆነ ምኑ ነጥቡ? የብዙዎቻችን ህይወት ለብልጭልጭ ነገሮች አልያም ስማችንን ከመቃብር በላይ አኑሮ ለማያስጠራ ተራ ነገር ተሰውቷል። በህይወታችን ውስጥ መቅደም ያለበት ነገር የቱ እንደሆነ አናውቅም። እኛ ወይስ ያለኛ ህልውና የሌለው ጭንቀታችን??? የኛ ሰላምና ጤና ወይስ ወይስ ለሆነ ሰው ያለን ጥላቻና ቂም??? ቤተሰባችን ወይስ ማለቂያ የሌለው ስራችን??? ሰብዓዊነት ወይስ ክብር፣ ዝናና ቁሳዊነት???…… ለውድድር የማይበቁ ተራ ምርጫዎች ቢሆኑም በሚሳዝን ሁኔታ ሁላችንም የቱጋ እንዳለን፣ የትኛውጋ እየኖርን እንደሆነ እናውቀዋለን።

ተጨንቀን፣ እንቅልፍ አተን ያጠራቀምነው ገንዘብ፣ በክፋት የገነባነው ክብር፣  በደም ያገኘነው ስልጣን፣ በስርቆትና በስግብግብነት አልያም ከደሀውና ከደካማው ነጥቀን ያካበትነው ሀብት፣ በውሸትና ማስመሰል የፈጠርነው ማንነት ሁሉም ስንሞት አብረውን አይሔዱም።

እንንቃ፣ በትክክል እያሰብን እየተሳሰብን እንኑር። ለመኖር እያልን በእኔነት ብቻ ታጥረን የራችንን ደስታና ምቾት ፍለጋ የምናደርጋቸው ነገሮች፣ የምንመርጣቸው ምርጫዎችና የምናስባቸው ሐሳቦች ሳንኖር እንድንሞት እየጋበዙን ነውና እናስተውል። እኔ ያለ እኛ ዋጋ የለውም እኛም ያለ እኔነት አይኖርም።

በኃይሉ ነኝ እወዳችኋለው😍🥰
✍ታዚ