Mental Health Addis, an advocate for mental health and family well-being, is organizing a series of events by the theme of “Fathers’ Mental Health: The Cornerstone of Family Resilience”, which aims to shed light on the pivotal role fathers play in nurturing healthy families. The event is scheduled to be launched on June 16 at Elily International Hotel at 3:00PM or 9:00 local time with an attendance of many fathers by Celebrating Fatherhood on fathers’ day. Do not miss it!
የአእምሮ ጤና ተሟጋች የሆነው እና የቤተሰብ የአእምሮ ደህንነት ላይ ለመስራት በዝግጅት ላይ የሆነው ሜንታል ሄልዝ አዲስ “የአባቶች የአእምሮ ጤና፡ የቤተሰብ ብርታት” በሚል መሪ ቃል ተከታታይ ዝግጅቶችን ለማዘጋጀት እየተዘጋጀ ነው፣ ይህም አባቶች ጤናማ እና ብርቱ ቤተሰብ በማጎልበት ረገድ ስለሚጫወቱት ወሳኝ ሚና አፅንዖት ለመስጠትም ያለመ ነው። ዝግጅቱን በአለም አቀፍ የአባቶች ቀን ሰኔ 9/ 2016 ከቀኑ በ9፡00 ሰዓት በኢሊሊ ኢንተርናሽናል ሆቴል ብዙ አባቶች በተገኙበት አባትነትን በመዘከር የመክፈቻ ፕሮግራም ይደረጋል፡፡ እንዳያመልጥዎ!

“ልቅ የወላጅነት አቀራረብ”

(“የልጆች አስተዳደግ” ከተሰኘው ዶ/ር ኢዮብ ማሞ ከጻፈው አዲስ መጽሐፍ የተወሰደ)

መጽሐፉን በቅናሽ ለማግኘት በ 0904 1 3 02 04 መደወል ትችላላችሁ

አሁን ባለንበት ዘመን በወላጆች ላይ ከሚንጸባረቁ የተለመዱ የልጆች አስተዳደግ ዘይቤ መካከል “ልቅ አቀራረብ” የተሰኘው ይገኝታል፡፡
የልቅ የወላጅነት ዘይቤ (Permissive Parenting) የሚከተሉ ወላጆች ለልጆቻቸው ምንም አይነት መመሪያ ስለማይሰጡ ልጆች የራሳቸውን ውሳኔ የመውሰድ “ነጻነት” አላቸው፡፡

ከፈላጭ ቆራጭ ወላጅነት በተቃራኒው ምንም ነገር የማይከለከልበትና ልጁ ለሚያመጣው ሃሳብም ሆነ ለሚያደርጋቸው ነገሮች ሃሳብ ቢሰነዘርለትም ግልጽ ቀይ መስመር ግን አይሰመርም፡፡ በዚህ የወላጅነት አቀራረብ ስር ያደገ ልጅ ለወደፊት ሕይወቱ የተዛባ የስነ-ልቦናን ዝንባሌ ይዞ ማደጉ አይቀርም፡፡

የልቅ አቀራረብ አመለካከቶች

እንደ ወላጆች የልቅ አቀራረብ እንዳለን ለማወቅ የሚከተሉትን ጥያቄዎች ራሳችንን መጠየቅ እንችላለን፡፡

•  የልጆች ስሜት እንዳይጎዳ በሚል ስጋት ብዙ ነገራቸው ላይ ጣልቃ ከመግባት ራሴን መቆጠብ እንዳለብኝ አስባለሁ?

•  ልጆች ማድረግ የሚፈልጉትን ነገር የማድረግ ነጻነት ሊሰጣቸውና ራሳቸው ከውጤቱ ትምህርትን ማግኘት ይችላሉ ብዬ አምናለሁ?

•  ለልጆች ሕግንና ስርአትን ሰጥቼ ያንን ካልተከተሉ ዲሲፕሊንን ሊያስከትል እንደሚችል ብነግራቸውም ተከታትዬ ዲሲፕሊን አድርጌያቸው አላውቅም?

•  ልጆች ማድረግ የሚፈልጉት ነገር ተገቢ ካልሆነና ክልከላ ሲደረግባቸው ካዘኑ ሁኔታውን በቶሎ እተውላቸዋለሁ?

•  የልጆች የፍላጎት ጥያቄም ሆነ የሚያደርጉት ነገር ስህተት እንደሆነ እያሰብኩኝ እንኳን ስፈቅድላቸው ራሴን አገኘዋለሁ?

ከላይ ከተዘረዘሩት ጥያቄዎች መካከል አብዛኛዎቹ የሚመለከቱን ከሆነ የልቅ ወላጅነት ዝንባሌ ሊኖረን እንደሚችል በማሰብ አስፈላጊውን ማስተካከያ ካላደረግን የዚህ አቀራረባችን አጉል ተጽእኖ የልጆቻችንን የወደፊት እንደሚያበላሽ መገንዘብ አስፈላጊ ነው፡፡

በልቅ ወላጅ ስር ያደገ ልጅ የሚደርስበት አጉል ተጽእኖ

1.  መርህ-አልባ ሕይወት - ልቅ በሆኑ ወላጆች ስር ያደገ ልጅ ምንም አይነት የሥነ-ምግባር “ደንብ” እና መመሪያ ሳያገኝ የሚያድግ ልጅ ነው፡፡

2.  ሕገ-ወጥነት - የፈለገውን ነገር አድርጎ፣ የመጣለትን ሁሉ ተናግሮና ያሻውን አይነት ስሜት ገልጾ ካለምንም ተጠያቂነትና እርማት ያደገ ልጅ በወደፊት ሕይወቱ ተመሳሳይ ሁኔታን ቢያሳይ ምንም እንደማይሆን አምኖ ነው የሚያድገው፡፡

3.  የቀይ መስመር ብዥታ - ልቅ በሆነ አቀራረብ ባላቸው ወላጆች ስር ያደገ ልጅ የቀይ መስመር (personal boundary) የሚባለው ሃሳብ ግንዛቤ እጥረት ያለበት ሰው ወደመሆን ያድጋል፡፡

DR Eyob mamo
✍ታዚ

የምታውቀው ነገር የለም!
፨፨፨፨፨//////////፨፨፨፨፨
አንድ ሰው አንተ የማትፈልገውን ነገር አደረገብህ፣ አንተም ይህን ያደረገብኝ ስለሚጠላኝ ነው፤ ስለማልመቸው ነው፤ ብለህ ለእራስህ ትነግረዋለህ። ባልጠበከው መንገድ ሰዎች ከህይወትህ ይወጣሉ፤ አንተም የወጡበትን ምክንያት ለእራስህ ትደረድራለህ፤ እንዲሁ በመላምት እራስህን ታስጨንቃለህ። እንደዚህ ስለሆኑ ነው፤ እንደዛ ስለሆኑ ነው፤ ይህን አስበው ነው፤ እያሴሩብኝ ነው እያልክ ውስጥህን ትረብሻለህ። ነገር ግን በሚያሳዝን ሁኔታ ቀኑን ሙሉ ሰዎች ስላንተም ሆነ ስለሌላ ነገር የሚያስቡትን ነገር ብታስብ በፍፁም ልታውቀው አትችልም። በመላምት ትደክማለህ፤ በጥርጣሬ እራስህን ተገላለህ፤ በውሸት እራስህን ታስጨንቃለህ። ሰዎች ያንተን ሃሳብ ሊገምቱ ይችላሉ፣ አንዳንዴ ግን በእርግጠኝነት የሚናገሩበት ወቅትም ይኖራል። ነገር ግን መነሻቸው ምንም ይሁን ምንም በፍፁም ስላንተ እርግጡን አመለካከትህን ሊያውቁ አይችሉም።

አዎ! ጀግናዬ..! የምታውቀው ነገር የለም! ሰዎች ለምን የሆኑትን አይነት ሰው እንደሆኑ፣ ለምን የሚያስቡትን እንደሚያስቡ፣ ለምን በሚታወቁበት መንገድ እንደሚታወቁ፣ የሚሄዱበትን አቅጣጫ እንደመረጡ የምታውቀው ነገር የለም፤ ሊኖርም አይችልም። ብዙ ጊዜ አሉታዊነት ሲጫነን የትኛውም መጥፎ ነገር ሲከሰት ቀድሞ ወደ አዕምሯችን የሚመጣው ነገር አድራጊው ሁን ብሎ አስቦበት እንዳደረገው ነው፤ ለዚህም ብዙ መላምቶችን እንደ እውነተኛ ማረጋገጫ በመጠቀም ሰውየውን አላስፈላጊ ስም እንሰጠዋለን። ይህ መንገድ ግን ጉዳቱ እጅግ ብዙ ነው። ማንም ያደረገበትን የሚያደርግበት ምክንያት ይኖረዋል የእኛ ድርሻ ፈጥኖ ላደረገበት ነገር ምክንያት መደርደር ወይም ፍርድን መስጠት ሳይሆን በተቻለን አቅም ለመረዳት መሞከርና ከጀርባው ያለውን ነገር ማጣራት ነው።

አዎ! አንተ ሰዎች አይተው የሚያስቡህን አይነት ሰው እንዳለመሆንህ ሁሉ፣ ሌሎችም አንተ አይተህ የምታስባቸውን አይነት ሰዎች እንዳልሆኑ መገንዘብ ይኖርብሃል። ይህን ሁኔታ በስነልቦናው  Fundamental Attribution Error ማለት እንችላለን። ካየነው ጊዜያዊ ገፅታ ነገር ተነስተን ፈጣን መደምደሚያ መስጠት። አዲስ ሰው ስንተዋወቅ ሰውየው በሰዓቱ ጥሩ ስሜት ላይ ካልነበረና በስረዓት ካላናገረን መጥፎ ሰው እደሆነ ስንደመድም እንደማለት ነው። ወቅታዊ ገፅታውን አየህ እንጂ ይህን ማንነት እንዲያሳይ የዳረገውን ትክክለኛ ምክንያት አታውቅምና የሰው ማንነት ላይ መደምደሚያ ለመስጠት አትቸኩል። ከፍርጃህና ከመደምደሚያህ በፊት የሰው ልጅ የሆነወን አይነት ሰው የሆነበት ጠንካራ ምክንያት ሊኖረው እንደሚችል ለመገንዘብ ሞክር።


✍ታዚ

"The Species that survive aren't the strongest species, nor they the most intelligent. Rather the ones who adapt the change."

Based On Charles Darwin Theory

"ችግርን አሸንፈው መዝለቅ የሚችሉት እጅግ ጠንካራ ወይም የመጠቀ ጭንቅላት ያላቸው ዝርያዎች ሳይሆኑ ለውጥን መላመድ የሚችሉት ብቻ ናቸው።"

ከቻርለስ ዳርዊን ቲዎሪ የተወሰደ

✍ታዚ

Register on the Google Form and secure your spot!

https://forms.gle/6c9qrAcqVtaVw1NV8

ሰው ሁሉ ሌላ ሰው ነው፣ ላዩ ሌላ ውስጡ ሌላ፣ የሚያወራው ሌላ የሚኖረው ሌላ።

ዶር ምህረት ደበበ

✍ታዚ

ለመላው እስልምና እምነት ተከታይ ቤተሰቦች በሙሉ እንኳን ለ1445ኛው ዓመተ ሂጅራ የ ኢድ ዓል-አድሃ (አረፋ ) በዓል በሰላም አደረሳችሁ::
ኢድ ሙባረክ!

✍ታዚ

ለመላው የእስልምና እምነት ተከታዮች በሙሉ እንኳን ለ1445ኛው የኢድ-አል-አድሃ (አረፋ)  በዓል በሠላም አደረሳችሁ አደረሰን!

✍ታዚ

ጥያቄ፡-

ፍቅረኛዬ እየጠፋ የመመለስ ልማድ አለበት!

ፍቅረኛዬ ከዚህ በፊት ስራ በዝቶብኛል በሚል ምክንያት የት እንዳለ በማላውቀው ሁኔታ ለወራት ከጠፋ በኋላ እንደገና ተመልሶ አሁን ስራው ቀለል እንዳለለትና Miss እንዳረገኝ ሲነግረኝ ምንም እንኳን በወቅቱ ሁኔታው ጥያቄ ቢፈጥርብኝና ብረበሽም ሁሉን ትቼ ግንኙነታችንን ቀጠልኩኝ፡፡

አሁን ደግሞ ይህ ከሆነ ከአንድ ዓመት በኋላ እንደገና ትንሽ ስሜቱ የተረበሸበት ሁኔታ እንዳለና ብቻውን በመሆን ረፍት ለመውሰድ እንደሚፈልግ ነግሮኝ ለሳምንታት ከጠፋ በኋላ አሁን ደውሎ እንደተረጋጋና በጣም ሊያገኘኝ እንደናፈቀ ነገረኝ፡፡ በዚህ ሁኔታው ትንሽ ግራ ስገባኝ ምን ማድረግ እንዳለብኝ አላወኩም፡፡

መልስ፡-

የፍቅረኛሽን ሁኔታ ለአንቺ በሚመጥን ጨዋነት ስትመለከችው፣ ከሁለቱ ከአንዱ አያልፍም፡፡

1.  ምናልባት ስራ ሲበዛበት ወይም የስሜት ጫና ውስጥ ሲሆን ያለውን የፍቅርም ሆነ ማሕበራዊ ግንኙነቶችን ከዚያ ጋር አስታርቆ የመሄድ አቅምና ልምምድ የለውም፡፡

የፍቅረኛሽ ሁኔታ ይህ እንደሆነ ካመንሽ ለወደፊቱ ከእሱ ጋር ስለሚኖርሽ የዘለቀ ሕይወት ልትሰጊ የሚያስችልሽ በቂ የስሜት አለመረጋጋት አለበት ማለት ነው፡፡ አስቢው፣ ከእሱ ጋር ወደእጮኝነት፣ አልፎም ወደጋብቻ ከዘለቃችሁ በኋላ በየጊዜው አንዳንድ ውጥረቶች ውስጥ ሲሆን ከአጠገብሽ ዘወር የሚል ሰው ቢሆን!

ከዚህ ስሌት አንጻር ፍቅረኛሽ ከአንቺ አመለካከት፣ እሴትና ከፍቅርና ከትዳር ግንኙነት ከምትጠብቂው ሚዛናዊ መስፈርት አንጻር ብዙ ያስኬድሻል ብዬ አላስብም፡፡  ይህንን ችግሩን የመሸከምና የማገዝ ምርጫ ግን አለሽ::

2.  ወይም ደግሞ አንቺ ከምታውቂው ማንነቱ ሌላ የተደበቀ ሌላ ሕይወትና ልምምድ አለው፡፡

የፍቅረኛሽ ሁኔታ ይህ እንደሆነ ካመንሽ ለወደፊቱ ከእሱ ጋር ስለሚኖርሽ የዘለቀ ሕይወት ልትሰጊ ብቻ አይደለም ፈጽሞ እንደማይሆን ልታስቢ የሚያስችልሽ ከበቂ በላይ የሆነ ባህሪይ አለበት ማለት ነው፡፡ “በትኩስ” ፍቅራችሁ ዘመን ይህንን ካደረገ፣ ከጋብቻ በኋላ አንዳንድ ውጥረቶችና ውጣውረዶች ግንኙነታችሁን ሲጋፉማ ምን ሊያደርግ እንደሚችል መገመት አያስቸግርም፡፡

ከዚህም ስሌት አንጻር ፍቅረኛሽ ከአንቺ አመለካከት፣ እሴትና ከፍቅርና ከትዳር ግንኙነት ከምትጠብቂው ሚዛናዊ መስፈርት አንጻር ፈጽሞ ያስኬድሻል ብዬ አላስብም፡፡ 

መልሴን ጠንከር ባለ ድምዳሜ ስጨርሰው፣ ግር ሊልሽ የሚገባው የእሱ ሁኔታ ሳይሆን የራስሽ ሁኔታ ነው፡፡ ፍቅረኛሽ ማድረግ የፈለገውንና ያመነበትን ነገር ስለማድረጉ መጨነቅ አቁሚና ይልቁንስ አንቺ እንደፈለገ ሲሆን ዝም ብለሽ ፈቃጅ ስለመሆንሽ አጥርር የሌለው ማንነትሽ ተጨነቂ፡፡

እንደዚህ አይነት ግልጽ የሆነ ባህሪይ ከፍቅረኛቸው እያዩ አሁንም የሚወዛገቡ ሰዎች አብዛኛውን ጊዜ የዝቅተኝነት ስሜት፣ ይህንን ካቆሙ ሌላ ፍቅረኛ ያለማግኘት ፍርሃት፣ መገፋትን አለመፈለግ፣ ሊያቆሙት ያልቻሉት የወሲብ ትስስርና የመሳሰሉት ችግሮች ያሉባቸው ሰዎች ናቸው፡፡ ስለዚህ እሱን ለመገንዘብና ለመለወጥ ያለሽን ትግል ለጊዜው ቆም አድርጊውና እነዚና መሰል ችግሮችሽን በመለየት ራስሽን ለመለወጥ መስራት ላይ አተኩሪ፡፡

ፍቅረኞቻችንም ሆኑ ሌሎች ሰዎች፣ በእኛ ሕይወት የሚያደርጉትንና የሚሆኑትን ነገር የመፍቀድና ያለመፈቀድ ሙሉ መብትም አቅምም አለን፡፡ ፍቅረኛሽም ቢሆን አንቺ ካልፈቀድሽለት በስተቀር ይህንን ባህሪይ ሊያሳይሽና በዚያውም ሊቀጥል አይችልምና ዛሬውኑ ቀይ መስመርሽን አስምሪ፡፡

✍ታዚ

5 Gaslighting Phrases Abusive People Use To Control You

Gaslighting ለማታውቁ እዩዋቸው

✍ታዚ

Signs Your Parents are Gaslighting You

✍✍ታዚ

ኦሲዲ (OCD) ያለበት ሰው አእምሮ ውስጥ

በሩን ቆልፌዋለሁ ወይስ አልቆለፍኩትም? ስቶቩን አጥፍቼዋለሁ ወይስ አላጠፋሁትም? የሚል ሀሳብ መጥቶባችሁ ሄዳችሁ ቼክ አድርጋችሁ የምታውቁ  ከሆነ የኦሲዲ (OCD) ምልክት በትንሹም ቢሆን አጋጥሟችሁ ያውቃል።

ኦሲዲ በአጭሩ ሲገለፅ ጥርጣሬ የሚፈጥር የሚነዘንዝ ሀሳብና ያንን ሀሳብ ተከትሎ የሚመጣውን ጭንቀት ለማርገብ የሚደረግ ተደጋጋሚ ድርጊት ነው። አንዳንድ ኦሲዲ ያለባቸው ሰዎች "የሚለውን ካላደረግኩ የሚያጨናንቅ ጉልቤ አእምሮ ውስጥ ያለ ይመስለኛል።" ይላሉ።

አንድ ኦሲዲ ያለባት ሴት አእምሮ ውስጥ፦

ወንበር ስትነካ እጇ የቆሸሸ ይመስላትና አእምሮዋ "ታጠቢ፣ ታጠቢ" እያለ ይነዘንዛታል። ንዝንዙ (ይህን ቃል ስፅፍ በወፍ ቋንቋ እያወራሁ መስሎኝ ነበር😂) ሲበዛባት ለመታጠብ ትነሳለች። አእምሮዋ "የውሀ መክፈቻውም ቆሻሻ እኮ ነው።" ይላታል። መጀመሪያ መክፈቻውን ለአምስት ደቂቃ ታጥባለች።

አእምሮዋ ይቀጥልና "ሳሙናውም እኮ ቆሻሻ ነው።" ይላታል። ሳሙናውን ለአምስት ደቂቃ ሙልጭ አድርጋ ታጥባለች። ከዛ መታጠብ ትጀምራለች። አእምሮዋ "እዛ ጋር ይቀራል፣ እዚ ጋር ይቀራል።" እያለ መታጠብ ያለባትን ቦታ ይጠቁማታል። እሷም ትታዘዛለች። ታጥባ ልትጨርስ ስትል "የውሀ ፍንጣቂ ነክቶሻል፤ ታጠቢ" ይላታል። እንደገና ትታጠባለች...

ቤተሰቦቿና የስራ ባልደረቦቿ "እሷ መታጠቢያ ቤት ከገባች አትወጣም።" ይሏታል።

በታክሲ ስትሄድ አጠገቧ የሚቀመጠው ሰው ባይነካት ደስ ይላታል። የታክሲ ረዳቱ መልስ ሲሰጣት የእጁን ንፅህና ትመለከታለች። ከመቼ ወርዳ እስከምትታጠብ ይጨንቃታል። የበር እጀታ ባትነካ ትመርጣለች... ጭንቀቱን አስቡት። የሚጠፋውን ጊዜ አስቡት። ማህበራዊ ህይወት ላይ የሚያሳድረውን ተፅእኖ አስቡት።

ኦሲዲ የሚታከም የአእምሮ ህመም ነው።

ዶር ዮናስ ላቀው

✍ታዚ

አባትነት በልጅነቴ አይገባኝም ነበር ። በጠዋት የሚወጣ ኮስተር ያለ ሰውዬ ማታ ይመጣል።

አጥና ይላል ፤ ሳጠፋ ይመክራል ፤ ግዛልኝ ያልኩትን አይንት ጫማ እና ልብስ አይገዛም ።
እንደሚወደኝ ነገሮኝ አያቅም ።

እንዳይቆጣኝ ርቄ አልሄድም ፣ ቤት ውስጥ ቁጭ ካለ እንደልቤ አልነጫነጭም ። ካጠፋው ፣ላጠፋ ስል የሱን ስም እየጠሩ ያስፈራሩኛል

አደኩኝ ፦

ሳድግ አባቴን አየሁት ። ጨዋ ነው ፣ ታታሪ ነው ፣ለፍቶ አዳሪ ነው፣ ሃላፊነቱን ይወጣል ፣ እንደሱ ደሃ እንዳልሆን ነበር የሚታገለው፣ ባለጌ እንዳልሆን ነው የሚመክረኝ ።

ከሱ የተሻለ እንድሆን ነው የታተረው ። ፋብሪካ ሰርቶ እየዋለ ነው ደከመኝ ብሎ የማያውቀው ። መዝናናት እያማረው ፍላጎቱን ቸል ብሎ ነው የቻለውን ሁሉ ለሚስቱ፣ ለልጆቹ፣ ለጎጆ የሚያሟላው።

ስሜቱን ስለሚቆጣጠር ነው የሚሰማውን ሁሉ የማይናገረው ። ሲያመው አመመኝ የማይለው እንዳንጨነቅ ነበር ።

ሲያመኝ የሆነውን ፣ የምፈልገውን ለማሟላት የሄደበት መንገድ የፍቅሩን መገለጫዎች ሳያቸው መውደዴ ከማዘን ጋ ተጣበቀብኝ ።

ሃዬ ❤
መልካም የአባቶች ቀን ❤

አድሃኖም ምትኩ
✍ታዚ

How to reduce stress with the 2:1 breathing technique

✍Tazi

#ነገ_የሚባል_ጊዜ_የለም!

🔹 በምድር ላይ ትልቁ ስቃይ ተስፋ ይባላል። ነገ ከዛሬ የተሻለ ይሆናል የሚሉት አመለካከት።

🔹 ነገ የሚታሰብበት ቅጽበት ከዛሬ የተሻለ አጋጣሚ ነው። በተጭበረበረ ስሜት ከሆነ ለዘላለም መኖር ይቻል ይሆናል።

ትምህርትህን ከጨረስክ በኋላ ታላቅ ነገር መስራት ትችላለህ።

ስራ ካገኘህ በኋላ ታላቅ ትሆናለህ።

🔹 ለነገ ማቀድ ትክክል አይደለም ለማለት ሳይሆን፣ እቅድ የህይወት አካል ስለሆነ ነገር ግን በዚህ ህይወት ተስፋ አስፈላጊ ነገር አይደለም። በዚህ ህይወት የሚያስፈልገው  ሁሌም፣ በምንም ሁኔታ ውስጥ የተነቃቃ መንፈስ ነው - ብርታት!!

🔹 አሁንን  በመኖር የሚያስፈልገው ህይወትን ማስተጋባት ነው።  ሁሉንም ነገር ማድረግ የሚቻለው #አሁን በሚባል ጊዜ ውስጥ ነው። ነገ ማድረግ አይቻልም። ነገን መኖር አይቻልም! ሁሌም መኖር የሚቻለው አሁንን ብቻ ነው!

☑️ ስለዚህ በተስፋ ነገ እጀምረዋለሁ። ነገ እሰራዋለሁ፣ ነገ እጠይቃለሁ፣ ነገ እመልሰዋለሁ አትበል። የተነቃቃ መንፈስ ይኑርህ። ነገ የሚባል ጊዜ እንደሌለ እመን። ሁሌም አሁንህን ኑረው።

ምናልባት ቀጠሮ ኖሮህ (ነገ የለም ማለት ትርጉሙ አልገባህ ይሆናል) ቀጠሮህ ላይ ስትደርስ ያለህ ጊዜ አሁን ብቻ መሆኑን ትረዳዋለህ።

#የሕይወት_ኬሚስትሪ መጽሐፍ

✍ታዚ

መጀመሪያ ቀን ሳገኛት እራሱዋን ስትገልፅ

ነብዩ ስነ አእምሮ E-CLINIC

@PSYCHIATRY1