#ቦርፎሪኮን ቻናል በእነዚህ አማራጮች ያገኙታል

በቴሌግራም ቻናል

https://t.me/joinchat/AAAAAEzarv88vt7QVXkWHA

በቴሌግራም ግሩፕ

https://t.me/joinchat/Gqp3UkxSSY7qFIAHuEOXKQ

በሜዳ ቻት አፕፕ

https://meda.im/join/borforiconn

በፌስቡክ

https://m.facebook.com/borforiconn

በጥያቄ እና መልስ ቦት

@Borforiconn_bot

ለአለም አቀፍ ክርስትያናዊ ዝርዝር ዜናዎች በእንግሊዘኛ

@Christian_news_ww

በእነዚህ አማራጮች እኛን ማግኘት ይችላሉ።

አላማችን፦
ለራሱ ለቤተሰቡ እና ለሀገሩ የሚጠቅም ፤ በመልካም ስነ ምግባር የታነፀ ፤ ራሱን በፅድቅ እቃ ጦር ያስታጠቀ ፤ በቅድስና የተያዘ ፤ ራሱን የሚገዛ እንዲሁም ፍቅርን የሚኖር ትውልድን ማፍራት ነው።
ቦርፎሪኮን, ቻናል
@abenezer_merjan

#share_with_pride

✍የድንጋይ ላይ ፊደል
*************
የድንጋይ ፊደል፣ ጽላተ ሙሴ
በመላዕክቱ እጅ፣ ሲወርድ ጊዜ
በኩነኔ ስር፣ ረግጦ ገዝቶ
የሰውን ጆሮ፣ በወስፌ በስቶ
አድርግ አታድርግ፣ ከፍርድ አጀብ ጋ
ሁሉን ከኃጢአት፣ በታች የዘጋ
ሰርቶም ላይጸድቅ፣ ልፋት ስር ጥሎት
ሕይወት የማይሰጥ፣ የሞት ግልጋሎት
የማያነጻ ፣ ያዳምን በደል
ክቡሩ ገዳይ፣ የድንጋይ ፊደል
ሞቱ በስራ፣ የማይመከት
ኮናኙ ፊደል፣ የሲናው ስብከት
የሚፈጽመው፣ ጀግና ቢታጣ
የተስፋው ጸጋ፣ ሰው ሆኖ መጣ
------------------------------------------
የምድር በጎች፣ ማንጻት ባይችሉ
የሰውን ኃጢአት፣ መንቀል ከስሩ
ታርዶ የሚያወርድ፣ ታላቅ ምህረት
እግዚአብሔር ሰጠን፣ ከራሱ በረት
እንደ ናሱ እባብ፣ ተንጠለጠለ
ሁሉን ፈጽሞ፣ ተፈጸመ አለ
ለአለም ሁሉ፣ ታረደ በጉ
ፈጻሚ አግኝቶ፣ ተሸኘ ሕጉ
ፊደሉ ትዕዛዝ፣ ሆኖ ሲገ'ለን
ቃል ስጋ ሆኖ፣ በሞት አዳነን
ከሲኦል ወ'ተን፣ ጽዮን ገብተናል
በፊደል ሞተን፣ በቃል ድነናል♥


✍ጸጋ ትምህርት ሳይሆን ኢየሱስ የሚባል ሰው ነው!!


#ሄኖክ_አሸብር
#share_with_pride
👇👇👇👇👇👇👇👇👇
@borforiconn
@abenezer_merjan

#መጽሐፍ ቅዱስ ስለ ግብረ ሰዶማዊነት ምን ይላል?

#በቅርብ_ቀን
በቦርፎሪኮን ቻናል ላይ ብቻ!
ይህንን ማስታወቂያ ለወዳጅዎ በማጋራት ከጎናችን ይሁኑ።

#share_with_pride
👇
https://t.me/joinchat/AAAAAEb4U1uMun7FeZeHqw

#መጽሐፍ ቅዱስ ስለ ግብረ ሰዶማዊነት ምን ይላል?

#ዛሬ_ማታ
በቦርፎሪኮን ቻናል ላይ ብቻ!
ይህንን ማስታወቂያ ለወዳጅዎ በማጋራት ከጎናችን ይሁኑ።

#share_with_pride
👇
https://t.me/joinchat/AAAAAEzarv88vt7QVXkWHA

በአንዳንድ ሰዎች አስተሳሰብ ግብረ ሰዶማዊ መሆን እንደ ቆዳችን ቀለም እና ቁመታችን ሁሉ ከእኛ ቁጥጥር ውጪ የሆነ ሥነ-ሕይወታዊ (biological) ክስተት ነው፡፡ በሌላ በኩል፣ መጽሐፍ ቅዱስ የግብረ ሰዶማዊነት ተግባር ኃጢአት መሆኑን በግልፅ እና በማያሻማ መንገድ ያስተምራል (ዘፍጥረት 19፡1-13፤ ዘሌዋውያን 18፡22፤ 20፡13፤ ሮሜ 1፡26-27፤ 1ኛ ቆሮንቶስ 6፡9)፡፡ ይህ ክፍተት፣ ብዙዎችን ማቆሚያ ወደሌለው ክርክር፣ ንትርክ እና አልፎ ተርፎም ጥላቻ መርቷል።
መጽሐፍ ቅዱስ ስለ ግብረ ሰዶማዊነት ምን እንደሚል ስንመረምር በግብረ ሰዶማዊነት ባህሪ እና በግብረ ሰዶማዊነት ዝንባሌ መካከል ያለውን ልዩነት መገንዘብ ያስፈልጋል፡፡ በሁለቱ መካከል ያለው ልዩነት፣ ኃጢአትን በተግባር በማድረግ እና በኃጢአት መፈተን መካከል እንዳለው አይነት ልዩነት ነው፡፡ የግብረ ሰዶማዊነት ባህሪ ኃጢአት ነው፤ ሆኖም ግን መጽሐፍ ቅዱስ በዚህ ኃጢአት መፈተን በራሱ ኃጢአት እንደሆነ በጭራሽ አይናገርም፡፡ በአጭር አነጋገር፣ ከፈተና ጋር የሚደረግ ትግል ወደ ኃጢአት ሊመራ ይችላል፤ ነገር ግን ትግሉ ራሱ ኃጢአት አይደለም፡፡
ሮሜ 1፡26-27፣ ግብረ ሰዶማዊነት እግዚአብሔርን የመካድ እና ያለመታዘዝ ውጤት እንደሆነ ያስተምራል፡፡ ሰዎች በኃጥአትና ባለማመን መኖር ሲቀጥሉ፣ እግዚአብሔር ከእርሱ ውጭ ያለ ሕይወት ከንቱ እና ተስፋ-ቢስ መሆኑን ያሳያቸው ዘንድ ለሚያስነውር ምኞት አሳልፎ ይሰጣቸዋል። ከእነዚህ አስነዋሪ ምኞቶች መካከል አንዱ ደግሞ ግብረ ሰዶማዊነት ነው፡፡ 1ኛ ቆሮንቶስ 6፡9 ግብረ ሰዶማዊነትን የሚፈጽሙ እና በዚህም ምክንያት እግዚአብሔር የፈጠረውን ሥርዓት የሚጥሱ በእግዚአብሔር ፍርድ ስር እንደሆኑ ያውጃል፡፡
አንዳንድ ሰዎች ለአመጽ፣ ስካር፣ ሌብነት እና ሌሎች ሃጢአቶች ከሌላው ሰው ይልቅ ይበልጥ ተጋልጭ ሆነው ሊወለዱ እንደሚችሉ ሁሉ ለግብረ ሰዶማዊነትም ተጋላጭ ሊሆኑ ይችላሉ። ሆኖም ይህ ጉዳይ፣ ግለሰቡ ለኃጢያተኛ ምኞቱ (ተጋላጭነቱ) በመሸነፍ ለፈጸመው ኃጢአት ሰበብ ሊሆን አይችልም፡፡ ለንዴት ሃጢአት ተጋላጭ የሆነ ሰው በሚገጥሙት ተንኳሽ ሁኔታዎች ሁሉ ላይ ተጋላጭነቱ ንዴቱን በተግባር የመግለጥ መብት እንደማይሰጠው ሁሉ በግብረሰዶም ሃጢአት ተጋላጭ ሆኖ መወለድም በዚህ ኃጢአት ባህሪ ውስጥ ለመኖር እንደምክንያትነት መቅረብ አይችልም፡፡
በቀላሉ የምንሳብበት ኃጢአት ምንም ይሁን ምን፣ በዚያ ኃጢአት ለመኖር ፈቅደን ስናበቃ ከእግዚአብሔር ጋር የሰመረ ሕብረት እንዳለን ልናስብ ከቶ አይገባም፡፡ ጳውሎስ የቆሮንቶስ አማኞች ኢየሱስን ለመከተል ከመወሰናቸው በፊት ያደርጓቸው የነበሩትን የኃጢአት አይነቶች ዘርዝሯል፤ በዚያ ዝርዝር ውስጥ ከሰፈሩት መካከል ግብረ ሰዶማዊነት አንዱ ነው፡፡ 1ኛ ቆሮንቶስ ምዕራፍ 6፡11፣ “ከእናንተም አንዳንዶቹ እንደ እነዚህ ነበራችሁ፤ ነገር ግን በጌታ በኢየሱስ ክርስቶስ ስም በአምላካችንም መንፈስ ታጥባችኋል፥ ተቀድሳችኋል፥ ጸድቃችኋል” ይላል፡፡ ይህ ማለት፣ አንዳንድ የቆሮንቶስ አማኞች ከመዳናቸው በፊት ግብረ ሰዶማዊነትን ይለማመዱ ነበር ማለት ነው፡፡ ሆኖም ግን፣ የትኛውም ኃጢአት ከኢየሱስ ደም የማንጻት ኃይል በላይ ሊሆን አይችልምና ነጽተዋል፡፡ ይህን መንጻት ካገኙ በኋላ፣ በቀደመው ኃጢአታቸው ጸንተን መኖር አልተገባቸውም፡፡

ይቀጥላል ...

#share_with_pride
👇👇👇
https://t.me/joinchat/AAAAAEqlNOQIF39AsOrZUA

ክፍል ሁለት

በግብረ ሰዶማዊነት ኃጢአት መሳብ ማለት እግዚአብሔር በከለከለው ምኞት መሳብ ማለት ነው፤ የኃጢአት ምኞት ዞሮ ዞሮ ስሩ ከሆነው ከኃጢአታዊ ማንነታችን ጋር የሚገናኝ ነው፡፡ ምኞታችንን የማድረግ ሃጢአታዊ ዝንባሌያችን ያለንበትን አለምና ድርጊቶቻችንን በተዛባ መንገድ እንድንመለከታቸው ሊያደርገን ይችላል፡፡ ሀሳቦቻችን፣ ፍላጎቶቻችን እና ዝንባሌዎቻችን ከዚህ ሃጢአታዊ ዝንባሌያችን ተጽእኖ ውጪ ሊሆኑ አይችሉም። ከዚህ የተነሳ፣ ግብረ ሰዶማዊነት ሁል ጊዜ ወደን እና ፈቅደን በምርጫችን የምናደርገው ተግባር ላይሆን ይችላል፤ ከዚህ ሃጢአታዊ ተፈጥሯችን የሚመነጭ አስገዳች ምኞት ሊሆንም ይችላልና፡፡ የተመሳሳይ ጾታ ወሲባዊ ዝንባሌ የዚህ የወደቀው (አሮጌው) ተፈጥሮ መገለጫ ነው፡፡
በኃጢያት ዓለም ውስጥ የሚኖሩ ኃጢአተኞች (ሮሜ 3፡23) እንደመሆናችን፣ በድክመቶች፣ ፈተናዎች እና በኃጢአት ግፊቶች ውስጥ ተወጥረን ነው የምንኖረው። ይህ ዓለም የሰዶማዊነት ኃጢአት ልምምድን ጨምሮ በሌሎች በርካታ ኃጢአታዊ ማባበያዎች እና ማሰናከያዎች የተሞላ ነው፡፡
የሰዶማዊነት ፈተና ከጊዜ ወደጊዜ የበርካቶች ፈተና እየሆነ መምጣቱ በግልጽ እየታየ ነው፡፡ በዚህ ፈተና ውስጥ ያሉ ሰዎች ከዚህ ፈተና ለመላቀቅ የአመታት ትግል ያደረጉ መሆናቸውንም ሲገልጹ ይሰማል፡፡ ሰዎች እንዴት ወይም ምን ሊሰማቸው እንደሚገባቸው በመወሰን ላይ ቁጥጥር ላይኖራቸው ይችላል፡፡ ሆኖም፣ ፈተናው ከስሜት አልፎ ተግባራዊ እንዳይሆን ራሳቸውን መግዛት ይችላላሉ (2ኛ ጴጥሮስ 1፡5-8)፡፡ ሁላችን፣ ፈተናን የመቃወም ሀላፊነት አለብን (ኤፌ. 6፡13)። ሁላችንም፣ “በአእምሮአችን መታደስ መለወጥ” አለብን (ሮሜ 12፡2)፡፡ “የሥጋችንን ምኞት ላለመፈጸም” ሁላችን “በመንፈስ መመላለስ” አለብን (ገላትያ 5፡16)።
በመጨረሻም፣ መጽሐፍ ቅዱስ ግብረ ሰዶማዊነትን ከሌላ ከማንኛውም ኃጢአት ይልቅ “ታላቅ” ኃጢአት እንደሆነ አይገልጽም፡፡ ሁሉም ኃጢአት በእግዚአብሔር ዘንድ አስጸያፊ ነው፡፡ ሁሉም ኃጢአት በእግዚአብሔር ላይ የሚደረግ አመጽ ነው (1ኛ ዮሐንስ 3፡4)፡፡ በየትኛውም አይነት ኃጢአት ውስጥ ብንኖር ያለ ክርስቶስ ከሆንን በእግዚአብሔር ፍርድ ስር ነን፡፡ ለአመንዝራው፣ ጣዖት አምላኪው፣ ነፈሰገዳዩ እና ሌባው የተዘረጋች የእግዚአብሔር የምሕረት እጅ ለግብረ ሰዶሙም እንዲሁ እንደተዘረጋች ነች፡፡ ለድነታቸው በክርስቶስ ኢየሱስ ላይ ለሚታመኑ ሁሉ እግዚአብሔር ግብረ ሰዶማዊነትን ጨምሮ በሌሎች ኃጢያቶች ላይ ድልን ሊሰጠን ቃል ገብቶልናል (1ኛ ቆሮንቶስ 6፡11፣ 2ኛ ቆሮንቶስ 5፡17፣ ፊልጵስዩስ 4፡13)።

መንፈስ ቅዱስ በነገር ሁሉ ይርዳን።

#share_with_pride
👇👇👇
https://t.me/joinchat/AAAAAEqlNOQIF39AsOrZUA

“አማኝ ኃጢአት አያደርግም” ማለት ምን ማለት ነው? (1 ዮሐ. 3:6 ፤ 5:18)?

#ዛሬ_ማታ
በቦርፎሪኮን ቻናል ላይ ብቻ! ይህንን ማስታወቂያ ለወዳጅዎ በማጋራት ከጎናችን ይሁኑ።

#share_with_pride
👇
https://t.me/joinchat/AAAAAEzarv88vt7QVXkWHA

ክፍል አንድ

በመጀመሪያው መልዕክቱ ላይ ሐዋሪያው ዮሐንስ አማኝ ስላለው ድነት (ደኅንነት) ማረጋገጫ የሚሰጥ መልዕክት ያስተላልፋል “የዘላለም ሕይወት እንዳላችሁ ታውቁ ዘንድ በእግዚአብሔር ልጅ ስም ለምታምኑ ይህን ጽፌላችኋለሁ።” (1 ዮሐ 5:13)፡፡ አንባቢዎቹ የዘላለም ሕይወት እንዳላቸው “እንዲገነዘቡ” ስለሚፈልግ፣ ዮሐንስ በእውነት የዳንን መሆናችንን ወይም አለመሆናችንን ለመመርመር የምንጠቀምበትን የእምነት መፈተሻም ያቀርባል፡፡
በ 1 ዮሐንስ ውስጥ የእውነተኛ አማኝ መገለጫዎች በዝርዝር ተቀምጠዋል፡፡ አንድ ሰው ክርስቶስን ካወቀ እና በጸጋው እያደገ ከሄደ በአጠቃላይ የሚከተሉት ባህሪዎች ሊታዩበት ይገባል፡-
1. አማኝ ከክርስቶስ እና ከተቤዣቸው ህዝቡ ጋር ህብረት ያደርጋል (1 ዮሐ. 1፡3)።
2. አማኝ በጨለማ ሳይሆን በብርሃን ውስጥ ይራመዳል (1 ዮሐንስ 1፡6-7)።
3. አማኝ ኃጢአቱን አምኖ ይናዘዛል (1 ዮሐንስ 1፡8)
4. አማኝ የእግዚአብሔርን ቃል ይታዘዛል (1 ዮሐ. 2፡3-5)።
5. አማኝ ከዓለም ይልቅ እግዚአብሔርን ይወዳል (1 ዮሐ. 2፡15)።
6. የአማኝ ሕይወት ባሕርይ “ትክክል የሆነውን በማድረግ” ይገለጣል (1 ዮሐ. 2፡29)።
7. አማኝ ንፁህ ህይወት ጠብቆ ለመኖር ይፈልጋል (1 ዮሐ. 3፡3)።
8. አማኝ በሕይወቱ ውስጥ የኃጢአት ተግባራት እየቀነሱ የመሄዳቸውን ሁኔታ ይመለከታል (1 ዮሐንስ 3፡5-6፣ 5፡18)።
9. አማኝ ለሌሎች ክርስቲያኖች ፍቅርን ያሳያል (1 ዮሐንስ 3፡14)።
10. አማኝ “የቃል” ሳይሆን “የተግባር” ሰው ነው (1 ዮሐንስ 3 ፥ 18-19)።
11. አማኝ ንጹህ ህሊናን ይይዛል (1 ዮሐንስ 3:21)።
12. አማኝ በክርስቲያናዊ ጉዞው ድልን ይለማመዳል (1 ዮሐንስ 5:4)።
ከላይ በተዘረዘረው ዝርዝር ተራ ቁጥር 8 ላይ አማኙ በሕይወቱ የኃጢያት ልምምድን እየቀነሰ እንደሚሄድ ያሳያል፡፡ ዮሐንስ በምዕራፍ 3 እና 5 ላይ እንዲህ ይላል፣ “በእርሱ የሚኖር ሁሉ ኃጢአትን አያደርግም፤ ኃጢአትን የሚያደርግ ሁሉ አላየውም አላወቀውምም።”(1 ዮሐ. 3፡6) “ከእግዚአብሔር የተወለደ ሁሉ ኃጢአትን እንዳያደርግ፥ ነገር ግን ከእግዚአብሔር የተወለደው ራሱን እንዲጠብቅ ክፉውም እንዳይነካው እናውቃለን።” (1 ዮሐንስ 5፡18)
አንዳንዶች እነዚህን ጥቅሶች “ክርስቲያኖች ኃጢአት የሌለበትን ፍጹም ሕይወት መምራት ይችላሉ” በማለት በተሳሳተ መንገድ ይተረጉማሉ፡፡ በዮሐንስ “በእርሱ የሚኖር ሁሉ ኃጢአትን አያደርግም፤” (1 ዮሐ. 3፡6) እና “ከእግዚአብሔር የተወለደ ሁሉ ኃጢአትን እያደርግም፥” (5፡18) በሚሉት ጥቅሶች ላይ በመመስረት ክርስቲያኖች ፍጹማን ስለሆኑ ክርስቲያን ነኝ እያለ ሃጢአትን የሚያደርግ ሰው ተግባሩ አለመዳኑን የሚያረጋግጥ ማስረጃ ነው ይላሉ፡፡ ዮሐንስ ግን የሚያስተምረው ይህን አይደለም፡፡
ዮሐንስ ይህን ሲል አማኞች በኃጢአት ጸንተው እንደማይቀጥሉ ለማሳየት እንጂ ሃጢአት አልባ ሕይወት እንደማይኖሩ ለመናገር ፈልጎ እንዳልሆነ በዚሁ መልዕክቱ ውስጥ በሌላ ስፍራ በተናገረው ሃሳብ ለመረዳት እንችላለን፡፡ “ኃጢአት የለብንም ብንል ራሳችንን እናስታለን፥ እውነትም በእኛ ውስጥ የለም።” (1ኛ ዮሐንስ 1፡8)፡፡ ሁላችንም ኃጢአተኞች ነን፤ ከዳንን በኋላም እንኳን ከኃጢአት ጋር መታገላችንን እንቀጥላለን፡፡ ከጌታ ጋር በክብር መኖር እስክንጀምር ድረስ ከሃጢአት ጋር የምናደርገው ትግል ይቀጥላል፡፡ “…እርሱን እንድንመስል እናውቃለን” (1 ዮሐ. 3፡2)።

ይቀጥላል ...

#share_with_pride
👇👇
https://t.me/joinchat/AAAAAEb4U1uMun7FeZeHqw

ክፍል 2

ዮሐንስ ኃጢአት ስለሌለበት ፍጹም ሕይወት የማይናገር ከሆነ አማኞች ኃጢያት አያደርጉም ማለቱ ምን ማለቱ ነው? ይህ ማለት በቀላሉ፣ ሃጢአት የአማኞች የዘወትር ተግባር ወይም መገለጫቸው አይደለም ማለቱ ነው፡፡ ከክርስቶስ በፊት በነበራቸው አሮጌ ሕይወትና ከክርስቶስ በኋላ ባላቸው አዲስ ሕይወት መካከል ልዩነት እንዳለ መታየት ይገባዋል፡፡ በስርቆት ይታወቅ የነበረ ሰው ከእንግዲህ በዚያ ሕይወቱ ሊታወቅ አይገባውም፡፡ በሥነ ምግባር ብልሹነቱ ተለይቶ ይታወቅ የነበረው ዘማዊ ደግሞ ከዚህ ወዲያ ያ መታወቂያው ሊሆን አይገባም ማለት ነው፡፡ ቀድሞ ሌባ የነበረው የእግዚአብሔር ልጅ አሁንም ከስግብግብነት ፈተና ጋር ይታገላል፤ ዳሩ ግን በስርቆት ሕይወት ጸንቶ አይኖርም፡፡ ቀድሞ አመንዝራ የነበረው የእግዚአብሔር ልጅ አሁንም ከሥጋዊ ፍላጎቱ ጋር ይታገላል፤ ዳሩ ግን ከሃጢአት ሃይል ነጻ ስለሆነ የተለየ ሕይወት ለመኖር አቅም አለው፡፡ “በእርሱም ይህን ተስፋ የሚያደርግ ሁሉ እርሱ ንጹሕ እንደ ሆነ ራሱን ያነጻል።” (1 ዮሐንስ 3፡3)።
በእርሱ የሚኖር (ከእርሱ ጋር የጠበቀ ሕብረት ያለው) ስራዬ ብሎ እና አዘውትሮ በሃጢአት ልምምድ ውስጥ አይኖርም፡፡ ከእግዚአብሔር የተወለደ ሃጢአትን በመስራት ጸንቶ አይኖርምና፡፡ የሃጢአት ልምምድ የሕይወቱ መገለጫ አይሆንም፡፡ ሃጢአት አልፎ አልፎ የሚሳብበት እና የሚታለልበት እንቅፋቱ እንጂ የሚኖርበት ጎጆው አይሆንም፡፡
አማኝ ከኃጢያት ጋር ይታገላል፤ አንዳንዴም ይሸነፋል፡፡ ሆኖም በሃጢአት ጸንቶ መኖር የሕይወት ዘይቤው ሊሆን አይችልም፡፡ በጸጋ እና በጌታ እውቀት እያደግን ስንሄድ (2 ጴጥሮስ 3፡18) እየተቀደስን እንሄዳለን፡፡ አብዝተን በመንፈስ ቅዱስ በተመራን ቁጥር የበለጠ ለእግዚአብሔር ቃል ታዛዥ በመሆን እንራመዳለን፡፡ ያለንስሃ ሕይወት በሃጢአት ጸንቶ መኖር በክርስቶስ ካለው አዲስ ሕይወት ጋር የማይጣጣም በመሆኑ ያለመዳን ምልክት ነው፡፡
ዮሐንስ አማኞች በኃጢአት ጸንተው የማይኖሩበትን ምክንያት ነግሮናል፣ “ከእግዚአብሔር የተወለደ ሁሉ ኃጢአትን አያደርግም (በሃጢአት ጸንቶ አይኖርም)፥ ዘሩ በእርሱ ይኖራልና፤ ከእግዚአብሔርም ተወልዶአልና ኃጢአትን ሊያደርግ አይችልም (በሃጢአት ጸንቶ ሊኖር አይችልም)።” (1 ዮሐ. 3 9)። እውነተኛ ክርስቲያን “ስራዬ ብሎ እና አዘውትሮ” ኃጢአት አይሠራም፡፡ ይህ ልምምድ በእርሱ “መንፈሳዊ ዲ ኤን ኤ” ውስጥ አይገኝምና።

መንፈስ ቅዱስ በነገር ሁሉ ይርዳን።

#share_with_pride
👇👇👇
https://t.me/joinchat/AAAAAEb4U1uMun7FeZeHqw