کَسئ کِه ژارَه کَس حالِش نِپُرسَه
حوالپرسئ نشو مالِش نِپُرسَه

وِ ژاری اَر بَمیرَه کَس حوالئ
دِ هفتَه ، سَرچِلَه ، سالِش نِپُرسَه

دِ ئی دورَه رفیقی کَس پَتی نئ
دَسئ اَر هم بِئیرَه دَس، پَتی نئ

فِرَه دیمَه گَنی دئ روزگارو
گَنئ گَنتِر دِ حال ِ دَس پَتی نئ

بَمیرَه بیتِرَه هَرکَس کِه ژارَه
کَسی کِه ژارَه قوم و خویش نارَه

دِ داوئَت دختر و کُر حونَه ژاری
نئیمَه بازِنَه قوتئ بیارَه
#قوت : چرخش

نداری درد ِ بی درمونه مردم
علاجی نارَه ، قاتل جونَه مردِم

اصولِ دین نَپُرسئ دِ پیائی
کِه شویا تا صو حولِش نونَه مردم


#رحمـان_مـریدی_بیرانوند


@boosondobeyti