သရဲခြောက်သောတိုက်ခန်း (၂၀၂၅)

IMDb - 5.7/10
Genre - Horror

ဆူရာဘာယာမြို့မှာ ဆက်စ်မာယာ ဆိုတဲ့ အဆင့်မြင့်တိုက်ခန်းတွဲကြီးတစ်ခုရှိပြီး မကြာသေးခင်က အဲ့ဒီတိုက်ခန်းမှာနေထိုင်သူတစ်ဦး သူ့ညီမအိမ်မှာ ခြေလက်တွေဖြတ်ပြီး ရက်ရက်စက်စက် အသတ်ခံရတဲ့အမှုတစ်ခု ဖြစ်ပွားခဲ့ပါတယ်။ အဲ့ဒီအမှုကို ကိုင်တွယ်နေတဲ့ ရဲအရာရှိရဲ့ချစ်သူဟာ သူ့ညီမနဲ့အတူ အဲ့ဒတိုက်ခန်းတွဲကြီးကို မန်နေဂျာအဖြစ် ပြောင်းလာခဲ့ပြီးနောက်မှာတော့ အဲ့ဒီတိုက်ခန်းတွဲကြီးရဲ့ အသုံးမပြုပဲ အသေပိတ်ထားတဲ့ အထပ်တစ်ထပ်၊ အဲ့ဒီအထပ်မှာရှိနေတဲ့ ဝင်ရောက်သူတိုင်း လေးရက်အတွင်း သေဆုံးရမယ်လို့ ကျိန်စာတိုက်ပြီး လိုက်သတ်တတ်တဲ့ သရဲသားအမိကို ကိုယ်တွေ့ကြုံရာကနေ ကျိန်စာကလွတ်မြောက်ဖို့အတွက် အဲ့ဒီ သရဲသားအမိအကြောင်းကို စုံစမ်းဖော်ထုတ်ပြီး ဖြေရှင်းရမှာတွေကို ရှုစားကြရမှာပါ။ စတူဒီယို ကြီးက ထုတ်တဲ့ ဇာတ်ကားပီပီ ဇာတ်လမ်းဇာတ်အိမ် ခိုင်ခိုင်မာမာ၊ သရုပ်ဆောင်ချက် ကောင်းကောင်း၊ အထူးပြုလုပ်ချက်၊ လှည့်ကွက် အမိုက်စားတွေနဲ့ အချိန်ပေးရကျိုးနပ်မယ့် ဟော်ရာကားကောင်းတစ်ကား ဖြစ်ပါတယ်။

t.me/nyamakyeetya/5534

ဝေါလစ်စ်ကျွန်းမှ တေးသံများ (၂၀၂၅)

IMDB - 7.4/10
Genre - Comedy

ချားလ်စ် ဟာ ထီဆုကြီးနှစ်‌ခါပေါက်ပြီး ၊ အမျိုးသမီး ဖြစ်သူ မယ်ရီ နဲ့ ကမ္ဘာပတ်ကာ ခရီး‌တွေ ‌ထွက်ခဲ့သူပေါ့။ မယ်ရီ ဆုံးသွားတဲ့နောက်မှာတော့ ချားလ်စ် လည်း ခရီးထွက်တာကို ရပ်လိုက်ပြီး ၊ အရမ်းကို ဝေးလှတဲ့ ကျွန်းတစ်ကျွန်းမှာ အိမ်တစ်လုံး ဝယ်ပြီး ၊သူ့ရဲ့များပြားလှတဲ့ ငွေတွေနဲ့ ဘဝကို အထီးကျန်စွာ ဖြတ်သန်းနေခဲ့ရပါတယ်။ အဲ့ဒီ ကျွန်းလေးဟာ လူသူနည်းပါးပြီ အေးအေးချမ်းချမ်း ရှိပါတယ်။ ရွာခံ တွေကလည်း ရိုးသားကြပါတယ် ။တစ်နေ့မှာပဲ မယ်ရီရဲ့ ငါးနှစ်ပြည့် နှစ်ပတ်လည် နေ့အတွက် သူနဲ့ မယ်ရီ ရဲ့ အကြိုက်ဆုံး ယူကေ ဖော့ခ် အဆိုတော် မက်ဂွါးရား ကို သီးသန့်ဖျော်ဖြေပွဲအတွက် ဒေါ်လာသန်းဝက် ပေးကာ ငှားလိုက်ပါတယ်။ အဲ့ဒီအပြင် မက်ဂွါးရားရဲ့ ရည်းစားဟောင်းဖြစ်သူ ဂီတာလောကက ထွက်ခွာသွားတဲ့ နေးလ် ကိုပါ ငှားလိုက်ပါတယ်။ချားလ် က မက်ဂွါးရား ရဲ့ အနုပညာ တွေကို သေ‌လောက် အောင် ရူးသွပ်သူပါ။အဲ့လိုကနေစပြီး ‌ချားလ် နဲ့ မက်ဂွါးရားကြား က ပေါ့ပေါ့ပါးပါး အလွဲလေးတွေနဲ့ စိတ်ကို ကြည်နူးရစေမှာပါ။ဖျော်ဖြေပွဲအတွက်စီစဥ်ရင်း ကျွန်းပေါ်မှာ ဘာတွေ ဖြစ်ကြမလဲ။

t.me/cartoonbynikko/652

ငွေ ၂ သန်းမှ အစပြု၍ (၂၀၂၄)

IMDB - 6.5/10
Genre - Comedy, Crime

ထင်းရှူးစိုက်ရောင်းတဲ့ လူတစ်ဦးဟာ နှင်းတဖွဲဖွဲ ခရစ်စမတ်အကြိုနေ့လေးမှာကားမောင်းလာရင်းကနေ လမ်းပေါ်တက်လာတဲ့ ၀က်ဝံကို အရှောင် လမ်းဘေးမှာ ရပ်ထားတဲ့ ကားကို ၀င်တိုက်လိုက်မိရာမှာ အထဲမှာရှိနေတဲ့ စုံတွဲကို မတော်တဆသတ်လိုက်မိပါတယ်။ အစကတည်းက နပ်မှန်အောင် ရုန်းကန်နေရတဲ့ ဘဝတွေဆိုတော့ အာမခံငွေကြေးလဲ မတတ်နိုင်တဲ့အခါမှာ မုခင်းဝတ္ထုတွေ ဖတ်ရတာကြိုက်တဲ့ သူ့မိန်းမက ခေါင်းရှောင်ဖို့အတွက် အကြံပေးလာတယ်။ ထူးဆန်းတာက သေသွားတဲ့ စုံတွဲမှာ ယူရိုငွေ နှစ်သန်းတောင် ရှိနေတာပဲ။ ပြီးတော့ ထပ်ဖြစ်လာတဲ့ လူသေမှုတွေကြောင့် ပထမဆုံး သံသယဝင်ခံရမဲ့ လူတွေအနေနဲ့ သူတို့လင်မယား ရှောင်ရင်း ကွင်းရင်းကနေပြီးတော့ လိမ်ဆင်က ပိုပိုပြီး ကြီးထွားသွားကာ အန္တာရယ်များတဲ့ နယ်ပယ်တွေထဲကို ကျရောက်လာတော့တယ်။ အဲ့ငွေ နှစ်သန်းက ဘယ်ကအရင်းခံတာလဲ။ သူတို့လင်မယားကရော ရဲလက်ထဲကနေ ဘယ်လို လွတ်အောင် ရှောင်ကြမလဲ။ ဒါတွေကိုတော့ ဆက်ကြည့်ရှုလိုက်ကြပါနော်။

t.me/gwmmupl/4567

သေခြင်းကပ်ရောဂါ (၂၀၀၉)

IMDb - 6/10
Genre - Horror, Sci-fi

ကမ္ဘာပျက်ကိန်းနဲ့ပတ်သက်တဲ့ဇာတ်ကားတွေကြိုက်သူများအတွက် လက်မလွှတ်သင့်တဲ့ ဇာတ်ကားကောင်းတစ်ကားပါ။ ဇာတ်လမ်းကတော့ လူသားမျိုးနွယ်တွေရဲ့ အသက်အန္တရာယ်ကိုခြိမ်းခြောက်နေတဲ့ ကူးစက်မြန်ဗိုင်းရပ်စ်တစ်မျိုးရဲ့ရန်ကနေ ရှောင်ရှားထွက်ပြေးရင်း လမ်းပေါ်မှာတွေ့ကြုံရတဲ့အခက်အခဲများစွာကို ကြိုးစားဖြတ်ကျော်ပုံတွေကို သဘာဝကျကျ ရိုက်ကူးတင်ပြထားတာပါ။ ဗိုင်းရပ်စ်ဆီကနေရှောင်ရှားဖို့အတွက် ကျန်ရစ်သူတွေက စည်းမျဥ်းတွေအတိုင်းလိုက်နာပြီးပတ်ဝန်းကျင်နဲ့ လိုက်လျောညီထွေစွာနေနိုင်မှသာ အသက်ရှင်နိုင်မှာပါ။ ဒါကြောင့်မို့ အသက်အန္တရာယ်နဲ့တွေ့ရတဲ့အခါ လူသားအချင်းချင်းတောင် ကိုယ်လွတ်မြောက်နိုင်ဖို့အတွက် ဘယ်သူ့ကိုမှ မငဲ့ညှာဘဲ ခက်ခဲတဲ့ဆုံးဖြတ်ချက်တွေချမှတ်ရပုံများနဲ့ အဖြူအမဲဒွန်တွဲနေတဲ့လူ့သဘာဝကို အပြင်လောကကြီးအတိုင်း လက်တွေ့ဆန်စွာ ကြည့်ရှုခံစားရမှာဖြစ်ပါတယ်။

t.me/nyamakyeetya/5539

ခရစ်တော်၏ ဒုက္ခရာဇဝင် (၂၀၀၄)

IMDb - 7.2/10
Genre - Drama, Indile Drama

သခင်ယေရှုဟာ သူရဲ့သာဝက ၁၂ ပါးနဲ့ ပွဲတော်စားပြီးတဲ့အချိန်မှာ နောက်တစ်နေ့မနက် အသတ်ခံရတော့မှာကိုသိတဲ့အတွက် ဂေသရှေမန်ဥယျာဉ်ထဲမှာ ခမည်းတော် အဘဘုရားဆီဆုတောင်းဖို့သွားခဲ့ပါတယ်။ ဆုတောင်းအပြီးမကြာခင်မှာပဲ ရောမရဲမက်တစ်သိုက်နဲ့အတူ သခင်ယေရှုကို ဖာရိရှဲလို့ခေါ်တဲ့ ထိုခေတ်အခါက ကျမ်းတတ်ပုဂ္ဂိုလ်ဆိုတဲ့လူတွေဆီ ငွေအသပြာ သုံးဆယ်နဲ့ရောင်းစားခဲ့တဲ့ သခင်ယေရှုရဲ့တပည့်တော် ၁၂ ပါးထဲမှ သခင်ယေရှုကိုသစ္စာဖောက်ခဲ့တဲ့ ယုဒရှကာရုတ်ဆိုတဲ့ တပည့်တော်လည်းပါပါတယ်။ ဒီလိုအကြောင်းဖန်လာတာကတော့ ဖာရိရှဲတို့က သခင်ယေရှုကို မှားယွင်းတဲ့ဩဝါဒဖြန့်သူ မဟုတ်မမှန်ဘဲ ဘုရားသားလို့ မိမိကိုယ်ကိုခေါ်ဝေါ်သမုတ်သူဖြစ်တယ်ဆိုပြီး ရဲမက်တွေကိုဖမ်းဆီးခိုင်းလိုက်လို့ပဲဖြစ်ပါတယ်။ ယေရုရှလင်(ဂျေရုဆလင်)မြို့ရဲ့ တရားစိုးမိုးမှုအောက်မှာရှိနေတဲ့ သခင်ယေရှုက နောက်ဆုံးမှာ ဘယ်လိုမျိုးကားစင်တင်သတ်ခံသွားရမလဲဆိုတာကို ဒီဇာတ်ကားထဲမှာရှုမြင်ခံစားကြရမှာပဲဖြစ်ပါတယ်။

t.me/dramaworld001/5893

Necro-mancer, I am The Sco-urge

ကဲကဲ အမိုက်စား ဂိမ်းလောကမှာ ဆရာ့ဆရာကြီးအဖြစ်ရှယ်ကြမ်းတဲ့ကားတွေကြိုက်တယ်ဆိုရင်တော့ ဒီကားလေးက သင့်အတွက်အံကိုက်ပါပဲ 😍

ဒီကားရဲ့ဇာတ်လိုက် လင်မော့ယွီက မတော်တဆ တခြားလောကတစ်ခုကိုရောက်သွားခဲ့ပြီး အဲဒီလောကကြီးက ဂိမ်းလောကနဲ့ပေါင်းစပ်ဖြစ်တည်နေသလိုမျိုးပါ။ စွန့်စားလောကငယ်တွေ လျှို့ဝှက်နယ်မြေတွေနဲ့ တောထဲမှာ မကောင်းဆိုးဝါးတွေလည်း ရှိကြပါသေးတယ်။

ဒီလောကဟာ အလုပ်အကိုင်ပြောင်းဖို့ဦးစားပေးပြီး လင်မော့ယွီရှိနေတဲ့ကျောင်းမှာလည်း အလုပ်အကိုင်ပြောင်းအခမ်းအနားလုပ်ဆောင်ပါတော့တယ်။

အလုပ်အကိုင်မှာ မှော်ဆရာတို့လိုစွမ်းအားကြီးတာရှိသလို လယ်သမားလိုသာမန်အလုပ်အကိုင်လည်းရှိတတ်လေရာ လင်မော့ယွီက “တစ္ဆေဝိညာဉ်မှော်ဆရာ”  အလုပ်အကိုင်ကိုနိုးထသွားခဲ့ပြီး စနစ်နဲ့ပါချိတ်လိုက်နိုင်ပါတော့တယ်။

ဒီလိုနဲ့ သွားလေရာနေရာတိုင်းမှာ အန္တရာယ်ပေါင်းစုံကျော်လွှား နေ့ရက်တိုင်းကိုဂိမ်းဆော့နေသလိုဖြတ်သန်းရင်း တဖြည်းဖြည်း ဘယ်လိုသန်မာသွားမလဲဆိုတာကိုမြင်တွေ့ရမှာပါ။

t.me/animeseriesmyanmar/642

ဖြစ်စေဆရာ မောင်နေးလ် (၂၀၁၅)

IMDb - 6/10
Genre - Comedy, Sci-fi

ကမ္ဘာကြီးကနေ ပြင်ပမှာ ဂြိုဟ်သားတွေရှိလားဆိုပြီးတော့ ဆက်သွယ်ဖို့ အာကာသယာဉ်မှာ လူတွေအကြောင်းရေးပြီး လွှတ်ပေးလိုက်ပါတယ်။ ဒီစာကိုရသွားတဲ့ ဂြိုဟ်သားတွေက လူသားတွေက စကြဝဠာထဲမှာ ဆက်ရှိနေသင့်တဲ့ မျိုးစိတ်လားကို စမ်းသပ်ဖို့ ကမ္ဘာပေါ်က လူတစ်ယောက်ကို လိုတရတဲ့ အစွမ်းပေးလိုက်ပါတယ်။ ဒီအစွမ်းနဲ့ နေးလ် တစ်ယောက်က သူ့အခန်းရှေ့က မိန်းမချောလေး ကတ်သရင်း အချစ်ကို ဘယ်လိုရမလဲ၊ သူက ကမ္ညာကြီးကိုရော ဂြိုဟ်သားတွေလက်ထဲက ကယ်တင်နိုင်မှာလားဆိုတာကို ခွီနေအောင်ကြည့်ရမှာ ဖြစ်ပါတယ်။

t.me/gwmmupl/4594

မီမီ - အမှောင်ထုရဲ့ မင်းသားငယ် (၂၀၂၄)

IMDb - 6.1/10
Genre - Horror

ဒရာကူလာ ဆိုတဲ့ နာမည်နဲ့ ဗမ့်ပိုင်းယား ဒဏ္ဍာရီ ဇာတ်လမ်းတွေဟာ ရှေးယခင်ကတည်းက ယုံကြည်သူတွေရော မယုံကြည်သူတွေပါ ရှိခဲ့တဲ့ အကြောင်းတွေပါ။ ဒီဇာတ်ကားမှာတော့ ဆယ်ကျော်သက်လူငယ်နှစ်ဦးရဲ့ ရင်ခုန်သံစီးချက်တွေနဲ့အတူ ဒီဒဏ္ဍာရီ အကြောင်းကို ယှဉ်တွဲ တင်ဆက်ထားတာ ဖြစ်ပါတယ်။ အီတလီနိုင်ငံ နပိုလီမြို့လေးရဲ့ လမ်းသွယ်တစ်ခုထဲမှာ မိဘမဲ့ဆယ်ကျော်သက်ကောင်လေး မီမီ ဟာ ပီဇာမီးဖို အပူငွေ့တွေ ကြားထဲမှာ ဘဝကို ရုန်းကန်နေပါတယ်။ သူဟာ မွေးလာကတည်းက ခြေထောက်ပုံစံ မူမမှန်တာကြောင့် ငယ်စဉ်ကတည်းက အနိုင်ကျင့်ခံ ဖယ်ကျဉ်ခံခဲ့ရတဲ့ ကောင်လေးဖြစ်ပါတယ်။ တစ်ညမှာ ကာမီလာ ဆိုတဲ့ ဆယ်ကျော်သက် အိမ်ပြေးကောင်မလေး တစ်ယောက်နဲ့ ဆုံတွေ့ချိန်မှာ အရာအားလုံး ပြောင်းလဲသွားခဲ့ပါတယ်။ ကာမီလာ က သူ့ကိုယ်သူ မြို့စား ဒရာကူလာ ရဲ့ မျိုးဆက်လို့ ယုံကြည်ထားပြီး သူမရဲ့ နူးညံ့ပြီး လွတ်လပ်တဲ့ စိတ်ထားက မီမီ ကို အရူးအမူး စွဲလမ်းစေခဲ့ပါတယ်။ သူတို့နှစ်ဦးအတူ လူ့ပတ်ဝန်းကျင်ကို စွန့်ခွာပြီးတော့ လျှို့ဝှက်စွန့်စားမှုတွေ ပြည့်နေတဲ့ ခရီးရှည်ကို စတင်ဖို့ ဆုံးဖြတ်လိုက်တဲ့ အချိန်မှာတော့ ။

t.me/nyamakyeetya/5563

ယုံကြည်မှု (၂၀၂၄)

IMDb - 7.2/10
Genre - Drama

အိမ်ထောင်တစ်ခုမှာ တစ်ယောက်အပေါ်တစ်ယောက် ယုံကြည်မှုက အရေးအကြီးဆုံးဆိုတဲ့ စကားကို အတော်များများကြားဖူးကြမှာပါ။ အခုဇာတ်လမ်းလေးမှာတော့ ဒီစကားလေးရဲ့ အနက်အဓိပ္ပါယ်ကို သိရှိနိုင်မှာဖြစ်ပါတယ်။ ပယ်လ်မာ ဆိုတဲ့ ကောင်မလေးက သူ့ယောက်ျားနဲ့ လက်ထပ်ပြီးမကြာခင်မှာပဲ သူ့ယောက်ျားက ကုန်သွယ်ဖို့ လနဲ့ချီခရီးသွားရဖို့ ဖြစ်လာပါတယ်။ သူမကလည်း သူ့ယောက်ျားပြန်အလာကို အိမ်မှာပဲ စောင့်ဆိုင်းနေရင်းကနေ ကုန်သည်တွေအားလုံး ပြန်လာတဲ့အချိန်မှာ သူ့ယောက်ျားပါမလာတာကို သိလိုက်ရပြီး သူ့ယောက်ျားကို လိုက်ရှာဖို့အတွက် ကိုယ်ဝန်ကြီးနဲ့ တိဗက်ဒေသတစ်ခွင် ခရီးစတင်ခဲ့ပါတယ်။ သူ့ရဲ့ မတ်ဖြစ်တဲ့ ကာမ ဆိုတဲ့ ဘုန်းကြီးကလည်း သူမကိုစောင့်ရှောက်ဖို့ လိုက်ပါလာခဲ့ပါတယ်။ သူ့စကားကိုမယုံကြည်ဘဲ ဘေးစကားကိုယုံကြည်ပြီး ထွက်သွားခဲ့တဲ့ သူ့ယောက်ျားကိုရော ပယ်လ်မာ ပြန်ရှာတွေ့သွားမလား။ ရှာတွေ့သွားရင်ရော ပယ်လ်မာ ဘယ်လိုဆုံးဖြတ်မလဲ။

t.me/dramaworld001/5895

ကိုယ့်ဘဝရဲ့ နေရောင်ခြည် (၂၀၂၄)

IMDb - 7.1/10
Genre - Romance, Drama

တာကုယာ ဆိုတဲ့ကောင်လေးက အမြဲတစ်ယောက်တည်းနေနေတတ်တဲ့အပြင် စကားလည်းထစ်တတ်တော့ ‌အမြဲလှောင်ပြောင်ခံနေရတဲ့သူပေါ့။ အားကစားမှာလည်း သာမန်အဆင့်လောက်ပဲဆိုတော့ ဘေ့စ်ဘောကစားတာဖြစ်ဖြစ် အိုက်စ်ဟော်ကီဖြစ်ဖြစ် အရမ်းသာမန်ဖြစ်နေတဲ့ တာကုယာ ကို ဘယ်သူမှမမြင်ကြဘူးပေါ့။ အဲဒီလိုနဲ့ လမ်းပျောက်နေတဲ့သူကို မြင်လိုက်တဲ့သူက‌တော့ အားကစားနည်းပြဆရာပါ။ ဒီလိုနဲ့ နည်းပြက တာကုယာ ကို အိုက်စ်ဟော်ကီအစား သရုပ်ပြရေခဲပြင်စကိတ်စီးတာကို မိတ်ဆက်ပေးပြီး ကောင်မလေးတစ်ယောက်နဲ့အတူ လေ့ကျင့်ဖို့ တိုက်တွန်းလာချိန်မှာတော့ ။

t.me/dramaworld001/5896

ပျော်ရွှင်စရာ အဆုံးသတ်ကလေး (၂၀၂၄)

IMDb - 7.2/10
Genre - Drama

ယူတာ နဲ့ ခိုအု ဟာ မကြာခင်အနာဂတ်တစ်ခုမှာ ဘွဲ့ယူတော့မယ့် သိပ်ကိုရင်းနှီးတဲ့ အထက်တန်းကျောင်းသားနှစ်ယောက်ဖြစ်ပါတယ်။ သူတို့နေထိုင်တဲ့ တိုကျိုမြို့မှာဆိုရင် အနှစ် ၁၀၀ မှာ တစ်ကြိမ်ပဲဖြစ်တဲ့ အဓိကမြေငလျင်ဘေးအန္တရာယ်ကို ရင်ဆိုင်ဖို့ နေ့စဉ်ကြိုးစားနေရပါတယ်။ တစ်ညမှာတော့ လူမျိုးရေးခွဲခြားတဲ့ ကျောင်းအုပ်ဆရာကြီးကို စနောက်ကြရင်း မမျှော်လင့်ထားတဲ့ အကျိုးဆက်အဖြစ် ကျောင်းမှာ စောင့်ကြည့်ရေးစနစ်ကို တပ်ဆင်ခံခဲ့ရပါတယ်။ ငလျင်ခပ်ကြမ်းကြမ်း တစ်ခါလှုပ်ပြီးတဲ့နောက် စတိုးဆိုင်တွေက ဈေးတွေလျှော့ရောင်းကြ၊ အစိုးရက နိုင်ငံတော်အရေးပေါ်အခြေအနေ ကြေညာကြနဲ့ အုတ်အော်သောင်းနင်းပါပဲ။ ဝန်ကြီးချုပ် ခိတို ကို ဆန့်ကျင်တဲ့ “ဂျပန်ဂုဏ်သိက္ခာကို ပြန်လည်မွမ်းမံမယ်” ဆိုတဲ့ ဆန္ဒပြပွဲတွေလည်း ဆက်တိုက်ဖြစ်လာပါတယ်။ လုံခြုံရေးအရ အရေးယူမှုတွေ များလာတဲ့အချိန်မှာ နိုင်ငံရေးအခြေအနေကလည်း မလိုလားအပ်တဲ့ ပွက်လောရိုက်မှုတွေ များလာပါတယ်။ ဒီအရာတွေကို ခိုအု ဟာ စိတ်ထဲထည့်ပြီး စဉ်းစားလာ‌ပေမဲ့ ယူတာ ကတော့ အရာအားလုံးကို ဘာသိဘာသာဖြစ်နေဆဲပါ။ ခိုအု ဟာ နိုင်ငံရေးသမားခပ်ဆန်ဆန် တက်ကြွတဲ့ ကျောင်းသူတစ်ဦးနဲ့ တွေ့တဲ့အချိန်မှာ သူ့ရဲ့ နိုင်ငံရေးအမြင်က စတင်ပြီး ပေါ်ထွက်လာပါတော့တယ်။ ယူတာ က ဒီလိုအရာတွေကို နားမလည်နိုင်ဘူးလို့ ယုံကြည်လာတဲ့ ခိုအု နဲ့ ယူတာ တို့ရဲ့ သူငယ်ချင်းဆက်ဆံရေးဟာ အေးစက်စက်ကွာဝေးလာပါတော့တယ်။ အမြဲတမ်းအတူရှိခဲ့တဲ့ သူငယ်ချင်းနှစ်ဦးဟာ ပထမဦးဆုံးအကြိမ်အဖြစ် ထင်မြင်ချက်ကွာခြားမှုတွေကို မျက်နှာချင်းဆိုင်လာရတဲ့အခါ။

t.me/dramaworld001/5897

ဆာကူရာ (၂၀၂၄)

IMDb - 5.8/10
Genre - Drama

တက္ကသိုလ်ကျောင်းသူလေးတစ်ယောက်ဟာ ယောက်ျားတစ်ယောက်နောက်ယောင်ခံလိုက်ပြီး သတ်တာခံလိုက်ရပါတယ်။ခရီးစဉ်တစ်ခုစီစဉ်နေရတာကြောင့် သူမရဲ့အမှုကိုရဲတွေက အချိန်ဆွဲခဲ့လို့ နှောင့်နှေးခဲ့ရတာဆိုပြီး သတင်းတိုက်တစ်ခုကနေဖွင့်ချလာတဲ့အခါမှာ အဲဒီသတင်းပေါက်ကြားတဲ့ကိစ္စကို ရှာဖွေရင်း စခန်းမှာရှုပ်သွားခဲ့ရပါတယ်။အီဇုမိ ဆိုတဲ့ရဲဌာနတစ်ခုရဲ့ လူမှုဆက်ဆံရေးဌာနမှာ အလုပ်လုပ်နေတဲ့ကောင်မလေးက သူ့အချစ်ဆုံးသူငယ်ချင်းဖြစ်တဲ့ ချီကာ က အဲဒီသတင်းကိုပေါက်ကြားအောင်လုပ်တာလို့ထင်နေခဲ့တာဖြစ်ပြီး ချီကာ က သူလုပ်တာမဟုတ်ကြောင်း ငြင်းခဲ့ပါတယ်။တစ်ပတ်အကြာလောက်မှာတော့ ချီကာ ကို သေဆုံးလျက်သားတွေ့ခဲ့ရပြီး အီဇုမိ က သူ့ကြောင့်ဆိုတဲ့အပြစ်ရှိစိတ်နဲ့ ချီကာ ရဲ့သေဆုံးမှုကို အားစိုက်စုံစမ်းရင်းနဲ့ သူသိခဲ့ရတဲ့ ခါးသက်တဲ့အမှန်တရားတွေကို လက်ခံနိုင်ပါ့မလားဆိုတာ။

t.me/dramaworld001/5898

လူငယ်ဘဝ (၂၀၂၄)

IMDb - 5.7/10
Genre - Comedy

အသက်အရွယ်တွေ ကြီးပြင်းလာပြီး ၂ဝ ဝန်းကျင်အရွယ်တွေကို ရောက်တဲ့အခါမှာတော့ အဲဒီ သူငယ်ချင်းဆိုတဲ့ အဝန်းအဝိုင်းလေးက တဖြည်းဖြည်း သေးလာတာကိုလည်း ကြုံကြရမှာပါ။ အသက်အရွယ်တစ်ခုရောက်လာတဲ့အခါ ကိုယ်ဘဝတစ်လျှောက်လုံး ပခုံးဖက်ပေါင်းလာခဲ့တဲ့ အခင်ဆုံးသူငယ်ချင်းဟာလည်း အချိန်တိုင်းအနားမှာ မရှိနေနိုင်တော့ပါဘူး။ တစ်ခါတလေမှာဆိုရင် သဘောထားချင်းမတိုက်ဆိုင်ကြတော့လို့ ခွာပြဲကြရတာမျိုးတွေတောင်ရှိတတ်ပါသေးတယ်။ ဒီဇာတ်ကားထဲက ကေတီ နဲ့ ဒီလန်နီ ဟာလည်း အသက် ၁၂ နှစ်ကတည်းက မခွဲမခွာဘဲ အတူတူပေါင်းလာကြတဲ့ အခင်ဆုံး သူငယ်ချင်းတွေပါ။ ဒီလိုနဲ့ သူတို့နှစ်ယောက်အရွယ်ရောက်လာတဲ့အခါမှာ ကေတီ က ချစ်သူရည်းစားအတည်တကျနဲ့ ဘဝကို ဖြတ်သန်းနေပေမဲ့ ဒီလန်နီ ကတော့ ဘဝကို ပျော်ပျော်ပါးပါး စားလိုက် သောက်လိုက်နဲ့ ဖြတ်သန်းနေတုန်းပါပဲ။ ဒါပေမဲ့ ဒီလန်နီ က အပြောင်းအလဲတွေကို မနှစ်သက်သူမို့ သူတို့ရဲ့ သူငယ်ချင်းဆက်ဆံရေးကြားထဲမှာ ကေတီ ရဲ့ ကောင်လေး ဝင်လာတာကို သိပ်သဘောမကျပါဘူး။ တစ်ရက်မှာ ကေတီ က သူ့ကောင်လေး‌ဆီကနေ လက်ထပ်ခွင့်တောင်းခံလိုက်ရတော့ အပြောင်းအလဲတွေ သဘောမကျတတ်တဲ့ ဒီလန်နီ ကို ပြောပြဖို့ အခက်တွေ့လာပါတယ်။ ဒီလိုနဲ့ သူငယ်ချင်းဆက်ဆံရေးကြားထဲ ကတောက်ကဆလေးတွေ ဖြစ်လာတာကို သဘာဝဆန်ဆန် ရိုက်ကူးပြထားတာပါ။ သူငယ်ချင်းဆက်ဆံရေးနဲ့ပတ်သတ်တဲ့အကြောင်းအရာတွေအပြင်၊ လူငယ်တစ်ယောက်ဖြစ်လာတဲ့အခါ ကြုံတွေ့လာရမဲ့ အမျိုးမျိုးသော အပြောင်းအလဲတွေကိုပါ လက်ခံတတ်စေဖို့ကို အဓိကထားပြီး ရိုက်ကူးထားတဲ့ ရုပ်ရှင်ကားကောင်းတစ်ကားဖြစ်ကြောင်း ညွှန်းဆိုလိုက်ချင်ပါတယ်။

t.me/msubmovie0/2926

ကိုယ့်အတွက်မဟုတ်တဲ့အချစ် (၂၀၂၅)

IMDb - 7.1/10
Genre - Romance, Drama

အခုခေတ်မှာတော့ လွတ်လပ်ပွင့်လင်းနေပြီဆိုပေမဲ့ အရင်ခေတ်တုန်းက ယောက်ျားချင်းချစ်ကြိုက်တဲ့သူတွေဆိုရင် ရောဂါဖြစ်နေတယ်လို့တောင်သတ်မှတ်တာတွေ၊ ဥပဒေနဲ့ထိန်းချုပ်ထားတာတွေရှိခဲ့ဖူးပါတယ်။ဒီဇာတ်ကားလေးကို အဲ့ဒီအချိန်ကာလအနေနဲ့ ရိုက်ကူးထားပြီး အဓိကလိင်တူချစ်သူ ၂ ယောက်ကတော့ အိုဝင် နဲ့ ဖီးလစ် တို့နှစ်ယောက်ဖြစ်ပြီး အိုဝင် က စာရေးဆရာ၊ ဖီးလစ် က ဆရာဝန်ဖြစ်ပါတယ်။သူတို့နှစ်ယောက်က ဝေးကွာနေခဲ့တာကြာပြီဖြစ်ပြီး တစ်နေ့မှာတော့ ဖီးလစ် က အိုဝင် ရဲ့ဆီကို ကိစ္စတစ်ခုနဲ့ ပြန်လာခဲ့ပါတယ်။အဲ့ဒီကိစ္စကတော့ သူ့ဆီမှာ လိင်တူစိတ်ဝင်စားမှုကို ကုသနိုင်တဲ့လုပ်ထုံးရှိပြီး သူတို့နှစ်ယောက်လုံး အဲ့ဒါကိုအတူတူလုပ်ကြဖို့ တိုက်တွန်းတာပါပဲ။အိုဝင် က စစချင်းမှာတော့ တုံ့ဆွေးနေခဲ့ပေမဲ့ ဖီးလစ် အဲ့ဒါကိုလုပ်ပြီး ဖြစ်လာတဲ့ရလာဒ်အပေါ်မှာမူတည်ကာ မီးစင်ကြည့်ကသွားမှာဖြစ်တဲ့အတွက် ဒါကြီးကအောင်မြင်သွားပါ့မလား၊ ဒါမျိုးတွေဆိုတာကရော တကယ်ရှိရဲ့လား၊ လိင်တူစိတ်ဝင်စားတယ်ဆိုတာကရော ရောဂါတစ်ခုလားဆိုတာတွေကို ရှုစားရမဲ့ စိတ်ဝင်စားစရာ ဇာတ်လမ်းကောင်းလေးတစ်ကားပဲဖြစ်ပါတယ်။

t.me/dramaworld001/5899